ما هو أكثر شيء تفتقده من طفولتك؟

Question

شارك ذكرياتك عن أكثر شيء تفتقده من أيام طفولتك، سواء كان لعبة، مكان، عادة، أو شخص، ولماذا تفتقده.

Mango_67724 🇪🇬 · Answer

افقتقد جدتى 💔افتقد البال الهادئ 
افتقد الفرحة والرسم 
افتقد اللعب 
افتقد الراحة والفراغ بعيدا عن الهموم وابمشاكل 
افقتد نفسي القديمة 
افتقد ذاتى كثيرا ولا اعرف كيف اعوضها

افتقد قلبى وراحة عقلى

Coffee_65980 🇪🇬 · Answer

افتقد أبويا أو بمعنى أصح إنى أحس إن أبويا هو أبويا لأن اللى ربانى من وانا صغير عمى أينعم كنت عايش مع ابويا وامى لكن ابويا كان بينزل الصبح واحنا فى المدرسة ويرجع بالليل غالبا بعد مانكون نمنا انا واخواتى وكان اللى بيتابعنى وبيسئل عليا وعلى دراستى وكان دايما مهتم بكل مايخصنى كان عمى الله يرحمه يارب ويسامحه هو حاليا متوفى من سنتين وده اللى فعلاً حسيت إنه أبويا إنما ابويا اللى خلفنى موجود حاليا بس تعبان عنده زهايمر وخرف ربنا يشفيه يارب لكنى للأسف بعامل ربنا معاه بس مش بعامل أبويا اللى ربانى

Watermelon_67328 🇪🇬 · Answer

الحنان و الامان
من وانا صغيره و كل عيلتي مش عطياني حب و اهتمام كنت بحس اني غريبه وسطهم و دائما البيت بيكون مصدر للخوف بدل الامان و الراحه . ابويا مكنش مهتم بيا و دايما ساكت لانه مش بيحب يتكلم كتير و لما بيتكلم كان بس بيقعد بديني أوامر و يتريق علي طريقتي بس عمره ما قالي كلمه حلوه او شجعني . خلاني اطلع بكرهه بكل صفاته و عمري ما هكون عايزه واحد كده في حياتي . كنت بحس بخنقه لما يجي يحضني و فعلا اتاذيت منه اوي . عيلتي خلوني اطلع مرعوبه من كل الناس و من الحياه كلها خلوني أخوض حجات وانا مكنتش قدامها خالص و في سن صغير اوي و انا دلوقتي عندي 15 سنه بس دايما لما بروح عند الدكتور النفسي بتاعي بيقولي أني مختلفه عن سني و اكبر بكتير . بس الجمله دي بحسها وحشه قد ما الناس بتعتبرها حاجه حلوه

Donut_68128 🇪🇬 · Answer

الحنية واني احس اني متشافة
اما الطفلة الصغيرة اللي محدش كان شايفها ، اب وام بيعندوا ادام بعض في اي طلب هي تطلبه فكبرت شوية وعرفت تلعبها ازاي عشان توصل للي هي عايزاه 
و ف الاخر اكتشفت ان ابويا للاسف مش شخص امين ولا سوي ، وامي هي اللي كانت متعذبة معاه ومن كتر اللي شافته وعانته معاه لسه لغاية دلوقتي بتعاملني بعد م بقى عمري ٣٠ سنة نفس معاملة الطفلة اللي كانت بتعند ووحشة ف تصرفاتها وكل حاجة ، مع العلم اني اتغيرت ١٨٠ بشهادتها هي اول واحدة ..

Strawberry_68190 🇪🇬 · Answer

حقيقي كنت طيبة جدا و كنت دايما حاسة بعدم اهتمام من الكل 
اوحش حاجة كانت بتحصلي في المدرسة ان مكنش حد بيحبني و ان الكل كان بيعايرني اني عندي شفة ارنبية و كانوا بيفضلوا يتريقوا عليا و يقولولي ي ام شفة 
كنت بجد بزعل اوي وبحس اني قليلة جدا 
كنت عايشة ف السعودية و مكنش حد بيرضى يصاحبني عشان كدا و حتى بره المدرسة كنت بتعرض لكمية تريقة و قلة ادب محدش يستحملها ف حياته اقسم بالله

