مش عارف أعيش.. شغلي عاملي كارثه في حياتي!

Question

مش عارف اعيش شغلي عاملي كارثه ف حياتي شغال مع والدي وانا متجوز ومخلف و والدي من النوع اللي لو جبت حته من السما هيقولك دي اوحش حته ف السما انا تعبت ع طول حاسس اني فاشل و اني محققتش حاجه واني مش عامل اللي عليا نفسي اعيش مش عارف اعيش والله

Coffee_56769 🇪🇬 · Accepted Answer

ربنا يهونها عليك حاول تصبر وتكون هادي معاه ومتتعصبش وتحاول اراضي وهو مع الوقت هيعرف أنه غلط وإنه بيقاسه عليك وان شاء الله هيكون احسن معاك

Potato_56381 🇪🇬 · Answer

تجاهله مش تجاهله الي هو المعامله تقل لا اي كلمه منه اعتبر مسمعتهاش مش لازم نخلي اي كلمه تأثر عليك علشان تكون مثالي

Carrot_56866 🇪🇬 · Answer

بقالي سنين بعمل كده لحد مبقتش قادر ده غير اني معنديش اصحاب معنديش غير الشغل و البيت معنديش اي مكان تاني احس فيه اني بني ادم بجد مراتي مبقتش احكيلها اللي بيحصل معايا عشان مش ناقصه اشيلها هي شايله كتير معنديش صحاب معنديش حياه والله

Coffee_56769 🇪🇬 · Answer

هقولك لو تعرف تلاقي شغل خرجي برا عن شغلك مع بابك اعمل كده غير كده هو لازم تحاول تستوعب دماغه يعني هو ليه بيقلل من اي حاجه انت بتعملها طب هو عايز ايه عشان يكون راضي حاول ترضي وهقولك حاجه الاب او الام دايما  عايزين ولدهم احسن منهم ف هو عايزاك احسن بس هو مش عارف يعبرلك عن دا او مش عارف أنه ضغطك أو تعبك هو شايف إنه كده الصح أنه يفضل يقلل منك عشان تبقي احسن مش عارف يوصلك بطريقه صح اللي هو محتاجه منك

Carrot_56866 🇪🇬 · Answer

فكرة اني الاقي شغل برا مربوطه بالمرتب اللي هاخده لاني بردو عندي بيت و اسره و المرتبات برا بقت صعبه ده اولا ثانيا انا مش زعلان منه او مش عارف اتعامل معاه بس انا حياتي بقت اني بتعامل معاه بس معنديش حياه تانيه تعوض ده فاهم؟ يعني خلاص بقي مكتوب عليا احس اني فاشل ف شغلي لحد ما اموت بقي مش هحس بالانجاز ولا بالتطور و لا التقدم الحاجات اللي اي انسان ممكن يخرج من شغله فرحان بسببها انه عمل مجهود و اتقدر

Coffee_34133 🇪🇬 · Answer

ده عيب انه الواحد يعتمد ع اهله بجد 
ربنا يكون ف عونك 
تجاهل اساءتة وخليك بار بيه الي ان يشاء القدر

Potato_56381 🇪🇬 · Answer

بص انزل الجيم هتلاقي بيئه صحيه تعمل منها صحاب و شوف لو تقدر تشوف شغل مختلف او تبدا تطور وتتعلم حاجه جديده علشان تقدر تقدم علي شغل او سفر الحاجات دي ممكن تشوفها اي حد بيعملها بس مش اي حد بيكملها للآخر وانت حاول تجتهد في نفسك ومتحصرش نفسك علي الشغل

Coffee_56769 🇪🇬 · Answer

فهمت هو فعلا اصعب حاجه انك مش لوحدك ووراك مسؤوليه ومش هتعرف تتصرف أو تسيب الشغل لأن في ناس مسؤوله منك طب ليه متحاولش تعمل صحاب تخرج تعمل اي حاجه تخليك تحس انك لسه عايش برا عن الشغل وعايزه اقولك حاجه انت مش فاشل ولا اي حاجه ولو انت كنت فاشل مكنش بابك سايبك تشتغل معه لغيه دلوقتي انت بس محتاج تطلع برا كل اللي انت فيه الروتين والتعب والضغط

Mango_56683 🇪🇬 · Answer

ابوك سبب دخولك الجنة

Carrot_56866 🇪🇬 · Answer

فين وامتي خلاص الحياه بقت مفرمه ولا في وقت تعمل صحاب ولا حياه و المشاكل كل يوم بتكبر و بتزيد و النفسيه بتنزل الارض

Carrot_56866 🇪🇬 · Answer

مقولتش حاجه والله بالعكس انا بار بيه جدا وبحبه جدا وهو كمان واللهم لك الحمد مفيش بينا اي مشاكل انا اللي تعبت من كتر منا مش حاسس اني بقدم حاجه او اني مش كفايه