مشاكلك في الشغل

Question

احكو عن مشاكل الشغل وهل انتو مرتاحين في شغلكم

Coffee_52905 🇪🇬 · Answer

صاحب الشغل عبيط وناس ياما بتسرقه وياما كشفنا ولحد اول الاسبوع دا واحد كان عايز يصاحبني باي شكل وحاليًا مش طايقه 😂 لاقيته بيقول انه اتسرق اتاري الباشا سرق نفسه وسرق حاجة معدات بتاعت الشغل وصاحب الشغل جابله تلفون جديد بدل اللي قال انه اتسرق ( وهوا متسرقش ولا حاجه أصلًا 😂) ومهما تقول برضه صاحب الشغل مغفل ونفسي ياخد باله من ماله غير كده عادي قرف مش مشكله

Apple_54109 🇪🇬 · Answer

انا بشتغل خدمة عملاء في احدي شركات الاتصالات النصابة
وفي يوم كان فية عميل كان عايز يطربني 
و يتهجم عليا و خالا الناس يتعاركوا معايا 
كل دة عشان كان فية مشكله في السيستم مش بيجدد الباقات الشهرية من يوم القبيلة و الشركه مابلغتناش بايميل 
فانا روحت الفرع و معايا واحد بس 
كنا شغالين ٢ موظف فقط في فرع رئيسي قصاد ٢٠ عميل 
المهم الحمد لله الموضوع عدي ولكن انا ليسا مضايق من الموقف دة لاني كنت حتضرب من العميل 
العميل كان بيجري في اتجاهي و كان عايز يطربني 
انا كان ممكن اضربة بس المشكله اني حلاقي ١٩ عميل بيضربوني فسكت و معاملتش حاجه

Mango_53608 🇪🇬 · Answer

أنا بحب شغلي جدا ، بس الناس الموجودين معايا ف الشغل مكفريني في عشتي ومحدش بيعجبه حاجه ، نمشي صح يقولوا لا امشي غلط ، امشي غلط يقولوا امشي صح ، وبصراحة مابقيتش فاهم حاجه خالص ، حاسس إني شغال مع عالم مؤذيه نفسيا ، معايا كذا حد بحكم أنهم اعلي مني في الترتيب الوظيفي ف حابب أقول إنهم ابضن خلق الله وكل واحد مفكر دمه خفيف ويفضلوا كل شويه يحكوها مع الحريم وهما شويه عرر ف الآخر ومعر*ين ومافيش شخصيه بجني واحد ….

Mango_53608 🇪🇬 · Answer

بحكم شغلي ف أنا بتعامل مع ناس كتير جدا وجميع فئات المجتمع وجنسيات كتير جدا ، تمام لحد كدا ! تمام … 
أنا بحب اصطبح وعارف ان كدا غلط وكل حاجه بس أنا بحس نفسي مبسوط وانا شغال لما بصطبح و بطلع شغل جميل ومجهود رهيب ببذله ، معرفش أنا لوحدي اللي كدا ولا فيا حاجه غلط … 
وبعدين حاولت ماشربش وقت الشغل بس بحس إني ف مجتمع متخلف والاصطباحه دي اللي حيشاني عن الحقيقة

Ice Cream_55001 🇪🇬 · Answer

انا بشتغل ف بنك مش ف فرع زي ما انتو متعودين انا تبع الاداره بيبقا شغلي ف المبيعات طول اليوم بره البنك ماليش مواعيد محدده بس ف الغالب من ١٢ ل ١٠ كل يوم 
بقبض ٦٠٠٠ جنيه ف الشهر 
انا عندي ٢٥ سنه قبضي كله تقريبا بيتصرف انا محبط و متدمر نفسيا انا مش عارف اعمل لنفسي حاجه وكل الل حواليا بيقولولي اصبر ٣ او ٤ سنين هتترقي و تقبض قبض كويس و ده حقيقي يعني كل الناس القديمه فاتحين بيوت مشاءالله و متجوزين و مبسوطين بس انا مش قادر افضل ٣ او ٤ سنين بضيع وقت ف الفاضي و مقداميش حاجه تاني اعملها و محتار و مش عارف اعمل ايه

