ليه دايما حاسس بالقلق والتشتت حتى فى بيتى؟

Question

السلام عليكم...جماعة  ليه دايما حاسس اني قلقان حتي وانا في بيتي وجمب اهلي مش حاسس باي اطمئنان من جوايا وفيه خوف كدا وحاسس بردو اني مشتت وتايه جدا جدا ومتاخر عن الناس كلها مع اني شايف جوايا حاجات كتييير حلوة واني شخص كويس لو بذلت مجهود وخدت الخطوة او قعدت مع نفسي وصفيت اللي جوايا  بس ليه بكسل وبرجع لنفس دايرة القلق والتشتت حرفيا الحاجة اللي بعملها كل يوم هي اني احط الايربودز في ودني اسمع اغاني طول اليوم واحسس نفسي اني احسن واحد في الدنيا واهرب من كل حاجة وخلاص.

Mango_52462 🇪🇬 · Accepted Answer

أول حاجه متلجأش لأي حاجه حرام من ضمنها الأغاني، صلح علاقتك مع ربنا اهتم بصلاتك وتكون في الجامع، اللي بيخليك تحس كدا حاجتين الميديا الحاجات اللي بتتفرج عليها، والناس المحبطة ابعد عن الاتنين دول بس

Avocado_26405 🇪🇬 · Answer

كل التفاصيل اللى قولتها شبهى اوى بس حرفيا محدش يقدر يخرجك من ده وأنت مش عايز يعنى حاول وجرب تحط عادات بسيطة إيجابية لو مش قادر تبطل هروب وتشتت واستبدالها بهروب صحى عن طريق الهوايات بلاش تنعزل عن الناس بس خلى فى وقت مع نفسك صلاتك وورد القرآن ولو آية متسبهومش حاول تتنفس وتشوف الشروق والغروب أو تخرج البلكونة الفجر أو تتمشى أو تاكل حاجه وانت بتسمع الاصوات العادية حواليك عشان تحاول تكون موجود 👇

Apple_62734 🇪🇬 · Answer

شكرا انك رديت بس مبدايا مفيش ناس محبطة او ناس بشكل عام في حياتي انا وحيد بدرجة اني علاقتي مع اهلي وقت الاكل. 
 انا فعلا بقعد علي تيك توك كتير والاغاني بردو ولكن سؤالي من غير ما اقصد حاجة هل كل الناس دي ملتزمة بال5 فروض عشان تبقا حياتهم كويسة كدا؟

Avocado_26405 🇪🇬 · Answer

عشان تكون موجود فى اللحظة وترجع شعورك للحياة لان اكيد الهروب بيعيشك عالم خيالى فالمهم تقبل حقيقة أن حياتك ممكن تكون صعبة أو انت مش أحسن نسخة من نفسك لكن اعمل حاجات بسيطة كل يوم لحد ما تبقى روتين وتبنى نفسك مثلا الصلاة وورد القرآن وهواية وتمارين وحاجة بتسليك حلال ومجال تحب تشتغله كده انت ركزت على جوانب متعددة  حتى لو ٥ دقايق متضغطش نفسك   بس ساعد نفسك واستعين بربنا واتوكل عليه مع الأخذ بالاسباب