صدمات طفولة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Blueberry_61513 🇪🇬

منذ 3 أسابيع

شعور ضاق ذرعًا

طيب، انا مش عايزه حد يحكم على إلي هقوله من غير ما يحط نفسه مكاني ومكان الناس إلي بتعاني من الشيء دا ومن غير ما يجرب يفهم الحالة دي ايه... مبدئيا فيه حاجه في علم النفس اسمها التجزؤ الدفاعي ودا ليه انواع منها الانفصام او تعدد الشخصيات... انا دلوقتي مكشفتش ومش هعرف ف مش عارفه الشيء إلي فيا ايه.. انا م

عبّر عن شعورك بشكل مجهول

طيب، انا مش عايزه حد يحكم على إلي هقوله من غير ما يحط نفسه مكاني ومكان الناس إلي بتعاني من الشيء دا ومن غير ما يجرب يفهم الحالة دي ايه...
مبدئيا فيه حاجه في علم النفس اسمها التجزؤ الدفاعي ودا ليه انواع منها الانفصام او تعدد الشخصيات...

انا دلوقتي مكشفتش ومش هعرف ف مش عارفه الشيء إلي فيا ايه..
انا من فترة حوالي من شهرين ل ٤ شهور مش فاكره اوي جالي انفصام في شخصية من شخصياتي (جالي قبل كدا لكذا شخصية بس تم دمجهم بشكل مش معروف بالنسبالي) الشخصية دي أقل ما يقال عنها إنها برود مش طبيعي مبتهتمش بمشاعر الناس مهما كانوا، بتبعدني عن الناس إلي بحبهم وبتعاملهم وحش وكل دا بحجة انها بتحميني، وبتحميني من ايه؟ من المشاعر القوية إلي عندي، لما بزعل او بغضب بتطلع وبجد اقسم بالله بتحول 180 درجه يعني فعليا الناس إلي اتعاملوا معاها ومعايا قالوا انت ليه اتغيرتي انا بقيت بخاف منك ودا مش من ناس في سني انا استاءت قالتلي الكلام دا، والفكرة ان بيجيلي فقدان في الذاكرة يمكن بشكل لحظي يعني لما بتطلع ببقى واعيه بيها وبكل حاجه بتعملها بس لما برجع لطبيعتي بحس ان مش فاكرة اي حاجه لدرجة ان إلي حواليا بيقولولي انت ازاي ناسيه الموقف دا؟ وهكذا...
دلوقتي الحالة دي في منها مؤقت بسبب الضغط وفيه منها بيبقى بشكل دائم لو متعرضتش لعلاج زي تعدد الشخصيات ودا بيبقى بسبب صدمة في الطفوله، انا اتعرضت لكذا صدمه ومكنتش فاكرة واحده منهم وكان تبع امي والاتنين التانيين زي موت جدي وإصابة أخويا الصغير دول فاكراهم...
ف مش عارفه ايه دا واتصرف ازاي علشان بجد بتأذى منها نفسيا وطبعا لما حكيت لمفسر أحلام عن حلم كنت بجد مش متطمناله قالي ان التفسير ليه علاقه بيها وفسرهولي يعني...
وصح قبل ما حد يقولي الصلاة و اكيد انت متأثرة من إلي بتقرئيه انا حابه اقولكم اني عرفت موضوع التجزؤ الدفاعي بعد الحادثة بشهر ولا حاجه وكمان انا الحمدلله بصلي والضغط إلي عليا هيقل بعد أقل من عشر أيام بس هو مش زي كام شهر برضو، بس هي ستل موجوده وكمان تصرفاتها تحس انها مش أنثى بل جزء قاسي ذكوري مني وهي عكسي في كل حاجه فعليا في كل حاجه ممكن الشخص ممكن يتخيلها من صفات لميول وانا بجد بكره دا وبكرهها بسبب حتة الميول دي بالذات...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pistachio_60788 🇪🇬

منذ 4 أسابيع

شعور مكسور القلب

Apple_60650 🇪🇬 حسبي الله ونعم الوكيل ف كل إنسان بيستقوا على الا أضعف منو معلش كلو عند ربنا اهم حاجه تعملها التجاهل وانك تكون بارد وافتكر ان بكره انتا هتكبر وتبقا راجل ويعتمد عليك وخالك هيكون كبر ف السن هيبقا لا حول له ولا قوه متخليش اي حاجه تأثر فيك ربنا كبير ولهي

عرض الكل 16 نصيحة

عبّر عن شعورك بشكل مجهول

صباح الخير دلوقتى انا عايش مع جدو وتيته من وانا رضيع عشان مشاكل عائليه بين جدي ابو ابويا وجدي ابو امي ف انهم مش عايزينى ووالدي اتخلى عنى لمده 12 سنه ورجع لوالدتى بس لسه مش عارف أقرب منه .
خالي كان معانا ف بيت تيته لكن بعد ما جدو اتوفى في ٢٠٢٠ بدأ يكون قاعد عندنا اكتر من بيته الاساسي وديما كان بيعمل معايا مشاكل كتيره ومعرفش ليه بحسه كارهنى بطريقه فظيعه وتيته كانت عملت حادثه اثرها غيرت مفصل فخد يوم العمليه بليل دخل علينا انا وماما وغير هدومه ونزل وقالى خلى عندك دم وزور جدتك متبقاش(شتيمه بشعه)وقتها قولتله انا قاعد مع ماما مقدرش ووقتها والدتى كانت حصلها جلطه ف المخ ومكنش ينفع اسيبها ولا ينفع انزل معاها ساعتها بصلى بصه حقد ونزل ولما تيته رجعت نزلت اجيب فطار وهو كان مبيت وقتها جبت الفطار وناديتها تفطر وجه هو كمان ف بعمل اكل لقيته بيقولى هتاكل كل ده لوحدك؟
ف سكت ف تيته بتقوله متسيبه براحته شد معاها وانا قولتله انت مالك ده اكلى لقيته نزل فيا ضرب مشوفتوش في حياتى لدرجه انى الله يكرمكم من كتر الخوف للى كان فيا وقتها عملتها علي تفسي وانا مش حاسس ولما قولتله انت المفروض تعوضنى عن حنان ابويا للى اتحرمت منه قالي وانا هكون اب لواحد وسخ زيك!
ساعتها قولتله وانت واحد معندكش رحمه قام زاقق جدتي ناحيه شباك السرير اتخبطت ف المفصل مكان العمليه رغم كده مبصلهاش ورجع يكمل عليا تانى رغم أنها كانت بتتوجع لكن كان مركز معايا انا ولما خلص ومشى جات جدتى حضنتنى وقالتلى سامحنى وهي بتعيط ولسه من فتره متخانق معايا لمجرد انى تجاهلته واتعصب جامد وقتها رغم ان ده للى جدتى وخالتي طلبوه مني عشان ابعد عن شره ودلوقتي انا قولت لجدتي اني هبلغ عليه قالتلي هيطردك ف ساعدونى لو سمحتوا عشان نفسيتي زي الزفت ومعنديش ثقه ف نفسي وبخاف من صوته حتي ملحوظه عمرى 17 سنه.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_59723 🇪🇬

