قلة تقدير

Strawberry_74100 🇪🇬

منذ أسبوعين

شعور مرتبك

موضوع:

اكتر كلمه او موقف قفلك من شخص

أنا طول عمري شخصية حساسة جدًا، حرفيًا بزعل من أي كلمة، إلا لو عارفه إن الشخص اللي قدامي بيهزر، بس حتى التطاول في الهزار مش بحبه.... بتضايق من أي حد بيحاول يقلل مني أو من شخصيتي، أو بتريق على مجهوداتي الشخصية وميقدرهاش وللأسف أغلب الناس بقت كدا والموضوع متعب، المشكلة إن أنا أصلاً مش بحب حد يمدحني ولا

Popcorn_40682 🇪🇬

منذ 3 أسابيع

شعور محبط

انا شغال مع عمي من السنه اللي فاتت في الاجازه و كنت اول مره اشتغل و مكتنش اعرف غير حاجات سطحيه في شغل بس انا اتعودت لان عندي مرونه علي الشغل و كان بيديني 500 في الاسبوع و كنت متقبل ده بس و جيت في الاجازه دي اللي هو خلاص انا عارف تلت اربع الشغل واللي شوفته من الشغل المفروض اخد في الاسبوع 600 لكن اتفا

Apple_70037 🇪🇬 افضل معاه لغاية ماتشرب الصنعه وروح اشتغل لوحدك او اشتغل مع حد تاني حتي لو هيظبطلك مرتبك .. شغل القرايب مش حلو ولما الدنيا تريح معاه اول حد هيحط عليه هو انت .. فمتنستناش

عرض الكل 9 نصيحة

Carrot_52708 🇪🇬

منذ شهر واحد

شعور مكسور القلب

كان قبل كدا بيقللو مني العادي بتاعهم ومخليني زي الghost مليش لزمه ومليش وجود ولا ليا كينونه في الشغل ااه زودو مرتبي بس مرتب ايه اللي يزيد وقصاده مهانه وقله تقدير واعتبارك كأنك مش موجود ودلوقتي بعد ما عرفو اني بروح انترفيوهات التقليل بقا علني

Mango_66883 🇪🇬

منذ شهر واحد

شعور متوتر

موضوع:

وقت حسيت فيه ان قيمتك قليله

أن انا كنت خاطب بني ادمه وصلتني اني قليل اوي مع اني كنت بعملها كل خير واللي يخليها تحبني وتبقي مبسوطه بس هي كانت بتقلل من كل تصرفاتي واللي بقدمو ليها ف خلتني احس بقيمتي قليله وف الاخر فشكلت الخطوبه وطلعت فيا القطط الفطسانه وشويه تقول أننا مش متفاهمين

Coffee_41372 🇪🇬 same بس عرفت قيمة نفسي الحقيقة بعدها وولا هيا ولا ميه من فصيلتها يقدرو يهزو ثقتى في نفسي حتى

عرض الكل 12 نصيحة

Ice Cream_55489 🇪🇬

منذ شهر واحد

شعور محبط

موضوع:

ما هو أكثر شيء تفتقده من طفولتك؟

Watermelon_69433 🇰🇼 ربنا يريح قلبك وروحك

عرض الكل 4 نصيحة

عبّر عن شعورك بشكل مجهول

اني احس ان ليا قيمه ... من وانا صغيره محستش بحب بدون شروط كنت طفله جسمي مليان كميه التنمر اللي اتعرضت ليها كفيله انه اموت نفسي ولا تريقه اهلي واحساسهم اني عار زاد ده مع الوقت لحد دلوقتي بحس اني عار وان حد ملوش لازمه وانسان فاشل ... 
كان دايما بيفضلوا غيري عني عمري ما اخترت ما اقدرش أظلم ابويا وامي لان بجد خت منهم دلع وحنيه بس مكنش فيه تقدير الكافي بمعنى كان اولاد عمتي يختارو الحاجه قبل مني لما يكون بابا شاري هدايا للكل وانا من الضمن كان ليهم الاولويه كنت دايما بحس ان بنت قليله واني وحشه شكلي وحش انا فعلا مش بنت جميله ويمكن وصلت لسن ٣٣ ولحد دلوقتي فاشله تخينه مش حلوه ولا عمري حعرف اكون حلوه ....
حتى في المقابلات المهمه انا مليش مكان انتم عارفين اخويا خطب واتعرف على مراته أيامها كانت أول مقابله ليا معاهم يوم الخطوبه الرسمي زي الاغراب بالضبط اكيد حياته وحر فيها وانا والله ما عايزه أتدخل بس انا محضرتش اي حاجه خالص حتى لما اروح بيته مجرد مع ابويا مع اني عايشه لوحدي في شقه جنبه انا بكرهني وكل كا اتعامل مع حد يحسسني الاحساس القليل ده اني وحشه وغير مرغوبه وان مينفعش ابقا حاجه اصلا ولا حاجه في حياه حد انت عارفين انا عمري ما اتحبيت ولا حد شافني بنت اصلا ... كل اللي مريت بيه استغلال مادي او استغلال جنسي بحكم وحدتي لكن حب لا انا بكرهني جدا ... انا مش حد وحش ولا انسان مش متربي بالعكس الكل بيشهد اني حد مؤدب ومتربي حتى لما مر عليا وقت اني كنت تايه فيه ربنا حكاني ومعدتش الخط الأحمر الحمد لله كملها ستر يارب من عندك انا واصله لمرحله الولا حاجه بقالي ٥ ايام متحركتش من البيت وعايزه انام مع اني مبنمش اصلا ولا عايزه اقابل حد ولا اشوف شغل حتى لما بتحرك من الاوضه لاضيق الحدود انا واصله لمرحله انهيار تام ولا حد معايا ولا شايفني  .. يارب انا مليش غيرك فك اسر عبدك يارب

Mango_69340 🇪🇬

منذ شهر واحد

شعور مكسور القلب

عاوزة حلول للتعلق الزائد وليس الحب التعلق اللى يخلى البنى ءادم ينهار انهيار تام بمجرد بعد الشخص ده عنه وان الشخص ده ديما مش مقدر وبيترجم كل ده لنكد وخنقة وتسلط انما لو اخد التعلق الزائد ده فى هديه فى كلام فى اهتمام مش بيترجمه نكد خالص بيترجمه بس فى الوحش انما الحب الزائد بيكون ده طبيعى والشخص المتعل

Orange_67449 🇪🇬

منذ شهر واحد

شعور مكسور القلب

ليه العشره بتهون وليه حد يتخلى عن حد ببعامله بى احترام وتقدير وليه ينخلى عنه علشان ظروفه الماديه وحشه هل المال بقا هـوى اللى بينجح اى علاقه وينفصل عنه بدون اسباب تستاهل الانفصال وبعدها الطرف الاخر يرتبط بى حد تانى علشان مستواه المادى عالى بجد العشره ملهاش قيمه😥

Onion_64725 🇪🇬 دا كله خير واختبارات بنتحط فيها

عرض الكل 8 نصيحة

Biscuit_65114 🇪🇬

منذ شهر واحد

شعور محبط

ازيكم اتمنا تكونو بخير الحال .. انا صغيرة 17 سنه حياتى اتغيرت من بقلها سنه كدا من يوم ما بقيت اتعرف على ناس كتير على تطبيقات و اعمل صداقات مبقتش مهتمه بدراستى ولا بعلاقاتى الواقعية و لا باى حاجة بقيت ادي اهتمام مفرط مقابل انهم يكلمونى فى اوقات فراغهم مبقتش أدى اهتمام لنفسى و حاليا بفكر اقفل موبايلى

Watermelon_65106 🇪🇬 اكرفى لكل حاجة و اى حاجة و ركزى ف مستقبلك و جربى يبقى عندك حياة لوحدك بدون الناس صدقينى مش هتحتاجى حد

عرض الكل 11 نصيحة

Sugar_42521 🇪🇬

منذ شهر واحد

شعور مكسور القلب

محدش مهتم محدش فارق معاه انا كويس ولا لا قادر تعمل حاجه ولا طاقتك وصحتك مش مساعداك مشاعر كل إلى حوليك مهمه وبتحاسب على كل كلمه بتطلع بس منك بس محدش بيحاسب حد على مشاعرك ومهما حاولت تثبت أن مش مشكله حد يهتم ومش فارق معايا حتى قدام نفسى هيجى عليك وقت من كتر ما انت مهزوم مش هتقدر تقاوم قله تقدير إلى

Mango_64226 🇪🇬

منذ شهر واحد

شعور مكسور القلب

بعد معاناة ١٢ سنة غربة وسايبلى كل المسؤلية وكل التعب والغم وانا الاب وانا الام وعدم الاحترام وقلة التقدير راح يحل مشاكلنا بالتفكير بالزواج وهياخدها بعد ما سابنا انا واولاده احنا فى بلد وهو فى بلد قلبى بينفطر واتكسر .. لله المشتكى

Marshmallow_58489 🇪🇬

منذ شهرين

شعور عاطفي

موضوع:

عمرك حسيت إنك مش متقدر وبتلاقي قيمتك وتقديرك في إيه ؟

في ناس كتير بحس اني مش متقدرة وسطهم.. او مش متشافة.. كذا مره ابقي مع قرايبي ال ف سني ويتقالهم هما الكلام الحلو وبيبقي في ترحيب بيهم هما.. وحتي لو انا لوحدي الترحيب بيبقي اقل بكتير ومفيش اهتمام بيا عكس وهما موجودين.... هيا حاجة بتتحس او يمكن انا حاسة بدا زيادة لاني فعلا حاسة اني قليلة حتي جدتي كذا

Watermelon_57764 🇪🇬 شوفي اي اكتر حاجه بتكرهيها فنفسك وغيرها وحاولي تقعدي مع نفسك شويه وتسمعي بودكاستات مفيده وتحاولي تستغلي وقتك فحاجه صح صدقيني ساعتها انت هتحبي نفسك وتحترميها ولو حبيتي نفسك الناس هتحترمك

عرض الكل 6 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

أنا اتجوزت وأنا في تالتة جامعة والحمد لله أتخرجت مع دفعتي  ودلوقتي بقالي خمس سنين متجوزة ومعايا ولدين الحمد لله وكنت برضى بأي حاجة ومش ست متطلبة خالص والله أنا دلوقتي عندي ٢٧ سنة وشكلي كويس يعني الحمد لله أعتبر حلوة وأهلي كويسين الحمد لله ومحترمين 
أبتلائي فين بقى في جوزي، جوزي دلوقتي عنده ٣٩ سنة هو أتقدملي من طرف صاحب بابا وكان كويس وشكله كويس وشغله كويس بس للأسف بعد ما عاشرته عرفته على حقيقته عنده من ناحيتي نقص رهيييب للأسف أكتشفت إنه على النقيض مني في كل حاجة حرفيًا كمان أنا مش عارفة أوصفه هو بحكم شغله بيتعامل مع طوب الأرض زي ما بيقولوا بس هو أغلب علاقاته ستات وستات متجوزة وكلام كتييير وحوارات ومافيش حدود  والمصيبة إنه بيصلي ومش بيسيب فرض وكمان شايف إنه مابيعملش حاجة ده كله بالنسبة له كلام عادي عادي يكلم واحدة متجوزة بالساعات وشات ويحكوا لبعض مشاكلهم عادي يدلع أي واحدة يعرفها وواجهته وكلمت أهله ووقفت عل طلاق ومشاكل للسما وإللي كان بيكلمها جات لي البيت عشان تقنعني إن مافيش حاجة بينهم عشان هددتها أقول لجوزها والكلام ده من سنتين متخيلين وبردو مارتحتش ومابثقش فيه نهااائي كذب وحوارات كتيير ده غير لما كنت بواجهه كان بيمد إيده ده غير إنه كان شتّام الأول ولما عملت مشكلة كبيرة وفضحته بطل يشتم للأسف أنا لحد قريب كنت حاسة إني بحبه بس دلوقتي ماعنتش قادرة أبص في وشه بقيت حاسة ناحيته بالقرف والاشمئزاز سبحان الله كان نفسي أطلع ظلماه أنا للأسف محتاجاه ماديًا ولسة معاه عشان بس بيصرف على عياله ومقررة أول ما إبني الصغير يدخل حضانة أشتغل وأول ما يكون عندي مصدر دخل واقف على رجلي أسيبه وهو عشان عارف كدة رافض نهائي إني أشتغل 
المشكلة إني طبعًا تعبانة نفسيًا وعاطفيًا هو فعليًا أول راجل في حياتي وأول ما اتخطبنا أديته حب ومشاعر كتييير ما أنا  كان عندي كبت بقى وكدة 
وهو كان بيقول إنه بيحبني وكان مستعجل إحنا مكملناش سنة خطوبة بس هو عكسي تمامًا هو خطب قبلي كذا مرة وكان بيرتبط وبيحب وهو حكالي مرة إنه باس بنت كان بيحبها واتقدملها المفيد إني مش أول واحده عنده ومن ساعة ما عرف الست دي المتجوزة وهو بقى عنده تبلد وبرود عاطفي لدرجة إنه مش بيبصلي وإحنا بنتكلم المشكلة إنه عمره ما قصر في العلاقة الحميمة بس بحس إنه بيعملها رغبة وشهوة ناحيتي مش بيعملها حب هو مابيقدرش يقاومني نهائي ولما كنت بحبه فعلاً وأقرب منه كان بيدوب معايا بس في نفس الوقت مش بيبطل يعرف الستات دي وبيفضل يتكلم ويصاحب عادي ومابيعملش حساب لوجودي ومشاعري المشكلة إني لاحظت إنه فعلاً مابيكونش في حاجة بس هي مرقعة وخلاص يحكي ويهزر ويتكلم وعنده طاقة ليهم ويجي عندي مش بيفتكرني ولا بيحب مني غير العلاقة الخاصة وبس لحد ما أنا خلاص مشاعري جفت واطفت من ناحيته :وقولت له ونبهته إن مشاعري ناحيته بتتغير وماعنتش بحبه زي الأول وهو كل إللي عليه يدافع عن نفسه وبينكر كل حاااجة ودي اوهام في دماغي وخيالات وإني مريضة ووووو والاسطوانة إللي الرجالة بتشغلها لدرجة يشككني في نفسي 
الأيام بقت بتمر عليا تقيييلة أوي نفسي أسيب كل حاجة وأمشي أطلعه من حياتي كأني معرفتوش بس ولادي ذنبهم إيه هما بيحبوه أوي وهو حنين عليهم وبيحبهم مش عارفة أعمل إيه هو عملي أزمة ثقة يعني أنا مش عارفة أثق في حد حتى لو أطلقت منه ماعتقدش هقدر أثق في أي راجل تاني 
عمّآلة أفكر في عمري إللي بيعدّي مش قادرة أتخيل إني هكمل حياتي كدة هو مش عاوز يسبني وبينكر كل حاجة وبيقول إنه بيحبني ومايقدرش يستغنى عني ومالوش غيرنا أنا والعيال ومالوش غير بيته 
بس أعمل إيه وأنا حاسة إني مش في قلبه أعمل إيه في قلة التقدير والمواقف إللي بتبين حقيقية مشاعره 
هو عارف في قرارة نفسه إنه مش هيعرف يعوضني نسيت أقول إن الست إللي يعرفها دي عندها ٤٠ سنة ومتجوزة و٣ عيال ويعرف جوزها كمان وأهلها وعلاقتهم قوية قوي ولسة بعد الفضايح والمشاكل إللي حصلت بيتكلموا بردو وبيحصل بينهم شغل
أنا أكتشفت إني وسطيهم كلهم صغيرة أوي بالنسبالهم كل إللي يعرفهم في التلاتينات وإللي يعرفهم من سني بيقولوله يا عمو!
أنا ماكنتش حاسة بفرق السن وكنت متخيلاه ناضج وعاقل لكن للأسف هو نجح يحسسني بكل الفروق إللي بينا. أفيدوني أفادكم الله.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_58210 🇪🇬

منذ شهرين

شعور متعب

أنا مش ضعيفة.. أنا موجوعة بس ساكتة" أنا بنت عدت على حاجات كتير محدش يعرفها، ولا اتكلمت عنها. اتربيت في بيت ماكنتش فيه الكلمة الحلوة عادة، ولا الاحتواء كان أساسي. كبرت وأنا بحاول أفهم أنا غلطانة في إيه؟ ليه مفيش تقدير؟ ليه لازم أفضل ساكتة عشان الناس ترتاح؟ تخرجت من كلية تعبت فيها، وكنت فاكرة إن دي

Coffee_57654 🇪🇬 اهمال الاهل خلاكي مشتته و محتاجه توجيه.. نفسك في حجات كتير بس مش عارفه تختاري انهي طريق تمشي فيه..مش محتاجه سند من حد قد ما محتاجه تقدير عن كل المريتي بيه و عديتي بيه منه لوحدك..

عرض الكل 20 نصيحة

Cherry_57891 🇪🇬

منذ شهرين

شعور مكسور القلب

السلام عليكم انا عندي مشكله ف الشغل بقالي فتره ان اللي ماسكه القسم بتاعي بتخليني اعمل شغلي عادي وتوصل للمدير ان هي اللي عملاه والموضوع ده محسسني بقله تقدير وتعبني نفسيا جدا لدرجه اني عايزه اسيب الشغل وف الفتره الأخيرة كمان لما بدات اتكلم واقول ان ده شغلي وانا اللي عملاه بقت بتدخل ف شغلي علشان برده

Blueberry_57809 🇪🇬 أعطي الشغل حجمه وأنت فعلا هتعرفي أنها مواقف وبتعدي، كدا كدا هيا الي ماسكة القسم وبيكون في ترتيب معين، والمديرة راضية وعادي، أهم حاجة عندهم الشغل يكون ماشي ومفيش حد بتاع مشاكل، مهما كنت شاطرة في شغلك، إذا اتهموك أنك عاملة قلق، فأنت هتتبدلي بغيرك، فأنت استمري في إتقان العمل، جت فرصة تنسبيه لنفسك جت، مجتش فكدا كدا مش أنت الي بتسلميه

عرض الكل 4 نصيحة

Blueberry_57809 🇪🇬

منذ 3 أشهر

شعور محبط

موضوع:

مشاكلك في الشغل

مش قادرة أنسى تناكة زمايلي عليا في الشغل بالذات واحد منهم قد ايه كانوا بيتعمدوا يحسسوني إني أقل منهم ويحاسبوني لو اتكلمت معاهم بطريقة عادية لازم أتكلم باحترام زيادة عمري ما بنسى لما واحد منهم نده عليا ورجع قالي أنا خلصت امشي بأسلوب زي الزفت

Blueberry_57280 🇪🇬 بيئة العمل مهمة جدا حاول تشوف شغل تاني بدل ده (متمشيش من ده غير لما تتأكد ان في شغل تاتي)

عرض الكل 9 نصيحة

Avocado_63863 🇪🇬

حبيته وسبني ومش فاتح بالي وهو عايش عادي

حاسه اني ضيعه خصوصا بعد ما حبيته وسبني وبعد كل اللي كنت بعمله اللي يطلبه سبني وكمان غلط فيا طيب هو هيتردله الاذي ده المشكله اللي وجع قلبي أنه عايش حياته عادي ماشي ورامي كل الغلط عليا طلعني انا اللي وحشه بعد مكان ههيموت عليا قلبي متكسر ميت حته اعمل اي تايه بمعني الكلام وهو عايش حياته هو اصلا مش فكرني 💔💔 ...عرض المزيد

2 الدعم

27 نصيحة

Apple_60650 🇪🇬

أمي خاينة أبويا ومش عارفة أقول له

ازيكم انا عندي 26سنه متجوزه وبحب جوزي ومعانا ولدين دي القمر ربنا يخلهملي يارب بصلي الحمد لله المشكله الا في حياتي هيا امي امي على علاقه ب راجل تاني غير بابا وبابا راجل كبير ف السن 77سنه واني أصغر منو ب كتير المهم انها على طول مسوده عيشه ابويا ومبهداله وشتيمه وقله قيمه ومعايره انو مبقاش يقدر يعمل معاها علاقه معرفا الناس كلها كل الرجاله آلاف العيله او الا بره العيله عارفين انو مقصر ف الحكايه دي انا دلوقتي وقعت تحت ايدي ركورادت ليها معا الشخص الا هيا ماشيا معاه ده ومش عارفه اعمل ايه ابويا صعبان عليا جدا ومن شهر ابويا عمل معاها مشكله كبيره وساب البيت ومشي ودخل اخوها وعشان هيا مقتدره ماديا اخوه كدب ابويا وقالو هنرفع عليك قضيه سب وانك بتخوض ف عرض اختي وجه ف صف اخته عشان بتصرف عليه انا دلوقتي معايا دليل ان بابا عنده حق ومش عارفه اقول ل بابا ولا اعمل اي انا بحب بابا جدا وصعبان عليا الا بيحصل فيه ده انصحوني ...عرض المزيد

3 الدعم

20 نصيحة

Strawberry_70616 🇪🇬

محتارة أوي أعمل ايه في حياتي بعد التخرج

انا محتاره اوي أعمل ايه في حياتي لسه متخرجه من كام شهر و من بعد ما اتخرجت وأنا تيهه لدرجه إني مستلمتش لسه الشهادة من كتر ما انا بهرب من الحقيقه معتش عرفه اعمل ايه اشتغل ولا اتجوز و ساعات بميل لأني اتجوز و استقر و اعمل بيت و ساعات إميل إني اشتغل بس مش عرفه اعمل ايه صحابي إلي قدي في منهم مخطوب و متجوز و استقر و في منهم بداء يشتغل بس لما باجي أشوف حياتهم برضو مش هو دا إلي ببقي عيزاه بيبقي شغلهم أصلا بره التخصص أو شغل مش حباه و إلي متجوز ببقي شايفه طبعا أن وضع جوزهم دا مش مناسبني بس علي الأقل بيبقو عملو حاجه عيزنها أو مختارنها انا مش بابص ولا يقارن حياتي با حياه حد نهائي بالعكس إلي هما فيه مش عجباني بس خايفه أوافق مثلا علي حد أو جوازه مش عجباني لمجرد أن مفيش رجاله كويسه في الزمن دا و كدا فا أرضي با أقل الخساير أو شغلانه مش حباها عشان أهو اسما بشتغل اعمل ايه بجد تعبت ...عرض المزيد

0 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع