صدمات الطفوله

Question

احكي ازاي اثرت فيك صدمه في طفولتك و اتعالجت منها ازاي

Coffee_27700 🇪🇬 · Answer

الحروف هنا محدودة وأنا محتاج كتاب عشان أحكي في الموضوع ده.
باختصار، صدمات ناتجة بسبب أب عصبي بيشتم بيضرب بدون سبب، كنت حاسس أنه رافضني وبيكرهني، عمره ما حضني غير ٣ مرات في حياتي! كان بيخاصمني ب ٣ شهور ومببقاش غلطان في حاجة ولازم اعتذر، بيتنمر عليا.
اتكونت عندي عقد رهاب اجتماعي وعدم القدرة على التعبير ظهرت امراض زي قولون عصبي وأرق واكتئاب. وأكبر مشكلة كانت الانجذاب لنفس الجنس وده لغياب دور الأب في الطفولة.
أنا قرأت كتير وطورت نفسي وبحاول ابقى أفضل وبدأت علاج نفسي من سنتين. بقيت اقدر اكون علاقات صداقة صحية. واعبر عن نفسي. الارق راح ومبقتش اعيط بليل.
أتمنى من ربنا يتمم عليا فضله و يتمم شفايا.
اخيرا انصحكم جميعاً بكتاب عظيم جدا اسمه (أبي الذي أكره)

Strawberry_29538 🇪🇬 · Answer

اول واكبر صدمة في طفولتي كانت بابا وهو في غيبوبه وانا لسه معرفش معنى مصطلح غيبوبه ..في اللحظه دي انا كنت بحضر مشهد وفاة بابا ..جوايا صوت عالي بيسأل هو بابا مات ؟؟؟ طب هما خدوه في العربيه كدا بسرعه من غير ما نودعه ليه ؟ طب لما هيجي هنودعه ولا هيتدفن علطول ؟ 
كلها اسأله في عقل طفله عندها ١٠ سنين ومش عارفه تخرجها لانه سؤال في منتهى الفجاجة .. لحد ما عرفت انه بس تعبان وانه راح المستشفى وانه لسه مماتش ..
بابا مات بعد الموقف دا بأربع سنين ..بس دي كانت اول وفاة لبابا في دماغي

Olive_29503 🇪🇬 · Answer

انا بابا كان بيتحرش بيا وانا صغيره..من عمر عشر سنين تقريبا ..دلوقتى انا ٢٥ سنه ومتجوزه ومخلفه..بس عمرى ما عرفت اتخطى ال كان بيحصل ..كون جوايا عقد. .عدم الاحساس بالامان تماما حتى مع جوزى ..دايما خايفه ومش مطمنه ..رغم انه بيعمل كل حاجه كويسه معايا ..بخاف جدا على بنتى بطريقه مرضيه.حتى من باباها .رغم انى واثقه انه بيحبها وبيخاف عليها جدا ..بس قلبى بيتقبض لما ابعد عنها واسبها مع حد ..اما بقا علاقتى مع بابا ..فا مفيش علاقه اصلا ..ازيك عامل اى وخلاص..بعد السنين دى كلها ..يمكن هو متخيل انى كنت طفله ومش فاهمه ..او فاكر انى نسيت ..انا مبعرفش اقعد معاه فى مكان لوحدنا قلبى بيتقبض وبخاف واقوم على طول...ربنا يسامحه..للاسف الحوار ده مأثر على علاقتى بجوزى جدا..بيعمل كل حاجه عشان يطمنى ويخلينى اثق فيه ..وانا مش عارفه ..دايما جوايا شك وقلق مش طبيعى .وخوف على بنتى منه هو ملاحظ ده جدا ....عمرى ما هقدر اقوله السبب

Strawberry_29588 🇪🇬 · Answer

الموضوع عندي من ناحية التعليم وان من صغري محدش اهتم بيا اعتبارًا اني ذكية جدًا وانا صغيرة ولكن اتسابت كتير اوي لدرجة اني مبقتش بعرف اقرأ وانا ساعتها كنت في سن لازم اكون بعرف اقرأ فيه زي الباقي والمدرسين كنت بتهزق منهم واتعاقب قدام كل الفصل بسبب ان محدش اهتم يقعد معايا يفهمني ولغاية دلوقتي عندي مشكلة مع التعليم وبخاف وبحس نفسي غبية مع ان درجاتي بتقول عكس كدا والمدرسين دلوقتي ولكن انا في عين نفسي فاشلة زي زمان ومش حاسه بالإنجاز بالعكس حاسه اني بجري