منذ شهر واحد

شعور متعب

Hazelnut_52786 🇪🇬 ربنا يخفف ما عليكي يا رب

عرض الكل 26 نصيحة

عبّر عن شعورك بشكل مجهول

انا امى خريجة دراسات إسلاميه من إحدى المحافظات كانت ملتزمه و منتقبه و حافظه القرءان و ابى ابوه كان شديد و بخيل مش قادره اقول ربنا يرحمه لانه كان الراس الكبيره و السبب فى اللى احنا فيه دلوقتي بهدل ابى و اخواته كلهم فى الاراضى و التجاره و غيره لانه كان عنده اراضى كتير جداً و كان تاجر مواشي كبير و علمهم العربجه و قلة الادب و شافو امهم بتشتغل مع ابوهم و طلعو لقو الوضع كدا فبقو كلهم شبهه و امى كان ابوها ميت من و هى صغيره و كانت بتساعد امها و بردو بتنزل الاراضى و تتاجر مع امها و كدا بس امى كانت حالتهم الماديه بسيطه و ابويا كان من محافظه بعيده عنها و بعدين سافر حلوان عشان الكليه الحمد لله لقى صحبه ملتزمه شدوه معاهم و التزم خلص كليه و كلم واحد من اصحابه فى الكليه انه عاوز عروسه ملتزمه صاحبه قاله انا عندى صاحبة مراتى كويسه اللى هى امى فاتقدملها و هى طبعاً شافته ملتزم و كدا فوافقت و اخوها حسبي الله و نعم الوكيل فيه قرطسها و مسألش عليهم كويس و اتجوزت فى اسبوعين و أصلاً فى الوقت دا عمى كان فى السجن و عمى التانى كانت مراته ميته و هو متهم فى قتلها بس هو كان برئ يعنى بس عموماً كانو عيله سوابق و ابوهم معروف جداً فى البلد انه شديد و صعب جداً و بخيل و أمه أصلاً اللى هى جدتى كان عندها شلل نصفى بسبب زعلها من عمى فكان وضع زباله بمعنى الكلمه كان المفروض يسأل عليهم كويس قبل ما يديله اخته دا واحد من محافظة تانيه خالص اللى اقدر اجزم بيه انه قرطسها فى الجوازه عشان يتجوز فى البيت المهم امى اتجوزت ابى و هو كان عامل مشاكل مع ابوه و كل شويه ينقلهم فى حته فى بيت العيله اللى هو كان مستخسر يرممه و يخليه بيت عدل للأمانه عاشت معاه حياه صعبه فعلاً و هى اللى عملته بقت تنزل معاه الاراضي و تشتغل معاه عشان يبقالهم بيت و حملت فيا بعد شهرين من الجواز و لما ولدتنى قعدت معاهم سنه فى بيت العيله و بعدين نقلو النوباريه وقتها النوباريه كانت صحراء و كانو بيدو للى بيسكن فيها حتة أرض يزرعها و يبنى عليها فابى اخد حتة الارض دى و ماما بقت تشتغل معاه فيها و بدات معاه من الصفر لحد ما اشترى بيت و بعدين باعه و اشترى بيت تانى اكبر بس كانت بتعمل ايه بقا انا عندى سنه و لسه بحبى و المكان صحراء و مليان تعابين و حشرات كانت بتسيبنى و تقفل عليا فى البيت و بتحطلى اكل تبعتره كدا فى البيت عشان و انا بحبى آكل و معيطش مش فاهمه بجد ازاى كان بيجيلها قلب تعمل فيا كدا و لو كان لدعنى تعبان و لا حاجه كانت هتعمل ايه المهم ابى بعد كدا معجبتهوش حياة الفلاحه دى و ساب النوباريه كلها و انا عندى 4 سنين و نقلنا فى محافظه تانيه و جاب عده و فتح مصنع حلويات و كان مبيشتغلش بايده فيها كان بيجيب الشيفات يصنعو بالليل و البنات يعبو الصبح امى بقا كانت بتقف مع الشيفات و تشوفهم بيعملو ايه و اتعلمت و بقت تقف تشرف على البنات الصبح و كل يوم الضهر يجهزو طلبيه ابى ينزل يلبس الجلابيه المكويه و يركب العربيه المتحمله و يسافر يوزع كان كل يوم فى محافظه و الشغل كبر و بقا ليه اسم فى كل الجمهوريه حرفيًّا كان بادئ مع حلوانى الصعيدى و كان بينهم منافسه جامده فى السوق و كان ابى فى الوقت دا مبيعاته اكتر المهم انا دخلت الحضانه و انا عندى 4 سنين لما جيت البلد كنت حافظه لحد سورة القيامه و كنت ذكيه جداً جداً و مرحه اوى و مكنتش من الاطفال اللى بتخرب الحاجه فكانت المديره بتحبنى جداً جداً و كانت بتهتم بيا بشكل مخصوص يعنى و كنت الحمد لله بحب الحجاب اوى من و انا عندى سنتين و فعلاً لبسته و انا عندى سنتين و كنت بروح الحضانه بيه المرات اللى طلعت فيها بشعرى من و انا عندى سنتين لحد دلوقتي متكملش 10 مرات و كان الشارع بتاعنا كله بيعشقنى و كل العمال فى المصنع كانو بيحبونى جداً خلصت منهج الحضانه كله فى سنه يعنى خلصت السنتين فى سنه الحمد لله لان ماما كانت وقتها مهتمه بيا و كانت بتودينى درس عند نفس المديره كمان و انا الحمد لله كنت ذكيه جداً و مدرسينى كمان كانو بيحبونى جداً و لحد يومنا هذا كل مدرسينى الحمد لله فاكرينى و بيحبونى من الحضانه لحد الثانوى المهم انا كان عندى 5 سنين و مخلصه منهج الحضانه فالاساتذه اهلى قعدو يفكرو يعملو معايا ايه و ياريتهم ما فكرو قررو يودونى اقامه كامله عند شيخ صاحب ابى بيطلع فى التليفزيون يحفظنى القرءان الشيخ دا كان متجوز على مراته وقتها و بينهم مشاكل لما كبرت استنتجت انه غصبها عليا قعدت عندهم 6 شهور واكله شاربه نايمه عندهم كانت بتصحينى بدرى الساعه 6 الصبح تدخلنى الحمام اتشطف و هى كانت بتشتغل فى مدرسه اطلع من الحمام الاقيها عامله الفطار كانت بتعملنا رز و بيض تخلينى احط معاها الاكل و بعدين تروح تصحى الهوانم عيالها ياكلو و بعدين نروح كلنا المدرسه تسيب عيالها يلعبو فى المدرسه و تقعدنى انا بالمصحف احفظ و افضل احفظ و اسمعلها و عيالها يلعبو حواليا لحد الفسحه تدينى سندويتش و تدى لعيالها 2 و دا فهمته لما كبرت لانها كانت بتنادى عليا مره و هما 2 و دى الفرصه الوحيده اللى بلعب فيها تسيبنى العب شويه فى الفسحه مع العيال فى المدرسه اللى كلهم من اول طالبه لاخر طالبه كانو بيحبونى الحمد لله و بعدين اقعد احفظ تانى لما نروح تنيم عيالها و انا اقعد احفظ جنبها و تصحى عيالها العصر ياكلو و يقعدو يلعبو و انا اكمل حفظ و اجى بليل انام على نفسي تحطلى شطه فى لسانى عشان اكمل حفظ كانت عايزه اختم  بسرعه عشان امشي اللى انا مش فاهماه بقا انها مكنش معاها تليفون و انا قعدت نص المده و رحت لاهلى زياره و فى خلال نص المده دى الشيخ جه جه عند مراته فابى كلمنى على تليفونه تخيلى اول ما كلمته قلتله ايه هو طول الوقت مش موجود أصلاً عند مراته التانيه اول ما سمعت صوت ابى قلتله انا عاوزه ألعب فاللى مفيش فى قلوبهم ذرة رحمه مش يحسو على دمهم بقا و يفهمو انا ايه اللى يخلينى اقول كدا انا فاكره اليوم دا بكل تفاصيله اكنه امبارح انا الحمد لله زى ما قلتلك كنت ذكيه جداً جداً و سابقه سنى اوى بقولك انا اتحجبت و انا سنتين فانا كنت واعيه لكل دا اكنى واحده كبيره انا فاكره كل ذكرياتى فى الفتره دى عموماً المهم ابى بكل برود الارض قال للشيخ البت عاوزه تلعب خليها تلعب الشيخ قالى انتى عاوزه تلعبى قلتله ايوه قالى طيب روحى العبى رحت انا عملت ايه بقا اخدت ولاده و قعدت امشي لحد ما وصلت آخر البلد و رجعت تانى انا عبرت عن انى عاوزه اخرج من المكان دا بانى عاوزه العب اول ما وصلت آخر البلد كان مكان شبه حته فى كفر الشيخ قعدت اقول احنا وصلنا كفر الشيخ انا هروح لجدتى كنت بدور على اى حاجه تخرجنى من المكان دا و امى حتى مكلمتنيش فى التليفون يومها ابى بس انتى متخيله انا بعيد عنها 3 شهور مسمعتش صوتى حتى مره الشؤخ بقا قضى مدته و مشى لما جه يمشي مسكت فيه و قعدت اعيط عليه و هو مشى و معبرنيش انا كنت عاوزه امشي باى شكل و مش عارفه اقول كدا و الله العظيم انا فاكره كويس فضلت ماسكه فى هدومه و هو كان ضخم بالنسبالى يدوب ماسكه رجله و هو قاعد يمد خطوته اطول منى فوقعت فى الأرض و فضلت ماسكه