تعايش مع شخص حدي وانفعالاته الصعبة - خبراتكم تهمني!

Question

لو شخص على علاقة ب انسانه عندها اضطراب الشخصية الحدية وانفعالات شديده جدا وصوت عالي ف اماكن عامة وزعل من اقل حاجه ومواقف محرجه كتير وللاسف بتعرف تكدب او تخبي ب حجه الخوف وتقدر تجحد جدا فالاجابه طالما عارفه انه الشخص دا مايعرفش انها مخبيه وتصرفات تانيه كتير و اي تنبيه بسيط على تصرف او حاجه انها غلط الدنيا تتقلب وتزعل وتصرفات تانية كتير 
ف كنت بسال لو في اي حد مر بتجربه زي دي او متعايش مع شخص كده ولقى تصرف يحسن من الشخص ده و يخليه افضل ياريت يفيد هنا ف الردود ضروري جدا جدا 
كذلك اي حد عنده اي حل عموما ياريت يقول ❤️

Watermelon_27958 🇪🇬 · Accepted Answer

انا عندى borderline و مريت بوقت كان صعب فيه 
١-حاول تبقى معاها فى علاجها يعنى تستناها بعد السيشنكل مرة تقولها لو عايزة تحكى حصل ايه وصلت ل ايه تفضل متابع بهدوء كدا و بمساحة بردو واحدة واحدة هتلاقيها بتقولك تفاصيل لوحدها
٢-ثقف نفسك عن ال borderline و اراى تتعامل معاه
٣-اوعى ابدا تذكر ان ده سبب فى اى تصرف سيبها هى تقول ده
٤-لو عندك اى مشاكل او خواطر او حاجات شخصية بقا نفسية احكيلها من باب ان متحسش ا

Avocado_29696 🇪🇬 · Answer

الشخصيه دي صعب معاها العلاج لانها اتعودت انت الي هتتعب ولو عايز حل يبقى حسسها بالامن عشان تقلك كل حاجه بصدق وما تكدبش و لما تلاقي صوتها عالى قلها خلي صوتك واطي انت بنت ولازم تكوني رقاقه انا مش حابب حد ياخد عنك فكره وحشه

Popcorn_40304 🇪🇬 · Answer

للاسف بيتقال الكلام ده زي خلي صوتك واطي و ان مينفعش عشان منظرها وهكذا بس الموضوع بقى متكرر بزيادة ومفيش فايده للكلام 
+ محتاج توضيح اكتر لجزئية انها اتعودت وانا الي هتعب بعد اذنك

Avocado_29696 🇪🇬 · Answer

قصدي انهي اتعودت تكون شخصيه صوتها عالى و كدابه و جاحده وانت هتعاني معاها

Watermelon_27958 🇪🇬 · Answer

متحسش انها لوحدها
لما تعلى صوتها اوعى تعلى صوتك بردو لا قولها ده مينفعش بحزم
هى كل اللى محتجاه منك انها تطمن و نبقى عارفة انك فاهم و متقبلها كدا و هتلاقى هى بتاخد بالها من نفسها
و طبعا لازم تلتزم بالدكتور

Popcorn_40304 🇪🇬 · Answer

المشكلة ان العلاج متوقف حاليا + انها مكانتش منتظمه مع الادوية ف الوضع بيزيد غير كدا اما كنت عاطيها امان وتغاضيت عن بعد الاخطاء اتفاجئت ب انها عملت موقف اسوأ من الي قبله وسبب مشاكل ثقة ودايما بتشوف ان اي حد لو قالها انه ده ماينفعش او غلط مش بتستوعب استيعاب كامل انها غلطانه والغلط ببتكرر بشكل او ب اخر عاجلا ام آجلا

Watermelon_27958 🇪🇬 · Answer

طيب هى لازم تنتظم فى العلاج و الادوية لااازم ديه مفهاش هزار و ملهاش حل تانى

Popcorn_40304 🇪🇬 · Answer

الانتظام في العلاج السلوكي و الدواء هيخلوا الدنيا احسن بشكل ملحوظ وكل ده هيتغير ولا هيقلل بنسبه بسيطه + احد المشاكل بجد فكره الانتظام على حاجه ثابته زي الادوية

Watermelon_27958 🇪🇬 · Answer

لا هيغير بشكل ملحوظ و لو مش عاجبها الدكتور تغيره لحد ما ترتاح
خليك معاها بس

Marshmallow_39520 🇪🇬 · Answer

أنا كدا ونفسي أعرفه ويتعامل معايا كويس بس للأسف كل يوم بنتخانق وبنتخانق في اليوم مليون مرة 😭

Popcorn_40304 🇪🇬 · Answer

انتي كدا ب معنى ؟

Marshmallow_39520 🇪🇬 · Answer

بمعني اني عندي borderline personality disorder وفي حاجات كتير بايظة بسبب كدا ومنها الريليشن ال أنا فيها وكل يوم خناقات كتير أوي والموضوع صعب جدا عليا وعليه برضو

Popcorn_40304 🇪🇬 · Answer

طب مفيش اي حلول خالص بجد؟ 
لان الوضع صعب اوي والله وخناقات برضه

Marshmallow_39520 🇪🇬 · Answer

أمان واحتواء دايما تطمنها عشان هي بتبقا دايما متوترة وخايفة وبتفكر في حاجات كتير وأغلبها مش حلوة ف طمنها كل شوية انك معاها وبتحبها وأنها جميلة ومتقللش منها خالص في اي حاجة وطبعا متمدحش في بنت قولها كلام حلو يزود من ثقتها بنفسها وطمنها طمنها طمنها طمنها طمنها

Marshmallow_39520 🇪🇬 · Answer

وكلمها براحة بجد عشان الموضوع بيبقي مستفز أوي يعني انا بحسه مستفز جدا وعايزة اتخانق معاه وبتعصب اوي يعني ف خليك براحة خالص معاها حتي لو غلطت اتعامل بهدوء وباسلوب هادي ولطيف وهي هتهدي بس متعليش صوتك وتعصبها وتقعد تتخانق وانتي وانتي وانتي عملتي ومعرفش ايه يلهوي هتفرقع فيك

Popcorn_40304 🇪🇬 · Answer

المشكلة اما بقعد اطمنها كل شوية واجي ف مره مثلا انبه عن تصرف حصل ان دا وحش او غلط او مزعلني او  كده بتشوف اني كده بهاجمها و اني مبقولهاش كلام حلو  و ان كلامي مؤذي او وحش مع اني ببقى قايل قبل الموقف ب حاجه بسيطه انها جميلة واني عمر ما في حد حبيته كدا او لفت انتباهي زيها وهكذا وبحس انها محتاجه ده ٢٤ ساعه ودا طبيعي مرهق جدا والله

Popcorn_40304 🇪🇬 · Answer

غير ان حته العصبيه بقت زيادة اوي حتى لو على حاجه بسيطه وتعمل تصرفات نبهت عليها فيها مليون مره انها مش كوييه عشان منظرها عموما سواء بقى صوت عالي او اي حاجه بتحصل من انفعالات وبتصمم على رأيها جدا وده بيوديها ف مشاكل بجد + بعض الغلطات بتبقى كبيرة جدا وبتادي لحاجاات بتقهر زي كسر الثقة ودا طبيعي هيقهرني ومع ذلك ببتجاب عليا الغلط ب اي طريقه حرفيا

Marshmallow_39520 🇪🇬 · Answer

طب بص عشان هنا مش هينفع تفضل نتكلم ممكن تنزل اي حاجه بوست وخلي النصايح برايفت وانا هبعتلك

Popcorn_40304 🇪🇬 · Answer

تمام نزلت بس نزل ف موود
لازم البوست ينزل ف المشاركات عشان تعرفي تبعتي؟

Marshmallow_39520 🇪🇬 · Answer

اه لازم في ال feed وعشان ينزل فيها ومبنزلش في المود لازم يبقي اكتر من 150 كلمة

Popcorn_40304 🇪🇬 · Answer

تمام نزلت دلوقتي

Chilli_54238 🇪🇬 · Answer

انا عندي بردو بس ملخص المرض كلو انك تطمنها مش اكتر كل شوية