Avocado_29715 🇪🇬 · Answer

من وانا صغيره امى عودتنى ان انا معبرش عن رأيى ولا اتكلم وللا اغلط حد ولا اقول على حد حاجه وحشه فكنت اشبه ب حاجه بتقول حاضر وبس على اى حاجه ،وفى يوم كان عندى وقتها 7 سنين حد من اسرتى اتح*رش بيا ومقدرتش اقول لأى حد تماما وجيت فى يوم وانا عندى 14 سنه قلت للمى وانا متعصبه واحنا بنتخانق ولما قلتلها كدبتنى وقالتلى انتى بتتبلى عليه وكلام كتير كده ولحد النهارده مبعرفش اقعد معاه فى اوضه واحده لوحدنا ولا يقعد جمبى على نفس السرير او الكنبه وهكذا ولحد دلوقتى مش قادره اتقبلو حتى فى حياتى

موقف تانى كنت قاعده وانا صغيره عندى 5 سنين بكتب واجب ف اخويا الصغير جه قطعلى الكشكول فناديت على اختى عشان تشيلو بصوت عالى ف ابويا جه ضربنى على وشى جامد وقالى صوتك ده مش يعلى ابدا فى البيت ومن يومها وانا بكره ابويا وبخاف جدا لو حد رفع ايدو وهو بيتكلم او عشان يضربنى مثلااو لاى سبب

Waffle_29732 🇪🇬 · Answer

وانا صغير كان أبويا حرفيا بيضربني كل يوم عشان اروح المدرسه  و اوقات كتير بيضربني في المدرسه و ده خلى العيال تتنمر عليا خصوصاً اني كنت بعيط  و طلعو عليا اواد العيوطه الفرفور و بالذات عشان شعري طويل و قصه وكده ف ده قصر عليا جامد ف النقشات و عدم الثقه بحد  و كمان لما باجي اواجه حد جسمي بيرتعش ب طريقه صعبه ولاما ادخل خناقه  مع اني مبهدلهم بس غصب عني بعيط و ده بياثر فيا ك ولد المشكله انهم ف البيت بيعايروني ب كده   و غير كده ده خلاني ميبقاش عندي صحاب مبعرفش اتعامل مع الناس او اكدب كتير ف كلامي عشان اداري عن حقيقتي البضان عشان كده حبيت احكي منها جزء هنا هوا اكيد محدش مهتم بس اسف لو طولت عليك

Kiwi_29888 🇪🇬 · Answer

بابا و ماما كان في ما بينهم مشاكل كتير من و انا صغيره و انفصلوا بس من ساعت الانفصال مشفتش ابويا تاني قد اي اصلا نفسيتي كانت تعبانه و مكنتش فاهمه الي بيحصل و فقدت احساس الامان و بقيت علطول خايفه و قلقانه و كنت بفضل اعيط كنت ببقا و لغايت دلوقتي معرفش اي حاجه عن ابويا و كل شويه اسال نفسي هو ازاي مسالش عليا انا ولا اخواتي ولا كأننا ولاده ؟؟ أزاي عايش كده قد اي كنت بزعل لما بشوف اب جي ياخد بنته من المدرسه او جيبلها حاجات أو بيتصل يطمن عليها كنت بتقهر أو حد يسألني ابويا شغال اي ؟ ونا مش عارفه و لا حتي فاكره شكله الموضوع ده من ابتدائي و عدي اعدادي و ثانوي و دلوقتي في كليه و مش قادره اتخطي ولا قادره امسحه علي أنه مفضلش جنبي حتي أو سأل عليه لو لمره انا بكره اسمه الي علي اسمي الي بيفكرني بيه و بنسبالي لو كان ميت كان احسن عشان لما حد يسألني علي الققل كنت هقول الله يرحمه لكن هو عايش ومش عايش مش قادره اتخيل الجبروت الي هو فيه وليه يقسي عليه انا مليش ذنب حتي لو هما انفصلوا الموضوع تعبلي نفسيتي اوي بجد و ماما اتجوزت تاني و أنا في اعدادي جوز ماما طيب و راجل محترم و بيخاف علينا و هو احسن من ابويا بس عمره ما ملئ الفراغ الي جوايا و عمري ما قولتله بابا و كانت من جوايا ماما لما سألتني أنها تتجوز تاني قولتلها انا مش فارق معايا وان دي حاجه ترجعلها و مقدرتش ققولها لا و مع أن في حاجات كتير بتضايقني بس بحاول اتأقلم مع الحياه كل ما احكي لحد أحسه يتفه من المشكله حتي اهلي محدش حاسس بيا و الا بلي حسيته من ونا صغيره

Potato_28668 🇪🇬 · Answer

اول صدمة كانت اني اتعرضت للتحرش اكتر من مرة من شخص يعتبر من دايرتي المقربة الآمنه وفضل رد فعلي وقتها يتكرر في كل مرة اتعرض فيها لنفس الموقف 
حالة من الجمود وحبسة كلامية 
وعدم إرتياح لأي تلامس مع اي حد وإحساس مستمر بالخوف حتى اثناء النوم 
فات وقت كبير بس مش قادرة اتخطى ولا احس بأمان تاني

Pear_31387 🇩🇿 · Answer

من لما كنت صغيرة وماما بتضربني ضرب مبرح جدا كرهت اني بنت لانها ديما بتقول ياريت كان عندي ولد  والحوار دا تمسكني من شعر وتخبط راسي عالحيطة في مرة ضربتني بقوة فكان وجهي عالارض بقوة حتى نزف انفي والسبب كنا نتعشى عادي وسألتني سؤال مفاجأ كده (عرفيلي الانبات كان درس فالابتدائي)وانا مكنتش حفظته قامت قتلتني ضرب رحت المدرسة والمدرسة شافت وشي عليه جروح وايديا عليه بقع زرق قلتلي حصل ايه قلتلها ماما ضربتني 
نادت الانسة ماما عشان ده تعنيف وكده قالت ماما لا هيا وقعت بس
روحنا وضربتني تاني ..كانت بتقعد فوقي والله واقعد اعيط حموت حموت ..تضرب وتعض وتخبط ..
ودلوقتني انا بقيت اخاف من الناس لما اتكلم مع حد الاقي ايدي ترتعش جامد ..او لما اشتري وكذا اخاف وارتعش تاني ..انا خايفة 💔

Marshmallow_31427 🇸🇦 · Answer

الحمد لله عندي كل انواع الصدمات ، اعتداء جنسي ، فقر وحالة مادية صعبة ، حرب ، خصامات بين الاهل وخصوصا الوالدين ، تعنيف ، تنمر ، اصحاب سوء ومجتمعات سيئة من نواحي لو ذكرتها حاخد بلوك ، والحمد لله لسا عايشة وليكني قلبي حنين لسا ، ولسا بحب الدنيا والاطفال والحيوانات وسامحت كل مين اذاني وهلق عم طور شخصيتي ونفسي وأتناسى كل اللي صار لانو النسيان مستحيل ، وبس والله🤷🏻‍♀️

Cherry_31224 🇪🇬 · Answer

اول صدمه حصلت فحياتي اني تعرضت للاعتداء من شخص فعيلتي من وانا صغير 
وانا دلوقتي بعالج نفسي لان انا مش هعرف اروح لثيرابيست
وانا عمري ما هنسي الموقف دا ابدا وان 
وانا تقربت من ربنا الحمدالله وفي حاجت غيرتها فشخصيتي 
ودايما كنت بدعي ربنا لحد ماربنا وراني عبده وهو بيتعذب فالدنيا 
الحمدالله.

Watermelon_31974 🇪🇬 · Answer

دبحت قطة صغننة ودا مسببلي فوبيا منهم !!
كنت طفل واستدرجت من اللي كانو معايا الموضوع صعب وأثر نفسيا فيا ولحد دلوقت بعاني حاليا ٢٦ سنه الموضوع حصل مثلا وانا  اولي ايتدائي كنت انا واتنين كمانننن!!

Apple_32338 🇪🇬 · Answer

خلافات الوالدين حقيقي اكتر حاجه تدمر النفسيه يعني الواحد نفسو ف عيلة مستقره وحلوه الخلافات دي من لما جيت ع الدنيا سنين عمري كلو ضاعت ومحققتش حاجه بسبب الاكتئاب والخلافات والضرب والاهانه وكتير بجد الاهل مكنوش سند ابدا💔

Biscuit_27604 🇪🇬 · Answer

جماعه لما باجي احكي حاجه عني يعني مشاعري او ذكري بتضايقني او كده برتعش وبحس جسمي تلج وبلاقي في جسمي زي بقع بنفسجي صغيره ونفسي مبيكونش كويس ودقات قلبي مش منتظمه وبحسني بدوخ وكلامي بيكون مش راضي يطلع من بُقي وشفايفي بترتعش بغباء 
المهم انا بقول يمكن عرض نفسي علشان المشاعر المكبوته او لاني شخص مبيحكيش عن نفسه كتير وكتوم او لاني مبحبش حد يبصلني بنظرات شفقه فبتوتر بس معرفش ايه السبب بالظبط دي مجرد تخمينات 
وعايزه اتخطي الموضوع ده لاني خايفه يبقي ظاهر مع الوقت

Almond_32126 🇪🇬 · Answer

مش عارفة اتعالج من صدمات الطفولة ومش قادرة اتذكر شعور جلد وكره الذات جالي من انهي موقف بالظبط بس انا بعاني كل يوم وكل ساعة وكل دقيقة وكل ثانية مع دماغي ومع اني مش كفاية واني قليلة واني وحشة واني متحبش والمفروض اني اتأقلم مع ده كله وأعيش طبيعية

Mango_32358 🇪🇬 · Answer

انا طفولتى كانت جميله ومفتكرش فيها حاجه وحشه  بس لما وصلت لسن 13سنه بدات حياتى تحبط وضغط اهلى عليا لدرجه انى بفكر انتحر بس ارجع واقول اموت كافره يعنى وناس ياما قلولى قربى من ربنا واسمعى كلام والديكى بس مبعرفش  والصلاه عند بايظه خالص بصلى متقطع وانا مبرتحش مع اهلى خالص بحب الوحده ومش عارفه اعمل ايه وشعورى مع صحابي احسن من اهلى برتاح مع صحابي اكتر من ماما وبابا

French Fries_34132 🇪🇬 · Answer

طول عمرى من وأنا صغيرة بتعرض للتنمر من فى المدرسة مكنش عندى أصحاب كنت كل ما أتصاحب على واحدة تسبنى عشان أنا مش بعمل الى بيعملوه و اكتشفت لما كبرت إنى كنت ساذجة لدرجة مش طبيعيةمش عارفة حاجة فى الحياة حرفيا عشان كده كانوا بيسبونى ومش بيصاحبونى وكانوا بيتنمروا عليا لدرجة إنى كنت بخاف أقف قدامهم أو أقعد جنبهم وبقيت حرفيا معنديش ثقة فى نفسى نهائى حتى لما كبرت معنديش أى ثقة لا فى نفسى ولا فى حد بكره الناس بكره أتكلم معاهم بكره أقعد فى أى تجمع كلهم ومبحبش أروح أى مكان فى ناس عشان هيقعدوا يعلقوا عليا ويتكلموا معايا

Coconut_43544 🇪🇬 · Answer

مش عارفه دي صدمات طفوله ولا ايه بس انا حرفيا اهلي مبينهم خناقات متتعدش لدرجه ان ابويا جه و قالي إنه عايز يطلق امي و انا كنت في حدود ٩ أو ١٠ و مش فاهمه حاجه و زعيق و شتيمه و اهانه مبين امي و ابويا و المشكله أنهم مدخلني مبينهم و مش فاكره اي حاجه حرفيا في طفولتي يعني ناسيه كل الذكريات حرفيا و مازالت المشاكل مبينهم و لا اكتر كمان يعتبر هما منفصلين اصلا بس في نفس البيت ولا بيتكلمو من ٥ أو ٤ شهور ولا كلمه في اليوم حتي و طبعا مش بينهم اي تعامل ف انا اللي بتطر تتحط في الموقف مكان ماما لدرجه ان حصلت خناقه كبيره علشان بابا قالي اعمل شاء (اعشاب مش اسود) ف انا كنت صاحيه متأخر غروحت اصلي و قولت لماما تعمله بدالي راح بابا بقي زعق و عمل حوار كبير اني مش قد المسؤولية و انو ميقدرش يعتمد عليا و اني زي امي مليش لزمه و حوار بس ده ليا و ماما مكنتش تعرف انه زعق اصلا بس انا اتخطيت الموضوع ولا كانه حصل معتش بتأثر بالحاجات دي و بنساها علطول بس علشان ده كان لسه حاصل امبارح أو قابله ف فاكره

Croissant_45848 🇪🇬 · Answer

دى اكيد مش صدمات😂ده طحن عيله صغيره بسيطه كويسن اب شكاك في مراته ألفاظ اهانه ضرب ذل لامى كلام من 4سنين فاهماه كنت دائما اقول ازاى يقول كدا قدامى معقول .ام تعيط وتتقهر بس عيالها وكانت بتحبه سنين عذاب معاهم ولسه ك

وانا عندى5سنين اتعرضت لاختصاب من نفس الشخص اكتر من مره ولحد دلوقتى خايفه اقول

حبيت كتير وانجرحت بدرى كنت بدور ع الحب والاهتمام واهرب من الا فى وانجرحت كتير  كل مره كنت بحب بجد واتعلق وانجرح

حياتى دلوقتى احسن مجوزه ومخلفه وبيتى مستقر بس الماضي بصدماته ملاحقنى وبتعالج دلوقتى وبحاول اعمل بيت ذي الا كنت بتمناه