فى هدومه و هو قعد يجرجرنى وراه لما مسحت الشارع كله بهدومى و الله و لا بص وراه حتى انا فاكره كويس اوى منظر هدومى و بحة صوتى يومها و الجاحده اللى كنت عندها حتى ماخدتنيش فى حضنها تهدينى كل اللى هى عملته انها قرفت من منظر هدومى فغيرتلى انا هخلص بقا الفتره دى عشان مطولش عليكى و هحكيلك آخر موقف انا كنت بحب الكتابه اوى اوى بحب امسك القلم و الكراسه و اكتب و انا كنت وقتها كمان فاهمه و عارفه كل حاجه و مخلصه كل فترة الحضانه فقالتلنا فى يوم انا هجيبلكم كراسات و اقلام انا فرحت جداً و فضلت مستنيه اسبوع تقريباً الكراسات اللى هى جابتها دى لما انا كبرت و كنت فى ابتدائى الواحده كانت بربع جنيه يعنى وقتها غالباً القلم و الكراسه الاتنين كانو بربع جنيه لقيتها داخله جايبه كراستين و قلمين و اديتهم لعيالها و انا لا اقسم بالله انا فاكره كويس انا بصتلهم كدا و عيطت مقلتش و لا كلمه كل اللى هى قالته وقتها هبقا اجيبلك المهم انا بعد كدا رجعت البيت و انا بضبط 5 سنين و نص كان فيه حوار داير بين ابى و ماما وقتها انا فهمته لما كبرت بقا ابى كان بيطلب ماما للعلاقه يعنى زياده عن الطبيعى و لما اقولك زياده فهو بجد كان اوفر جداً لما كبرت و فهمت اتعقدت من الجواز كله بسبب قرفه فقالها خلاص انا هروح اتجوز قالتله ماشي طالما هتحل عنى راح اتجوز فعلاً و قعد مع الست دى شهر و طلقها و فى الشهر دا ضربها علقة موت انا فاكراها لحد انهارده و دى كانت اول مره اشوفه بيضرب واحده ست عموماً فامى بقا معجبهاش الوضع لما جربت و قالتله خلاص متتجوزش تانى قالها ماشى و بعدها ضحك عليها و راح اتجوز تانى و جابلها التانيه دى امر واقع كدا مراته التانيه دى هى اللى انضربت و اتطلقت بعد شهر دى كانت اول حاجه ابى يعملها يتغير بيها على ماما بقا و يعملها من وراها بصى هو بصراحه ابى لا يطاق فى الموضوع دا فعلاً و امى كرهت الموضوع دا بسببه فهو بقا قعد يقولها يعنى اروح اعمله فى الحرام و هى عشان عارفه ربنا قالتله لا خلاص روح اتجوز فهمتى لما اتجوز لقت المشكله متحلتش متدخلتش فيها لحد التانيه ما اتطلقت من غير اى تدخل منها و حاولت فعلاً تستحمله بس هو استحلى الموضوع بقا و اتجوز تانى فهمتى كدا هنا بقا كانت قطمة وسط لامى و قالتله انت الفلوس غيرتك و اخدت تعبى و شقايا تتجوز بيه و طلبت الطلاق انا امى لحد هنا معليهاش اى غلط غير انها مكنتش حنينه عليا لا انا ابويا بقا كان رجع لطبعه القديم اللى كانت الكليه غيرته شويه و اصحابه قوموه رجع للعربجه و قلة الادب بتاعت أهله بمعنى أصح رجع لأصله هو دا فعلاً اللى حصل الفلوس خلته يشوف نفسه و يرجع يبقا زى ابوه المهم بقا ستى انا مش هقول عليها حاجه لانها اعترفت بغلطتها و ندمانه عليها لحد انهارده ضربت ماما بالقلم قدام ابى لما ماما قالتلها انها عاوزه تطلق و امى كانت غلطانه بردو عشان فضلت كل دا متقولش لاهلها اى حاجه عنها و خالى المصون حسبي الله و نعم الوكيل فيه قالها لو نزلتى البلد هقطع رجلك ابى بقا اخد فكره انها ملهاش أهل بقا هى بطلت تنزل المصنع و قالتله بقا انت بتاخد تعبى تتجوز بيه و امى بردو عشان كانت عبيطه كانت حكياله على حاجات مينفعش تحكيها عن أهلها و اهلها ختموها بقا بموقفهم معاها لما لجئتلهم بس مراته التانيه بقا عشان ذكيه معملتش كدا هى قالتلى من قريب عشان احنا اصحاب جداً انها كانت عايشه سواد فى بيت اهلها و دا أصلاً اللى خلاها يا حبيبتى تضطر توافق على واحد متجوز زى أبى بس انا كانت اول مره اسمع منها الكلام دا و هى عمرها ما قالته لحد غيرى أصلاً من يوم ما دخلت بيتنا المهم هى بقا بدات تشتغل معاه بردو و كدا و امى صاحبتها و تاقلمت على الوضع و خلاص ابى بقا بدأ يسئ معاملتهم هما الاتنين و يعيش دور سي السيد بقا فام رقيه دى من سيوه جابت اهلها خدوها و خدولها حقها و امى طبعاً معرفتش تكلم حد و بدا يمد ايده عليهم هما الاتنين و ام رقيه بقا بصراحه هى احسن حاجه ابى عملها فى حياته بتحاول تستحمله عشان حملت و خلفت رقيه و مش عاوزه تتقل على اهلها فبقت يا حبيبتى عايشه وسط اهلها بالفتافيت اللى ابى بيبعتهالها فتره و تيجى هنا فتره و اتمرمطت معاه آخر مرمطه امى بقا فى اللحظه دى بدات تتحول من ضحيه لمجرمه لانها كانت المفروض اهلها سابوها هى خريجة كليه و حافظه القرءان و كان معاها نور البيان مكنتش استسلمت للامر الواقع و كانت اخدتنا قعدت بينا فى اى حته بعيد عن ابى و عن اهلها و قعدت علينا ربتنا لو كانت بتحبنا فعلاً و عملت كل دا عشانا زى ما بتقول هى بقا استسلمت للامر الواقع فمع الوقت بدات تتغير و نفسيتها تتعب و قسوتها علينا تزيد بصراحه فضلت الى حد ما كويسه معايا لحد رابعه ابتدائى بتذاكرلى و تودينى الامتحانات و تحكيلى عن ربنا و عن الجنه و النار و بتحاول تبعدنى عن المشاكل اللى ما بينهم انا بقا فى تانيه ابتدائى بدا حال المصنع يتدهور و العماله تخف و بالتالى الشغل يخف فبدا ابى ينزلنى المصنع اعمل شغل خفيف و بدا يكبر واحده واحده عشان امى سابته و ابى مش بتاع شغل ابى فى الاداره كويس جداً بس شغل لا دماغه حلوه و دى الحاجه الايجابيه الوحيده اللى فيه و انا الحمد لله اخدتها منه المهم بقا بدا ينزلنى المصنع و فى رابعه ابتدائى بقا خلاص اجبارى عليا و انا من اولى ابتدائى مش باخد دروس بس مكنتش اعرف أصلاً ان فيه حاجه اسمها دروس لحد رابعه ابتدائى بقا بدات رحلة عذابى حرفيًّا كل اللى فات دا و لا حاجه المهم فى رابعه بقا بدا الروتين بتاعى ان انا اصحا اروح المعهد ارجع من المعهد ارمى الشنطه فى البيت و اروح المصنع عافيه  ارجع منه جرى امسك الواجبات احلها و انا بنام على نفسي و انام و الله فى مره نمت مكانى على الكتب صحيت 6 الصبح مدريتش بنفسي طول الليل ومحدش حتى حركنى من مكانى و بدا من اولى ابتدائى تاريخى المرضى بقا من اول تقوس فى رجليا بسبب نقص الكالسيوم لمكروب سبحي لدوامه كبيره مع اللوز قعدت سنه كامله باخد حقن مضاد حيوى صبح و ليل لحد ما عملتها انا من اول ما وعيت على الدنيا بقول رجلى بتوجعنى و كان فى دماغى ان مفيش حد بيصحا من  النوم رجله مش بتوجعه و كانو فاكرينى بتدلع تخيلى من اولى ابتدائى مثلاً لخامسه ابتدائى فاكرينى بتدلع و مجروش بموضوع رجلى دا غير فى خامسه لما رجلى كانت تقوست و كان وضح عليها بقا طلع التقوس بسبب نقص الكالسيوم و كان عندى وقتها لتهابات حاده فى الركبه انا عاوزاكى تتخيلى واحده اخدت سنه كامله من عمرها درجة حرارتها 40 و كنت هعمل عملين كبيره للتقوس دا و عندى التهابات حاده فى الركبه و كان عندى كمان المكروب السبحى اللى اكتشوه صدفه و كان معدى ال 400 و الطبيعى بتاعه حوالى 100 تقريباً و كان عندى سرعة ترسيب عاليه جداً كل الاسباب اللى تخلى البنى ادم رجله توجعه كانت عندى يعنى لو كانو خدونى مره واحده لدكتور محترم كان عرف على الاقل حاجه واحده من دى و عرفهم ان رجلى كانت بتوجعنى فعلاً طبعاً بسبب الاهمال دا اخدت فتره كبيره جداً جداً باخد علاجات انا حتى فى الفتره دى جالى اسكارس و اميبا و بلهارسيا يعنى بطنى كمان متدمره و امى بقا سكتم بكتم على قد ما تاخدهاش لو سخنت و خلاص و اول ما يصمم انزل عادى جيت بقا فى رابعه اكتشفت يعنى