وساوس

Watermelon_18890 🇪🇬

منذ 5 أيام

شعور ضائع

السلام عليكم و رحمة الله و بركاته يخواتي🫡✨ دلوقتي عندي موضوع مهم اتكلم فيه ( مهم بالنسبالي) دلوقتي انا الحمد لله بدأت افكر ف موضوع اني اختمر تاني بس المرادي بشغف اكتر و تعلق اكتر و هتعرفوا ليه قولت "تاني" قدام. بس في كذا نقطه موتراني و قلقاني و مش عيزاهم يأثروا ع رأيي لان دي بجد اول مره ابقا حاب

عبّر عن شعورك بشكل مجهول

السلام عليكم و رحمة الله و بركاته يخواتي🫡✨

دلوقتي عندي موضوع مهم اتكلم فيه ( مهم بالنسبالي) 
دلوقتي انا الحمد لله بدأت افكر ف موضوع اني اختمر تاني بس المرادي بشغف اكتر و تعلق اكتر و هتعرفوا ليه قولت "تاني" قدام. 
بس في كذا نقطه موتراني و قلقاني و مش عيزاهم يأثروا ع رأيي لان دي بجد اول مره ابقا حابه اني اختمر اوي كده..  هبدألكم بالنقط واحده واحده.

اولًا: 
خايفه اني بعد ما اعزم النية خلاص و اقول يلا ليتس جو خمار الاقي ان مثلًا مش راكب اوي ع استايل لبسي او في بلوزه بحبها مثلًا مش هعرف البسها ( الحمد لله انا لبسي كله واسع و فضفاض الحمد لله اسأل الله الثبات)  بس مش عارفه ليه الوساوس دي بتجيلي..  عارفه انها من الشيطان بس خايفه تأثر ع رأيي و تخليني محبهوش زي المره الاولى.

قبل ما ندخل ع النقطة التانيه هحكيلكم ايه اللي حصل ف المره الاولى..  ف المره الاولى انا كنت ف تالته اعدادي ( دلوقتي تانيه ثانوي)  و قررت اني هطول الطرحه و هلفها خمار و حصل و قد كان و كان شكلي عسول بس مكنتش بعرف اهندلها ع لبسي و كان ممكن اطلع ف الشارع الاقيها اتفكت و بقا شكلي حرفيًا عره و ساعتها قررت اني هرجع الفها عاديه تاني و مامتي قالتلي انتي لسه صغيره و ساعتها كنت بجد كارهه نفسي جدًا و كنت بعامل نفسي معاملة المرتده مثلًا و كنت بقعد اعيط كتير بس مامتي قالتلي امان متقلقيش انتي اللي كنتي بتلبسيها دي طرحه مش خمار ف اتس اوكي معليكيش ذنب لو رجعتي لفتك القديمه و قد كان و رجعت اعمل اللفة القديمه..  دلوقتي بقا انا عايزه اني ارجع المرادي بس ارجع مختمره بجد بس خايفه اوي يحصل نفس حوارات المره الاولى.

ثانيًا: 
هتكلم عن قد ايه اللبس الشرعي و الخمارات دلوقتي بقت غالية بشكل مرعب..  الحوار بجد يحزن...  بردو مش عارفه المفروض اعمل ايه ف نقطة زي دي و اني اطلب من مامتي او بابايا فلوس ل خمارات بقا و كل الالوان ( مش كل الالوان اوي بس ع الاقل الالوان اللي بلبسها يعني)  و هما شايفين ان حجابي سليم و كل حاجه زي الفل و مش حساهم هيبقوا مقتنعين اوي..

في حيرة من امري قد العجل بجد و مش عارفه اعمل ايه...

اي نصايح يخواتي و هدعيلكم من قلبي ✨🎀

دمتم بخير✨🪷

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Toast_64046 🇪🇬

منذ أسبوع واحد

شعور متوتر

مساء الخير ياجماعه ( 24 سنه) انا بقالي فتره تايه بطريقه مؤذيه نفسيا حاسس ان مفيش هدف عايز احققه وفي نفس الوقت مش عايز احقق حاجه ومكسل احقق حاجه واشتغل على نفسي زي اني اطور شغلي او اني اقوي جسمي وازود الكتله العضليه عندي واخسر دهون اكتر النوم بقا مهرب بدل ماهو راحه والصحيان بقا مقرف بسبب اني معرفش

Mushroom_55761 🇪🇬 انت ماشى صح بس الشيطان بيحاول يخليك باليأس والقنوط ده علشان يضعفك وساعتها هتكون هدف سهل ويزن ليك كل حاجه حرام انا وقعت فى الفخ ده اكتر من مره والحمدلله مل لما اصل للمرحلة اللى انت فيها بعرف انى ماشى صح والشيطان هو اللى مصورلى الدنيا سوده علشان اشوف الحرام ملون

عرض الكل 9 نصيحة

Apple_63739 🇪🇬

منذ أسبوع واحد

شعور مستنزف

انا شخص اقدر اكون ملتزم ومنضبط جدا في الدنيا والاخرة وكله ب ارادة الله ولكن لما اقرر اني اتعلم حاجة سواء في الدنيا او في الاخرة ( ملحوظة انا اقدر اعمل روتين يومي فوق ال ٨ ساعات عشان اتعلم اي حاجة ومش بمل ) ولكن لما بعمل كدا بيجيلي وساوس اني لو بتعلم شيء دنيوي فهو حرام ( انا بحثت في مواقع موثوقة وسئل

Hazelnut_52786 🇪🇬 بص يا صاحبي، انت ربنا مديك نعمة الإرادة والمجهود، ودي حاجه كبيرة جدًا. الوساوس دي من الشيطان، هدفها تعطلك وتشوشك، فخد بالأسباب واشتغل واعمل اللي انت واثق إنه حلال وانت متوكل على ربنا. المفتاح إنك توازن بين الدنيا والدين، خليك ماشي في طريقك وانت مخلص النية، وربنا مش هيضيع تعبك

عرض الكل 8 نصيحة

Apple_62489 🇪🇬

منذ أسبوعين

شعور متعب

احساس اني مش قادر اخد خطوة الخطوبه ولا الزواج بسبب ظروف مادية دا احساس صعب جدا بيخلي الشيطان يوسوس لي بحاجات وحشه وفي نفس الوقت بضعف لاني عارف انها مقفله من كل حته ف مش هتفرق راغم اني منتظم في الصلاة مش عارف اعمل اي حاسس اني همشي في طريق غلط من كتر الياس

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Potato_58453 🇪🇬

منذ شهر واحد

شعور متعب

السلام عليكم اتمني تكونوا بخير انا عايز مساعدتكم الموضوع حرفيا حياه او موت انا الحمدلله المشكله دي مش عاليه اوي عندي بس برضو موجوده انا مبعرفش اتحكم في غض البصر بحاول والله بس سعات بغلط بس مبيبقاش قصدي يعني مثلا انا عارف ان الاولي لك والثانيه عليك في سعات بغض بصري بس سعات ببص بس بفتر اغض بعديها مع

Marshmallow_56042 🇪🇬 عارفة إن الدنيا بقت مليانة فتن وغض البصر بقى جهاد حقيقي بس كل مرة تغض بصرك فيها بتاخد أجر عظيم. حاول تبص في الأرض، أو تقول استغفر الله كل ما تحس إنك ضعفت، وابعد عن أي حاجة تضعفك فورًا، وأي مكان لقيت فيه فتن. ونظّم على الصلاة، لإن الصلاة بتهذّب النفس وبتقويك. خليك فاكر دايمًا إن ربنا شايف مجاهدتك، وهيعوضك بحلال يريح قلبك وربنا معاك

عرض الكل 11 نصيحة

Chilli_59898 🇪🇬

منذ شهر واحد

شعور قلق

جدعان كان بيتنمر عليا جامد جدا وانا صغير اني رفيع و كنت كل دهوني فرجلي فمهم كان متسمي باسم لواط وانا مكنتش بعمل حاجه زيهم مهم ادمنت الوحده وبدات امشي مع صحاب سوء بحيث اني انزل جيم واتطور وبفعل نزلت بس موضوع مفيش منه فايده وانا سريع جدااا بس اتعلمت منهم عاده سريه فجاه وانا قبل ٣ث دخلي واحد من عفيس

Broccoli_51833 🇪🇬

منذ شهر واحد

شعور مستنزف

اعمل اي علشان اشيل من دماغي فكرة الانتحار انا مش عايزا اعمل كدا نهائي من جوايا بس الشيطان وحش وكل يوم بفكر فالموضوع لدرجة ان جبت حباية غلة وكل شوية بفكر اخدها وارتاح بس مش عايزا اعمل كدا مش عارفة ابطل تفكير فالموضوع وعندي اسباب كتير تخليني اعمل كدا والله بس انا نفسي ابطل تفكير ان اعمل كدا والله

Marshmallow_51666 🇺🇸

منذ 3 أشهر

شعور لا مبالٍ

أهلًا من جديد النص طويل فيستحسن تقرأوا دعاء السفر اكتر من شهر وانا بحاول اشتغل على نفسي، اسحبها شوي شوي من المشتتات، من كل إشي ممكن يستهلك طاقتي او يبعدني عن اللي بدي اوصله… وبهالفترة، لاحظت شغلة غريبة بس مو جديدة علي ، يمكن كلنا بنمر فيها لما نقرر نترك معصية أو عادة سيئة مثال؟ لما نقرر نترك

عبّر عن شعورك بشكل مجهول

أهلًا من جديد

النص طويل فيستحسن تقرأوا  دعاء السفر

اكتر من شهر وانا بحاول اشتغل على نفسي، اسحبها شوي شوي من المشتتات، من كل إشي ممكن يستهلك طاقتي او يبعدني عن اللي بدي اوصله… وبهالفترة، لاحظت شغلة غريبة بس مو جديدة علي ، يمكن كلنا بنمر فيها لما نقرر نترك معصية أو عادة سيئة

مثال؟
 لما نقرر نترك الأغاني

فجأة بنصير نحس إنها موجودة بكل زاوية! مطاعم، مقاهي، بيوت أصحابنا، حتى واحنى بالشارع بنمر جنب سيارة مشغلة أغنية كنا نحبها زمان 
وكأن الدنيا كلها متفقة علينا او  وبدها تذكرنا فيها

بس السؤال
 هل هي دايمًا كانت هيك؟
الجواب غالبا أه
بس لما كنا منغمسين، ما كنا نشوف، 
كنا مشغولين جدًا بالاستماع، ما كان عنا "النية" إنا ننتبه، بس اول ما  ننوي التغيير، بصير كل إشي حولنا بيختبر

بصراحة
أنا حاسة حالي وصلت مرحلة من التبلد العاطفي.
بس التبلد مش دايم، بلحظات معينة بنفجر، دموعي بتنزل فجأة، ومن كثر ما صرت حساسة، صرت أكتشف إني أضعف بكتير مما كنت أتصور، خاصة لما يتعلق الموضوع بالعلاقات

وهاي الفترة… حاولت أهرب من معصية معينة
أولها لما طنشتها تمادت
ضلت وراي، ملزقة تضغط شوي شوي، لبين ما ضعفت
وللأمانة
 يا ليتني ما ضعفت

الشيطان لما يشوفنا بنحاول نلتزم، بصير يجمل المعصية
بيخلينا نحس إن حياتنا رح تصير فراغ إذا تركناها،
وإنه رح نغرق بالحزن ،بالوحدة، بالاكتئاب
وكلها أوهام ووساوس من ابليسو
وظيفته يضللنا، وإحنا بنحتاج نقاوم

فلو في حدا بيقرأ كلامي، وبيحاول يتخلص من معصية بس مو قادر
بقولك من قلبي 
تخلص منها
أنقذ حالك قبل ما يصير الوقت متأخر 
والله إن المعصية بتهلك،
بتسحبك شوي شوي، وبتخلي قلبك يبرد،
وروحك تثقل

حياتنا قصيرة، والأيام بتركض
اليوم إحنا هون، وبكرا يمكن نكون تحت التراب.

فخلينا ننتهز فرصتنا 
ونختار النجاة

والكلام موجه لي قبل ان يكون موجه لكم 
اذا حدى وصل لهون لا تنسوني من دعائكم ولكم بالمثل ان شاء الله 🌷

دمتم سالمين،   برعاية الله☘

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_32018 🇪🇬

منذ 3 أشهر

شعور لا مبالٍ

عبّر عن شعورك بشكل مجهول

حضرني موقف فقولت احكيه
نتكلم فحاجه مفيده
بسم الله
كنت بشوف فيد ل برنامج ما ع اليوت المهم بيرنو ع الناس يصالحوهم وكدا وجت مكالمه من ضمن المكالمات لشخص كان متقدم لوحده وفركش بعدها باسبوع ليه يسيدي قال انه لبسها بناطيل مش كويسه وهو كان بيقولها توسع لبسها شوية وهي طبعا دخلت فخناق الشيطان والوساوس وقالتله محدش بيتغير ولا انت هتقدر تتغير ولا هقدر اتغير والمثير للاشمئزاز ان اللي كانوا في البرنامج وافقوها الراي وقالوا اللي بيحب حد بيحبه زي ما هو والكلام العبيط دا
اللي هو لاقدر الله حبيت واحده لبسها مش كويس مينفعش اغيره لا طبعا مش فاكر بالظبط القصه بس كانت امراه مسلمه ورجل غير مسلم في عهد النبي وكان شرط زواجهم انه يعتنق الاسلام وفعلا اسلم عشان يتزوجها
اتغير يعني واسلم
الموضوع فين بقا سيبك من كل دا ربنا يهدي البنت ويبارك في الرجل ويرزقه زوجه صالحه
احدهم كتب كومنت بيشكر في الراجل وانه متمسك بدينه ورجولته وكل الكلام الحلو دا
لفتني تعليق مستفز (التعليق وليس صاحبه حتى لا تحسب غيبه) كان بيقول ايه بقا بيرد على الراجل اللي بيشكر فيه وبيقوله اي يعم كبرت الموضوع ليه اختلاف ثقافات عادي 
انا من كتر ما استفزني علقت (مع اني قليل جدا لما اعلق على فيديو عشان بيبقا فيه تبرج وموسيقى وغيره) المهم قولتله يسطا مش هو مسلم وهي مسلمه ولا هي مسيحيه مثلا دا دين وقولتله عن قول النبي صلى الله عليه وسلم( يأتي على الناس زمان الصابر فيهم على دينه كالقابض على الجمر.)(بدا الإسلام غريباً وسيعود غريباً كما بدأ، فطوبى للغرباء)  عشان كدا مستغربتش كلامه 
ف اللي عايز اقوله احنا فزمن فتنه كما قال النبي في الحديثين دول فتمسك بدينك مهما كانت الظروف وفكك من الهبل اللي بيتقال دا اختار زوجه صالحه تعينك على الدين وعلى تربيه ذريه صالحه لعلها تكون سبب دخولك الجنه 
ربنا يرزقني زوجه صالحه وذريه صالحه يارب العالمين 
وعلى كل حال دمتم في امان الله واعوذ بالله ان اذكركم به وانساه 
ارجو الدعاء بالشفاء والتوفيق ثانويه ولكم المثل
( وبعتذر لو اسلوبي هجومي شوية تاثير التعب ويشهد الله اني مقصدش حد بعينه وبتكلم في العموم حتى لا تحسب غيبه)
دمتم في امان الله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_14658 🇪🇬

منذ 4 أشهر

شعور مرتبك

أنا بقالي كتير أوي مبصليش و بعمل حاجات وحشه اوي يعني اكيد فاهمني المهم اني عايز اتوب بجد عشان تعبت و يعني كل ما انتظم يومين ارجع تاني و بجد مش عارف اعمل ايه أنا مش عايز ابقى كده و مش عايز اموت كده عايز اخرج الحاجات دي من دماغي أنا بيجي فدماغي حاجات يعني استغفر الله نفسي اخرج كل ده من دماغي و نفسي ان

Coffee_44073 🇹🇳

منذ 7 أشهر

شعور متعب

عبّر عن شعورك بشكل مجهول

من اكثر السباب التي تجعل النسان يتغير ويصبح شخصا مختلف تماما من ناحية الاسلوب او الشخصية، هو ذلك الشعور بالإختناق في أخر الليل وبالتحديد عندما يحين موعد النوم 😪 عندما يهيمن  الليل 🌃 الأسود على مد البصر ويعم الهدوء في ارجاء المكان. هدوء يمكنك من الاستماع الى دقات قلبك التي تتصاعدُ بشكل مرعب متزامنةً مع صعوبة التنفس وذلك الشعور اللّعين بِالغرقِ وانت فوق السرير تحاول استنشاق بعض الهواء دون جدوى فيظيقُ صدرك مما يجعلك تتلوّى كالأفْعى🐍 تتقلب يمنةً ويسرى باحثًا عن وضعية تريحك.
في خِضَمِّ كل هذا يحين وقت وسوساةٍ شيطاني😈 تتلاعب بعقلك فلا تذكر من الذكريات إلَّى أشنعهَا و أسوأَهَا و اكثرها حزنا و كآبةٍ. 
تذكر ماضيك الاسود و تاريخك المليئِ بخيْباتِ الامل. 
فتدخُل في دوامة اللوم والعتاب، وبعد نقاش طويل مع شخصك وعقلك سوف تكره نفسك و تحقِد على ذاتك.
فلا تستيقظ إلى على صوت أذان الفجر 6صباحا تقريبا فتُدرك الوقت الذي أمظيتهُ في التفكير وعتاب نفسك. فتقرِّر الهروب والذهاب للصلاة كحل جذري في نضرك، حتي تدخل الحمَّام للإغتسالِ.وبمجرد الدخول تري انعكاسكَ على المرآة فتشفقُ على حالك لاسيما بعدما رايت أثر الليل 🌃  على وجهك تلك الهالات السوداء تحت عينيك ولحيتكَ التي نسيت أخر مرة قمت حلاقتهَا والبُثور على انفك وجسمك الهزيلُ بسبب إمتِناعِك عن الاكلِ لايامٍ لا يمكن لك عدها فيتحقَّقُ فيك قول الشاعر عادل الحنظل:
<وفي صبح وقفت امام مرآة 
وقد بانت على وجهي خساراتِي 
أرى شخصا على المرأة يكرهني 
وما أقساهُ كره الذات لذّات>

فيضيق صدرك اكثر  و تسارعُ لمسك سجَّدك والتوجه الى المسجد 🕌(...) بعد اقامتِ الصلاةِ يقرأُ الإمام بضع آياتٍ تشعر وكانها رسائل لك فتقطُرُ عيناك دمعًا دافئا ينزلُ على يديك المجمّدتينِ من صقيع الشتاء.
كما اذكر حينها آيةً حفضتهَا من المرة الاولى. يقول تعالى :
"ولقد نعلم انك يضيق صدرك بما يقولون {97}فسبح بحمد ربك وكن من الساجدين{98}واعبد ربك حتى يأتيك اليقين{99} "
                            [الحِجْرِ]آية تحمل معاني الصمود وتتدعو لعبادت الله فهو القادر على اخراجك من كل هم انت فيه. 
وبعد كل هذا تعود الى البيت منهكا تسارع الى فراشك الدافئ لتنام هاربا من الواقع ومشاكله حتى تراودك مخاوفك في احلامك وتستيقض على صوت المنبه ⏰️ من اجل الذهاب الى الدراسة دون وعي تذهب جسدا دون روح جسد خاوي يغيب فيه العقل🧠 وتمضي كامل اليم نائما او في محاولة للنوم.
ليلة  واحدة كهذهِ كفيلة بجعل شخص ينضج باكرا كفيلة بتغيير شخصٍ من حالة الى حالة اخرى.
ليلة واحدة تفعل كل هذا فما بالك بمن يعيش هذه الاحداث كل ليلةٍ على امتداد الاشهر؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_20568 🇪🇬

منذ 7 أشهر

شعور مستنزف

عبّر عن شعورك بشكل مجهول

في المدرج بتاعنا بيبقى في زحمة كتير اوي ف ياتلحقي مكان يا متلحقيش و الحمدلله قعدت انا وصاحبتي اول محاضرة جينا في التانية نزلنا نجيبوا الكارنيه و سبنا شنطنا رجعنا لقينا بنتين قاعدين مكاننا قعدنا نقولولهم يقوموا وأننا حاطين الشنط يعني في حد قاعد و هما بيضحكوا على كلامنا و يستهزأوا بينا و مش راضيين يقوموا ف قولت للبنت لو مقومتوش ف انا مش مسامحة طنشتني و فضلنا واقفين خمس دقايق ف قولتلها هاتي شنطتي وانا مش مسامحاكي لأني اتضايقت بجد من طريقتهم و كنت ماشية ف قاموا و قالولي اي مش مسامحانا دي احنا كده نخاف يعني و نحلموا بكوابيس و اتريقوا بعدين واحدة قالتلي انتي بتستغلي دينك و بتقولي الكلمة عمال على بطال " عشان قولتها مرتين يعني " و سابتنا و مشت واحنا قعدنا و طول المحاضرة جملة اني بستغل ديني دي في دماغي و اتضايقت اوي وقولت هكلمها ف لما خلصت بقولها انتي على اي اساس حكمتي اني بستغل ديني ده حقي انتي ضايقتيني اكيد مش همسك فيكي و نضربوا بعض لكن هلجأ لربنا قالتلي انا اللي مش مسامحاكي بحق حرقة دمي قدام البنات " عشان قامت من المكان يعني" قولتلها انتي اسلوبك مش كويس وانا مرضيتش اتكلم معاكي زيادة و سكت بعدين قالتلي أنهم من الصبح واقفين ف انا بجد لو كنت اعرف كنت سبتهم و هي بتكلم صاحبتي عادي و هزرت معاها بس معرفش بقى حوار أنها مش مسامحاني ده اتضايقت اوي بجد انا مكنش قصدي اضايقها قدام حد و انا فعلا بستغل ديني عشان قولتلها اني مش مسامحاها مش المفروض ده حقي؟ 
انا من ساعتها الشيطان بيوسوسلي و يقولي اني لبست النقاب و بتصنع الاحترام قدام الناس عشان يقولوا اني كويسة و في الاخر اكون بستغل ديني و مش عارفة اسكت دماغي بجد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Nutella_39839 🇪🇬

منذ 7 أشهر

شعور محبط

حد يكلمني عن انه ازاي عرف ينتظم ف الصلاة انا كنت ف سن صغير مبقطعش خالص و كان الالتزام فعلا من قلبي و انتو عارفين ان لما يبقي حد ناجح ف دراسته و بيصلي و بار بأهلة بتبقي العين عليه و للاسف العين دمرت حاجات كتير اوي تقريبا كل حاجة بس اهمهم بنسبالي اني ارجع اصلي انا حد قريب من ربنا جدا برغم عدم الصلاة ب

التجربة أفضل عبر التطبيق

حمّل تطبيق توهيل على هاتفك لتجربة أسرع