مرحبًا، اليوم أبي كان بيسأل أمي على مكان خرطوم كان بيضرب بيه أخواتي زمان.. حسيت برعب جوايا، وقلق مع أني عارفة أنه عاوز يستخدمه لشيء.. أفتكرت زمان وهو مخلي أختي ممددة على الأرض، ودايس على رأسها بقدمه عشان متتحركش، ونازل ضرب فيها، وافتكرت ضربه لأخواتي، وصوته العالي، ونظرة الكراهية والقسوة اللي دائمًا بينظر لنا بيها. أنا عشت مرحلة طفولة، ومراهقة قاسية جدًا، وحاليًا ٢٤ سنة عندي مشاكل نفسية، وصدمات طفولة، ومشاكل عائلية مستمرة لحد الآن. حاليًا بكتب وأنا ببكي، وأنا قاعده أتخيل لو كان أبي وأمي كويسين بس معانا أو مش شرط كويسين.. يتجاهلونا عادي بس من غير مشاكل، ومن غير هموم، أو أذى لنا. لا عندي أب طيب مش بيتلكك عشان يضربنا أو يزعق فينا.. يعطينا أبسط حقوقنا ويسمعنا ويحبنا. ولا أم طيبة تتقي ربنا فينا، وتبطل تحملنا هموم فوق همومنا، وتحاول تحتوينا، ومتبقاش أكثر قسوة من العالم. جوايا كمية غضب كبيرة وحزن أني مش قادرة أعوض نفسي عن مكانهم.. لما بشوف علاقة سوية لأب أو أم بأولادهم بحس عاوزه أهرب، وأقعد في ركن أبكي من القهر أن أهلي قاسين كده. مش عارفة بكتب ليه حقيقي، بس أعتبروها فضفضة.

1

21