السلام عليكم دلوقتي متقدملي اتنين بس الاتنين اصلا قرايب بس من بعيد والاتنين جايين من طرف واحده جارتنا بس انا اصلا مرتبطه وعلى علاقه حب بشخص تالت والشخص ده هو مش مقتدر ان هو يجي يتقدملي وكل شويه لما اجي افتحه في موضوع ان كل شويه عرسان بيجي يتقدمولي بيفضل يقولي انا اعمل ايه طيب مافيش حاجه في ايدي وكل مره يقولي اكلم مامتك طيب وهو اصلا على تواصل مع ماما بس كلامه بحر وافعاله ما تملاش فنجان قهوه فبجد تعبت وانا بصراحه حبيته وهو بيحبني جدا بس دلوقتي تعبت وزهقت وقرفت وحاسه اني جضيت اوي من العلاقه دي مالهاش نهايه وتعبت وكل ما اقوله انا عايزه ابعد وكل واحد يروح لحاله يفضل يقولي ازاي انا مش قادر اسيبك اقوله طب اعمل اي حاجه يقولي برده مش عارف مافيش في ايديا حاجه فبجد تعبت ومش عارفه اعمل اي حاجه ومش عارفه ابعد خالص كل ما اقولوا كل واحد يروح لحاله يفضل يقولي لا مش هقدر اعيش من غيرك والكلام من ده كتير فاجيبهاله ازاي ان انا مش عايزاه خلاص وهقبل باللي متقدملي لان بصراحه حسيت ان خلاص تعبت طاقتي انتهت.. واني مش هفضل مخبيه كده كتير مستخبيه في العلاقه دي

1

7