السلام عليكم انا بنت عندي 18 سنه بابا وماما منفصلين من وانا عندي سنه اول مره اشوف بابا فيها كان عندي حوالي 14 سنه وكان بأمر من المحكمه وبعدها مشوفتوش حوالي 4 سنين كاملين و اول مره اشوفه واقعد معاه لوحدي كان من يومين وقعد يتكلم علي اهل امي ويقول هم السبب و هم بيقولوا هو السبب و كل واحد بيشتم في التاني ويقول كلام غير التاني وانا معتش عارفه المفروض اصدق مين ولا مين صح وبابا اصلا مكنش بيعبرنا واحنا صغيرين وأهل امي هم الربونا وصرفوا علينا كل السنين دي كلها بس هو قالي كذا حاجه خلتني معتش عارفه افكر وهل فعلا بعد كل السنين دي ممكن هو مظلوم أو ليه حق عندنا بعد ما كانوا منعينا عنه كل السنين دي ولا هو فعلا انسان وحش وبتاع مشاكل علي كلامهم وصراحه هو بيشتم وأسلوبه مش حلو و بيقول في ناس بتستحمل الاهانه و الضرب عادي عشان عيالها ومعرفش اي انا تعبت من كتر التفكير معتش عارفه ولا فاهمه مين صح ومين غلط و هيبقي حرام علينا اننا مش بنكلمه أو بنعامله وحش بس هو كمان بيعاملنا وحش وبيشتم اهلي و اهل امي ودول بالنسبالي خط احمر لانهم شالونا من صغرنا و شالوا هم من همهم وتعبوا عشانا وهم مش زنبهم حاجه غير أن ابونا مش بيصرف علينا انا تعبت ومعتش عارفه افكر خالص

هو انا مش عارفة اقولك تعملي ايه او تتعاملي ازاي بس الي اقدر اقولهولك انه دي حاجة محدش يقدر يختارها غيرك انتي الي تختاري انتي تتعاملي مع مين وازاي وانتي الي تختاري حدودك وتختاري مين الي عايزة تشوفيه ومين لأ ولا اهلك ولا اي حد تاني المفروض يختارلك ده وبرضه الي اقدر اقوله انه طالما هو قال جملةان في ناس بتستحمل الضرب والاهانة عشان عيالها يبقي هو الي غلطان يعني اكيد مفيش بني أدم سوي هيقول كده

حاسه بخنقه وضياع مش عارفه اكمل

Q: ليه حاسه زعلانه بدون سبب ومش قادره انبسط؟

ليه دايمًا حاسه اني زعلانه بدون سبب ومهما خرجت وعملت حاجات كانت بتبسطني زمان مبقتش بحس نفس الاحساس ومبقتش بحس بإنبساط عمومًا وعقلي مبقاش يديني الدوبامين الكداب حتي وليه أقل حاجه تغير مزاجي وتنكد عليا وتخليني عايزه اعيط وليه كلامي بارد مع الشخص اللي بحبه ومبعرفش اعبر عن حبي ليه مع ان انا جوايا عكس كدا ومكنتش كدا زمان، وليه معنديش طاقه اني اعمل حاجه ودايما نايمه حتي ساعات بكسل اقوم اكل وافضل طول اليوم منغير اكل عشان بس مش قادره اقوم وليه لما بخرج من البيت بحس اني متوتره وعايزه اروح البيت انا مش فاهمه مالي وحاولت كتير اخرجني من اللي انا فيه بس تقريبا بتعامل غلط مع نفسي لاني مش فاهمه نفسي اصلا ومش عارفه انتو هتفهمو ولا لا

Q: محدش فاهم مشاعري ولا بيقدروا وجهة نظري

حكايه أن محدش عارفنى حاجه مريحه ، بحس أن اللى حواليا مش بيقتنعوا برايى فى حاجه او فى تفكيرى مش عايزه اكون مبالغه بس مش لاقيه لفظ تانى أقوله ساعات بحس أن مفيش تقدير كافى لمشاعرى و وجهه نظرى ممكن هنا أتجنب أن حد يحكم عليا أو يفهمنى غلط على الأقل محدش هيقابلنى و يكون عارفنى و يفضل يسأل انا كتبت كدا ليه و يغلطونى زى كل مره

Blueberry_52260 🇪🇬's post

Blueberry_52260 🇪🇬

3 days ago

Feeling Exhausted

حاسه بخنقه مش طبيعيه و حاسه اني في أقصى مراحل ضياعي فعلاً انا تايهه اوي تايهه بمعنى الكلمه مبقتش فاهمه حاجه و مش عارفه ارجع زي ما انا و مش عارفه اكمل كده حاسه اني عايزه اهرب من كل حاجه معنديش طاقه اواجه اي حاجه بجد اتمنى انكوا تدعولي اني ابقى احسن

You can’t see any advice on this post because the publisher chose to receive advice privately. If you’d like to share your advice, simply type it in the box below.

It’s better in the app

Download Toheal on your phone for faster experience.