ضياع مشاعر

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Marshmallow_37766 🇪🇬

منذ أسبوع واحد

شعور مكسور القلب

عبّر عن شعورك بشكل مجهول

محتاجه رأيكم في قصتي وياريت الشباب تفيدني وتفهمني مين اللي غلط 
انا بنت عندي 19 سنه وكنت قافله باب الارتباط بالضبه والمفتاح روحت خطوبه واحده صاحبتي صاحب العريس شافني وكلم العريس وقاله عاوز اكلمها وكده فالكلام وصلي من صاحبتي وانا كنت رافضه كان عاوز الانستا بتاعي وانا رفضت لاني مش بتاعه ارتباط اللي عاوزني يتقدم رسمي امي قالتلي كلميه وقوليله عاوزني تعالى اتقدم وقد كان بعد زن قبلت وكلمته انستا ساعه واحده كتعارف مبدأي وقولتله انا مش هقدر اتكلم اكتر من كده واتفضل دا رقم بابا وكلمه وفعلا كلمه وجه لوحده وعملنا رؤيه ولسبب دراسيه انا سافرت محافظه تانيه وصليت وبابا رد عليه بالموافقه بعد فتره حصل فيها زياره الاهل ووالكلام دا قبل رمضان قرايه الفاتحه كانت في عيد الفطر وكان في خاتم دهب كل دا واحنا تمام جدا بنتكلم وحلوين واعترفلي بحبه وكده يعني واتحددت الخطوبه في شهر 8 دا كده كان بقالنا مع بعض 4 شهور من شهر كلمني وقالي ظروفي وهأجل الخطوبه قولتله تمام معنديش مشكله كلم بابا وقوله مع العلم اني كنت راضيه بالقليل ومش متقله عليه خالص وقولتله دبله بس جمب الخاتم وخلاص والخطوبه كانت هتبقا في بيتي بس قولت تمام مافيش مشكله وكلم مامتي وقالته معندناش مشكله المهم متطلعش مديون لحد دلوقتي تمام جدا وبتكلم وحلوين جدا مع بعض واخر مره اتكلمنا قالي انه مسافر القاهره يجيب شغل وقولتله تمام وطمني عليك وبس قعد يومين مختفي معرفش عنه حاجه اكلم اهله محدش بيديني عقاد نافع قلقت عليه ودماغي تودي وتجيب بقا انزل استوري يشوفها وميردش ابعتله واتس يبقا فاتح وميردش ادخل انستا الاقيه فاتح ارن عليه ميردش لما جبت اخري فضلت وراه لحد مرد اخيرا لقيته بيقولي معلش اصلي كنت مضايق وقافل فوني من امبارح ومش عاوز اكلم حد انا بقا دمي فار وقولته طب وهو انا سبب الضيق دا قالي لا قولتله طب وانا ذنبي اي اقعد اجري وراك ومتردش عليا ولا تعبرني الاقيه بيقولي انا حصلتلي مشاكل وسبت الشغل مع العلم انه بيشتغل في اكتر من مجال ومنهم مجال خاص مع والده سابهم كلهم ازاي مش عارفه والاقيه بيقولي انا مش عارف اكلم باباكي ازاي وانا لو مكانه مقبلش بواحد زيي وكلام كتير اوي يحرق الدم كله بمعنى انا عاوز اخلع فقولتله وانا برفع عنك الحرج وتقدر تيجي تاخد حاجتك في اي وقت فقالي ماشي وقفل في وشي وبس كده طبعا انهيار مني بابايا كلمه وبيسأله في ايه بكل برود يقوله مش عارف انا الدنيا عندي متلغبطه وبابا بيحاول يبسط الدنيا معاه ويقوله تمام انا فاهمك كلنا بنمر بالظروف دي ومافيش مشكله اجل فيقول لبابا الصراحه انا مش عارف اقولك ايه بس انا لو مكانك مقبلش بواحد زيي بس وبابا قاله تمام ونتفق على وقت تاخد فيه حاجتك وبس كده خلص الموضوع 
ياريت تقولو رأيكم بكل صراحه وانا هتقبله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_57183 🇪🇬

منذ أسبوع واحد

شعور غير مكتمل

السلام عليكم دلوقتي متقدملي اتنين بس الاتنين اصلا قرايب بس من بعيد والاتنين جايين من طرف واحده جارتنا بس انا اصلا مرتبطه وعلى علاقه حب بشخص تالت والشخص ده هو مش مقتدر ان هو يجي يتقدملي وكل شويه لما اجي افتحه في موضوع ان كل شويه عرسان بيجي يتقدمولي بيفضل يقولي انا اعمل ايه طيب مافيش حاجه في ايدي وك

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Mango_61225 🇪🇬

منذ 4 أسابيع

شعور متعب

عبّر عن شعورك بشكل مجهول

انا مش عارفه أبدأ منين بس انا بعدت اوي عن اهلي بقي وجودي معاهم بيخنقني ومش بحس ان مرتاحه ولا قاعده في بيتي كدا ولا كمان بيفهموني حصل سوء تفاهم في موقف معين والكل زعل مني حاولت كتير اصالحهم واعتذرت كتير رغم ان مش بعرف اعتذر بسهوله وموضوع صعب بنسبالي كنت قريبه منهم جدا وبعد سوء تفاهم وزعل مردوش يتقبلو الاعتذار قعدنا اكتر من ٣ شهور بعدنا اوي كنت محتجاهم جنمبي اوي في المرحله ديه بس هما مقدروش يفهموني ولا يقبولو اعتذاري كنت داخله مرحله جديده في حياتي وهي مرحله الكليه كنت بتمني انزل اشاركهم يومي احكيلهم همي يبقو جنمبي وقتها بس ده محصلش لحد ما اتصالحنا انا مشاعري اتغيرت ناحيتهم بقيت انسانه بارده وعندي لا مبالاه في حياتي ومن ناحيتهم تعبانين مفروض اطمن عليهم كل يوم اقول بكره وبهرب ان اشوفهم انا عايشه في نفس البيت بس في شقه لوحدي مبعتش اعرف اتكلم معاهم اقول اي بقيت اسكت بقيت احس ان عاوزه اقعد لوحدي مش عاوزه ابقي معاهم حتي وقت تجمع العائلي قعدت فتره اتلكك ومش بقعد معاهم بقيت احس ان معنديش مشاعر ناحيتهم اللي هوا عادي زعلانين براحتكم وهما ديما بقو شايفين ان غلط في اي موقف رغم ان اوقات مش بشوف ان غلطانه معرفش هما اللي اوفر ولا انا اللي بقيت اشوف الامور ببساطه ولا مبالاه كل ما اقول اقرب لهم حاجه تمنعني بقرب خطوه ابعد عشره كل ما يشفوني يقولولي لازم تتغيري فاكرين ان زرار هدوس عليه اتغير انا م عارفه اتغير مش عارفه ارجع زي الاول انا تعبت مش عاجبني حالي كدا بس فعلا نفسي اتغير ومش عارفه نفسي اقرب منهم ومش عارفه بقيت اخاف اكلمهم علشان خايفه يفهمو كلامي بطريقه تزعلهم وميفهموش قصدي زي الموقف الاولاني الفكره ان مقابلتهم بتكون تقيله علي قلبي وبقيت حاسه ان مش في مكاني بقيت بحس بمصدر الامان في وحدتي وبس ده طبيعي !!!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_52993 🇪🇬

منذ شهر واحد

شعور قلق

احساس متغلب عليا بقاله فتره ومسيطر عليا عندى خوف وقلق فى المطلق واحساس بالوجع الداخلى والانكسار ونفسى اهرب من كل حاجة حواليا ……. ظاهرياً مفيش حاجة تبان عليا بس من جوا انا حرفياً موجوع جداً والاصعب من كل ده مفيش سبب محدد انا عارفه ….. انا رجل ابلغ من العمر ٣٧ سنه غير متزوج ومتعلم تعليم عالى ولى شغلى

Watermelon_58876 🇪🇬

منذ شهر واحد

شعور مكسور القلب

موضوع:

عندك مشكلة في التعبير عن مشاعرك؟

من زمان وأنا كنت بعاني إني باخد كل حاجة على أعصابي ومبعرفش اطلع اللي جوايا وكان الموضوع دا اختفي سنتين او تلاتة فاتوا وحاليا أنا رجعت أسوأ مبعرفش اتكلم ولا قادرة افهم المشاعر اللي حاسة بيها ايه او يعني ايه أو معناها ف بتمنى ابقا كويسة تاني علشان قلة التعبير تعباني أوي

Avocado_58651 🇪🇬 انا عند حل ونك تتكلم مع حد ثقه مش عوز ممكن تكتب الي بتحس بيه في ورق وتفهم وحد وحدد مع نفسك وتحاول تتجنب اي تفكير سلبي يقصر عليك لأنه بقلل الثقه بالنفس وحد وحد هتحاول تعرف نفسك لو ده منفعشي احسن حل انك تكلم مع ربنا شويه ونشاء تفهم انته عوزايه جايز ربنا مستنيك ادعيلو عشان يستجيب لك وجلعني سبب اشوف مشكلتك واساعدك تعامل المشكله بي بصته حاول تفهمه الأول وي بعد كده قرر انته عوز ايه بس كده فكر فيها صح

عرض الكل 9 نصيحة

Strawberry_58705 🇪🇬

منذ شهر واحد

شعور مرتبك

موضوع:

عندك مشكلة في التعبير عن مشاعرك؟

مشكلتي مش ف تعبير ... مشكلتي ان احيانا ببقي مش فاهمه سبب المشاعر دي اي ... ليه انا حاسه بدهه .. و كنت دايما اسمع جمله اصل مش بعرف ازعل و كنت بستغرب جدا عشان كنت حساسه جدا و اعيط من اي حاجه ... بس فجأه فهمت احساسهم لان بقيت زيهم .. مشكلتي مش ف ده لان ده بيرحني احيانا .. مشكلتي لما بيجي وقت انفجار حزن

Pineapple_55297 🇪🇬

منذ شهر واحد

شعور مكتئب

انا مش مرتاحة في حياتي مش عارفه ايه ممكن يريحني ويفرحني حاسه اني هخسر كل حاجه بسبب عدم راحتي دي انها تكون عدم رضا بس انا راضيه بكل حاجه الحمدلله انا بس مش مرتاحه وفاقدة كل انواع المساعر مش بعرف احس بحب حتي تجاه القريبين مني وكأني لو رجعت اعتبر عن مشاعري تاني اني كده بعمل حاجه تقلل مني مثلا

Hazelnut_52786 🇪🇬 اللي بتحسي بيه ده ممكن يكون من كتر الضغط أو التعب اللي جواكي، ومش معناه إنك قليلة أو غلط. جربي تبدي بنفسك، اهتمي بيها وادّيها وقت، حتى لو بحاجات بسيطه تفرحك من جوا. وما تخافيش تعبّري عن مشاعرك، ده مش ضعف خالص، دي قوة إنك تكوني حقيقية مع نفسك ومع اللي حواليكي

عرض الكل 5 نصيحة