محتاجه رأيكم.. مين اللي غلط في علاقتي؟

Question

محتاجه رأيكم في قصتي وياريت الشباب تفيدني وتفهمني مين اللي غلط 
انا بنت عندي 19 سنه وكنت قافله باب الارتباط بالضبه والمفتاح روحت خطوبه واحده صاحبتي صاحب العريس شافني وكلم العريس وقاله عاوز اكلمها وكده فالكلام وصلي من صاحبتي وانا كنت رافضه كان عاوز الانستا بتاعي وانا رفضت لاني مش بتاعه ارتباط اللي عاوزني يتقدم رسمي امي قالتلي كلميه وقوليله عاوزني تعالى اتقدم وقد كان بعد زن قبلت وكلمته انستا ساعه واحده كتعارف مبدأي وقولتله انا مش هقدر اتكلم اكتر من كده واتفضل دا رقم بابا وكلمه وفعلا كلمه وجه لوحده وعملنا رؤيه ولسبب دراسيه انا سافرت محافظه تانيه وصليت وبابا رد عليه بالموافقه بعد فتره حصل فيها زياره الاهل ووالكلام دا قبل رمضان قرايه الفاتحه كانت في عيد الفطر وكان في خاتم دهب كل دا واحنا تمام جدا بنتكلم وحلوين واعترفلي بحبه وكده يعني واتحددت الخطوبه في شهر 8 دا كده كان بقالنا مع بعض 4 شهور من شهر كلمني وقالي ظروفي وهأجل الخطوبه قولتله تمام معنديش مشكله كلم بابا وقوله مع العلم اني كنت راضيه بالقليل ومش متقله عليه خالص وقولتله دبله بس جمب الخاتم وخلاص والخطوبه كانت هتبقا في بيتي بس قولت تمام مافيش مشكله وكلم مامتي وقالته معندناش مشكله المهم متطلعش مديون لحد دلوقتي تمام جدا وبتكلم وحلوين جدا مع بعض واخر مره اتكلمنا قالي انه مسافر القاهره يجيب شغل وقولتله تمام وطمني عليك وبس قعد يومين مختفي معرفش عنه حاجه اكلم اهله محدش بيديني عقاد نافع قلقت عليه ودماغي تودي وتجيب بقا انزل استوري يشوفها وميردش ابعتله واتس يبقا فاتح وميردش ادخل انستا الاقيه فاتح ارن عليه ميردش لما جبت اخري فضلت وراه لحد مرد اخيرا لقيته بيقولي معلش اصلي كنت مضايق وقافل فوني من امبارح ومش عاوز اكلم حد انا بقا دمي فار وقولته طب وهو انا سبب الضيق دا قالي لا قولتله طب وانا ذنبي اي اقعد اجري وراك ومتردش عليا ولا تعبرني الاقيه بيقولي انا حصلتلي مشاكل وسبت الشغل مع العلم انه بيشتغل في اكتر من مجال ومنهم مجال خاص مع والده سابهم كلهم ازاي مش عارفه والاقيه بيقولي انا مش عارف اكلم باباكي ازاي وانا لو مكانه مقبلش بواحد زيي وكلام كتير اوي يحرق الدم كله بمعنى انا عاوز اخلع فقولتله وانا برفع عنك الحرج وتقدر تيجي تاخد حاجتك في اي وقت فقالي ماشي وقفل في وشي وبس كده طبعا انهيار مني بابايا كلمه وبيسأله في ايه بكل برود يقوله مش عارف انا الدنيا عندي متلغبطه وبابا بيحاول يبسط الدنيا معاه ويقوله تمام انا فاهمك كلنا بنمر بالظروف دي ومافيش مشكله اجل فيقول لبابا الصراحه انا مش عارف اقولك ايه بس انا لو مكانك مقبلش بواحد زيي بس وبابا قاله تمام ونتفق على وقت تاخد فيه حاجتك وبس كده خلص الموضوع 
ياريت تقولو رأيكم بكل صراحه وانا هتقبله

Onion_63813 🇪🇬 · Accepted Answer

غلطانه طبعا.
واحد مفيش بينك وبينه غير قراية فاتحه وبس.
فلما يختفي اوعي تجري وراه ولا تسألي عليه بإلحاح طالما مبيردش مع الف مليار سلامه.
ده اول ماوصل خلع فكرته كانت في وصول وبس.
ده شخصية غير كامله ناقصة لا يستاهل انهيار ولا زعل.
بالعكس تغلطي نفسك انك معرفتيش في الفتره اللي فاتت تقيميه

Watermelon_58589 🇪🇬 · Answer

ليه كل دا لازم دكتور

Marshmallow_37766 🇪🇬 · Answer

انا معاكي ولما فوقت فهمت دا كويس بس حطي نفسك مكاني انا مكنتش فاهمه ولا لاقيه سبب لاختفاءه دا بس اول لما قال اسبابه التافهه دي بلكته مش سوشيال بس لا من حياتي كلها

Marshmallow_37766 🇪🇬 · Answer

نعم

Pineapple_64179 🇪🇬 · Answer

انت مش عارفه ظروفه بتبقى عامله ازاي ممكن ظروفه فعلا ما تكونش مظبطه وبيكون عنده مشاكل ويكون فعلا مش قادر يجيب فلوس فقعد يفكر فيها وقال انا دلوقتي مش عارف اجيب فلوس واظبط دنيتي امال بكره لما هي هتبقى معايا هجيب لها اللي هي عايزاه ازاي بصي للحوار من عينيه هو هو شايف ان هو مش قادر يصرف دلوقتي على نفسه لا يعمل حاجه لنفسه فهو فكر فيها بيقول هو انا بكره هصرف عليها ازاي على شخص وحش وهي هتقابل احسن مني

Pineapple_64179 🇪🇬 · Answer

وهي حقها تتجوز حد معاه فلوس ويقدر يصرف عليها ويجيب لها اللي هي عايزاه وشاف نفسه من عقده النقص ان هو مش هيقدر يخليك مرتاحه قبل ما تحكمي على حكايه احكمي عليها من الطرفين يعني شوفي انت شايفه الحوار ازاي وهو شايف الحوار ازاي هو شايف الحوار اللي هو بيتمنى لك الاحسن ومش عايزك تتعبي مع العلم انا مريت بنفس الحوار ده وسبتها وما كملتش في العلاقه عشان حسيت برده ان انا مش هعيشها نفس العيشه اللي كانت عايشاها

Marshmallow_37766 🇪🇬 · Answer

بس مش دا كلامه ولا ووعوده ليا انه مافيش حاجه هتفرق مابينا والكلام هتقولي ظروفه هقولك انا عمري مضغط عليه هدايامكنتش بخليه يجيب عشان ظروفه حتى الرصيدمكنتش بخليه شحنهولي الخطوبه قولتله انا راضيه بكل حاجه مع العلم اننامحددين الجواز بعد3سنين يعني فتره طويله طلب نأجل الخطوبه شهرين قولتله مافيش مشكله واهلي ممانعوش لدرجه ان باباياقاله لوعاوز تأجل لسنه كامله مافيش مشكله المهم ظروفك تتحسن يبقا بيتحجج ولا لا

Marshmallow_37766 🇪🇬 · Answer

انا شايفه ان دا مش مبرر لان لو انا عاوزاك وانت عاوزني وشاري فعلا هنستحمل مع بعض تفكيركم غلط انتو المفروض تشوفو الشخص اللي معاكم هيستحمل ظروفكم ولا لا هيكمل ولا يبيع عشان اللي هتستحمل وتكمل هي دي اللي تستاهل انك تتجوزها لان هي دي اللي هتستحمل بعد الجواز المسئوليه والبيت والعيال

Pineapple_64179 🇪🇬 · Answer

طيب ماشي كلامك حلو افتراض ان هو اشتغل ليل نهار الثلاث سنين دولت عشان يبني الشقه ويعملوا الفرح ويجيب الذهب يعني هيخش له في مليون مليون ونص اقل حاجه افترضنا ان هو عرف يعمل المليون ونص دول في ثلاث سنين او سنتين مع العلم ان دي حاجه مستحيله لان مبلغ زي ده عايز 10 سنين افترضنا ان هو عامل ده كله بعد ده كله هل هيقدر يعيشك العيشه اللي انت كنت عايشاها مع اهلك قبل ما تحكمي على شخص حطي نفسك مكانه الاول

Pineapple_64179 🇪🇬 · Answer

هو ما كانش هيخسر حاجه بس انت دلوقتي قبل ما تطلعي من بيت ابوكي بتروحي على بيت تاني لازم يكون البيت الثاني ده نفس الامكانيات اللي كانت في بيت ابوكي واكتر كمان نفس الحاله الماديه واحسن هو شاف ان هو مش هيقدر يسعدك وحاول ياما وفي الاخر اكتشف ان هو مش هيقدر يساعدك وما تستهزيش بالحوار مش حاجه سهله ان الواحد يسيب واحده كان بيحبها عشان بس بيتمنى لها حياه احسن

Pineapple_64179 🇪🇬 · Answer

هتستحمل هتستحمل سنه هتستحمل اثنين هتستحمل ثلاثه بس مش هتقدر تستحمل العمر كله والشخص اللي انا هاخده ده ومش هقدر ادي له نفس الحاجات اللي هو كان واخدها في بيت اهله انا هحس بالنقص فلا تفضل في بيت اهلها وانا انا عرفت اعيشها احسن من عيشتها هاخدها بس انما انا مش هاخدها تعذب معايا

Marshmallow_37766 🇪🇬 · Answer

ماهو كل الشباب على الحال دا ايه ميتجوزوش برضو دا مش مبرر انتو مش من حقكو تكررو من نفسكم وتبعدو في حاجه اسمها تفاهم لو تسمعو عنها في حاجه اسمها اننا احنا الاتنين في مركب واحده بنشيل وبنستحمل بعض

Marshmallow_37766 🇪🇬 · Answer

لا اللي بيحب حد بيعمل المستحيل عشانه مش بيستسهل ويخلع

Marshmallow_37766 🇪🇬 · Answer

اللي يحب حد بجد بيستحمله العمر كله وبيشيله فوق راسه وبيبقا شايفه اعظم الناس واكبرهم في عنيه لمجرد انه بيحاول على شانها هي شيفاه وهو تعبان في شغله عشان يفرلها حتى لو نص اللي هي عاوزاه هتبقا فرحانه بأقل حاجه يجيبها عشان عارفه انه جايبها بتعبه وشقاه مش عشان اخترت غلط تبقا قاعده ثابته صوابعك مش زي بعضها يااستاذ

Pineapple_64179 🇪🇬 · Answer

طيب حلو انا معاكي طالما انت راضيه تعيشي بالعيشه اللي هو هيعيشك بيها وعمرك في يوم من الايام ما هتيجي تقولي العيشه الفقر ديت او القرف ده وانا عايزه وانا عايزه والحاجات دي كلمي وقولوا لي وانا مش عايزه حاجه غيرك وكلميه واقعدي تتكلمي معاه شويه حلوين وفهمي ان الدنيا دي كلها لو ما شالتوش انت هتشيليه على فكره احنا كرجاله من جوانا اطفال بندور على حد يفهمنا ويريحنا فانت حاولي تتكلمي معاه وتفهمي ان انت عايزا

Pineapple_64179 🇪🇬 · Answer

طيب ماشي كلميه بقى وقولي له كده زي ما انا قلت لك

Marshmallow_37766 🇪🇬 · Answer

كلامك جميل بس الكلام دا لو انا مقولتش ليه الكلام دا قبل كده انا فهمته كده مليون مره كل مره كان بيجيلي افهمه واقوله احنا بنشيل مع بعض ومع ذلك عمل اللي عمله انا لحد اخر لحظه كان عندي امل انه يرجع بس بعد اللي عمله واللي قاله معطنيش فرصه احطله اعذار لانه نهاها وكل حاجه بتدل انه نهاها بمزاجه وكان قاصد كل دا

Marshmallow_37766 🇪🇬 · Answer

معدش فيه كلام بتقال انا حتى عتاب متعبتش انسحبت بكل هدوء لانه حرفيا طعني في ضهري بتصرفاته الغريبه ومبرره الاغرب كل واحد راح لحاله واتمنى انه ميعيدش نفس الغلط تاني ويجرح بنت تانيه وربنا يرزقه بنت الحلال

Marshmallow_37766 🇪🇬 · Answer

ونصيحه من بنت  اتجرحت ليك متعملش نفس الغلط تاني لانه بجد بيوجع اوي مش هتصدقني لما اقولك انها اصعب من الخيانه لان دا طعن ومن الضهر وعلى خوانه وحشه اوي بجد وحط نفسك مكان الشخص اللي هتسيبه وخلى دايما في بالك جمله ان اللي يحب حد بجد يعمل اي حاجه عشانه ودا للطرفين مش لطرف واحد

Pineapple_64179 🇪🇬 · Answer

كلامك صح وهو غلطان بس ممكن ما كانش في حاجه في ايده وعلى العموم كلها ايام وكل حاجه هتبان هتساليني هتبان ازاي هقول لك لو هو بيحبك بجد هيحاول يرجع لك او حتى يطمن عليك وانت برده ما جربتيش شعوري ان انت تبعدي عن حد روحك في حرفيا عشان بتتمني له بس حياه افضل

Pineapple_64179 🇪🇬 · Answer

خلاص سيبي كل حاجه زي ما هي وهو لو بيحبك بجد هيحاول يسال عليك تاني وهيحاول يشتغل على نفسه وهيحاول ياخدك من ثاني ودايما حط في دماغك ان لو ليك نصيب في حاجه هتاخدها غصب عن اي حد عشان الحاجه دي مكتوبه عند ربنا ولو انت مش ليك نصيب في الحاجه ديت لو عملت ايه باللازم مش هتاخدها عشان برده مكتوب عند ربنا ان انت مش هتاخدها

Marshmallow_37766 🇪🇬 · Answer

دي الحاجه الوحيده اللي خلتني ثابته اني متأكده انه اللي كاتبه ربنا هيكون ولو ليا خير فيه هيكمل للاخر الحمدالله على كل حال

Marshmallow_37766 🇪🇬 · Answer

اللي يحب حد بجد ميسيبهوش لانك لو سيبته هيجي حد ياخد مكانك ودا الشعور الاصعب واكيد مش هتحب تشوف اللي بتحبها مع واحد تاني فبالتالي مش هتسيبها ابدا وعموما اللي فيه الخير يقدمه ربنا

Pineapple_64179 🇪🇬 · Answer

الحمد لله على كل حال وما توقفيش حياتك لو ليكي خير فيها هيجي لك ولو ما لكيش فيه هيجي لك اللي لك خير فيه

Pineapple_64179 🇪🇬 · Answer

شعور صعب بس ده الواحد يموت نفسه قبل ما يشوف حاجه زي ديت بس والله يا بنتي لو ليكي خير في هتاخديه غصب عن اي حد ولو ما لكيش هيجي لك اللي لك الخير فيه زي ما قلت لك الحياه مش بتقف على حد ولو هو بيحبك بجد هيكلمك تاني

Marshmallow_37766 🇪🇬 · Answer

صح

Marshmallow_37766 🇪🇬 · Answer

ربنا يكتب اللي فيه الخير وبس دا اللي انا عاوزاه وفيي انتظار العوض

Pineapple_64179 🇪🇬 · Answer

ربنا هيعوضك والله ودائما حطي في بالك ان ربنا عايز ليكي الاحسن

Avocado_64280 🇪🇬 · Answer

بصي يا بنت الحلال الله اعلم ايه اللي بيحصل ممكن يكون فعلا عايزك بس الدنيا بايظ وهو مش قادر وممكن يكون بيخلع وبيستعيط وتلاقيه خاطب بعد شهرين

الفكرة مش في كدا الفكرة انك الحمدلله محافظة علي نفسك مش معلقة قلبك والمرة الجاية لما حد يبعد بالشكل ده متلفيش وتدوري عشان تعرفي ماله فكري في بعد الجواز انتي هتستحملي تتعاملي مع شخص كل ما يتضايق يبعد ويسيبك لدناغك تودي وتجيب ولا لا؟

Marshmallow_37766 🇪🇬 · Answer

انا معتبراه درس من ربنا اني متنازلش بالمعايير اللي كنت حطاها للشخص اللي هتجوزه درس عملني حاجات كتيره اوي والحمدلله انهاعدت على خير وبقيت احسن بالنسبه لموضوع انه بيضايق ويختفي طول ال4 شهور معملش كده كان بيجي يقولي انه مضايق صحيح كنت بعاني عشان اعرف السبب وكتير كنت اقوله مينفعش كده لان الحياه مشاركه واحنامع بعض على المره قبل الحلوه وان انابيتك اللي هتلاقي فيه راحتك مكانك الخاص اللي هتلجأله