مساء الخير ياجماعه ( 24 سنه) انا بقالي فتره تايه بطريقه مؤذيه نفسيا حاسس ان مفيش هدف عايز احققه وفي نفس الوقت مش عايز احقق حاجه ومكسل احقق حاجه واشتغل على نفسي زي اني اطور شغلي او اني اقوي جسمي وازود الكتله العضليه عندي واخسر دهون اكتر النوم بقا مهرب بدل ماهو راحه والصحيان بقا مقرف بسبب اني معرفش اصحا ليه وليه أصحا اصلا الموبايل بقا بياخد مني وقتي كله ويسرقه الوساوس والاحباط مغرقين يومي وتفكيري كله حتى وانا واقف قدام ربنا بصلي انا تايه ومش عارف اساعد نفسي ازاي شايف نفسي بنحدر لحفرة الفشل كل يوم ومش عارف الحق نفسي علاقتي بأهلي تكاد تكون اسوء من السوء ذات نفسه طاب أنا شغال؟ اه شغال شغل حر حاجه بحبها وبحب اشتغلها بس بقيت مشتت ومش طايق اشتغل طاب انا بصلي وبقرا قرآن ؟ الحمدلله ملتزم بيهم طاب انا ليه ضايع ؟ اعمل ايه ؟ انا محتاج حل او نصيحه انا حتا مش عارف محتاج اسمع ايه من الناس .

2

9