Strawberry_66962 🇪🇬 · Answer

الاهتمام وان حد يسمعني لدرجه اني كبرت وسط اهلي وبقوا يستغربوا مش بتكلم معاهم كتير ليه ملحظوش ده غير بعد ما كبرت ..كنت محتاجه حد اتعود أنه يسمعني واشاركه اسراري ومشاكلي لكن للأسف اتعودت على الصمت وكتمان المشاعر الي بتظهر على شكلي وملامحي ...وحاليا هوما الي بيستغربوا ويتضايقوا انا ليه مش بتكلم معاهم ولو عندي مشاكل ف دراستي أو مع صحابي أو اي حاجه عموما بحلها مع نفسي ...ولما فكرت احب وارتبط كان عشان عارف يطلع الكلام من جوايا وبيهتم بيا مش عشان بحبه ومعجبه بيه وده كان اسؤ حاجه عملتها اذيته واذيت نفسي

Peanut_68412 🇪🇬 · Answer

قد ايه الدنيا كانت بسيطه كان احساس كل حاجه مختلف همومنا كانت قليله كانت اصعب مشكله ممكن تقبلك ان ابويا ميوفقش ان انزل العب كل المشاكل كانت مجهوله يعني كنت عايش في نعيم الجهل معرفش ان الشهاده مهمه معرفش ان ف جيش هيجي ف اكتر وقت انت تايه فيه و كتير من المشاكل دي

Mango_34757 🇪🇬 · Answer

يااااه انا مفتقده حاجات كتير اولهم ان انا زمان كنت بنام وانا دماغي مش بتفكر في مليون حاجه ثانيا صحابي كانو سالكين بمعني الكلمة عمري ما هعرف اعمل زيهم تاني ثالثا بق الاهل الاهتمام الي بيبقي ليكي وانتي صغيره غير لما تكبري ويبقي عندك اخ واخت الاهتمام بيقل مع الوقت ودي.حاجه مش حلوه خالص رابعا بقي الحياه كانت اسهل بكتير زمان كانت كل حاجه حلوه وتحبي تعشيها زمان كنا مش بنحب ننام بدري دلوقتي بنام بدري علشان منفكرش كتير كل حاجه زمان فعلا مفتقداها ولو الاقي الي يرجعني زمان لو يوم واحد هديلو عمري كلو بس ارجع ولو يوم

Avocado_68382 🇪🇬 · Answer

بابا يفضل موجود اللهم لااعتراض علي قضاءك وقدرك بس الامان اللي كان موجود وقتها مفتقداه 
المليون مشكلة حاليا مكنتش هتبقا موجودة الخوف  اللي بحسو ف اوقات كتير علي اخواتي وماما من الناس لما يعرفو ان مفيش أب يعتبروك ولا حاجة
لي أي حد سواء غريب وقريب او زوج يعرف انك  ملكيش سند وضهر يبدأ يعاملك كأنك قليلةدا محصلش معايا بس حصل مع اختي ومسببلي عقدة من الزواج وانا سني ييكبر  افتكر لو بابا كان موجود كان الموضوع هيفرق

Coffee_68775 🇪🇬 · Answer

انا 😅
ايوه جدا مفتقداني مفتقده كل ما فيا حقيقي لما كبرت ملقتنيش لقيتني واحده تانيه تايهة و ضايعه مبقاش عندي احلام بقيت فاهمه اللي حواليا و ده ضيعني مني 🥺🥺🥺
وحشتني نفسي زمان وحشني اني يبقي عندي حلم وهدف وحشني الضحكه اللي من القلب واني مش شايله هم حاجه وحشتني عيوني وهي مش دبلانه من العياط وحشني كل حاجه

Ice Cream_69332 🇪🇬 · Answer

انا  زمان زى النهارده..نفس الهموم ونفس المشاكل
بس تغير الناس والمواضيع مش اكتر...
الازازه اتملت ع اخرها والطاقة خلصت .. 
من يومى اشارك مع اهلى المشاكل دى
اسمع ده واطبطب ع ده ...واخاف من زعل ده 
وخاصه خلافات الاهل..بتملأ عقل الطفل وتخوفه
مقدرش اقول ان عشت حياه طفولية سهله
رغم تعلمى ف مكان محترم وتفوقى الدراسى
الا ان جانب الراحه النفسية مكنش كامل

Marshmallow_69067 🇪🇬 · Answer

اني اتحب من غير شروط
 اني اتدلع دلع مبالغ فيه لاني بنوتة
 اني مخافش واحس بالامان ومحسش اني مضطرة احمي مشاعري من اقرب الناس ليا
اني محسش اني طول وقت في محكمة وبتحاسب اني اطمن حتى لو غلطانة مش مهم هنصلح الغلط سوا بس احنا بنحبك 
الطبطبة والاحضان وكلمة انتي جميلة انتي اكتر بنت مميزة
 احنا فخورين بيكي 
اني متقارنش بحد 
جوايا زي اوضة وااااسعة كانت المفروض تتملى حب بس كبرت وفضلت فاضية
يمكن انا فعلا مكنتش استحق اتحب بالشكل الي محتاجاة يمكن المشكلة فيا انا وفي وجودى اصلا 
معنديش تعبير اكبر من اني قلبي وروحي اتخربشوا خرابيش كتير لحد ما ضاعت ملامحهم 
كنت طفلة روحها وحيدة حاولت احب نفسي معرفتش حاولت اعمل صحاب يحبوني واقدملهم كتير معرفتش حاولت اكون كويسة من وجهة نظر الي حوليا معرفتش لحد ما ضلمت والنور طفى جوا روحي 
لحظات كتير بتمر عليا بحس بالعار من فكرة وجودى في الدنيا واني مستحقش اكون انسانة اصلا 
انا حتى كنت بتلام ان كلامهم بيوجعني وبيتهموني اني حساسة انا وانا بكتب اصلا الكلام كأنه بيحرق روحي

Coffee_55489 🇪🇬 · Answer

اني احس ان ليا قيمه ... من وانا صغيره محستش بحب بدون شروط كنت طفله جسمي مليان كميه التنمر اللي اتعرضت ليها كفيله انه اموت نفسي ولا تريقه اهلي واحساسهم اني عار زاد ده مع الوقت لحد دلوقتي بحس اني عار وان حد ملوش لازمه وانسان فاشل ... 
كان دايما بيفضلوا غيري عني عمري ما اخترت ما اقدرش أظلم ابويا وامي لان بجد خت منهم دلع وحنيه بس مكنش فيه تقدير الكافي بمعنى كان اولاد عمتي يختارو الحاجه قبل مني لما يكون بابا شاري هدايا للكل وانا من الضمن كان ليهم الاولويه كنت دايما بحس ان بنت قليله واني وحشه شكلي وحش انا فعلا مش بنت جميله ويمكن وصلت لسن ٣٣ ولحد دلوقتي فاشله تخينه مش حلوه ولا عمري حعرف اكون حلوه ....
حتى في المقابلات المهمه انا مليش مكان انتم عارفين اخويا خطب واتعرف على مراته أيامها كانت أول مقابله ليا معاهم يوم الخطوبه الرسمي زي الاغراب بالضبط اكيد حياته وحر فيها وانا والله ما عايزه أتدخل بس انا محضرتش اي حاجه خالص حتى لما اروح بيته مجرد مع ابويا مع اني عايشه لوحدي في شقه جنبه انا بكرهني وكل كا اتعامل مع حد يحسسني الاحساس القليل ده اني وحشه وغير مرغوبه وان مينفعش ابقا حاجه اصلا ولا حاجه في حياه حد انت عارفين انا عمري ما اتحبيت ولا حد شافني بنت اصلا ... كل اللي مريت بيه استغلال مادي او استغلال جنسي بحكم وحدتي لكن حب لا انا بكرهني جدا ... انا مش حد وحش ولا انسان مش متربي بالعكس الكل بيشهد اني حد مؤدب ومتربي حتى لما مر عليا وقت اني كنت تايه فيه ربنا حكاني ومعدتش الخط الأحمر الحمد لله كملها ستر يارب من عندك انا واصله لمرحله الولا حاجه بقالي ٥ ايام متحركتش من البيت وعايزه انام مع اني مبنمش اصلا ولا عايزه اقابل حد ولا اشوف شغل حتى لما بتحرك من الاوضه لاضيق الحدود انا واصله لمرحله انهيار تام ولا حد معايا ولا شايفني  .. يارب انا مليش غيرك فك اسر عبدك يارب

Chilli_68026 🇪🇬 · Answer

اكتر حاجة كان نفسي فيها ان بابا وماما يكلموني عن ربنا واسمع قرآن يقولولي الصح والغلط، يحكولي عن سيدنا محمد يحكولي السيرة يعلموني الصلاه ونتجمع ونحكي عن ربنا .. للأسف كل كلامهم عن الفلوس لحد ما كبرت امي ماتت وابويا لحد سن ال70 برضه مفيش، في دماغه غير الفلوس انا اتعلمت كل حاجة لوحدي وعافرت بس برضه فيا حاجة غلط

