وحدة

Chilli_75611 🇪🇬

منذ 7 ساعات

شعور قلق

موضوع:

كلام عمرك ما توقعت ان هيجي يوم وتبوح بية ..!

اني دايما لوحدي ف كل حاجه محدش بيشاركني يومي حتا اهلي ظروف شغلي بعدتني عنهم بفضل اخول لنفسي لحد امتا هفضل كدا لحد امتا هفضل لوحدي بخاف حاجه تحصلي و محدش يحس بيا فكره مرعبه بتراودني اني هموت و محدش هيحس بيا و انا لوحدي

Apple_73772 🇪🇬

منذ 7 ساعات

شعور وحيد

اوقات بحس اني مش وحيد لاكن طول الوقت انا وحيد من اهلي بقا او صاحبي الوحيد اللي انا فعلآ معتبره اخ وصاحب او حتي حبيبتي مفيش حد في دا كله محسسني اني علي الدنيا بحاول كتير الهي نفسي في اي حاجه وبزهق منها في ثانيه طول الوقت ماسك الفون عشان مش لاقي حاجه اعملها وللعلم انا شغال 12 ساعه واوقات كتير 15 يعني

Toast_62844 🇪🇬

منذ 14 ساعة

شعور محبط

ببقا حاسس دايما اني معنديش حد اكلمه لما ابقا محتاجه حد اشارك معاه حياتي الجئله وقت ملاقي نفسي تايه دايما حاسس اني لوحدي، مع اني ببذل مجهود وبدي كتير ف كل العلاقات بس محدش بيقدر ده وبيحسسوني اني اختيار تاني دايما وبجظ زهقت من كوني الشخص البديل ده الي بيتراحلو وقت المصلحة والمشكلة اني بحب اساعد ك نوع

Pineapple_51881 🇪🇬

منذ 20 ساعة

شعور غير مكتمل

وبعدييين؟ اروح لمين بحلم ببكره انا طول الليل يجي النهار وأصطبح كل اللي حلمته بيتمسح. . دي حالتي بجد ده االي بمر بيه وده اللي مخدش بيفهمه شعور انك ملكش حد شعور انك بدون اي رفيق درب شعور انك مش حابب نفسك اصلا بتمنى ان الواحد يكون وجوده مريح للناس عشان هة مش مرتاح مع نفسه وبفكر يموت....

Popcorn_75565 🇪🇬

منذ يوم واحد

شعور شاعر بالملل

بصحى من النوم هورىني جدا ودلوقتي حالا صاحي كده ببقا مش عاوز اتفرج على يبوىن ببقا عاوز اتكلم مع حد يشاركني ببقا عامل زي المدمن الي بيدور على المخدرات ومش بدايق بس بدايق لما مش بلاقي حد يشاركني ده انا ببقا عاوز مجرد كلام🥲

Olive_53202 🇪🇬

منذ يوم واحد

شعور متعب

كل حاجه في الحياه بقت متعبه من وجهة نظري ويقت لا تطاق الاوفر ثينكنج طعبني بطريقه لا تطاق لدرجه اني بنام من كتر التفكير لوحدي حقيقي الحياه بقت ممله واكتشفت ان اغلب الناس اللي اعرفها ميستهلوش لدرجه اني بعدت عنهم كلهم وبحاول ابدا حياه واعرف ناس جميله ناس مش مستنه مني مصلحه او اي مقابل ناس عوزه تعرفني ع

Cheese_66926 🇪🇬

منذ يوم واحد

شعور مكسور القلب

انا مشكلتي دلوقتي التفكير المستمر في الانتحار انا وحيد جدا وغير مقبول مع اني بصلي وشكلي مش وحش وكمان عندي شغلي الخاص ونا بجد محمل البرنامج ده علشان حد يهتم بيا علشان مش عايز اعمل حاجه تدخلني النار كافر 😢❤️‍🩹

Strawberry_74955 🇪🇬 عايز تنتحر ليه ؟

عرض الكل 16 نصيحة

Apple_66213 🇪🇬

منذ يوم واحد

شعور قلق

أكبر خيانة حصلت في حياتي (يوسف) قعد معايا خمس سنين أهله كلهم عرفتهم و أنا أول حد يعرفه في منطقتنا و كان وحيد و مكتئب عاملته كصديق صح و اكتشفت فيه موهبته في الكتابة و شجعته يبتدي و وثقت فيه جدا و خليته يبقي شريك في كل اللي بعمله عشان أوصل للتمثيل و كان موجود وقت ازماتي كلها يعني عارف انا اتبهدلت

عبّر عن شعورك بشكل مجهول

أكبر خيانة حصلت في حياتي

(يوسف) قعد معايا خمس سنين أهله كلهم عرفتهم  و أنا أول حد يعرفه في منطقتنا و كان وحيد و مكتئب عاملته كصديق صح و اكتشفت فيه موهبته في الكتابة و شجعته يبتدي  و وثقت فيه جدا و خليته يبقي شريك في كل  اللي بعمله عشان أوصل للتمثيل و كان موجود وقت ازماتي كلها يعني عارف انا اتبهدلت ازاي و طريقته كلها بقت تكبر عليا حس اني بقيت أقل منه لكن   أول ما لقي إني خرجت من اللي انا فيه و ربنا كتب ان  يكتبلي عمر جديد  و  يبقي ليا جامعة اللي انا عايزها  بمعجزة اتغير و أنا كنت واثق فيه انه صاحب حقيقي  مبسوطلي  عرفته علي كل اللي عرفتهم من الجامعة و عرفته ايه اللي انا اتعلمته و فجأة بعد أول سنة و نص في الجامعة دي اما اطمن انه عرف حاجات مهمة كتير و اخيرا عنده اصدقاء غيري و منهم بنت و كلهم واثقين فيه بسببي و في نفس المجال اللي احنا فيه حس ان الحقيقة اني ساعدته في كل ده فأنا كده صديق أحسن منه و بقي ميت من الغيرة و أنا معرفش.....و مفرقش معاه عشرة حقيقية و لا اني بعتبره صاحب حقيقي كان نفسه أبقي ناسي المواقف اللي بيننا دي ففجأة قعد معايا و حاول يقنعني انت من غيري مكنتش هتعرف تتعامل مع الحياة ولا توصل للي انت فيه
قمت قايله الحقيقة كاملة اني صديق صح و عملت كل اللي عليا و بيننا عشرة قوية و فكرته بالمواقف انه اصلا كان خايف اهله يعرفه انه بيحب يكتب  و هو اللي قالي اكلمله أهله و أعلمه يكتب و عملت كده و افهمه كل حاجة انا اتعلمتها   في السنين اللي قبل ما اعرفه و عملت كده  و  أول ما عرفت شلة كبيرة عرفتوا عليهم و لغاية الآخر اما عرفت اللي في الجامعة عرفتوا عليهم و عمري ما شوفته عارف بنت عرفتوا علي صديقة فكرتوا بده كله اتصدم اني فاكر كل ده  فقالي انا آسف انت عندك حق فعلا  و انا ظنيت خير انه فعلا كان ناسي و افتكر....لكن بعدها  خانني بأبشع طريقة و دمر سمعتي بس بخبث خططله شهور بعدها و أنا فاكره صاحب حقيقي و أتاريه مش عايز بس يمسح الحقيقة الكاملة دي ده بقي عايز يمسحني لأن وجودي دليل علي الحقيقة دي فبدا بإنه يتكلم عليا من ورايا مع واحد واحد علي جنب من شلتنا الكبيرة و من جامعتي و يقول حقايق غلط بحجة ان هو اللي عارفني سنين اكتر منهم و بدأ خطته انه يكره الناس فيا يخليهم يخونوني.......و هنا تيجي صديقة عشرة قوية سنة و نص و عرفت أهلها و دخلت بيتها و إخواتها بقوا اخواتي و اتعاملت معاها كأختي بجد

و كنت بحللها و بحل لعيلتها و لأصدقائها كل مشاكلهم و أعملهم كلهم كل حاجة و وثقت فيها و عرفتها علي صديقي (يوسف) و شلتي الوحيدة اللي بره الجامعة في نص السنة و هو أستغل ده في خيانته الكبيرة و أنا مش واخد بالي  علي مدار شهور  بني فيها غيرة مني و أقنعها أنه غلبان و أنا بستغله و بمسح عشرتي معاه من بعد ما دخلت الجامعة و اتغريت بس بدل ما تيجي تقولي فهمني أو تقولي قال إيه ما صدقت انها تلاقي الفرصة انها تبان أحسن مني يعني هي مكنتش صديق حقيقي برضه و هو كان عايز يحس انه احسن مني كل ده من ورايا طبعا.....و فجأة هي كمان غيرت التعامل تماما  فقلتلها الحقيقة الكاملة و فكرتها بالعشرة القوية علي طول قالتلي اوك كويس انك فاكر انا برضو سيبلي يوم أفكرك و أنا هفكرك أكتر منك و هزرت كده فبظن خير مني اتبسطت و حسيت اني بعمل اللي عليا كأخ و صديق صح و اتاريها بدأت الخطة  معاه و انها تعاملني أقل فجاة و تاعملوا اكتر مني و متردش عليا في جروب الواتس  و هو يعمل نفسه مش واخد باله و يهمشوني في كل حاجة كإنتقام اني صديق  عاملتهم بأصح طريقة و اني حسستهم اني صديق احسن منهم   و اتفقوا علي غيرتهم مني

و الخيانتين دول كانوا بداية خطة تدمير كل صداقاتي و سمعتي بين الناس عشان محدش يسمع اي حقيقة كاملة مني تثبت اني ساعدتهم و كنت صديق صح لأن كده بالحقيقة هبين ان هما مش بيساعدوا الناس....و هنا أتفقوا  يعملو موقفين   يألفوهم قدام الشلة الكبيرة عشان يبقوا دلائل يخلوهم كلهم ميثقوش فيا اللي هو اني ابان وحش بأي طريقة و الموقفين  استخدموا شخص من دفعتي قريب مني وواثق فيه و عمري ما أشك فيه عشان عنده سرطان و 
اول موقف استخدموه فأنه يتحايل عليا و يعيطلي لمدة أسبوعين انه عايز يعرف الدفعة الجديدة بيقولوا عليه إيه عشان يحسن نفسه  و يعقد معاهم زي ما انا بعقد و يتعاملوا معاه زي ما بيتعاملوا معايا فصعب عليا اوي وقلتله ممكن بيتضايقو شوية انك ساكت معاهم و بتكلم في الموبايل فممكن ترغي معاهم اكتر و بيقولوا انك بتتكلم علي عربياتك كتير عشان تبين انك غني فإتكلم علي أي حاجة عادي طبعا انا وثقت فيه غلطت و كنت غلطان اني أساعده و انصحه لأنه كان بيسجل كل ده ووصلوا ل للبنت و (يوسف) و عشان نيتي الطيبة متبانش ظبطوا التسجيل  انه ميكنش فيه غير صوتي و يبان اني بتكلم علي الناس فجأة و بدون سبب و نشروا ده في كل حتة في الجامعة

عشان بس فكرة انهم يقولوا إني وحش.....و نشروا الموقف ده بالتسجيل اللي ظبطوه انه كأنه مكنش فيه غير صوتي بره الجامعة و جوه الجامعة  عشان الناس تصدقهم اني شرير أوي و خبوا حقيقة نيتي الطيبي و كل ده و انا معرفش اي حاجة بتحصل و مبسوط اني ساعدته عشان يحسن من نفسه و مش عارف اني بتخان و سمعتي بتدمر فيه خطة تدمير شغالة عليا........و تاني موقف ألفوه  خلوا طرفين منهم (يوسف) الي انا كنت لسه فاكره صاحب حقيقي و التاني اللي  من دفعتي هو هو برضه اللي عنده سرطان و اتفقوا معاه و عمال يوافق عادي بكل سهولة و  كلموني كأنهم متخانقين  عشان أقف جمبهم و أصلح بينهم لاني انا اللي عرفتهم علي بعض و دخلوا واحد تاني من الشلة كأن الخناقة كبيرة كأنه بيصلح عشان الموقف يبقي حقيقي و عشان يساعدهم ان كل حاجة تمشي زي ما اتفقوا عشان عارفين اني هقول الحقيقة ان حد منهم غلطان في كذا و كذا فا الإتنين يسجلوا عشان يقولو ده بيوقع بيننا و ده شيطان و محدش يصدق ان أنا  ساعدت حد حتي قبل كده

و فعلا نشروا التسجيلات دي جوه و بره الجامعة ان كأني بوقع بين اتنين  فبقيت باين شيطان و علي اساس كل ده يحكوا عني أي حاجة وحشة هتتصدق و عملوا كده فعلا و الناس بقت تصدق و محدش فكر يسالني او يسمع مني ولا مرة و  بقوا ٢٠ خيانة صديق و صديقة كنت بثق فيهم  مسحوا السنين و العشرة القوية و المواقف القوية و الصداقة.....و الهدف الأهم بالنسبة لصحابي اللي  افتكرتهم  صحاب حقيقيين  البنت و (يوسف) ان الحقيقة الكاملة اللي انا عارفها و متأكدين انها عندي  في اني كنت موجود في حياتهم اكتر من اصدقاء كتير ليهم  و كنت صديق أصح منهم عرفوا يخبوها و يمسحوا العشرة القوية دي و كمان ضيعوا كل ثقة شلتنا  الكبيرة فيا  و خسروني كل الناس اللي عرفتهم في الجامعة و كمان بوظوا سمعتي و محدش عمره هيصدق اي حاجة يسمعها مني كل ده عشان بفكرهم بالعشرة القوية و المواقف اللي بيننا و بتعامل كصديق صح جدا و هم مش عايزين الحقيقة دي

بعد كل ده كملت الترم اللي فات كامل بدرس في الجامعة لوحدي و دفعتي اتنين بس غيري واثقين فيا و عارفني و عارفين ان اللي في الجامعة ناس وحشة و fake  بس مبيحبوش يقعدوا في الجامعة و في حالهم أوي و في مستوي أعلي مني فمش بيخرجوني معاهم  بس كمحاضرات و مسرحية و مذاكرة بيحتاجوني فبيشتغلو معايا بس غيرهم كله واخد جمب مني و الدكاترة و المعارف اللي من بعيد في الجامعة هم اللي كانوا سمعوني و تعاملوا معايا طبيعي لكن مكانش فيه حد بقضي معاه اليوم بين المحاضرات أو بعدها  و الحمدلله عديت الترم اللي فات علي خير  بس كنت اول مرة احس اني لوحدي في الجامعة مع إني أعرف كل الدفعات اللي في مبني الكلية كلهم و مثلت معاهم ......السؤال هنا مش قادر أبقي لوحدي كده تاني و لسه قدامي سنتين جامعة  أتعامل إزاي عشان حقي يفضل محفوظ من غير ما أعقد أتأسف علي حاجات أنا اتظلمت فيها و معملتهاش ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_59831 🇪🇬

منذ يوم واحد

شعور عاطفي

زهق ووحدة و ملل .. انا بحب الونس اوي بس وحيدة اوي انفصال و اصحاب بعاد و اهل متواجدين بس مش عارفة اندمج معاهم انا حزينة ع حالي انا محتاجة بشر كويسين في حياتي عايزة بيت و طفل و حياة و اصحاب و اندمج معاهم و يكون عندي حياتي زي اي حد ..ربنا يبارك لكل حد في حياته بس انا عايزة واحدة انا كمان بس ددددددددد

Mango_74726 🇪🇬

منذ يوم واحد

شعور مكتئب

اترفدت من الشغل ظلم مع العلم اني كنت من اكفأ الناس بس المديرة المباشرة كانت غيرانة مني وافتعلت مشكلة معايا واترفدت كنت بعمل شغلي بضمير وكنت شغالة عشان اشغل وقتي واشوف ناس جديدة وفجأة كل دا راح وحاليا حاسة بفراغ ووحدة ومفيش نفس اعمل حاجة حتى الحجات الي بحبها مليش نفس اعملها ازاي اخرج من الحالة دي

Donut_50330 🇮🇹

منذ يوم واحد

شعور عاطفي

الإجازة خلاص بتخلص، فاضل 11 يوم وتبدأ الدراسة، وأنا حاسة إني معملتش حاجة في الصيف ده. كان نفسي أعمل حاجات كتير، بس كل حاجة نفسي انسدت عنها دلوقتي مش مستعدة نفسيًا لا للدراسة ولا لأي حاجة تانية. حاسة إني حتى لو بدأت، هكون لوحدي، أو يمكن أنا اللي عايزة أبقى لوحدي من غير ما أفهم السبب. مع إني معايا صحا

Potato_52541 🇪🇬

منذ يوم واحد

شعور لا مبالٍ

زعلان اوي اني يعتبر مليش حد في حياتي ولوحدي في كل حاجه ولو وقعت في مشكله مع اي حد بكون دايما لوحدي وبتعامل لوحدي قدام كذا حد ولو ليا حق عند حد بفكر وبخطط وبنفذ اي حاجه لوحدي، وبمشي دايما لوحدي ومفيش حاجه في حياتي بشاركها مع اي حد، كل حاجه لوحدي حرفيا

Waffle_72527 🇪🇬

منذ يوم واحد

شعور مستنزف

بقالي فترة كبيرة طاقتي خلصانة بشكل اوفر ، مبقتش قادرة اتعامل مع حد خالص بصراحة مفيش شخص بتكلم معاه كل يوم لاني ببساطة مش قادرة اعمل حاجة زي دي بحس بحمل كبير فعلا اني اخش اسال على الناس و نتكلم كل يوم و اكون مضطره استمع لاني مش في كل الأوقات بحس اني قادرة اعمل كدة بس في نفس الوقت حاسة بفراغ كبير اوي

Ice Cream_72258 🇪🇬

منذ يوم واحد

شعور شاعر بالملل

انا ليه دايما بحس بالوحده كده ببقي قاعد لوحدي طول الوقت بين أربع حطان و زهقان كده مش ببقي لاقي حاجه اعملها و طبعا ده كله بيبقي بعد الشغل بتاعي و مذاكرتي بس رغم ده كلو انا ببقي حاسس بالوحده جدا نفسي حد يكون صديق ليا و نحكي لبعد كده و نكون واثقين في بعد كده و نحكي عن يومنا و نتعامل اكننا أصدقاء و كده

Donut_50330 🇮🇹

منذ يوم واحد

شعور شاعر بالملل

الإجازة دي مختلفة عن كل مرة.. كان المفروض تبقى راحة وفرحة، بس لقيت نفسي حاسة بملل ووحدة أكتر من أي وقت. مفيش شغف، مفيش طاقة، حتى الحاجات اللي كنت بحبها بقت عادية ومش مفرحة زي الأول. ساعات بحس إن الأيام بتمشي من غير ما أعمل حاجة حقيقية، وكأنها بتضيع مني. ناقص شهر والدراسة تبدأ، ولسه نفسي أعيش الإجازة

Cherry_63854 🇪🇬

جوزى عاوز يشوفنى مع واحدة وانا مكسورة

انا اسفة فى موقف وحش اوى انا فيه ونفسى افهم بس أنا هو جوزى عادى يبقى حابب يشوفنى مع واحدة قدامة انا مخنوقة بجد ومش قادرة اتصرف ومكسورة جدا عارفة انة بيخونى بس كبرت دماغى لكن عاوز يدخلنى انا فى دوامتة وكتير بيقول كدا فى جد او هزار انا عاوز اشوفك مع واحدة والاغرب انى اتفاجأت وهو سكران بيقولى عاوز اشوفك مع صحابى ولما يفوق يقول كنت بهلوس عادى انا بجد مابقتش فاهمة حاجة ... ...عرض المزيد

3 الدعم

41 نصيحة

Kiwi_69907 🇪🇬

ليه خدعني وقلب خطيب على غيري وأنا استنيتوه؟

حبيت شخص فتره واتكلمنا وكان لطيف جدا معايا لحد من شهر قالى انه هيبعد وانه لسه مش مستعد وقدامه سنه عشان يقدر يخطب بس هفضل ف باله وقلتله انى هستناه وامبارح لقيته منزل بوست خطوبته على واحده تانيه مقدرتش استوعب الاول وكنت هاديه جدا ونمت وصحيت وروحت شوفت البوست تانى كانى كنت بحلم قبل ما انام ولقيته حقيقه اسأله كتير جت ف بالى ملقتش اي اجابه عليها حفظت كرامتى ومرضتش ابعت واسأله ليه بس حاسه قلبي مكسور اوى ومش قادره افوق من الصدمه ...عرض المزيد

1 الدعم

28 نصيحة

Croissant_75863 🇪🇬

بكره الرجاله ومش قادره اتقبل حد يدخل حياتي

حاسه اني بكره الرجاله كلها كصنف ملهومش امان بجد وشايفاهم وحشين علي طول مش عارفه انا مريضه ولا اي لكن بجد مبقاش ف رجاله اليومين دول علي طول عيال وتافهين وبيجروا ورا البنت اللي مبينه جسمها وشعرها معرفش ازاي بجد ف اي لكن مش دي صوره الراجل اللي اتربينا عليها واللي هو راجل يقدر يحافظ علي اللي معاه انا مش قادره اتقبل حد يدخل حياتي وبرفض ناس كتير علشان بس مش قادره اتقبلهم ومش عارفه اعمل اي ...عرض المزيد

2 الدعم

26 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع