حرام

Strawberry_59553 🇪🇬

منذ 11 ساعة

شعور شاعر بالملل

محتاجه احب و اتحب بس مش هقدر ارتبط عشان حرام ومش هينفع اصاحب لنفس السبب وانا لسه صغيره ف مش هتخطب عشان الناس هتتكلم عليا و مش محتاجه اقول انو طبعا مش هقدر اتجوز بسبب سني و اني وعيت بدري و عشت مراحل كتير ف حياتي كنت المفروض امر بيها لما اكبر.....

Biscuit_25419 🇪🇬 انتى عارفة أن حرام ومينفعش فقربى من ربنا اشغلى وقتك ركزى ف دراستك كترى دايرة صحابك البنات قربى من أهلك اخواتك

عرض الكل 10 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Mushroom_68043 🇪🇬

منذ يومين

شعور مرتبك

هو في بنت ممكن تقبل فكرة اني مش هعمل فرح انا مش متقبل الفكرة ومش مستوعب اني ممكن اعمل حاجه زي كدا ومش بروح افراح غير فين وفين، وازاي لو لقيت بنت الحلال اقدر اقنعها اني مش هقدر اعمل فرح بالنسبالي انا السبب واضح ومعروف انه حرام عشان الاغاني والاختلاط والمسخرة اللي بتحصل بس انا مهما اتناقشت مع بنت او

Mushroom_29414 🇪🇬 موضوع انك تقول مش هتعمل فرح دي صعبة شوية وغالبا مش هتلاقي حد يوافق حتى لو بنت ملتزمة بس طالما حضرتك مش عايز تعمله عشان الحجات الحرام الي بتحصل فيه ويكون ده فعلا السبب فسهل جدآ تقنع خطيبتك الي المفروض تكون بتفكر زيك وبتراعي ربنا في الحلال والحرام أن الفرح يكون اسلامي بمعنى مفيش اغاني مفيش اختلاط مفيش رقص مجرد عائلات واكل واناشيد بالدف أو قرآن وفيه كتير عملوا كده وربنا يسهلك الحال

عرض الكل 9 نصيحة

Strawberry_71981 🇪🇬

منذ 3 أيام

شعور محبط

حاسة بفراغ موتتت من ساعة ما بعدت عنه مع اني مكنتش بكلمه علشان حرام بس كنا ساعات بنلمح لبعض في الريبوستات بس من بعد ما لقيته متابع بنات وهما متابعينه ومتابع بنات مش كويسة خلاص مبقتش اعمل ريبوست لأي حاجة تخصه حاسة اني زعلانة اوي ومشكلتي ان انا متعلقة بيه اوي ومتعلقة بيه اكتر مما بحبه اصلا ولو بس التع

Apple_64761 🇪🇬 فترة وهتعدى املى فراغه بحاجة تانية

عرض الكل 13 نصيحة

Sugar_21572 🇪🇬

منذ 4 أيام

شعور مرتبك

أنا في واحد بحبه و بيحبني و سيبنا بعض اكتر من مره عشان حرام نتكلم و احنا عارفين ده كويس اوي بس رجعنا للاسف و أنا دايما ضميري مأنبني بس في نفس الوقت مش عارفين نبعد بنجرب والله كتير بس مش عارفين خالص بس بنجاهد دايما هل ينفع ادعيله او يدعيلي اننا نبقي من نصيب بعض في الحلال خصوصا انه بيتشغل و بيحوش عش

Coffee_72867 🇪🇬

منذ 5 أيام

شعور مكسور القلب

عبّر عن شعورك بشكل مجهول

انا بكلم بنت وبحبها اوي 
كنا ٢٤ ساعه مع بعض لمده ٨ شهور ومره واحده اتغيرت معايا بقت باردة في المعامله فضلت وراها شهر بحاول اعرف في ايه 
قالتلي انها حاسه بتأنيب ضكير عشان علاقتها حرام وابوها بيصعب عليها انها بتغفله وكده وقولتلها خلاص اكيد دي حاجة هتبسطني انك كده كويسة ومعرفتنيش من زمان ليه وبعدنا فعلا 
بس انا فضلت شاكك انها ممكن تكون بتكلم غيري وبعتلها اكتر من مره اشتكي وهي كانت بتطمني ونقعد نتكلم ونحب في بعض وتقولي كلام كتير اوي كان مطمني جدا وكنت كل فتره بحب ادخل ابعتلها اخد الجرعه دي 
لحد ما جه عيد ميلادي ومن يومها اتغيرت خالص اسلوبها واعاتبها ترد وحش وببجاحه وتقولي مش انت لوحدك الي تعبان وكلام من ده 
المهم اننا لما سيبنا بعض بسبب انه حرام هي حطت بروفايل اكتر من مره على السوشيال وكنت بدخل اتعارك معاها كل مره 
لحد ما من اسبوع من كتر خناقتنا وانها مبقتش تطمني زي الأول اتفقت معاها اني مش هيعتلها تاني خالص واستنى لحد ما اتقدم واتفقنا على ده 
المهم انا جيت بعد ده بإسبوع بقا لقيتها حطت بروفايل على التيك التوك للمره التالته او الرابعه ومعرفتنيش وحطت نفس الصورة الي اتعاركت مغاها قبل كده بسببها وكمان عملت اكونتها بابلك 
ولما عملته بابلك لقيتها عامله ريبوست لحاجات كلها اغاني وكده
اه حاجة اخيره هي انا كنت عندها تيك توك قبل كده وقالتلي اخوها شافني وهتشيلني عشانه وكده و انا وافقت وقالتلي متزعلش هعمل اكونت ليك انت بس تبقا فيه ووافقت وهي معملتش وعاتبتها اكتر من مره قالت مش عاوزة تعمل عشان متعمليش ريبوستات فيها اغاني مع ان اكونتها لما بقا بابلك لقيته كله اغاني وكمان منزله بوست اغنيه وفيه كلام حب من ده وكده 
طب ازاي اخوها شاف البوست ده  و عادي يعني بس  انا قالها تشيلني؟؟؟
 انا دلوقت بموت وبعت عاتبتها امبارح طبعا بقت بترد في العتاب على حاجات وحاجات لا ومش بتعترف انها غلطانه والاسلوب الي قولت عليه من شوية انها بقت مش حلوة فا المهم قالتلي انا برا مع اهلي لما اروح هكلمك واتفقنا على ده والكلام ده من الساعه ٣ الفجر امبارح عدى عليه حوالي ٧ ساعات وهي لحد دلوقت قافلة نت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_69738 🇪🇬

منذ 5 أيام

شعور محبط

بقالى فتره كبيره بفكر انتحار بس إلى مانع انى انفذ أن حرام وحرام بعد كل تعبر وصبرى على المرض انتحار بس برضو بفضل ابص لنفسى انى مش عارف اعمل حاجه او أنا دائما فى نقطه الصفر بقيت كاره الحياه عموما وحاسس انى فاشل أو مش هعمل حاجه بسبب تعبى ف برجع افكر فى الانتحار وانا حاولت مرتين بس مانجحاش فى الانتحار

Waffle_65620 🇸🇦 قول الحمد لله إنك مامتش كافر و خسرت الاخره قدامك فرصه تجيب ورقه و قلم تكتب انت عايز إيه من غير ما تشوف نفسك مظلوم في حاجه لا انا هكتب و هقف مع نفسي بجد و هعالج القصور الي عندي وهتغير للاحسن عشان أحبني واقدرني

عرض الكل 5 نصيحة

Marshmallow_72714 🇪🇬

منذ 5 أيام

شعور قلق

يجماعه انا بعدت عنه عشان حرام وكدا وهو اقتنع وكمان قالي انه فرحان بكده اوي واني خليته يفوق من اللي كان فيه ووعدني انه هيتغير عن الاول واثبتلي دا فعلا بس بعدنا عن بعض عشان حرام هل هو كدا ممكن يكون ما صدق يخلع مني ولا اثبات انه قرب من ربنا دا كفاية ومش في نياته حاجه وحشه للعلم هو نصحني كمان اظبط طرحتي

Sugar_51886 🇪🇬 حبيبتي من ترك شيئا لله عوضه الله خيرا عنه لو ليكوا خير في يعض ربنا هيجمعكم ببعض في حلاله وطالما بطلتي كلام معاه عشان حرام ف ربنا هيعوضك خير سيبيها على الله متفكريش كتير هل ما صدق يخلع ولا لا طب بيحبني ولا لا سيبك من ده كلام خليها على الله

عرض الكل 5 نصيحة

Blueberry_72576 🇪🇬

منذ 6 أيام

شعور مرهق

Apple_72535 🇪🇬 بصي ياقمر نصيحه مني ليكي صفحه واتقطعت وبصي لقدام كل الي قلته انتي مغلطيش فحاجه هو لو بيحبك بجك فعلا ومش مستغني عنك مكنش عمل كده كان كلمك كان صالحك لو انتي غلطانه حتي كان بصي حاجات كتير بس مش عايز اتقل عليكي بس انتي مغلطيش فحاجه هو انتي مكنتيش ماليه عينه مع انه ال قلتيه وعملتيه تملي عين اي حد بس هو ال وسخ فخلاص فكك كده وروقي وافتحي صفحه جديده انا كنت زيك فيوم بجد بس نصيحه مني ليكي خلاص صفحه واتقفلت

عرض الكل 45 نصيحة

عبّر عن شعورك بشكل مجهول

انا مراهقه و زي اي حد في سني طبيعي اكون عاوزه أدخل في علاقه حب و اتكلم و احب و اتحب و كل دا مع أني عارفه انو دا حرام و بعمل كدا من ورا اهلي بس بجد في حاجه بتدشني لكدا و من تسع شهور اتعرفت على حد و هو فهمني انو بيحبني و بيموت فيا و انو عمرو ما حب حد قد ما حبني و انا صدقتو علشان كان باين علي و أقصى حاجه عملناها مع بعض أننا خرجنا سوى بس محصلش اي حاجه تانيه و كانت مره واحده و جت في أخر فتره العراك كتر و مبقاش في تفاهم خالص و هو بقا بارد و شم بيهتم بعتابي ولا اي حاجه بس بيجي و بيصالحني وقت ما يكون انا وحشاه لكن اي وقت تاني مش بيهمو انا زعلانه أو فرحانه مع انو مكنش كدا في الاول لدرجه انو بيبقا عارف مثلا اني انا زعلانه اوي و اوصل لمرحله العياط و هو ميديش اي رده فعل مع اني انا عمري ما بخلو علي في حنيتي و كنت أول ما بشوفو زعلان كنت على طول بحنن قلبي على و بصالحو حتى لو انا مش غلطانه و هو لما بقى قاصي عليا اوي في اخر فتره و مكنش مهتم بعتابي ولا حتى زعلي و عياطي انا كمان قصيت قلبي على و كنت فاكره اني كرهتو و هو اخد بالو و هو علشان بيحب.كل حاجه تبقا ميته على و يملك كل شئ و كل شئ يبقا تحت رجله و عايزه و هو يتصرف بي بكيفه فضل ورايا مش من وجه نظري هو حاول بتاع مره او اتنين كدا و مكنتش بشكل حلو كمان و في الاخر انا قولت لي انا مش عوزاك و عاوزه نبقا صحاب احسن و هو كان رافض في الاول و بيقولي انا بحبك بس أنا عارفه هو كان كل مره انا بزعل فيها منو و بقصي قلبي يروح هو يحنن قلبي علي و مفيش يومين و يرجع تاني يقصي قلبو و نفس المعامله و العراك ف علشان كده فضلت مصممه على رأي بأننا نفضل صحاب و هو في الاخر وافق علشان مكنش عندو خيار تاني جه بعد يومين بيقولي عاوز اسيبك علشان الموضوع حرام و انو هو صلح حجات كتيره في حياته من اول ما عرفني و عاوز يصلح علاقتنا بأننا نسيب بعض و عرفت كمان انو اليوم دا خرج مع بنات صحابو علشان كدا ضميرو كان واجعو و علشان كدا قرر يسيبني بحجه انو حرام هو اصلا حياته مكنتش مناسبه ليا بس كنت ممكن تتأقلم عليها والله لو هو فعلا كان صادق في مشاعر زي ما بيقول ليا و انا كنت فكراه بني آدم ناجح و شاطر هو فعلا ناجح بس مش شاطر و جاب مجموع في الثانويه وحش و مش عارفه حاليا هو هيدخل كليه اي مع انو هو علمني أن أي حاجه بتحصل ليا اجي و احكي لي و كنت بعمل كدا معاه حتى و احنا صحاب في اخر فتره بس هو بطل يعمل كدا و كنت لآخر وقت على أمل انو يرجع زي زمان بس مفيش حاجه حصلت و بعد ما جه اليوم الي قالي يلا نسيب بعض انا فعلا سبتو لأن انا كنت شبه كرهتو و كنت الفتره دي مشغوله في حياتي مش قاعده في البيت ف مكنش فارق معايا وجودو في حياتي أو لا بس دولوقتي لما عرفت أن نتيجه التنسيق نزلت و انو خلاص هيتحدد هيدخل كليه اي و بأني قاعده فاضيه بجد بقيت كسى انو واشحني اوي و اني هموت و افك البلوك و نرجع نتكلم تاني بالمناسبه احنا لما سبنا بعض انا بلكتو من كل حتى و هو بلكني من على الانستا بس و انا كملت الباقي و حرفيا بقيت كل دقيقه و كل ثانيه قاعده مستنياه يبعتلي أو يفك البلوك و مش عارفه يعدي عليا دقيقه من غير ما أفكر في او اشوف بعت أو لا و كل دا و بجد انا كمان تعبت و معنديش حد احكي لي كان هو الوحيد الي بسمع ليا و كان عندي صاحبتي بس أنا مش عاوزن اروح اتقل عليها اكتر من كدا و اروح اشتكي ليها زي كل مره علشان انا دائما الي كنت بروح و اشتكي و هيا قليل لما بتعمل معايا كدا و انا بني ادم مش بحب اشتكي لحد و بجد هو دلوقتي واحشني و مش عارفه اعمل اي و جشى اني لو استمريت زي ما انا كدا و بالحاله دي هضعف و هفك البلوك و هخش اكلمو و في نفس الوقت بقصي قلبي على زي ما هو عمل معايا و بحاول أقنع نفسي اني انا مش وحشاه زي ما هو واحشني و لو كنت بجد وحشاه زي ما هو واحشني كان هيدخل يكلمني و يخترع اي طريقه زي ما كان على طول بيقولي و بجد زعلانه اوي على حالي و على الي احنا وصلنا لي و مش عارفه أتحرك اي خطوه لقدام و خايفه لارجع خطوه لورا و محتاجه بجد نصيحه اي حد و انا بجد في الحاله دي و أني عاوزه ااتكلم مع   اي حد أو احس بشعور الحب أو الاهتمام دا و كل دا بسبب بابا هو معمليش حاجه فعلا و هو أب مش وحش بس هو فعلا ضبع كل لحظه انا كنت محتاجاه فيها و كنت نحتاجه ابويا الحنين الي يديني حضن يطبطب عليا كل دا ف علشان كدا اضطريت اروح الغريب و أرضى بالقليل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