Nutella_67175 🇪🇬 · Answer

الاستقرار مفتقدة جدا الاستقرار في كل حاجة كمعيشة طفولتي كانت في غربة ولما بتتعود بتيجي ظروف تنقلك لبلد تانية حتى لو البلد ديه بلدك فانت لسه هتتعود على كل حاجة من أول وجديد.
كاصحاب بحكم التنقل بتودع ناس وبتفارق ناس.
كشغل خسر شغل وبدأت من أول وجديد. وكسكن خسرت سكني ولسه بتنقل من مكان لمكان.
وكعلاقات لسه ملقيتش السكن والملاذ.
فاللهم ارزقني الاستقرار وراحة البال. 🙏🏻🙏🏻

Banana_71311 🇪🇬 · Answer

الاستقرار اني ارجع البلد الي كنت عايش فيها الاقي نفس الناس و نفس الحياة و نلعب في الشارع زي زمان و ترجع ايام المدرسة و ترجع كل حاجة زي زمان انا تخطيت حاجات كتير صعبة و لحد الآن ليا ٥ سنين مش قادر اتخطى الايام دي حتى لما برجع هناك بلاقي كل حاجة اتغيرت الاماكن الناس مفضلش حد من صحابي بفضل ماشي في الشوارع هناك لوحدي بليل اقعد اعدي على كل الاماكن الي كنا بنقعد فيها و اشوف البيوت الي كانو ساكنين فيها صحابي

Mango_71733 🇪🇬 · Answer

وجود بابا معايا
كان وجوده بالدنيا 
وأقسم اني كنت طفلة من يوم ما فقدته مرجعتش ابدا زي ما كنت ، كانت أول هزايمي وخساراتي 
من بعد يوم فراقه حياتي اتغيرت ١٨٠ درجة 
فقدت الراحة والأمان والحب فقدت أغلي ما في حياتي فقدت نفسي معاه ومفتقدة جدا نفسي وهو موجود

Marshmallow_70902 🇪🇬 · Answer

الحضن والحنيه …
طول عمري الابن الكبير الي مطلوب منه يبقى شاطر متفوق قدوه ويعتمد على نفسه والخ الخ الخ 
لكن محدش من الي طالبين مني ده فكر يحن عليا ويحسسني اني مشاعري مهمه كانو بيعاملوني زي الاله وكل واحد عايز يحقق حلمه من خلالي محدش فكر في حلمي انا ايه 
كان نفسي اتحضن وكان نفسي حد يقدر مشاعري دلوقت انا كبرت وانا انسان بدي مشاعر دايما ومش بلاقي مقابل وبزعل وبضايق لان فاقد الشيء بيعطيه بكثره وانا فقدت ده وبديه وفي الاخر انا الي دايمه قلبي موجود وتعبان وحزين والحزن استهلكني معتش فيا طاقه وانطفيت وتعبت معتش فيه حاجه تقدر توصف حالتي غير اني تعبت حقيقي تعبت

Tofu_71960 🇪🇬 · Answer

جدي الله يرحمو 
كل الي احنا فيه ده من خيرو قبل م يموت بس عاش حياه صعبه عشان يوفر كل الحجات دي اتخذل من اقرب صاحب ليه سرقو وخد فلوسو كلها وهرب واستحمل واستحمل حجات عمر محد قدر يستحملها ومع ذلك كان حنين علينا كلنا وبيجبلنا كلنا كل الي نفسنا فيه بس للاسف مات بكانسر ادعولو بالرحمه..

Orange_66663 🇪🇬 · Answer

الراحة و الامان و صوت امي و اكلها و النوم العميق و ريحة المدرسة الصبح و شعري الصحي و النوم بدري و نصايح ابويا اللي كان بيعمل بيها و نشاطي و الكلام مع أمي في المطبخ و اللعب مع أخواتي قبل ما ننشغل بالموبايلات

Marshmallow_69067 🇪🇬 · Answer

انى اتحرك والعب كتير واطلع رحلات كتير ويكون عندى ذكريات غير المدرسة والمذاكرة لان دا اثر عليا لما كبرت انى مبقتش بحب الخروج وبحب اعمل كل حاجة لوحدى  ومهما حاولت مش عارفة اغير طبعى ودا بيعرضنى ل لوم كتير