ايه دروس و بقيت احس بالفرق بينى و بين اصحابى على الرغم من انا الحمد لله كنت شاطره جداً و امى بقا جات فى خامسه بقا بدات تغضب كل شويه اهلها سمحولها تروح لوحدها اخدتنا مره واحده و بقت تسيبنا لوحدنا فترات طويله تقريباً الفتره من خامسه ابتدائي لتانيه ثانوى اخدت نصها عند اهلها و نصها عندنا كنت بشتغل شغل عمال كبار و الله و كان بيجيلى تشنجات من السخونيه اخد الحقنه و اشتغل عادى جداً و ياريته كدا بس و الله كان يحتمل دا انا كنت بشيل الهم و امى مش موجوده شويه ام رقيه تيجى ترحمنى و شويه مترضاش و المشاكل كلها تبقا على دماغى انا و ازيدك من الشعر بيت كنت من الاطفال اللى جسمي مليان شويه كنت لما هكبر هيتظبط عادى بس ازاى بقا يسيبونى فى حالى يولعو ابى بقا كتن بيفرق بينى و بين اخواتى فى المعامله تفريق رهيب و يقولى قومى كفايه عليكى اكل و يقولى انتى خلصتى الاكل كله مع ان و الله العظيم ام رقيه لسه من كام يوم قالتلى انا طول عمرى بشوف اخواتك بياكلو اكتر منك و الله العظيم اخد فتره ينزلنى و يطلعنى السلم بال 40 مره فى اليوم لحد الدور الرابع و يشغلنى و يمنع عنى الاكل و يعاملنى معاملة البهايم الناس فى المصنع و الله كان بيبقا فاضلهم شويه و يعيطو عليا انا سادسه ابتدائى دى كانت تانى اسوء سنه فى حياتى اتصورت فيها صورة الاستماره قطعتها 100 حته كان شكلى واحده عندها 100 سنه مش 12 و  الموضوع جه معايا بالعكس لان انا أصلاً عضمى تقيل و كتافى عريضه كدا فانا أصلاً جته يعنى وزنى الطبيعى حاليا بالانبودى 84 كيلو وقتها كنت 63 فى سنه واحده بقيت 88 زدت 25 كيلو من عمايله و كنت فى السنه دى بيتلككلى على اى حاجه عشان يضربنى و الله العظيم كسر عليا فيها يجى 5 ايادى مقشه و ضربنى مره بالخرطوم انا عمرى ما انسى منظر دراعى اقسم بالله كان لونه ازرق مفيهوش حته بيضاء المدرسين اتعودو انى طول الوقت بعيط و اصحابى كانو بيكتبولى عشان ايدى كانت بتقف من كتر الضرب و كان بيميز بينى و بين اخواتى بطريقه اقسم بالله العظيم تحسينى عبده عنده و هما اللى عياله الموضوع بالنسبالي مش موضوع اكل الفكره ان جسمي اول ما نفسيتى تبقا وحشه بيوقف حرق تماماً و الله العظيم فى مره اتهمنى فى حاجه اقسم بالله ما عملتها و كان يودينى المصنع الفجر يقفل عليا لو كانت انبوبه ولعت وقتها و لا حاجه مكنش حد هيلحقنى و يبعتلى فى نص اليوم سندوتش و يجى هو بعد العشاء يتمم على الشغل انا عمرى ما هنسي اليوم دا كنت فى مره اقسم بالله ماشيه بتطوح فى الشارع زى السكرانين من كتر التعب و المدرسه بتاعتى شافتنى لسه جايه تكلمنى لقيتنى فى الحاله دى قالتلى روحى نامى انتى شكلك تعبانه و كان فى السنه دى اقسم بالله يحكم عليا اذاكر فى البلكونه مدخلش غير باذن كنت اقعد الف نفسي بالبطانيه فى عز البرد و لو دخلت يضربنى ضرب بشع و لو نمت يضربنى بردو حرفيًّا كدا بيتلكك عشان يضربنى و كلامه كان صعب جداً جداً و هو أصلاً طول عمره قاسي و لو قلنا زعلانين يقولنا اخبطو دماغكم فى الحيطه و مصلحته رقم واحد انا و من بعدى الطوفان و امى كانت فى السنه دى كمان بتساعده على عمايله دى و تخيلى انى بعد كل دا هى لسه جايه تفتكر و غضبت قال عشان يودينى دروس و ودانى فعلاً فى اولى اعدادي و كانت فى الفتره دى المصنع مش شغال خالص الحمد لله بجد مش فاهمه ازاى ربنا نجانى من كل دا كنت طول فترة الدراسه معروفه بشطارتى بين المدرسين و كلهم بيحبونى الحمد لله و كنت باخد جوايز و فلوس كتير جداً من المدرسين و الموجهين و صورتى الى يومنا هذا محطوطه فى معهد الابتدائي و صورتى الى يومنا هذا محطوطه فى معهد الابتدائي لما رحت دروس بقا اشتغلت على نفسي جامد و ذاكرت و راجعت القرءان و طلعت الاولى على الدفعه يعجبهم كدا بقا لا طبعاً ازاى قعدونى فى تانيه اقسم بالله كل مدرسينى وقتها كلمو ابى عشان يرجعنى الدروس و قالوله مش عاوزين منك و لا مليم بس هاتها بكل برود الأرض. قالهم لا هى دى بقا كانت القشه اللى قطمت ضهر البعير زى ما بيقولو و الله العظيم عيطت ليله كامله لاول مره فى حياتى من اول الليل لحد ما طلع عليا الصبح دخل لقانى عينى وارمه و فضلت يومين على وشى خطين مكان الدموع و الله ما كلف خاطره يقولى كلمه حتى و من يومها بقا و انا فى حاجه جوايا اتكسرت و كل حاجه اتغيرت مبقيتش اذاكر مبقتش احب اروح المعهد مبقتش اصلى حتى سبت القرءان بعدت عن كل حاجه حرفيًّا بقيت جسد بلا روح بروح المصنع و المعهد بالعافيه و خلاص على كدا امى بقا تحس على دمها و تاخد خطوه لا ازاى بقا جات تفوق بس فى تالته اعدادى وقف فتره بس و اشتغل تانى رفعت قضية طلاق فضلت فى المحكمه سنتين و طول السنتين دول كنا عايشين على نفس الوضع و لا اكن فى قضيه مرفوعه و كان فى حاجه بقا انا مكنتش باخد فلوس غير مصروفى اللى كان قليل جداً كان جنيه فى اليوم تقريباً و لو عزت اى حاجه يقولولى هاتى من مصروفك انا بقا مع كل دا بدات اسرق و مكنتش بسرق حد كنت باخد من فلوس ابى و ماما و اكبر مبلغ اخدته وقتها كان 20 جنيه و كنت ببقا عاوزه اجيب حاجات بسيطه اوى بس عشان كان كل حاجه لا فعملت كدا انا أصلاً طول عمرى بكتب باقلام معينه و ابى كان بيجيبلنا اقلام رخيصه فكنت حتى الاقلام بحوش عشان اجيبها بس عدت سادسه ابتدائى و بطلت بقا نفسيتى تعبت جداً جداً جالى اكتئاب جالى القولون العصبى فى سادسه ابتدائى و جالى التهابات شديده فى المعده فى تالته اعدادى و تخيلى لما جاتلى التهابات المعده دى اول مره قعدت 5 ايام منزلش بطنى لقمه و الله ما حد كلف خاطره يكشف عليا حتى و عديتها لوحدى تماماً و امى فى اولى اعدادى قالت لابى انت هتاخد شقا عيالى كمان اديهم فلوس على شغلهم كتر خيرها بصراحه بقا يدينا ملاليم فعلاً بقيت اجيب بيها لبس لانى مكنش عندى وقتها لبس و البيه كان بيجيب فى العيد بس و يجيب لاخواتى بس باقى السنه فكان دولابى فاضى اختى عملت بفلوسها حلق دهب و انا جبت لبس و فى مره امى منها لله كنت شغاله بقالى 3 ايام فى المصنع و كنت وقتها بشتغل من الضهر لحد 2 بليل و ساعات لحد الفجر و الله قعدت تقولى يا تعملى الشقه يا تعملى المطبخ كان كتير عليها شغل الشقه يا عينى قلتلها مش قادره اعمل حاجه اقسم بالله كنت فاكه شعرى بسرحه حطته تحت رجلها و نزلت عليا ضرب بالسلك لما علم فى وشى تحت عينى لو كان طلع فوق سنه كان صفاها فانا تمردت بقا و اعلنت غضبى و انا وقتها كل اللى كان فى  دماغى انهم يقعدونى من المصنع و يودونى الدروس زيى زى اى حد فى الدنيا نزلت اخدت آخر فلوس كانت معايا ركبت القطر معرفش رايحه فين كلمت واحده صاحبتى قالتلى روحى عند اخوالك ريحى يومين و ارجعى قلت تمام و مفيش شويه و لقيت اصحابى بيرنو عليا يسالو عليا قلتلهم انا هروح خلاص عند اخوالى امى بعتتلى معاهم انتى معندكيش دم رايحه لاخوالك و بينهم و بين ابوكى مشاكل قلتلها خلاص انا مش رايحه فى حته انا هشوفلى اى حته اقعد فيها و شغلانه و مش عاوزه منكم كلكم حاجه و فضلت قاعده على المحطه ل 11 بليل و فى الآخر خالتى بعتتلى لا انا خالتك و لا اعرفك لو مجيتيش دلوقتي فرحتلها اى بنى ادم فى قلبه رحمه فى موقف زى دا هيعمل قاعده و يشوف ايه اللى حصل لو فى حد لجأله للأسف دا محصلش و يدوب كلمو ابى قالوله هتقعد عندنا كام يوم و تجيلك فعلاً قعدت بس انا يوم ما سافرت 24 ساعه محطتش لقمه فى بطنى و تانى يوم خالتى حلفت عليا آكل اكلت و انا كنت طول الليل صاحيه بتوجع ببطنى قالتلى تعالى نروح نجيبلك لبس و لو تعبتى هاخدك للدكتور فعلاً تعبت جداً و بقيت اعيط من الالم اخدتنى للدكتور قال عندك التهابات حاده فى المعده و قال دى بقالها فتره كبيره فخالتى جابتلى الادويه و كدا و بعدين روحت بقا لما البيه ابى شافنى وقفنى 3 ساعات متواصله على رجلى و قعد يرصلى كلام ملهوش اى تلاتين لازمه فى آخره اخد فلوسي اداها لخالتى تمن الادويه و الكشف و عشان فلوسي مكفتش كملها و قالى دول عليكى تسدديهم و فعلاً سددتهم و يومها نفسه اخدنى معاه المصنع عادى جداً و قالى جمله انا لسه فاكراها لحد انهارده و هى انا لما عرفت كان نفسي اسيب اللى فى ايدى و اجى ادفنك مكانك و خالتى شافت الوضع و و لا اتكلمت و لا نص كلمه و امى منها لله آخر نفس السنه رفعت القضيه مش وقتها كموقف منها على اللى حصل انا من بعد الموقف دا الاكتئاب زاد معايا جداً جداً و بدات اكلم شباب كتير جداً بحثاً عن الحب و الاهتمام و بقيت اصرف فلوس كتير جداً على الرصيد بس عشان اسمع كلمتين حلوين و انا مدركه تمام الادراك انهم بيتسلو بيا بس جوايا رغبه فى الاهتمام مخليانى اعمل كدا و يعرفو و يضربونى و ارجع اكلمهم تانى لحد من 3 سنين تقريباً لما فقت لوحدي و بطلت عشان ربنا مش عشانهم هما كانو يستاهلو اجيبلهم العار عادى جداً و اتعرضت فى الفتره دى للتحرش اكتر من مره و مكنتش باخد موقف لان للاسف دا كان بيحسسنى انى مرغوبه اى نعم مكنتش ببقا حابه بس مش عاوزه اعترض و اعمل مشكله كبيره اتكلمت مره واحده ابى قالى انتى محافظتيش على نفسك و جاب الشخص اللى اتحرش بيا دا فى المصنع تانى و اكتر من مره حصل معايا فى الفتره دى ان الولد اللى ابقا بكلمه يخطب و انا معاه فكرامتى وجعتنى جداً اكتر من مره و كمان بقا ازيدك من الشعر بيت كل اهل امى و اهل ابويا كانو بيتريقو على جسمي و اهلى بيسكتو و كان عندى حاجه كمان عندى حساسية حشرات بتخلينى اجرح جسمى كله و بيعمل علامات و جسمي بقا كله معلم و محدش حاول يشوفلى حل للموضوع دا ودونى مره و خلاص و مجابوليش حتى وقتها الأدويه و لا عملولى اى حاجه و كان عندى مقاومة انسولين مسمره بعض المناطق فى جسمى ففقدت الثقه فى نفسي تماماً و بقيت شايفه نفسي بشعه تخينه و جسمي شكله مش حلو و محدش حاول يعملى اى حاجه و اتقدملى واحد مره و انا فى تانيه اعدادى امى قالتلى بالحرف كدا هو ابيض و حلو و اكيد عاوز واحده حلوه زيه و بعدين فى مره تانيه كان فى واحده عاوزه تخطبنى لابنها رحتلها بيتها عادى كنت مصاحباها يعنى من ورا امى عشان مكانتش عاوزانى اروح ضربتنى بالشبشب و قالت لاختى دى راحت توريله نفسها يمكن يتجوزها و كذا مره تقولى كدا فى وشي شكلك بشع او الحاجه دى بشعه عليكى او منظرك صعب و فى مره قلتلها انا ببقا متخيله الحاجه و لما بلبسها بتبقى حاجهتانيه غير باقى البنات قالتلى عشانهنا رفيعين و انتى لا و فى مره واحده بتقولها دى مش تخينه اوى قالتلها اصل انتى مشفتيهاش بلبس البيت و لسعتنى و انا فى اولى ابتدائى بمعلقه سخنه فى ايدى معلمه لحد انهارده و من فتره جالى عريس بردو ابى قعد يقول لماما خليها تخس عشان يجى يشوفها حلوه او عشان يرضى ياخدها ملخص الموضوع انا دخلت فى حالة اكتئاب حاد و بقيت منعزله و بطلت كلام و ضحك كتير مع انى رغايه و بشوشه جداً و بدا معايا الضحك المصطنع اللى مش عارفه اخلص منه لحد انهارده فالمهم وزنى زاد و دخلت فى التسعينات بعد ما كنت سنه كامله فى التمانينات و بقا وشي اسود و طول الوقت ساكته و لو حد كلمنى بعيط و مستسلمه للامر الواقع و خلاص ابى بردو مسابنيش فى حالى اشترالى ميزان من فلوسي عافيه و بقا يخلينى اوزن اكتر من مره فى اليوم و لو زدت يعاقبنى اكن الموضوع فى ايدى بدل ما يودينى لدكتور زى البنى ادمين و طبعاً انا مش بذاكر من تانيه اعدادي وصلت انى شلت ماده فى تانيه ثانوى انا عاوزه احكى موقفين فى مره قلت لابى و ماما انا عاوزه بنطلونين و سنتيانتين قالولى بعد محايله كتير جداً ماشي بس فى العيد الكبير و كنا فى رمضان قلتلهم ماشي و قعدت اتحايل كتير جداً بقو يجيبولى كل فتره قطعه و كان فاضلى بنطلون و فى العشره الأوائل من ذى الحجه لقيتهم جايبين لاختى سنتيانتين و بنطلونين من غير ما تطلب انا شفتهم و اتفتحت فى العياط و محدش عرف يسكتنى يومها و خد عندك بقا كمان ان انا متعلقه بعيال ام رقيه جداً جداً و هما شويه عندنا و شويه مسافرين و انا اقعد اعيط عليهم طول ما هما مسافرين صحتى تعبت جداً جداً معرفش ليه و مستوايا الدراسي بقا فى الارض كنت خلاص اتدمرت بقيت فتافيت حرفيًّا لما امى خدت حكم الطلاق فى اول تانيه ثانوى بدل ما تلملم الحطام اللى جوايا الاول و بعدين تدينى مقومات الحياه ودتنى لدكتورة تغذيه و ودتنى دروس و دخلتنى شكة بلان بى عشان اخد كورسات و اشتغل و جابتلى تليفون و انا طبعاً كنت متدمره قعدت اتحايل عليها تودينى لدكتور نفسي رفضت فضلت فتره لحد ما ودتنى مره و بعدين قعدتنى طبعاً فضلت تعبانه نفسيًّا و معرفتش استمر فى كل دا و هى كمان مصبرتش عليا و الله مفيش اسبوعين فى الدايت و قعدتنى و مره عند الدكتوره النفسيه و قعدتنى و الدروس للامانه فضلت تودينى بس انا صحيا و نفسيا مكنتش بقدر اروح فبقيت اغيب كتير و قعدت من الشركه عشان فى حاجات معجبتنيش فيها و مفيش كام شهر اخدت منى التليفون بعد ما اتلككتلى و ادت بتاعها لاختى و بعد محايلات كتير جداً فى اول تالته ثانوي اديتهولى انا فى تالته ثانوي رحت دروس و حاولت بكل ما اوتيت من قوه التزم عشان كان نفسي اطلع الاولى على الجمهوريه مقدرتش للأسف وضعى الصحى مسمحليش هى بقا بدل ما تكشف عليا و تسندنى بقت كل شويه تهددنى انها هتقعدنى لحد ما قعدتنى فعلاً فى شهر 1 بضبط نص السنه للعلم انا نسيت اقول كنت بحب القراءه جداً جداً و كنت بحب التلوين و بطلت فى تانيه اعدادى تقريباً و بدات المشاكل تكبر ما بينا بعد ما قعدت من الدروس لان هى كانت عاوزه تعمل منى نموذج معين تثبت بيه لأبى انها صح و انا بنى ادمه مش روبوت معرفتش اعمل النموذج دا فبقيت وحشه المهم المشاكل كبرت جداً بينا فى الامتحانات و فصلت عليا النت ليلة امتحان الفيزياء و انا من الخوف و الزهق قعدت اعيط طول الليل لحد ما اغمى عليا و انا رايحه الامتحان الصبح بسبب ان ضغطى على لاول مره فى حياتى فقررت هدخل دور تانى لانها كمان كانت بتهددنى انى لو مجبتش 95 مش هتدخلنى الكليه اللى انا عاوزاها و بقت طول الامتحانات تقولى انا مش بدعيلك و لو مجبتيش 95 مش هتدخلى غير دراسات إسلامية و قعدت تقول انا معرفش هى عندها مادة ايه انهارده و تضحك فانا رحت اعمل ورق الدور التانى و انا لسه طالعه من المستشفى و رجلى كانت وارمه جداً جداً مكنتش وقتها اعرف ليه وريت رجلى لصاحبتى بعتتلى فلوس رحت عملت اشعه لقيت فيها شرخ بسبب انى كان هيجيلى جلطه نزلت عليها شرختها فبقيت ماشيه على رجلى مشروخه و ضغطى عالى بلف على الورق معرفتش اخلصه و امى وقعت صاحبتىفى الكلام و عرفت انها ادتلى فلوس فقالتلها دى جابت