مش قادرة اسامح نفسي على صمتي وقت التحرش

Question

صراحة مش قادرة اسامحو مش قادرة 
كان عمري 12 سنة و كنت تلميذة ف اخر سنة ابتدائي كنت تلمذتو كنت و لسا بنت خوافة مش بتقدر تدافع عن نفسها و مش بتقدر تتكلم عن حقوقها كان بيتحرش بيا وانا ولا عارفة اتكلم او ادافع و مرات بحس اني مش لازم اسامح نفسي اصلا و بكره نفسي لاني متكلمتش و مش قادرة اتكلم كان تحرش جنسي بيلمسني فأماكن و بيقول كلام عمري دلوقتي 18 و لسا بخاف منو لاني لسا بشوفو هو بيسكن قريب منا و كل مرة بشوفو بخاف و احاول اهرب و بكرهو و بكره نفسي اكتر بكره جسمي و شكلي و نفسي و مش عارفة اتخطى الموضوع 
مستحيل اسمحو و مستحيل اسامح نفسي

Chilli_28867 🇪🇬 · Accepted Answer

لا حول ولا قوة الا بالله
مش ذنبك انت ملكيش ذنب 
سامحي نفسك انت مغلطتيش انت كنتِ طفلة بريئة جميلة ملهاش دعوة بالعالم الخارجي البشع 
سامحي نفسك وعيشي حياتك وادعي عليه كل يوم وحسبي الله في كل شخص بشع كده

Strawberry_34310 🇹🇷 · Answer

لا تكرهي نفسك .. انتِ مالك ذنب بالموضوع الذنب ذنبه هو ، ماتكلمتيش خوفاً من ردة الفعل لان لساتك طفلة .. رب العالمين بيسامحك فسامحي نفسك وقولي حَسبي الله ونعم الوكيل دائماً وإدعي ربنا يهديه وميكررها بأطفال آخرين ان شاء الله

Corn_34314 🇪🇬 · Answer

وانتي محمله نفسك الذنب ليه وصغطه علي نفسك ومش عايزه تسامحيها 
وهو الموضوع كان بمزاجك ولا انتي كنتي عايزه كدا 
حقك تدعي عليه حقك تكرهيه حقك تبصيله بالنظره اللي انتي عايزاه 
بس نفسك مالهاش دنب من اللي بتعمليه فيها 
وحاولي تقفي علي رجلك تاني وترجعي عشان تقدري تكملي حياتك عشان ميعملكيش مشكله نفسيه لما تيجي تتجوزي

Almond_27979 🇪🇬 · Answer

بعيدا عن الدعم العاطفي هحاول اقدملك وجهة نظر مختلفه 
إحصائيًا 10 من كل 100 طفل بيمروا بتجربة تحرش
انت لسوء الحظ من اللي تعرضوا للشيء دا 
انتِ ملكيش اي ذنب ومعملتيش اي شيء خطأ .. مجرد حظ سيء مش اكتر 
هو موقف صعب ومرعب وربنا يعينك بس حاولي متاخديش الامر بشكل شخصي .. الامر اشبه بالمرض النادر 
متخليش الموقف دا يحددك حاولي تتخطيه 
وتأكدي انه هيتحاسب على اللي عمله وهو بالفعل مش انسان سوي عقليًا او نفسيًا

Coffee_34064 🇪🇬 · Answer

انتى ملكيش ذنب انتى كنتى طفله يعنى بردوا طبيعي متعرفيش تتصرفى تقبلى نفسك ولو تقدرى تقولى لوالدك او اخوكى الكبير انا عارف انه متاخر بس لو عايزه تريحى نفسك شويه اظن لو قولتى لحد منهم مش هيرحمه ف ده هيحسسك انه حتى لو كان متاخر بس انتى عملتى اللى عليكى

Sugar_32773 🇪🇬 · Answer

حاولي تتقبلي نفسك لانك ملكيش ذنب انتي كنت طفله وهو واحد مقرف معندوش اولاد يخاف عليهم ومش امين انو يبق مدرس او حتي اب لاطفال من حقك تكرهيه وتدعي عليه وربنا مش هيسيبو عشان ظلمك حسبي الله ونعم الوكيل