السلام عليكم مش عارفه المفروض اكتب اي او اشرح ازاي بس انا مش مبسوطه فحياتي ةمش عارفه حياتي ليه كدا وليه مليش ذكرى حلوه وكلها متعبه وامتى هلاقي العوض والحاجه الحلوه ولا فصحاب ولا حب (عمري مدخلت علاقه محرمه الحمد لله) ولادراسه ولاحريه فحاسه اني كبرت فعمر صغير اوي انا اتآذيت من ناس كتير اوي وده مش المشكله المشكله ان اللي حواليا احيانا بحس انهم بيحبوني واحيانا لا وبفضل مستنيه الخازوق فين وعمري مقدرت اوثق فحد بكره الناس والتعامل معاهم بحس انهم بيستنزفوا طاقتي وانهم مش شبهي بحس اني غريبه حتى وسط اهلي تفكير تاني وعالم تاني ولحد الان مقابلتش حد شبهي نهائي كل مقول دول شبهي اطلع غلطانه، انا مبقتش انام زي الاول ولا بقيت اكل زي الاول ولا بقيت اتكلم مع حد مزاجي بيتغير بسرعه رهيبه اكون بضحك فثانيه اضايق وبفضل فتره طويله مضايقه ومببقاش فاهمه انا مالي وليه كدا واحيانا بتوصل لدرجه اني بتعصب بطريقه صعبه اوي رغم ان مفيش حاجه، دايما بتعصب وخصوصا الفتره دي واخده كل حاجه علي اعصابي وبزعيق ومن زمان وانا كدا حتى جالي القولون العصبي من رابعه ابتدائي من كتر ما نفسيتي كانت زي الزفت واعصابي بتفلت مني وكنت بتعصب بكسر او أذي نفسي او لحد ما اعيط،انا معرفش فيا اي بس انا مش كويسه انا بنهار من جوا انا داخله تالته ثانوي وفعليا مش مستعده وبقى عندي لامبالاه فأني اقعد بالساعات عالسرير ولا بذاكر ولا بفكر اصلا ولا باكل ولا بشرب بفضل قاعده بس بفكر فحاجات كتير اوي سواء ماضي ولا حاضر ولا مستقبل مجهول، حاسه انس بقيت خاليه من المشاعر بشوف حد بيتوجع واقعد اضحك اشوف مشكله اقعد اضحك انا يحصلي حاجه اقعد ومبقتش فهماني ولا حد فاهمني ، عارفه اني طولت وان كلامي عشوائي بس محتاجه اجابه تريحني علي سؤالي انا ليه كدا

2

10