بالفلوس شوكولاته و اندومى فصاحبتى سابت مشكلتى فتره بسبب كدا جيت ليلة امتحان الاحياء تعبت جداً جداً و هى كانت اليوم اللى قبل الامتحان عازمه ناس و اخدت منى المروحه كنا وقتها فى ايام الحر الجامد ايام تخفيف الأحمال و انا تعبت جداً جداً مقدرتش احها بدرى اجهز لبسي قلتلها جهزيهولى او خلى حد من اخواتى يجهزه قالت قومى اعملى لنفسك فعلاً قمت عملت لنفسي بس اتاخرت جيت امشي لقيتها قاعده فى البلكونه بتتكلم فى التليفون نزلت رحت الاماحان مرضوش يدخلونى قعدت اعيط اولياء الامور قعدو يجرو بيا كل واحده تعملى حاجه و رئيس اللجان اخدنى لمدير المستشفى يطلب منه يطلعلى شهاده مرضيه مرضاش فبقيت انا عندى مادتين لو دخلتهم و قفلت فى كل المواد هجيب 90 فى الميه و الاستاذه امى قايلالى 95 فقررت اقسم السنه و عشان كنت عارفه اللى هيحصل و كان عندى مواد عاوزه ادخلها مرضيتش اقولهم و كملت الامتحانات و بعدين قلتلهم قلبت الدنيا و حلفت مهى صارفه عليا مليم تانى و قعدت تقول لو عاوزه تكمل تشتغل و تصرف على نفسها و تدينى من فلوس شغلها و تساعدنى فى الكتاب و قعدت تقول انا بكرهها مش عاوزاها و تكلم ابى تقوله خدها انا مش عاوزاها و خد عندك بقا ابى مرضاش ياخدنى و لا ام رقيه رضت تاخدنى معاها سيوه بقيت عايشه فتره فى حياتى مليش أهل حرفيًّا و متمرمطه بين هنا و هنا و شربتنى المر ألوان بقت تفتح عليا الاوضه الساعه 6 الصبح و تخلينى فرجه لعيال الكتاب لان هى بتدى كتاب فى البيت و تعمل اكل و متعملش حسابى و تسيبنى من غير مروحه و قطعت عليا النت عشان عارفه انى هدور على شغل عليه و بهدلتنى آخر بهدله اقسم بالله فانا حاولت اشحن بقا و استلف من اى حد لحد ما و انا بدور لقيت مدير اكاديميه كلمنى و كان فى الأصل دكتور نفسي فقالى اعملى حاجه على النت قلتله انا امى فاصله النت قالى ليه و اصر احكيله حكيتله كل القصه فقالى مينفعش تفضلى على الوضع دا و قالى هاتى رقم خالتك و صاحبتك و ام صاحبتك عشان انا قلتله ان دول اللى ممكن يحلو الموضوع اخد الارقام و كلمهم و قالهم انى عامله شكوى فى مشيخة الأزهر و انهم لو محلوش المشكله يعنى هيتحبسو امى بقا اتجننت و قعدت تعيطله فى التليفون و جات عندى قالتلى انا هحبسك و انا مش خايفه منك و خلتنى نايمه و اخدت التليفون و تمادت فى اذاها ليا فاخدت 40 حبايه مكنش هدفى اموت نفسي بصراحه كان نفسي بس كل حاجه تخلص و كنت خلاص تعبت بسبب الادويه و هى عرفت و لا اتحركت من مكانها اختى راحت قالت لابى طلبلى الاسعاف و اخدنى المستشفى و انا فى الفتره دى مكنتش باكل أبداً قعدت يجى شهر على كدا فو احنا فى الطريق ابى قعد يقولى تاكلى كذا طيب تاكلى كذا و كان مكشر و كل شويه يسألنى انتى عامله ايه و يدعيلى شفت بس انه خايف عليا و مهتم بيا رجعت من المستشفى طايره من الفرحه و امى فضلت نايمه مسالتش فيا غير مره بعدها قالتلى انا اصلا سألت تقضية واجب كدا و لما رجعت حتى مسالتنيش عملتى ايه فى المستشفى و فضلت على نفس الذل و القرف و ابى حاول يصلح ما بينا بس ميشيلش مسئوليتى و لا ياخدنى بردو و حاول بقا يلطف الدنيا معايا خالص و عدل اسلوبه فى الكلام معايا و خرجنا مصيف عشانى فانا حنيت ليه شويه بقا و بقيت كويسه معاه بس امى لا من ضمن الحلول قالها هديكى 1000 جنيه لاسماء اديتهوملى مره و قعدت كل شةيه تقولى مش هديكى غير 600 و بعدين تقولى مش هديكى خالص وقتها كانت بتكلم جوز صاحبتها بحجج فارغه فى الأول ز بعدين كانت عاوزه تتجوزه بس قالت بقا انا مش هطلع من الشقه و خلاص و قالتله اكتبلى بيت مرضاش سابته كان هو بقا اتدخل فى المشاكل دى و قالها تدينى التليفون و كلمنى كذا مره فى الفتره دى فلما رفضت قالها جوزينى أسماء فقعدت تقنعنى بقا انه مش كويس المهم انا طلعت بالتليفون قعدت ادور على شغل و بدات البراند بتاعى و صاحبتى كلمتلى واحده بقت ربنا يكرمها بتبعتلى كل شهر مبلغ فعملت تحاليل و كشفت و عرفت كل البلاوى الصحيه اللى انت تعرفها عنى دى و بقيت اجيب احتياجاتى بقت تكلم الناس كلها و تشوه فى صورتى و تبص لاى حاجه بجيبها من فوق لتحت و تقول للدنيا كلها دى معاها و مش بتدينى و بتجيب قدام اخواتها و احنا مش لاقين ناكلو عشان اللى بيدينى يبطل يدينى و عملت مشاكل كتير جداً بينى و بين صاحبتى وصلت ان احنا كنا هنسيب بعض و لما شافتنى آخر فتره مش معايا فلوس فعلاً و تعبانه جابتلى دوا اخدت فلوسه من ابى بس اسمها هى اللى جابته بقا و فى الامتحانات دلوقتي قلتلها عاوزه نسكافيه بقت كل شويه تقولى هجيبلك منين للنسكافيه و تعايرنى و من فتره شحنتلى النت عشان انا الوحيده اللى لسه بمتحن قعدت تذلنى بيه و كل شويه تقولى انا شحنتهولك ذاكرى لحد ما سبت البيت و مشيت عشان مزعقش معاها مش عاوزه مشاكل تعبت منها راحت كلمت ابى قالتله ابى قفل فى وشها و مكلمنيش و هو كان مسافر وقتها قلت ارن اشوفه فين اروحله مردش عليا و رجع من السفريه دى متغير جداً و قالب اسلوبه معايا و العيد اللى فات اخواتى كلهم جالهم لبس عيد و اختى الاصغر منى ابى و ماما جابولها و جالها 3 أطقم و انا مجاليش اى حاجه و عيطت عياط و العيد دا ادى لكله عيديه الا انا و بيعامل اخواتى عيال ام رقيه نفس المعامله و بيميز بينهم و بين واحده من اخواتى تمييز واضح نفس اللى كان بيحصل معايا وو رقيه دى نسخه كربونيه منى حرفيًّا و شاربه نفس الأذى ما عدا المصنع لانه مش شغال دلوقتي و وصلت بيها فى مره انها قالت انا هاخد حبوب غله و اريحكم منى انا خايفه عليهم مش عاوزاهم يتعذبو زيى و خايفه يمشو فى اى وقت و يسيبونى و صحتى زى ما انت عارف الوضع مبعرفش اقف 5 دقايق على بعض و لا عارفه اقعد على المكتب اذاكر و بدات امتحانات و مش عارفه احل و اهلى ايدهم فى المياه البارده حرفيًّا كل دا و سافرو و اتفسحو و عيدو و كل اللى عملوه عرضو عليا اروح معاهم و محدش كلف خاطره يسألنى مالك و امى لسه راجعه من السفر من شويه اول حاجه دخلت شافت المواعين و قالتلى قومى اغسليها قلتلها تعبانه مقدرتش اغسلهم قالت محدش غاسلهم غيرك يا اما مش هتدخلى المطبخ تانى تعملى حاجه زعقتلها و قلتلها انتى معندكيش احساس انا بجد خلاص اى حد بيكلمنى بنفجر و تعبانه جداً جداً و امى و ابى واخدين بس من دورهم ان هما عشان خلفونا يبقو امتلكونا و بقينا روبوت بالنسبالهم يعملو كل اللى هما عاوزينه فينا بقا و منتكلمش و لو اتكلمنا يقولو احتا ابوكى و امك و انتى عاقه و خايفين بعد كل دا اخواتى يطلعو زيى اكنى جرثومه حتى اخواتى جالهم فوبيا ان وزنهم يزيد من اللى شافوه حصل معايا و نسيت اقولك ان ابى جه فى مره قالى سواء كان موضوع الحبوب دا حقيقه و لا بتمثلى الحسنه الوحيده اللى عملها بوظها و بجد انا دلوقتي وزنى حوالى 115 كيلو و عندى مقاومة انسولين عاليه جداً و خلل فى وظائف الكيله و الكبد و باخد علاج قلب بس حاجه بسيطه كدا لسه فى الأول و عندى فيبرومياليجيا مبهدلانى حرفيًّا و اكتئاب و درجة حرارتى طول الوقت عاليه و القولون متدمر و عندى التهابات و قرح فى المعده و ضغطى اغلب الوقت عالى و المفروض امشي طول الوقت باحذيه طبيه لو وقفت و مشيت و لو قعدت اقعد على كرسي طبى و كبرت 1000 سنه على عمرى و فى  قمة الانكسار و الله العظيم 😭

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_31597 🇪🇬

منذ شهر واحد

شعور ضاق ذرعًا

أبويا نرجسي ، أنا متعرفتش عليه غير و أنا في تانية إعدادي و كانت الخطوة دي جاية مني أنا عشان صحبتي كانت بتحب باباها أوي و اتوفى و أنا فكرت ساعتها هل هزعل لو هو مات ؟ كنت بحاول بشتى الطرق و نجحت فعلًا ، لكن هو زوج فاشل من كل النواحي و أنا البنت الوحيد فيعتبر سر أمي ، أمي بتصعب عليّا بصراحة ، المهم أ

Coffee_28425 🇪🇬

منذ 6 أشهر

شعور مرهق

عبّر عن شعورك بشكل مجهول

انا ابويا و امي هما سبب تعاستي في الحياه مهما بنجح هما اكتر اتنين مخلين حياتي تعيسة انا و اخواتي امي زمان اتجوزت ابويا غصب عن اهلها لانه مكانش مناسب عارفين الافلام اللي بنلاقي فيها واحدة بنت ناس كويسين اوي تتجوز واحد ظروفه مش احسن حاجة هما دول ابويا و امي امي بعد شهر جواز عرفت ان اهلها كانوا صح لقيت نفسها مع شخص معندوش طموح مش مسؤول معتمد عليها و اتكالي خلفتنا و كمان غصب عنه احنا ٣ لما خلفتني هو مكانش راضي قالها مش هنقدر عليهم برضو عاندته و عرفت حملها فيا بعد شهرين يعني كان سهل الاجهاض بس مش مشكلتنا دلوقتي اهو ليا نصيب اجي الدنيا الفكرة انها اخدت واحد غصب عن اهلها و لما اكتشفت انه غير مؤهل للجواز عملت نفسها راضية و هي من جواها تعيسة و مش راضية جه علينا وقت تفهمنا قصتها و مشاعرها و حاولنا نتعايش ماهي برضو انسانة و بتغلط زي اي حد بس كان طول الوقت بتعايره قدامنا و احنا شايفين دا فيه انه معندوش طموح مش بيحاول عشانا بس دا ابونا و دا امنا حصلت بينهم مشكلة كبيره زمان قدامنا عشان المصروف هو مش بيزوده لانه معهوش و هي بتحط من معاها اكتر منه الضعف سابتله المصروف و عشان هو اعتمادي بقى يخلينا احنا نشتري و كمان نطبخ و احنا اطفال كانوا بيعاقبوا بعض فينا و رجعت الامور تاني هي تصرف اكتر منه و عايشين طول عمرنا في معايره هو يقولها انتي ما صدقتي تتجوزيني و هي تقوله انت اللي ماصدقت واحدة معاها فلوس لحد من اسبوعين خرجها عن مشاعرها لانه مستفز كسرته قدامنا و خلته ميسواش و فضحته و فضحتنا في العماره و في الشارع و لاننا قاعدين في شقة بتاعتها وشقة ابويا بتتاجر كرشتنا من غلها منه و قالتله كلام صعب صعب صعب انا مش قادرة اتخطاه ولا ابصله ولا ابصلها و النتيجة انها رجعت تاني سابتله المصروف عشان هي متصرفش و هو طبعا عشان اعتمادي سابلنا الجمل بما حمل عشان هو مش هيتحمل مسؤلية هيدينا فلوس نتصرف احنا احنا اه كبار اصغرنا اللي هو انا عندي ٣٠ سنة بس مش دي الحياه الطبيعية اني اعيش مع اهل مش بيحبوا بعض و بيعاقبوا بعض في عيالهم و هم مش حاسين و مش شايفين
 دا لما اعترضنا امي زعلت مننا و قلنالها ارحمي مشاعرنا قالتلي و انا مالي بمشاعركوا ما انا كمان تعبانه منه قلنالها يعني احنا عايشين طول عمرنا بنحاول نفهمكم و نقدر مشاعركوا اللي بتطلعوها فينا عضب و جفا و قسوة و دلوقتي بتقوليلنا انا مالي بمشاعركم من بعدها كلنا و انا بالذات حاسين بكسره مش قادرين نبصلهم في وشهم ولا نتكلم معاهم وجودهم عاملنا ضغط و وجع و كسرة و حسرة محتاجة اعرف ازاي اتعايش مع كل دا مش قادرة كنت قادرة بس دلوقتي مبقتش قادرة اشوفهم ولا اعيش معاهم و لا عايزه اعذرهم تاني خلاص

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_34114 🇸🇦

منذ 6 أشهر

شعور فخور

موضوع:

هل في يوم اتعلقت بحد؟

انا بتعلق باي شخص يقرب مني ويتعامل معاي بلطف سواء صديقات أو من الجنس الاخر، ما عارفة ليه بس اتوقع صدمات طفولة أثرت فيني وخلتني عاطفية اكتر، المشكلة اني ما كنت عارفة الموضوع الا قبل فترة لما لقيت اني متعلقة بشخص لدرجة ببكي عشان اتغير علي، بعدين ركزت ان انا ليه بعمل كدا؟ ليه بعشم نفسي وبتعلق وبحزن وما

Hazelnut_44469 🇪🇬

منذ 7 أشهر

شعور وحيد

Sugar_49831 🇪🇬 هنصحك نصيحة حاااول على قد ما تقدر تداااوم على قيام الليل لو ركعتين وركعة وتر وادعى بكل اللى نفسك فيه وخرج اللى جواك لربنا عيط وخرج اللى جواك لربنا بلاش تراكم وانت مش صغير دور على بنوتة كويسة واتجوز اختار صح بنوتة صالحة تمسك ايدك للجنة وتعينك متزودهاش عليك اختار بنوتة حنينة تعوضك وتسندك وربنا يكتبلك كل خير يارب 🤲🏻

عرض الكل 19 نصيحة

عبّر عن شعورك بشكل مجهول

سلام عليكم 
ازيكوا قبل الدخول ف تفاصيل انا حابب الكل يشارك وحتي لو متعرفونيش إن لم تقل خيراً فادع لي ..
انا 22 سنة من فترة مش بعيدة من2020 وما بعدها دخلت ف دوامة اكتئاب واكتشفت لما روحت للدكتور النفسي اني عندي ADHD ودا سبب كافي يجيب مصايب اكتر من الاكتئاب ونفسيتي كانت مدمرة وعندي صدمات دا غير أن طفولتي مكنتش لطيفة
وعندي أزمة دائما ملازماني اني وحيد وللاسف أنا اكبر اخواتي والشخص اللي بيعتمد عليه ف كل حاجة بس طبعاً مفيش حد هيفضل طول الرحلة جامد اكتشفت بعد سنين أن الأخ الكبير محتاج أخ كبير وكان نفسي يبقي ليا اخ او اخت كبيرة تعوضني حنان واهتمام وحنية لأني عشت اسوأ فترات حياتي ف طفولتي ولوحدي كانت كلها ضرب ومد أيد وكل شئ بالاجبار  انا حاليا مازلت بمر بمشاكل وأزمات بس الحمدلله احسن من الأول بكتير ونضجت وقدرت اتعافي شوية من معظم الصدمات و اجتماعيا كويس جدا بس دايما حاسس برغم كل اللي حواليا اني لوحدي يمكن عشان محدش حاسس بيا أو بيفهمني (( وكانت ليا بنت خالتي اكبر مني بحوالي سنتين كنت بحبها جدا جدا ويعلم الله اني كنت شايلها كل الاحترام والتقدير وبقدم ليها كل ذرة مجهود بكل حب ومودة من كل قلبي كانت وكنت مهتم بيها كحب أخوي مش ف دماغي لا شهوة ولا اي حاجة ولكن مع مرور الوقت هي مبتقدمش و انا بدأت ازعل واعاتبها كتير أنها مش مهتمة اوي والدنيا والشغل واخدين كل وقتها وحصل ما بينا كذا موقف خناق وشد وكدا كانت بتسيبني زعلان كتير وف كذا موقف اتخذلت منها واتوجعت وبترجع تتأسف بحبها ومسامحها بس غصب عني الخذلان و الوجع معلم جوايا مكنتش اتمني تعمل معايا كدا لأني حافظت ع قلبها وحبيتها وخوفت عليها دايما في غربتها وياما سافرت كنت معاها لحظة بلحظة كأنها مني وبرغم اني ف وسط العتاب والكلام قولتلها كتير أنها كل حاجة بالنسبالي واني وحداني وعاشت معايا ظروفي و راحت مرة معايا للدكتور وعندها علم من بيئة ل نفسية ..وإلخ إلا أنها مشيت . لا اخفي عليكم سرا.. هي كانت اختي اللي كنت اتمني تبقي من لحمي ودمي ..معرفش لو هي هنا وهتشوف الكلام دا ولا لأ بس كنت اتمني أنها تفضل جنبي أنا عيطت كتير عشانها  وحاولت أفهمها اني مليش غيرها بس هي تقريباً اختارت تمشي وارجع أنا تايه :) .
 حبيت اتكلم هنا عشان معنديش حد اتكلم معاه بكل صراحة عن اللي جوايا من غير تردد .. 
لو وصلت لهنا فأنت شخص جميل اتمنالك كل السعادة يا صديق♥️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_49852 🇴🇲

منذ 7 أشهر

شعور مكسور القلب

تقريبا حياتي جدًا غريبة، لأن لي عرق بحريني وأكثر من دولة أهل أمي عايشين ومستقرين، بس كثير أمور تعتبر عادية عندها وهي لا عادية ولا أي شيء، من هالأمور اللي إكتشفتها قبل فترة أن خالتي كانت تزني مع صديقها اللي دايم يجي عندنا وأنا ما كنت عارفة من هو، وامي وجدتي يتسترون عليها وزوجها مايدري، واللي يضحك انه

عبّر عن شعورك بشكل مجهول

المشكلة أن أمي فيه مشكلة بشخصيتها ما أدري وش هي، بس من يوم ما كنت صغيرة تصارخ علي على كل شيء حرفيااا، الغلط والصح، وتلومني وتسبني، وصرت ما قادرة أفرق بين الصح والغلط، يعني ما أدري انه الغلط غلط أو الصح صح، أحسب أمور غلط عادي وصح، المهم وطحت أكلم أولاد لأني ما كنت أدري انه شي غلط أو حرام، وأهلي قفطوني وثقتهم فيني راحت، والمشكلة بكل مرة أعاند ومب مستوعبة أنه غلط وكنت أملي فراغ عاطفي سببوه أهلي وتعرضت لإهمال عاطفي ومحد كان معي بطفولتي، وطلبت من اهلي من اربع سنين يودوني عند طبيب نفسي لاني ما كنت بخير بس بسبب مجتمعنا السطحي شافوه عيب وغلط وما ودوني وتطورت حالتي وصرت أعاني بعلاقاتي أتعلق بسرعة، والمهم الحين أنا عرفت الصح والغلط وما عدت أكلم اولاد بمواضيع ما لازم نتكلم عنها، وقبل اشهر قررت أبدأ علاجي الذاتي وغالبا فيني اضطراب الشخصية الحدية والاغتراب عن الواقع، تواصلت مع طبيبة نفسية تساعدني وساعدتني وما قصرت وحصلت تطور من علاجي الذاتي.

وحاليا اهلي فجأة كذا من اسبوع قرروا اني اروح لطبيب نفسي لاني مجنونة، واحس بانهيار انهم ما شاوروني ولا اهتموا لرأيي ومهووسين بالتحكم فيني م عندي غرفة خاصة ويسحبون تلفوني كل ثانية مع عندنا قدرة مادية امي بخيلة وعندها عقد قد شعر راسيي، وهالفترة ولاني اطبق العلاج الذاتي صرت اعزل نفسي فيهم بقدر الامكان عشان ما اتأثر نفسيا خاصة اني حساسة وصرت ارفض طلباتهم اللي ما أقدر عليها او ما اريد اسويها، وصايرين شديدين معي يصارخون اكثر ويسبوني يعني امر جنب امي القاها تسبني ويحز بخاطري الصدق، واخر مرة رفضت لها طلب باحترام وصفقتني كف قوي من قوته الاغراض اللي ماسكتها طاحت والله كأني لعبة مب انسانة تتحكم فيني، وكلمت اختي الكبيرة عن اسلوب امي وقالت طبع ما تقدر تغيره، واحس بانهار يعني يسوون اشياء غلط وعادي عندهم واخوي الصغير يتأثر بعد وانا نفسيا منكسرة وفيني عقد وصدمات ما تخلص، وهي اقترحت خلاص الحل الاخير اني لو ما تغيرت بيودوني طبيب نفسي وانا متضايقة لانهم ما اهتموا لما طلبت منهم بس الحين لما حققت تقدم فجأة كذا؟ ولا سألوني ولا شي حسبي الله ونعم الوكيل، طيب شسوي؟ ابي يفكوني من أذيتهم، خلاص تعبت كله صراخ ورفض ولوم وشتم ولو رفضت يضربوني ياخي ترا شسوي بعمري، وعلى فكرة انا قاصرة بس باقي لي سنتين واتخرج وادخل جامعة، وامي تقول ما بكمل جامعة لاني فاشلة وبس اتخرج ثانوي بتزوجني من ولد خالتي القطري💔، حياتي تتدمر قدامي ولا اقدر اسوي شي

الحين كذا طبيعي ولا حالتي صعبة؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_43544 🇪🇬

منذ 8 أشهر

شعور لا مبالٍ

موضوع:

صدمات الطفوله

مش عارفه دي صدمات طفوله ولا ايه بس انا حرفيا اهلي مبينهم خناقات متتعدش لدرجه ان ابويا جه و قالي إنه عايز يطلق امي و انا كنت في حدود ٩ أو ١٠ و مش فاهمه حاجه و زعيق و شتيمه و اهانه مبين امي و ابويا و المشكله أنهم مدخلني مبينهم و مش فاكره اي حاجه حرفيا في طفولتي يعني ناسيه كل الذكريات حرفيا و مازالت ال

Cherry_34837 🇪🇬 بص عاوزاكي تتخطي أقرأي ارسمي اسمعي موسيقىه أو podcast أو انزلي اتمشي انا بعمل كده لأن انا كمان اهلي نفس المواضيع دي انا كتير بزعل و يتضايق و بقول ليه ي رب م كل الناس عندهم اهلهم حلوين و مش بيتهنقو بس برجع افتكر و اشكر ربما علي اني عندي أهل اصل اشكره علي اني بتنفس مت غير أجهزه اكسجين و انا بصحه الحمدلله يما ناس كتير ف المستشفيات و بما ناس كتير يتيمه و مش عندهم أهل ف بفرح شويه اني ف نعم ف حياتي

عرض الكل 6 نصيحة

Blueberry_40271 🇪🇬

منذ 8 أشهر

شعور وحيد

موضوع:

حاجه دمرتك نفسياً

Popcorn_37087 🇪🇬 ولله يا صحبي انا اتعرضت للتحرش من اقرب الناس ومن البعيد كمان وعارف شعورك وكره نفسك وانك مش طايق نفسك بس صدقني مفيش حاجه أنقذتني من كل ده غير اني بدات اصلى واحفظ قرأن وأحضر دروس ف صدقني ملكش غير ربك وكل دي حكمته واختبار ليك وربك بيحب التوابين

عرض الكل 18 نصيحة

عبّر عن شعورك بشكل مجهول

مش عارف أبدا منين الموضوع كبير وحساس شوية 
الحياة فيها اختبارات كتير بس كلها صعبة هحاول اختصرها علشان نفسي حد يفهمني واشوف اذا فيه حد شبهي ولا لا . اول حاجة وعيت ع الدنيا ومعرفش ابويا شكله اي اتحرمت منه وهو عايش لانه منفصل عن امي وانا ابن شهر ولما تميت 6سنين اتحرمت من امي واخواتي وهما عايشين بردو وبعتوني اتربى مع ناس تانيين غيرهم نظرا للحالة المادية مكنتش احسن حاجة ، بس كنت وسط الناس دول غريب عليهم وكانو بيعاملوني بطريقة زفت زي العبيد لدرجة ان جيرانهم قالو عليا خدام ما علينا من كل دا الصدمة اللي بجد لما رجعت لاهلي ونا ف اعدادي حسيت اني غريب عليهم بردو ملقتش لنفسي مكان وسطهم كان ليا اخ كفرني ف عيشتي عاملني بطريقة اوسخ من اللي الناس كانت بتعاملني بيها وفضل يقولي اني ضيف وغير مرحب بيه وانه عايزني ارجع مكان ما جيتلهم ومكنش ليا اصحاب ف الوقت دا ومحدش اقدر احكيله عن اللي جوايا بس طول فترة طفولتي كنت غريب على كل الناس .
عدى فترة واصحاب اخويا بقو بيتصاحبو عليا ويخلوني اطمن ليهم وطبعا كانو بيحضرو كل مشاكل اخويا واخويا كان بيتكلم معاهم انه يطفشني من البيت وكدا . وهما استغلوني واستغلو ان محدش هيسأل فيا . وف يوم كنت متخانق مع اخويا وطردني من البيت وهما نزلو ورايا كانو بيكلموني اني ارجع معاهم وانا مكنتش برضى ف ضربوني وخطفوني ف مكان انا لحد دلوقتي عندي مشكلة منه . خدوني ف المقابر كملو عليا ضرب واعتدو عليا جنسيا بهدلوني ومقدرتش احكي لحد حاجة خوفت من اخويا واللي هيعملو فيا لانه مجنون وكدا كدا مش بيحبني لاني غريب عليه وميعرفنيش هو فجاة لقى ليه اخ عايش معاه غيرله كل حساباته لانه كان هيتجوز مع امي ولما انا جيت اهل خطيبته رفضو دا ف خططه وترتيباته باظت ف كرهني .
وف فترة البلوغ انا بدأت انجذب للولاد منعت نفسي كتير فضلت 3سنين بحاول مع نفسي اني ابعد عن التفكير ف الموضوع دا وابعد عن الدايرة دي بس جه عليا لحظة ضعفت ومقدرتش وغلطت كتير كأني كنت ف قفص واتفحلي القفص دا . وبعدها بقيت بحاول ادور على طريق الرجوع بقالي سنين ونا بحاول ومش عارف . وحتى انا مبقتش عارف نفسي انا مين انا كنت شخص كويس جدا جدا كنت ملاك بالمعنى الحرفي لكن دلوقتي انا مين معرفش حد اتطبع عليه سواد البشر وبقيت تايه وبردو وحيد لا عندي صاحب ولا حد احكيله .
مفيش حاجة ف حياتي اخترتها كل حاجة اتفرضت عليا

Coconut_34822 🇪🇬

منذ 8 أشهر

شعور متعب

موضوع:

كيف تتعامل مع برود مشاعر عائلتك ؟

مش هعرف اواجههم او اقولهم حاجه كلمت امي كذا مره بس هي دايما شايفه ان كل حاجه بالفلوس اوقات بحس ان هي بتعايرني لاني كنت وانا صغيره كنت مريضه وبابا كان مستهتر بتعبي وهي اللي ودتني المستشفى انا طبعا ممتنى ليها وكل حاجه بس اي ام كانت هتعمل وكل اما اكلمها تقولي لولايا مكنش حد هيعبرك ودايما بين اي خناقه ب

Coffee_34095 🇯🇴 ممكن امگ تكون من النوع الي تحب الولاد أكثر من البنات أو انو بسب مشاكلها تفرقهم فيكي و الحل انو حاولي اني تعطيها علا كيفها و اذا حسيتي انا صارت تتمادى حاولي تروحي عن حدا من قرايبك لبين ما يهدى الوضع

عرض الكل 5 نصيحة

French Fries_34132 🇪🇬

منذ 8 أشهر

شعور مكتئب

موضوع:

صدمات الطفوله

طول عمرى من وأنا صغيرة بتعرض للتنمر من فى المدرسة مكنش عندى أصحاب كنت كل ما أتصاحب على واحدة تسبنى عشان أنا مش بعمل الى بيعملوه و اكتشفت لما كبرت إنى كنت ساذجة لدرجة مش طبيعيةمش عارفة حاجة فى الحياة حرفيا عشان كده كانوا بيسبونى ومش بيصاحبونى وكانوا بيتنمروا عليا لدرجة إنى كنت بخاف أقف قدامهم أو أقعد

Coffee_34133 🇪🇬 حاولي تقرأي كتير وانزلي شغل وجربي تعرفي ناس جديدة ونضيفه

عرض الكل 9 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع