تقريبا حياتي جدًا غريبة، لأن لي عرق بحريني وأكثر من دولة أهل أمي عايشين ومستقرين، بس كثير أمور تعتبر عادية عندها وهي لا عادية ولا أي شيء، من هالأمور اللي إكتشفتها قبل فترة أن خالتي كانت تزني مع صديقها اللي دايم يجي عندنا وأنا ما كنت عارفة من هو، وامي وجدتي يتسترون عليها وزوجها مايدري، واللي يضحك انه هو يخونها بعد وهي تدري، المهم هذا مثال واحد عن اللي يصير لي. المشكلة أن أمي فيه مشكلة بشخصيتها ما أدري وش هي، بس من يوم ما كنت صغيرة تصارخ علي على كل شيء حرفيااا، الغلط والصح، وتلومني وتسبني، وصرت ما قادرة أفرق بين الصح والغلط، يعني ما أدري انه الغلط غلط أو الصح صح، أحسب أمور غلط عادي وصح، المهم وطحت أكلم أولاد لأني ما كنت أدري انه شي غلط أو حرام، وأهلي قفطوني وثقتهم فيني راحت، والمشكلة بكل مرة أعاند ومب مستوعبة أنه غلط وكنت أملي فراغ عاطفي سببوه أهلي وتعرضت لإهمال عاطفي ومحد كان معي بطفولتي، وطلبت من اهلي من اربع سنين يودوني عند طبيب نفسي لاني ما كنت بخير بس بسبب مجتمعنا السطحي شافوه عيب وغلط وما ودوني وتطورت حالتي وصرت أعاني بعلاقاتي أتعلق بسرعة، والمهم الحين أنا عرفت الصح والغلط وما عدت أكلم اولاد بمواضيع ما لازم نتكلم عنها، وقبل اشهر قررت أبدأ علاجي الذاتي وغالبا فيني اضطراب الشخصية الحدية والاغتراب عن الواقع، تواصلت مع طبيبة نفسية تساعدني وساعدتني وما قصرت وحصلت تطور من علاجي الذاتي. وحاليا اهلي فجأة كذا من اسبوع قرروا اني اروح لطبيب نفسي لاني مجنونة، واحس بانهيار انهم ما شاوروني ولا اهتموا لرأيي ومهووسين بالتحكم فيني م عندي غرفة خاصة ويسحبون تلفوني كل ثانية مع عندنا قدرة مادية امي بخيلة وعندها عقد قد شعر راسيي، وهالفترة ولاني اطبق العلاج الذاتي صرت اعزل نفسي فيهم بقدر الامكان عشان ما اتأثر نفسيا خاصة اني حساسة وصرت ارفض طلباتهم اللي ما أقدر عليها او ما اريد اسويها، وصايرين شديدين معي يصارخون اكثر ويسبوني يعني امر جنب امي القاها تسبني ويحز بخاطري الصدق، واخر مرة رفضت لها طلب باحترام وصفقتني كف قوي من قوته الاغراض اللي ماسكتها طاحت والله كأني لعبة مب انسانة تتحكم فيني، وكلمت اختي الكبيرة عن اسلوب امي وقالت طبع ما تقدر تغيره، واحس بانهار يعني يسوون اشياء غلط وعادي عندهم واخوي الصغير يتأثر بعد وانا نفسيا منكسرة وفيني عقد وصدمات ما تخلص، وهي اقترحت خلاص الحل الاخير اني لو ما تغيرت بيودوني طبيب نفسي وانا متضايقة لانهم ما اهتموا لما طلبت منهم بس الحين لما حققت تقدم فجأة كذا؟ ولا سألوني ولا شي حسبي الله ونعم الوكيل، طيب شسوي؟ ابي يفكوني من أذيتهم، خلاص تعبت كله صراخ ورفض ولوم وشتم ولو رفضت يضربوني ياخي ترا شسوي بعمري، وعلى فكرة انا قاصرة بس باقي لي سنتين واتخرج وادخل جامعة، وامي تقول ما بكمل جامعة لاني فاشلة وبس اتخرج ثانوي بتزوجني من ولد خالتي القطري💔، حياتي تتدمر قدامي ولا اقدر اسوي شي الحين كذا طبيعي ولا حالتي صعبة؟

8

0