ممكن تحسوها حاجه تافهة بالنسبالكوا لكن مش بالنسبالي، عموما اقرأوا واحكموا ولو عندكوا نصيحه ياريت تفيدوني عشان انا على اخري انا معنديش اي صحاب نهائي كل الي كنت اعرفهم يابعدت عنهم يابعدوا عني وكله مش ب إيدي، ومنهم كانوا صحاب سوء وكان لازم ابعد عنهم ف انا مش ندمانه لكن من فتره كبيره شويه عرفت حد وقربنا اوي من بعض ( انا عارفه انه حرام وكملت لكن من فتره صغيره فوقت وقررت اني لازم ابعد عنه ) كنت شايفاه شبهي اوي وبيفهمني دايما وهو حبني وكل حاجه تثبت انه بيحبني وعايزني سواء بقى انا حبيته فعلا او لا لكن كل الي اعرفه انه حد مهم اوي في حياتي وصعب اوي الاقي زيه معتباره كل حاجه وهو عارف اني معنديش حد جنبي ولا اهل ولا صحاب وقالي اعتبريني صاحبك وصاحبتك واخوكي وابوكي وكل حاجه لكن دلوقتي انا قررت ابعد عشان حرام لحد مايبقى جاهز انه ييجي يتقدملي وهو اتفق معايا وقالي فعلا حرام ولازم نبطل وكدا المشكله هنا عندي انا ياجماعه انا اعتبرته كل حاجه ليا انا فعلا مفيش حد جنبي ماما وبابا منفصلين طول عمرنا وكل واحد في حال ومش مركزين مع عيالهم من واحنا صغيرين ولو احتاجتهم مش هلاقيهم جنبي معنديش ولا صاحبه انا معرفش لو سبته ممكن يحصلي ايه انا وحيده تماما وهو الي كان بيهون عليا وبيحسسني اني حد محبوب واستاهل كل حاجه حلوه حياتي ممله مفيش حاجه عدله لكن هو كان احلى حاجه في يومي مش عارفه اعمل ايه وكل شويه اأجل قرار اني اسيبه ده عشان انا خايفه اوي انا مش هيبقى عندي حد وهرجع لنقطة الصفر هرجع زي زمان انا مش عايزه احس بالشعور ده تاني ولا ابقى في المكان ده تاني

10

8