Cheese_55135 🇪🇬 · Answer

مقدرش اقول مرتاح في شغلي انا بحبه جدا
ودي مشكلتي كجرافيك ديزاينر
انا قابلت في حياتي ناس نصابة بتاكل حق الناس بمنتهى البجاحة
وقابلت صاحب شركة ينصب عليك نصب الدنيا والاخرة ويقولك انا جدع معاك

وفيه اللي بيقول انا علمت ناس زيك وهو اساسا فاشل في شغله

انا شغلانتي حلوة وجميلة .. بس بتوقعني مع ناس عايزة الحرق

Coffee_52736 🇪🇬 · Answer

انا بشتغل ف مدرسة انترناشونال  Art teacher مرتاحه ف شغلي وبحبه   وبحب مديرتي  جدا مديرة المرحله اللي شغله فيها  ومديرة المدرسة كويسه جداااا    
المدرسه فيها مميزات حلوه مش موجوده ممكن ف المدارس التانيه  بس ف تالت حاجات مخليني مش عايزه أكمل واشوف شغل تاني 
 الاستف اللي معايا   اسلوبها البنت اللي شغاله معايا  مش احسن حاجه بتعتبرني مش موجوده معاها وبتاخد  قرارات ف الشغل من غير متقولي  مش بتشاركني  وطبيعة شغلنا نشارك بعض ف الشغل  دي اقل حاجه بتعملها معايا  بحس كمان ان شغلي مش بيعجبهم ( الاستف يعني )   فانا مش مرتاحه  معاهم  رغم أنهم كويسين مش وحشين 
  تاني حاجه اني مش بتعلم حاجه جديده مش بطور من نفسي 
تالت حاجه. مش عايزين يزودني ف المرتب  وانا بقالي سنه معاهم   رغم ان شغلي  متعب جداا

Avocado_55870 🇪🇬 · Answer

انا بكره مديري علي طول عصبي و بيعيشني في توتر عصبي    و انا لا بقيت طايقاه و لا طريقة الشغل و لا طريقة اشوف شكل اهله هو صاحب العمارة ااي انا مأجرة فيها و بدفع الإيجار من مرتبي بسبب ظروف اهلي المادية

Banana_56622 🇪🇬 · Answer

اكتر مشكله قابلتها في الشغل هي النفاق لما الناس تتجمع مع بعض بتشوف كميه حب وود ومحبه رهيبه وتحس أنهم بيطلعزا قلوب من وشهم ....اول لما يتفرقوا كل واحد يشتم فالتاني ويطلع فيه كل العبر اللي فيه واللي مش فيه وانا بطبيعتي بحب اسمع للجميع ومحكمش علي حد فكانوا بيرتاحو اوي معايا في الكلام وكل واحد بيفضح التاني ....اشتغلت معاهم ٤شهور شوفت الطبيعه البشريه علي حقيقتها

Banana_57181 🇪🇬 · Answer

دايما بحس ان اللي في الشغل مستغلين جدا ودايما اللي يشيل بيشيل اكتر واللي بيعمل عبيط بيعيش مرتاح، حاسه انه الصح انك تمشي بحدود قانوني بدون ماتخلق عشم او حبل موده كداب يقدرو بيه يستغلوك ولكن لو انت شخصيه اجتماعيه زيي مش هتعرف تقعد على جنب تبني حدود فهتقع في كل المشاكل اللي فوق دي

Grape_53920 🇪🇬 · Answer

لو حد مر بنفس التشتت الي انا فيه دي ياريت يقولي خبرته فيهانا  خريجة طب بيطري واشتغلت سنه في المجال ده بعد التخرج واتجوزت بعدها وقعدت فترة سنتين وحاولت انزل تاني شغل معظم الفرص الي كنت بتلاقيها كان المرتب ضعيف جدا ولازم طبعا تدريب تاني فحاولت ادور علي فرص تانية كميديكال ورحت كذا شركة ومش بتقبل علطول معظمهم بيقول لازم كذا انترفيو وانا كماديا مش احسن حاجه عشان اقعد اصرف الماديات دي علي حاجه مش ضامنه ليا نصيب فيها ولا لا ايه احسن تصرف اعمله

Blueberry_57809 🇪🇬 · Answer

مش قادرة أنسى تناكة زمايلي عليا في الشغل بالذات واحد منهم قد ايه كانوا بيتعمدوا يحسسوني إني أقل منهم ويحاسبوني لو اتكلمت معاهم بطريقة عادية لازم أتكلم باحترام زيادة عمري ما بنسى لما واحد منهم نده عليا ورجع قالي أنا خلصت امشي بأسلوب زي الزفت

Strawberry_61309 🇪🇬 · Answer

انا بحكي الموضوع ده لان انا تعبت من حوار الشغل ومش عارفه اعمل ايه فمضطر ان انا ان انا احكي حكايتي لان بجد تعبت ونفسي حد يسمعني وكل اما احكي لحد لحد يسيبني ما يتكلمش معي تاني هطرحك هنا ويا رب تجيب لي حل يا جماعه دلوقتي انا من صغري وانا شغاله اول شغل ليا كنت شغاله في صيدليه وانا في اولى اعدادي ما عشتش طفولتي خالص وكنت دايما بنضرب من امي عشان اروح الشغل كدابه بتحسسني ان انا ولد عشان خاطر 400 ج وطبعا انا مش ناسيه كل حاجه طبعا ناسيني 23 سنه دلوقتي ولسه فاكره كل حاجه حصلت كنت دايما بتشتم وبنضرب واشتغلت في الصيدليه كنت بتعرض للتنمر كنت بخاف لحد يكلمني كان اي حد بيزعق لي بقعد اعيط وامي كانت تضربني وكان يشتموني في الصيدليه وكنت اروح احكي لامي جات امي تضربني انا كمان غير ان في ولاد حاولي تحرشوا بيا وكنت راح اقول كان بردك نفس الناس كان يضربوني وبعد كده سبت الصيدلي في تالته اعدادي لان انا كنت شهاده ساعتها وبعد كده جبت مجموع كويس يدخلني ثانوي ابويا ما رضاش نخش الثانوي كان عايزني اخد اعداديه وبس حاولت معاك كل الطرق لحد ما وافق امي اقنعته بصراحه دلوقتي بس ما دخلتش ثانوي عام زي ما كنت عايز ولا دخلت ان انا ابقى دكتوره صيدله ابويا دخلني دبلوم بالعافيه ورديت بالامر الواقع وكنت كل يوم اعيط دخلت حاجه مش من مستوايا بعد كده رجعت تاني الصيدليه والمعاناه واتلميت على اصحاب السوق وبقيت اشرب سجاير في السر غير بيعلموني كلام مش كويس واتسرق مني اول تليفون اشتريته بالقسط امي عمري ما حسيت ان امي يا ابويا امان ليا دايما عايزين فلوس وشغل ورجعت اشتغلت في الصيدليه كنت بروح المدرسه الساعه 7:00 الصبح اروح الظهريه الصيدليه وبعد الصيدليه اروح الساعه 1:00 بالليل وبعدها امي بتبقى عايزاني اروح اروح انظف لها كمان البيت كان كل ده طاقه عليا وناسيني صغير كانت بتعمل الكلام ده معايا وانا في الاعداديه وفي الابتدائيه كانت مش شايلهني حمل مش حملي وبعد كده نزلت سبت الصيدليه ونزلت شركات وشفت كل حاجه بقى وحشه في حياتي واهلي انفصلوا وبقيت ادور على شغل في العاشر وانزل الصحراء وفي العبور وامشي متاهات بمشي وببقى خايفه وما حدش كان جنبي وابويا كان بيطردني وامي بردك كانت بتطردني لان هم انفصل وانا كنت بنت واحده والكبيره كمان كنت انزل ادور على شغل فايزه ما كنت محتاج كنت بدور كده بالدموع وارجع اقول يا رب افرجها اني مش عايزه اعمل حاجه حرام الحمد لله ربنا فرجها وبعد كده حسيت جامد وشكل بهت وعلى طول ارتبطت بواحد بس كان عايش بره مصر وكده وبعد كده امي  عرفت ان معاه فلوس ما بقى تتكلم من ورايا كنت بطلع مصانع باليوميه وبعد كده خلصت تالته ثانوي ان كنت مرتبطه بردك وقدمت على معهد فني صحي بفلوس تمريض دفعت 25000 وما حدش من اهل يساعدني نهائي وكنت مرتبطه بيك انا ما كنتش اعرف انا وهي كانت بتعمل حاجه غريبه وبعد كده سيبنا بعض بسبب امي انك بتاخد فلوس هو كان مفكرني ان انا ايه كنت بلف عليه مع اني والله ما عملت حاجه من دي ولا كنت اعرف اي حاجه قولي لي انت بتضحكي علي انت عارفه كل حاجه بس انت بتداري وانا ما كنت والله ما اعرف كبرت دماغي انفصلت عنه رحت اشتغلت في محل وتخنت وتعبت نفسيا وقال لي السكر من كتر الحزن اشتغلت بقى في المحل قعدت سنه كنت شغاله في المستشفى وشغاله في المحل ده كنت بموت غير الكلام اللي الناس اللي في الشغل معايا بيقعدوا يتنمروا عليا ويشتموني ولا انت دي عجله انت تخينه انت فاشله انت ما تنفعيش انت شايفه نفسك ايه ان انا قعدت اربع سنين في المستشفى كل ما اشتغل في مكان يحصل مشاكل انا كطبيعتي شكلي حلو جدا كشكله او جسم او اي حاجه حلو غير التحرشات بتاعه الرجاله لي ان هم بيحاولوا يقربوا مني بس انا كنت بصدهم في ناس كانت بتقعد تتحرش بيها بالكلام مش جسديا كلام بس يقعدوا يقولوا حاجات مش كويسه وكنت بطنش حتى صاحب الشغل كان عايز يتحرش بي بس سبت الشغل بعد كده اشتغلت في المستشفى دكتور انا كنت ما كانش كويس عايزين تحت طوق عايز يعمل حاجات مش كويسه بس كنت بصد وبعلي صوتي وبتخانق مع اي حد وانت بسب وانت بشتم ودي ما كانتش شخصيتي اي حد كلمني اتخانق معاه دلوقتي واشتمه واسب له وبعد كده جيت فتره باي عامليني بطريقه مش كويسه ده اكتر طريق ليا كنت ماشيه فيه كويس بعد كده سبت المستشفى بسبب الدكتور عمال يضايقني وكده وغير ان انا اتخطبت والدكتور ده لما عرف ان انا اتخطبت بدل الدنيا وزعق لي وكان بيحاول ان هو يمشيني بكل الطرق والله كنت شغاله كويس وعمري في حياتي ما اذيت حد وبقى قاعده في حالي كنت بحاول ان انا اسيب المكان وامشي وما اقعدش معاه في اي مكان مهما حصل حتى في العياده اللي انا كنت بقعد معاه فيها او في الطوارئ او في العمليات ما كنتش بحب اقعد معاهم راجل كبير في السن حتى كان هيتهمني بالسرقه بس ربنا ستر وعرفوا ان انا ما اخذتش حاجه رحت بعد على طول سايبه الشغل عشان هو كان بيحاول ياذيني بجد ورحت اشتغلت تاني في المصانع وتعبت من كتر الكلام وانت مخطوبه لواحد كنت بحبه بس هو دمرني لاني رجعت اشتغلت هو ما رضيش بقى بس الحمد لله لقيت في دكتور بيقول لي انا بدور عليك وعايزه تيجي تشتغلي معايا وكده لانك شاطره في المجال وكده فانا فرحت بعد كده سبحان الله كان ربنا يشيل هم من عليا اتاني كان في واحد داخله عنده في المعرض بنبص على المفارش وكده فانا كنت متفقه مع الدكتور وكده واتفقنا على المرتب واتفقنا على كل حاجه يصادف ان انا داخله معرض مفارش وكده وداخله ابص على حاجه انا ووالدتي راجل صاحب المكان بيقول ابوس ايدك شوف لي بنت تقف معايا فجاه واحد شاور لي قال لي تيجي تشتغلي معاه فرحت قايله له ايه تشتغل بقد ايه والكلام دهوت هو قال لها الكلام ده بيني وبينها وهي امي ادته الرقم بتاعي والكلام دهوت وبعد كده لقيته بعدها بساعه رن عليا قال لي انا قال لي بعد اذنك تعالي وكده فقلت وتمام ماشي فرحت عنده وكده وقعدنا اتفقنا والكلام ده كنت بحاول بكل الطرق ان انا اطفشه لاني متفقه مع الدكتور لاني مش عايزه اشتغل معاه وكده سبحان الله بقى قتال الدكتور الست اللي معاه ابني ربنا بعتني المكان ده بس والله شفت معاناه محدش شافهم بعدها على طول كان الدنيا كانت كويسه ومحدش ليه دعوه بيا وكنت متفقه معاها الحاجات لدرجه انها وقال لي مش هتسيب المكان ده يعني مش هتسيب المكان ده فانا ما كنتش اتوقع بعد كده كبرت دماغي قلت اشتغل في محل مش مهم مع اني قعدت اربع سنين شغاله في التمريض وكنت زعلانه ان انا سبتك مستوايا وكل حاجه عشان خاطر الواحد بحبه المهم خطيبي بقى يتنمر عليا انت اشتغلت في محل انت مش عارف ايه انت كذا فما كبرت دماغي لاني كنت بحبه رحت لوالدته زياره في يوم وسبت الشغل وكده فرحت اشوفها عشان هي كانت تعبانه فانا قعدت معاه هو والدته وبقى يغلط فيا قدامها يقول لها دي فاشله انا ما بتعرفيش تشتغل ده كل شغلانه هو وامه عمليه يتريقوا عليا بيقول لي انت مش عارفه تستغلي فرصتك ان انت شغاله في معرض والكلام ده وبتعرفي تاخدي كل حاجه منه كان عايزني اخد حاجات حرام وانا مش بتاعه الكلام ده ما هي كده بصيت له ورحت سايباه وماشيه بقى طبعا انا اعلى منه في المرتبه في كل حاجه شكله وتعليم وكله طب انا لو معاه كليه بس انا اعلى منه في المركز المهم هو كمان كان شغال في فرن ما كانش شغال بشهادته وانا كنت شغاله بشهادتي كان واخدني شغاله بشهاده وكان ما كانش عايزني اشتغل بشهاده كلها سنه ايه وهسيبه الشغل ما تمش ثمن شهور غير وانا سايبه خطيبي طبعا بسبب كتر التنمر بتاعه فبعد كده في الشغل بقى ايه اه ده انت صوتك عالي ده انت بتتخانقي ده مش عارف ايه فجابوا بنت جديده كنت بروح الساعه 2:00 الساعه 3:00 كل يوم الفجر ما كنتش بشتكي لاني كنت باخد مرتب 3000 جنيه في الشهر كنت بقول لي ياه اخيرا هاخد 3000 ما لهمش قيمه دلوقتي عارفه والله بس انا قلت ايه حاجه توضح حالها البنت اللي معايا دي جت اذتني بجد وانا ما كنتش بعمل لها حاجه في ولد بيشتغل معانا وكده المهم البنت دي بقى ما كانتش كويسه خالص كانت بتوقع الدنيا في بعضيها كدابه كانت بتقول كلام ما بيحصلش وانا طيبه مشكلتي ان انا كان صوت عالي ما كنتش بستحمل حد يتكلم معايا الفتره اللي انا كانه كان شغلي كله كان مع رجاله ان احنا بنطلع شغل بالقسط والكلام ده هو  فجاه البنت دي عملت حوار كتير ليا ومشاكل كثير قوي في الشغل مع اني ما كنتش ما كنتش فاهمه ايه اللي كانت بتعمل كده كنت اشطر ما انا طبعا في الشغل واحلى منها في الشكل وكل حاجه مش بتكلم اللي هي خلقه ربنا وكل حاجه بس وفي التعليم كمان بس ما كنتش بقول حاجه بس مشكله اللي انا بقى بعد ما فركشت ما عندش بعرف اقرا كويس ولا بكتب كويس خالص وبعد كده ايه كبرت دماغي وعندي بنسى كتير وما عنديش في دماغي ونفسيتي تعبت خالص لاني حبيته بجد يعني بس كبرت دماغ والبنت دي بقى بتعمل لي مشاكل وما بقتش عايزه اروح الشغل كده عملت لي حوارات كثير اخر حوار حصل ما بينا كان في ولد جديد هو محاسب وكده فالمحاسب ده شكله حلو خالص وهو سعودي اصلا بس هي حبته وهو كان مفكره انها كويسه بس المعرفه على حقيقتها انها بتحاول انها توقعني وهي كانت حاطه عينها عليه وكانت تقعد تقول له ده انا وحشه مش كويسه ده انا لكاكه ده انا بتكلم كثير ده انا بضحك كثير ان انا بنت مش محترمه وانا ما كنتش كده بس لما هي وعاشرها وعاشرني قالت مين كويس مين مش كويس مين بيشتغل ومين بيشتغل فالطريقه بعيد عنها واعرف انها بنت سوسه ومش كويسه حتى ولا حكى لي قال لي عرفت ان انت من جواك نضيف ومحترمه هي قالت لي كلام مش عنك مش كويس وكده فانا كنت متغاظه منها فطبعا ما كانش في دماغي وبعد كده كنت معجبه بواحد وكده فانا ما كنتش قايله له فهي بقى تروح تقول له ده انا معجبه بيه ده انا مش عارف ايه وانا كنت ايه والله اللي هو المحاسب وكده عملت حوار قلت له هي بتقول له لا هي مش احسن مني الله لا هي احسن منك وكويسه عنك وشاطره عنك وشايله الشغل انت ما بتشتغليش راحت طالعه معيطه ومبهدله الدنيا وبعد كده تعمل حوارات مع ان هم كانوا اصلا عايزين يمشوها بسبب حوار وانا اللي خليتهم يسيبوها وبعد كده هي اللي بتاعه تحكها معايا بعد الحوار اللي بينها وبين المحاسب ده اخر حاجه ثاني يوم كان في واحد متفق معانا طلع شغل بمبلغ معين فات دخلت في شغلي فبقى تعمل حوارات اكتر فبعد كده انا ما اتكلمتش راحت اتصلت بصاحب الشغل قالت له ان انا شتمت الزباين وغلطت فيهم وقطعت الورق وفي وشهم وشتمتهم وثبت لهم مع اني ما عملتش الكلام يصادف ان الناس دي راجعه تاخد البضاعه بتاعتها وكده وعدتهم وشاهدتهم انا عملت حاجه انا سويت قال له لا بالشهاده انت محترمه وكويسه ما شفناش منك حاجه واكيد انت ما تغلطي فيها احنا مش هنسكت والكلام ده شوفي انت قلت ايه مش هتسكتي حتى صاحب الشغل قال له احنا لو في حاجه احنا اول حاجه قال لي انت تعملي كده في زبايني انت بتعملي كذا قلت له طب سؤال مين اللي قال لك الزباين ولا فلانه قال راح ساكت سالت السؤال مره واثنين وثلاثه عرفت ان هي اللي قالت له وقالت لصاحب الشغل وصاحب الشغل ايه اتكلم معاهم وبعد كده اتهمتني قالت لا انت كذابه انت مش عارف ايه وغلطه فيا وانا غلطت فيها قلت لها انت عيله كدابه لان انا محيتها اصلا وجودها في المكان وخليتك كل هم الايه اللي عارفني فكانت متضايقه طبعا انا الاثنين انا عيطت في الشارع بصراحه وكده هم كل مره هم بيزعقولي ولا بيشتموني بسيب الشغل بمشي بقعد اعيط وكده الواد المحاسب بقى على طول عمال يغلط فيا ويتنمر عليا عايزني اجيب له اكل عايزني اجيب له شغل عايزني اجيب له كل حاجه هو قاعد وخلاص وهو ما لوش لازمه وانا اقدم منه في المجال في كل حاجه وانا اللي كنت ماسكه الاداره قبله بس انا ايه مكبره دماغي فهو عمال يعمل مشاكل وعايزني ان انا امشي والغي الجوده لان احنا نفتح معرض اكبر مول يعني فطبعا انا اللي ايه هبقى ماسكه كل حاجه لا هو بيقول لي ويزعق لي ويدلع على عمايله وانا ايه اسكت وما اقولش حاجه وما انتيش بحب اشتكي وما انتش بحب اتكلم كثير مع حد بس انا كل شويه اقعد شويه مع نفسي اسكت وبعد كده ارجع اتكلم عادي وكده وبصراحه وما عنديش بعرف اتكلم زي الاول خالص انت ساكته لحد وقتنا هذا اخر مشكله حصل بيني وبينه كانت من قيمه اسبوع بسبب ان انا كنت ماسكه التليفون وفاتحه التيك توك فجاه الواد دوت قال لي وطي الصوت قال لي وطي الصوت مش عارف ايه انت وانت وانت بتجيبي انت مش عارف ايه هو عيل متخلف اصلا رحت شتماه قلت له انت مالك وانا بجيب من مال ابوك ده اللي قلته دلوقتي مش عارفه نفسي وتايهه تايهه جامد وفي نفس الوقت بدخل نفسي في اللي ما ليش فيه وجدع موت وما سيبش حد وانا ما اعرفش الواد ده بقى له كم يوم مستقصدني بقى عايز يعمل معايا مشاكل باي الطرق ان هو يمشيني حتى تسمى حللته وانت لو عايز تمشيني مشيني بس ما تمشينيش بطريقه فلانه انت قول لي امشي وانا همشي قال لي لا انا خلاص بس الايام دي عشان نفتح المعرض كان شوف حواراتنا تو تمام فهو اصلا اي حاجه يروح اغاني وكده اخر مره حصل ايده بيصورني فيديو راح باعت صاحب الشغل بيقول له شوف مشغله اغاني ازاي وانا كنت بصور اصلا وقاعده بسمع صوت الزبونه صوت الصب عامل ازاي وكده بس ولحد الان انا تعبانه وعايزه اسيب الشغل فانتوا رايكم ايه انا بحكي حكايتي لاني تعبت من الشغل ومن كل حاجه ومن قرايبي وعايزه اموت لدرجه ان انا شايله مسؤوليه نفسي وبجد مش عارفه اعمل ايه في نفسي بجد تعبت تعبت قوي

Pumpkin_61887 🇪🇬 · Answer

بقالي شهور بشتغل مسوقة لاثات في الفيس و مافيش حد بيشتري و بيطلعو عيني و ابعب بال100 صورة و اسالهم عن الأسعار اللي عيزينها و ابعت و مافيش فايدة محدش بيشتري. طيب انا بعمل كده ليه؟ علشان عايزة اساعد اهلي في مصروفي و علشان بحب اتعب و بحب احس بفرحة تعبي بس جالس احباط فوق احباطي في دراستي و بجد تعبت نت و وقت مهدور و نفسية في الأرض و كله على الفاضي.
لو حد يقدر يقترح عليا شغلة بجانب دراستي تكون من البيت و قبضها اسبوعي يكون عمل فيا خير بجد و ياريت حاجة تكون بسيطة و شكراً🌺

Banana_69853 🇪🇬 · Answer

انا بقيت بنسي كتييير و عامله ليا ازمه لدرجه اني الصبح و انا رايح  الشغل باخد ساعه بدور علي حاجتي الشخصيه الاقي التليفون انسي المفاتيح الاقي المفاتيح الحمدلله و خلاص طالع من البيت احمدك يارب انسي الشاحن لاني نسيت احط التليفون علي الشاحن من بليل ارجع تاني اجيب الشاحن اتأخر علي الشغل 
المحفظه🤦🏻 وها كذا دا روتين كل يوم حتا و انا ماشي في الشارع لو قابلت واحد اعرفه و اتكلمت معاه شويه انسي انا كنت عايز اي و في مناسبات ببقي معزوم عليها ينساها 
و في ناس كتير بتزعل مني بسبب كدا و ممكن يكون واحد بيحكيلي حاجه و بيكلمني و بعد شويه اسأله انت كنت بتقول اي مكنتش كدا خااالص و بحاول بحاول بجد اتخلص من الموضوع دا مش عارف و حاليا مش لاقي مفاتيح الشغل هعطل ناس كتير الصبح عن شغلها بقالي ٣ ساعات بدور عليها  الحمدلله 
المشكله ان دا طبيعي و مش بشرب حاجه و لا بتعاطي حاجه 
عندي مشاكل ؟ عندي محيط مشاكل في حياتي و كل يوم واحد يجي يقعد معاك بحكيلك مشاكله و المطلوب منك انك تسمعه و اقسم بالله ببقي نفسي اسمعه و احل معاه بس انا مش معاه اصلا ببقي في كوكب تاني  
يا جماعه الحياه مشقه و ربنا يخرجنا منها علي خير