قبل اي حاجه انا عارف اني غلطان جدا و حاسس بذنب بس ارجوك خليك راحيم بيا 
السلام عليكم انا شاب عني 26 سنه الحمدلله بصلي و احيانا بصوم 
بس مشكلة اللي وقعت فيها و اغلب شباب وقعه فيها 
هي العادة السرية 
من 4 سنين اتعرفت علي بنت ماشاء الله اخلاقها كويسه و لابسها محترم جدا 
و لاسف برضو ارتبطنا و دي حاجه كنت بحاول انجز فيها عشان اتقدم بس واحده واحده حبينا بعض جدا لدرجة العشق 
بسبب ان علاقتنا حرام و ان ربنا مش راضي عنها عملنا س*س فون و كنا بنحس بذنب جدا انا و هي و كنا بنصلي و ندعي ربنا يهدينا و نتجوز وبعدين الايام اتطورت و بقا في تلامس لما بشوفها و الحمدلله و بشكر ربنا ان الحوار متطورش 
بس لاسف حصل بينا خناقة عاديه و يوم ما رجعنا لبعض 
حاسيتها رجعت ليا لمجرد انها تعمل معايا فون بس مش عشان عايزني 
بس قاعدنا اسبوعين تقريبا مع بعض و حصل بعدين خناقة لقيت نفسي بقولها انك رجعتي ليا بسبب شهوتك مش انك بتحبيني بصراحه كلمة وحشه جدا 
و سيبنا بعض من يومها و بقالنا 5 شهور مش بنتكلم بس من شهر بعتت صور لمناسبة عندهم في البيت و اني كنت زمان بقولها اني هكون معاها في اليوم ده قالتلي انك كنت نفسك تبقي موجود في اليوم ده و انا واحشها و بتحبني وبعدين بلكتني 
بفكر ليل و نهار استر عليا و عليها و احاول ارجع بس هشطرت اني لو رجعت اتقدم علي طول و احاول انجز في حوار الجواز علي طول و اني همسك مصحف قدامها و نحلف عليه انا و هي اننا نلتزم بخطوبة و نحاول منعملش اي حاجه غلط من اللي كنا بنعملها قبل كده
خايف اكلمها تصدني و ترفض 
انا والله بس كاره نفسي و لو خطبت بنت هكون مستخسرها ليا اني شاب عملت ذنوب و كتير و انها متستهلش حد زيي و اني مش بعرف اكدب او احور فا خايف احكي ل اللي اخطبها علي اللي حصل ما بينا تبعد عني 
ارجوكم سعدوني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Strawberry_71981 🇪🇬

منذ أسبوع واحد

شعور مستنزف

عبّر عن شعورك بشكل مجهول

مبكلموش علشان حرام ونقل مدينة تانية بعيد وبقى متابع بنات كتير وهما كمان متابعينه من نفس المدينة اللي هو نقل فيها كل تواصلنا كان في ريبوست التيك توك بس بعد ما شوفت البنات دول مبقتش اعمل اي ريبوست يخصه وهو عمال يعمل ريبوستات ويكتب في البايو بس انا مش برد عليه خالص قلبي بيتقطع بس هو خلاص مش مكتفي بيا وبيصاحب بنات تانين حتى لو هو مش مرتبط بيهم يكفي انهم صحابه وبيتقابلو واصلا المجتمع هناك كدة والصحاب وحشين اوي هناك انا خلاص هبعد ومش هرجع تاني اوقات بفكر لو مكنش الموضوع حرام كان زماني انا اللي بكلمه ومش هيبص لاي بنت تانيه انا حرفيا  معرفش عنه حاجة غير هو عايش فين معرفش حاجة عن حياته اصلا والفكرة اننا لسة صغيرين هو تانية ثانوي وانا اولى ثانوي متدايقة اوي ان هو بعد كل ده مطلعش بيحبني بجد ومكتفي بيا وعاتبته بس مبينتش صراحة أنه على الموضوع ده معرفش اصلا هو فهم ولا لا بس بردو مشالهمش حتى لو شالهم انا عارفة أنه ممكن عادي جدا يعمل اكونت تاني ويضيفهم عليه أو يقابلهم في الحقيقة غير بردو أنه متابع بنات كتير اجانب لبسهم مش حلو هو على التيك توك متابعني انا بس وبنتين تانين قرايبه اكبر منه ومؤخرًا تابع بنت كمان اعتقد انها من نفس المدينة بردو بس هي مش متابعاه وهو متابعني على التيك توك بس انا مش متبعاه بس التلميحات اللي بيلمحها ليا انا وهو عارف ان انا لما كنت بلمح كان ليه هو بردو

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_56687 🇪🇬

منذ أسبوع واحد

شعور مكسور القلب

اتعرفت علي بنت من حوالي ٨ شهور كانت صداقة عادية كنا نفس الدماغ والتفكير وانبهرت بيها لأن كان اول مرة الاقي حد شبهي كدا وهي كمان حست نفس الحوار كنا بنتكلم كتيير اوي ونتشارك كل حاجة بس مش ارتباط وفعلا مكناش عايزين ارتباط مجرد اتنين متوافقين فكل حاجة تقريبا والاهم اننا كنا متوافقين في مستوى التدين وب

Kiwi_71399 🇪🇬

منذ أسبوع واحد

شعور مستنزف

السلام عليكم حابب افضفض معاكم شوية انا شاب عندي 23 سنة وزي معظم الشباب نفسي ارتبط واحب واتحب واعيش حياتي زي معظم الشباب ولكن اللي بيمنعني اني اعمل كده حاجتين اولا : ان موضوع الارتباط دا حرام ثانيا : اني بسأل نفسي هل انا لو كلمت بنت وحبتها وحبتني هل هتزوجها في الاخر طبعا الاجابة بتكون لا نظرا ل

Strawberry_71236 🇪🇬 اكيد صح كمل على طريقك ربنا يرزقك

عرض الكل 8 نصيحة

Apple_71377 🇪🇬

منذ أسبوع واحد

شعور مليء بالحياة

موضوع:

عرفت تنساها او تنسيه

أدركت مؤخرا إن وجودها في حياتي وتعلقي بيها لأكثر من خمس سنين مكانش إبتلاء من ربنا بالعكس دا كان عقاب من ربنا لأني قبلت اتبع خطوات الشيطان و دخلت علاقة حرام وانا عارف انها فتنة والحمدلله استعنت بالله و أدركت إن أفضل جزء في قصتنا هو النهاية وربنا قادر يعافيني وينزع فتنتها من قلبي. الحمدلله

Coffee_70899 🇪🇬

متخرج ومش عارف ابدأ منين.. أول مرة أحس بالتيه!

اول مره احس بالشعور ده شعور التايه المشتت الحمد لله اتخرجت بتقدير عالي و خدت اعفاء من التجنيد تقريبا خدت الحاجتين اللي كنت بقول ياااه لو يبقو معايا هعمل و هسوي و اهو ربنا أعطاهم لي من فضله بس مش عارف ابدأ منين و مش عارف اروح فين اكمل زي منا كورسات ولا اعمل ايه مش عارف ...عرض المزيد

0 الدعم

0 نصيحة

Tofu_73618 🇪🇬

مش قادرة أوازن بين البيت والشغل والطفلة وعايزة أقعد

انا عندي 25 سنة متزوجة من سنتين وعندي طفله عندها سنه و بشتغل من ساعه ما اتخرجت من الجامعة مبقتش قادرة اوازن بين البيت والشغل والطفلة و عايزه اقعد من الشغل لكني خايفه اندم ووالدي توفي وانا كنت متعلقه بيه جدا وقولت مش هقعد عشان مسيبش نفسي للمشاعر السلبية لكن بقيت عصبية جدا و مش قادره اعمل اي حاجه وعايزه اقعد ومتردده جدا وحاسه اني متلغبطه بجد ...عرض المزيد

0 الدعم

2 نصيحة

Cookies_33743 🇪🇬

بنحتاج حد يفهمنا و يشاركنا الرغي

اوقات بتيجي عليك فترة بنحتاج بس حد يفهمك او يشاركك يرغي كتير ويحكي وتسمع وتشكي مش مهم تعرف مين هو ولا مهم تعرف اي حاجه غير ان يبقا طيفك خفيف حقيقي مش بتتصنع .. حتي مش مهم نوعيه الكلام المهم انك ترتاح من كل ال صراعات ال جوه عقلك انك تفهم ان ف ناس زيك انك مش اوحدك .. ...عرض المزيد

0 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع