مش مرتاحة في حياتي ومش عارفة إزاي أرتاح

Question

انا مش مرتاحة في حياتي مش عارفه ايه ممكن يريحني ويفرحني
حاسه اني هخسر كل حاجه بسبب عدم راحتي دي انها تكون عدم رضا بس انا راضيه بكل حاجه الحمدلله انا  بس مش مرتاحه وفاقدة كل انواع المساعر مش بعرف احس بحب حتي تجاه القريبين مني وكأني لو رجعت اعتبر عن مشاعري تاني اني كده بعمل حاجه تقلل مني مثلا

Hazelnut_52786 🇪🇬 · Accepted Answer

اللي بتحسي بيه ده ممكن يكون من كتر الضغط أو التعب اللي جواكي، ومش معناه إنك قليلة أو غلط.
جربي تبدي بنفسك، اهتمي بيها وادّيها وقت، حتى لو بحاجات بسيطه تفرحك من جوا.
وما تخافيش تعبّري عن مشاعرك، ده مش ضعف خالص، دي قوة إنك تكوني حقيقية مع نفسك ومع اللي حواليكي

Pistachio_55168 🇪🇬 · Answer

انا حابب احكي مع حد . ممكن نحكي سوا ؟

Mushroom_53615 🇪🇬 · Answer

اظن ده ناتج عن موقف او شخص كنتي حطه عليه أمل بس هو حالياً مش موجود انتي المفروض تحولي قدر الامكان تعدي من الفتره دي بأقل خسائر و تبدأي تفكري في نفسك و تعملي الحجات التخليكي مبسوطه او تكتشفيها

Pineapple_55297 🇪🇬 · Answer

انا طول الوقت بجلد ذاتي وبس والي مخطوبه ليه انا بحبه جداا بس مع المواقف بقي في حاجز بيني وبينه هو مستحملني وانا طول الوقت بجلد نفسي اني مش قادره اديله مشاعري تاني
انا مش عارفه ازاي ارجع احس طيب

Pineapple_55297 🇪🇬 · Answer

هو موجود بس كل الي اتعشمت بيه يعمله محصلش
هو مش عدم ثقه فيه بس هو محاولاته بتفشل ف مع كتر الفشل بقيت مش عارفه اتعامل ازاي
مع العلم انه بيحبني جدا ويتمني يعمل اي حاجه ترضيني