اكتئاب

Coffee_55660 🇪🇬

منذ 4 ساعات

شعور محبط

انا مغني بس مش مشهور اوي وعشان في سن المراهقة اتعرفت علي بنات كتيرة وهما اللي كانو بيحبو يتعرفو عليا وقطعت علاقتي بيهم كلهم من زمان بسبب حواراتهم بس في الوقت الحالي حاسس اني بدخل في نوبات اكتئاب كتير بسبب اني محتاج اتجوز وكل اللي حواليا شايفين ان 23 سنة مستحيل افتح بيت بس مشكلتي مش هنا مشكلتي بسبب ك

Banana_55575 🇪🇬 شوف اللي عندك ده طبيعي بسبب العينة اللي انت عرفتها وحسيت ان الموضوع سهل بس الحقيقي ان فيه بنات محترمة زي ما فيه الحلو فيه الوحش دور حواليك كويس هتلاقي وربنا يصلح حالك ويرزقك بنت الحلال اللي تصونك 🤍

عرض الكل 6 نصيحة

Banana_55616 🇪🇬

منذ 6 ساعات

شعور مكسور القلب

السلام عليكم ورحمة الله وبركاته انا كنت مرتبطة لمدة ٥ سنوات و انا اللى سيبته من سنة عملت بلوك من كل حاجة بس للاسف لما عرفت انه خطب من اكتر من شهر نفسيتي تعبت جدا على الرغم انى عانيت جامد في التجربة دي و مشيت بعد ما عرفت انه شخص مؤذي بس بعد ايه بعد ما بقى عندى ٤٠ سنة كنت فاكره انه هيكون بنى ادم و ير

Banana_55575 🇪🇬 استعوضي ربنا وشوفي حياتك انتي لسا العمر قدامك 🤍

عرض الكل 7 نصيحة

Orange_55602 🇪🇬

منذ 7 ساعات

شعور وحيد

عبّر عن شعورك بشكل مجهول

سلام عليكم ورحمه الله وبركاته 
هتكلم من الاول أنا بنت زي اي بنت جمالي فالمتوسط ومع الوقت الناس كانت بتنبهر بجمالي واني جميله وكل حاجه ونا الحمد لله زودت الثقه ف نفسي مع الوقت بس الحكايه بقا من الاول خالص والدتي ربنا يسامحها دايما محسساني اني قليله اوي أنا وأخواتي سواء فالجمال أو حتي ف كل حاجه لدرجه اول عريس اتقدم ع مزاجها خلتني اتخطب ليه حتي دراستي كانت متحكمه فيها بشكل صعب جدا دخلتني كليه مكنتش حلمي وعانت اوي لحد ما اتخرجت منها شوفت المر ف موضوع التعليم لكن دلوقتي موضوعي أنا وخطيبي مش متوافقين قولتلها م اول قاعده بينا مش مرتاحه وكلمت والدي كتير جدا اني مش قابله العريس ده وكدا وبردو كانوا مُصريين ووالدي بيتأثر شويه بكلامها وكنت بضغط ع نفسي عشان خاطرهم وحاليا بقالي 6 شهور مخطوبه وواقفه ع الفركشه وهما علطول بيدعوا عليا خصوصا والدتي ودايما تقولي كلام يقهر معتش شباب عدله ومين هيبصلك رغم إن كان فيه كتير بيعجب بيا فالجامعه بس مكنتش بدي مجال لحد لاني عارفه مش هتوافق بحد برا البلد ومعاه شقه ايجار أو ظروفه مش البيرفيكت وكان فيه كتير بيجي فالاول بس مش كليات عاليه زي ما هيا عايزه او شقه ملك أنا كل ده مش فارق معايا نفسي اكون مبسوطه بسس ومع شخص قبلاه بس ع الأقل وحرفيا خطيبي فضل اخر شهرين مش بيكلمني خاالص ومهمل فيا ودماغنا كانت بعيده اوي عن بعض حاليا عندي25 سنه ووالدتي شايفه اني كبرت وحرفيا هيا متعقده من صحابها وبناتهم لأنهم معديين 30ولسه متجوزوش وجبتلي عقد نفسيه ومش بيكلموني حاليا فالبيت ومصريين ع رأيهم ووالده خطيبي جت بعد الفطار يوم عرفه وكدا وامي خلتني اقابلها بالعافيه وانا مكنتش حابه ده يحصل ولكن قولتلها كل شئ قسمه ونصيب عارفه الوقت مكنش مناسب بس لقيت سلبيه من اهلي كبيره ومش متقبلين اني ممكن افسخ وربنا يرزقني بالاحسن ف اتصرفت انا ونهيت الموضوع بس الي حصل بقا والدتي كلمت حماتي دي تاني وراضتها كأن مش شيفاني قدامها اساسا اني مقهوره ومش مبسوطه وأكلي قل و تعبت نفسيا الفتره دي وبفكر جديا فالانتحار رغم اني مؤمنه بس نفسيتي باظت حاسه اني مليش أهل يسندوني لما ببص لأهل صحابي قد اي بيقفوا جمبهم فالمواقف الي زي دي بتحسر اوي ع اهلي واختي متجوزه بنفس الطريقه دي ع هواهم واحد مش قابله العيشه معاه ولكن مستحمله عشان خاطر ابنها وتعبانه ف حياتها جدا ونا مصممه ع رأيي مش قادره اكون زيها واخوض الحرب دي حسيت إن والدتي نرجسيه من كتر الي بتعمله فينا والتحكم الزايد دايما ف حياتنا حتي ف ابسط حقوقنا مش عارفين ننولها، أدوني حل اقدر اعيش بيه لأني تعبت اوي جربت اتكلم مع والدتي كتيير اوي براحه اني مش مبسوطه وهيا شايفه من وجهه نظرها أنه كويس ومفهوش غلطه مش بصالي خالص حرفيا ومرات كتيره كنت بفقد اعصابي وبشد معاها غصب عني حقيقي مبقتش لاقيه حل اتكلمت مع والدي وهو شايف بردو إن كلام ماما الصح مفيش غير اختي الكبيره الي واقفه ف صفي وعوزاني مرتاحه وبتحاول تكلمهم والي ف دماغهم بردو نفسه، ادعولي بجد مبقتش قادره اعيش..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_55540 🇪🇬

منذ 10 ساعات

شعور ضاق ذرعًا

السلام عليكم انا شب لسا متخرج و لسا خاطب و الدنيا كانت ماشية كويس و كنت شغال و حدخل الجيش و اطلع اكمل شغلى بس للاسف اول ما خطبت الدنيا باظت و الشغل سبتو و الجيش اتاجل و الفترة دى مش لاقي شغل خالص و محدش يقولى ادامها فقر و الكلام دا انا بحبها اووى و هي بتحبني بس الظروف معانده انا فاضلي شهر و ادخل ا

Cookies_55461 🇪🇬 أوعي الشيطان يسوحك ويخليك تدخل في مشيئة الله عز وجل أنا عملت كده كثير بني إني أنا أنهي حياتي لكن معرفتش شربت سمو ذبحت نفسي وفتحت عمليات في جسمي بس أنا دلوقتي ندمان وبندم إني فكرت في كده أصلا اتمسك ببنت الحلال دي وأدعي ربنا يرزقك بيها ويشرح لك صدرك ويسر لك أمرك أدعي له بكل اللي أنت عايزه بس اعبده حق لعبادة لجلال وجه وعظيم سلطانه و الله ريح بالك ويحل كل مشاكلك إن شاء الله

عرض الكل 8 نصيحة

Chilli_55065 🇸🇦

منذ 12 ساعة

شعور مرهق

بكل صراحة تشخصت باضطراب الشخصية الحديه والاكتئاب المبتسم وكلمت اقرب صديقة لي ع هالموضوع لكن قالت اني احط بنفسي مرض ع الرغم من انو وريتها الحبوب وشافت جلساتي وكلشي وفوقها تركتني بعدها.. اهلي قطعوا علاجي وجلساتي مصدقين انو الدكاتره يحطون فيني المرض. موضوع التعايش مع اضطراب زي كذا جدًا صعب انا ماعرف م

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Banana_55457 🇪🇬

منذ 16 ساعة

شعور محبط

عندي اكتئاب رهيب وعدم شغف بقا ملحوظ عليا ومش قادر اتحكم في مشاعري ولا اعصابي حاسس اني اغلب الوقت متوتر وقلقان رغم ان شغلي تمام وعلاقاتي في المجتمع تمان وعلاقتي مع زوجتي تمام بس بفكر كتير في تأخر الحمل ٣ سنين

Broccoli_51833 🇪🇬

منذ 16 ساعة

شعور مكسور القلب

مش عارفة اعمل اي وانا عارفة ومتأكدة ان جوزي هيتجوز عليا خلال الفترة دي الموضوع مش هين خالص بالنسبالي نفسي حياتي تتحسن بس مش عارفة لي حياتي واقفة زي ماهي عمرها ماتحسنت ومش قادرة ابطل افكر فالانتحار والله ومش بسببه والأسباب تاني كتير بس اللي مانعني انه مش عايزا اكون متعذبة دنيا واتعذب آخرة كمان تعبت و

Blueberry_54594 🇴🇲

منذ 17 ساعة

شعور قلق

عندي مشكلة واحتاج إلى المساعدة فعلًا 😕 ‏ ‏قبل 6 اشهر تقريبا تعرفت على بنت في احد الالعاب ، كل شيء كان طبيعي لكن بعد مرور الأيام عرفت أن هذي البنت تحتاج فعلا إلى مساعدة . ‏عرفت انه امها وأبوها متوفين ( رحمهم الله ) هي عايشة مع إخوانها الخمسة وجميعهم ذكور وهي السادسة بينهم ، وأيضا هي اصغر فرد من ال

عبّر عن شعورك بشكل مجهول

عندي مشكلة واحتاج إلى المساعدة فعلًا 😕

‏ ‏قبل 6 اشهر تقريبا تعرفت على بنت في احد الالعاب ، كل شيء كان طبيعي لكن بعد مرور الأيام عرفت أن هذي البنت تحتاج فعلا إلى مساعدة .

‏عرفت انه امها وأبوها متوفين ( رحمهم الله ) هي عايشة مع إخوانها الخمسة وجميعهم ذكور وهي السادسة بينهم ، وأيضا هي اصغر فرد من العائلة وعمرها حاليًا 15 سنه . 
 
 تعرف شعور انك تكون بين خمسة أشخاص لا احد يعرف شعورك ‏أو يفهم عليك وانت الاصغر بينهم يحسسك بالوحدة والحزن 😞

لكن ما هذه هي المشكلة الوحيدة ، وصلت إلى مرحلة من الحزن لدرجة أنها تجرح نفسها 😰
‏وهذا بحد ذاتها امر خطير ، واغلب اليوم تبكي بدون سبب واضح 😔 ، وتقول انها ممكن تنتحر في اي وقت 😰 وانا خايف من هذا ولا اقدر اسوي شي 😓

كما عرفت من من احد اخوانها انه يغمى عليها في اغلب الاحيان ، وهذا بسبب قله الاكل والشرب ☹️

عانت من التنمر من قبل أصدقائها ، ولهذا هي بدون أصدقاء ، وترفض تكون اصدقاء .

وانا خايفة عليها وبالذات على صحتها النفسية ، قالت انه قبل سنه ونص من الوقت الحالي بدا يصير لها موقف غريب ، بدأت تسمع أصوات امها وابوها لما تكون وحدها في البيت ، وهذا امر خطير 😔

حاولت اساعدها بكل الطرق ، حولت اقنعها بتكوني صداقات لكن رفضت ، حاولت أقنعها بعدم جرح نفسها لكن بدون فايدة .

احتاج نصيحة ، كيف اقدر اتعامل معها او كيف ممكن اساعدها .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_55379 🇪🇬

منذ 22 ساعة

شعور ضاق ذرعًا

يعنى اى انا اكون مخطوبه ل حد ومخلصالو وشاكك فيا اووووى كدا مع انى والله بسمع كلامه وكل حاجه بس شاكك فيا لدرجه انى لو عملت ل بلوجر او حد من المشاهير بيزعل ونتخانق وبيقولى كلام اكنى بخونه معه بجد يعنى العوض الى هربت من الدنيا كلها علشان اروحله واشكيلو حالى يكون هو سبب فى اكتئابى اكتر ما انا مكتئبه بس

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Coffee_55356 🇪🇬

منذ 23 ساعة

شعور ضائع

Hazelnut_52786 🇪🇬 لا تجعل الأفكار السلبيه تأثر عليك . وحاول تعمل وتفرح نفسك بنفسك

عرض الكل 2 نصيحة

عبّر عن شعورك بشكل مجهول

الفكره اني مش عارف ابدا منين هل الموضوع ممكن نقول اربع خطوبات باظوا ولا شغل لحد دلوقتي مش مستقر فيه او يمكن بمعنى اصح ان الشغل دا مش مخليني عارف ان اكون مستقر او حاسس بالاستقرار . طيب تعالى نبدا الموضوع من بدري من الاول خالص انا طفولتي شاب كويس جدا ما فيش فيه اي حاجه خالص وعائلتي برده ناس بيحبوني انا الفكره فيا انا الاساس اني بقيت حاسه ان انا مهزوز شويه بمعنى اصح اني مش عارف هل انا العمر بيعدي بيا وانا كاني على عكس اللي حواليا ما فيش اي حاجه تذكر عملتها لا انا سافرت زي اللي سافروا ولا اتجوزت وكونت اسره زي اللي سافروا وكوني اسره واللي خلفوا ربنا يسعدهم ويوفقهم بس برده الواحد بيقول الحمد لله على كل حال يمكن انا لقيت البرنامج دوت بالصدفه عشان اقعد افضفض واحكي حتى مش فاتح حتى كتابه انا بتكلم فويس وخلاص واللي بيطلع من قلبي بيتكتب وخلاص زي ما هو مش عايز اغير فيه حاجه طول عمري من وانا صغير دايما مده فتره مراهقتي ديت ان انا دايما الشخص اللي بيسموه الشخص المصلح الاجتماعي اشوف ايه المشكله عند ده وايه المشكله عند دي واقعد احل وبعدين بعد كده اشوفهم الاثنين كويسين مع بعض واشوف الاثنين ده بيحكي اللي في قلبي و دى بتحكى اللى في قلبها واطلع انا بعد كده بمعنى اصح الشخص المسرع لعمليات التفاعل الكيميائي زي ما بيقولوا ولما انا فعلا بقى حسيت ان انا فعلا منجذب للانسانه وانسانه ديت شايف فيها الصفات الكويسه فكرت بالعقل واحده واحده وقلت بلاش استنى شويه لغايه لما الدنيا تتظبط ما ينفعش ان اروح مره واحده اقول لها كده اهو وفي نفس الوقت امكانياتي لا تسمح ولا انا فعلا هكون بمعنى اصح مش عايز اعلقها بي عشان انا عندي برده اخوات بنات بعد كده اهلي بداوا انهم كل شويه يقولوا لي لازم تكمل دينك وتتجوز ونفرح بيك والكلام ده اول مره ما كانتش خطوبه بالمعنى الاصح يعني بالمعنى الواضح وكان لسه كان الموضوع حتى في اوله وفي نفس الوقت اهلها عارفين واهلي عارفين بس كان الشرط الوحيد ان احنا نخلص كليه اربع سنين ما بعملش اي حاجه عيب او حاجه حرام علشان عايز الحلال في الاخر وربنا يكرمني بيها بس ما حصلش نصيب ثاني واحده هي دي بقى الخطوبه الحرفيه يعني رحت لاهلها ورحت مع اهلي وخطبناها والدنيا تمام وكل حاجه زي الفل وراح وشافوا الشقه والدنيا تمام وكل حاجه جميله لحد دلوقتي الدنيا تمام وفجاه بعد كده امها مش عاجباها الشقه وكل شويه في كل زياره يلمحوا لي ان بيع الشقه وخذ شقه جنبنا وانا لساني كلمه واحده بس يبقى ابني على كتفي وادور عليه طب ما انا بجهز الشقه دي بقى لي سنين ايه اللي يخليني ابيعها المهم في اخر زياره لقيت فجاه ان امها قاعده قدامي بتقول لي عملت ايه في موضوع الشقه قلت لها موضوع ايه قالت لي احنا مش قلنا ان احنا هنبيع الشقه قلت لها انا ما اتفقتش على حاجه واني انا مش ناوي ابيع الشقه وان الكلام دوت لو انتم عايزين تقولوه انتم تقولوه انما القرار معايا انا وانا قرار ان انا مش هبيع حاجه لقيت فجاه الوش اتقلب فجاه وقامت وسابت الصالون ومشيت داخل جوه من بعديها طبعا انا احرجت واستاذنت ونزلت وبعديها بيومين امها كلمتني قالت لي تحس ان هي كانها بتتكلم كرساله مسجله مش اللي هو بتتكلم وتاخذ وتدي في الكلام الرساله بالظبط ما خدتش دقيقه احنا اتفقنا انا ووالدها ان احنا مش ناويين نكمل في الجوازه ديت وان احنا بنقول لك ان احنا مش ناويين نكمل في الجوازه وتقدر تيجي تاخد حاجتك يعني دي كده الخطوبه الاولانيه ويمكن الارتباط الثاني في حياتي الثالثه كانت واحده من اهلي بس من الطرف البعيد شويه يعني اهلي من بعيد يعني بمعنى اصح باباها ومامتها متوفيين واللي كان متولي شؤون حياتها هي عمتها وعمتها كانت من نوعيه الناس اللي ما شاء الله ربنا فتح عليهم وسافروا من ايام التسعينات ورجعوا بعد كده هنا يعني كملوا حياتهم فشافت حياه غير الحياه اللي انا كنت عايشها معاها يعني وان انا مهما عملت مش مش هعرف اعيشها الحياه اللي شايفاها من عمتها المهم قبل الخطوبه بحوالي اسبوع شدينا مع بعض زي اي اثنين بيشدوا على الكلام هايف يعني المهم دخلت عمتها في الموضوع يعني والموضوع عدى على خير بعدها نزلنا اليوم بقى ان احنا نجيب فيه شبكه المهم نزلنا مع بعض واختارنا الشبكه خلاص وطالعين مستنيين الاوبر او اللي هو العربيه اللي هتاخدنا يعني وفجاه وان هي بتقول لي انا مش عارفه ازاي هقول لعمتي والخالي والبقيه اهلي ان الموضوع باظ قلت لها باظ ازاي انت شبكتك في ايديكي واحنا رايحين دلوقتي نبص على القاعه اللي هيبقى فيها خطوبطنا كمان اسبوع قالت لي ما هو انت زعلتني وانا لسه مش عارف اخد قراري قلت لها قرار ايه انت شبكتك في ايديكي وخلاص الموضوع فاضل له ايام المهم ركبنا الاوبر وبعد كده وصلنا القاعه ما اعرفش وشها مقلوب ليه مع انها يعني المفروض يبقى يوم زي ده يكون اسعد ايام حياتها يعني المهم دخلنا القاعه وبصيت على ببص معاها على المكان بتاع الكوشه والمكان بتاع هنخش منين ونروح فين والحاجات دي فبتسال المسؤول عن القاعه يعني وانا واقف بتقول له هو الدي جي مكانه فين قال لها لا الدي جي ليه غرفه خاصه والقاعه نفسها ما فيهاش دي جي فراحت بصتلي وقالت لي بس انا عايزه دي جي قلت لها طيب نتكلم بعدين في الموضوع دا ما هو لسه هو قايل لك ان الدي جي له اوضه لوحده المهم يعني وشها قلب وطبعا اضطريت ان انا انزل علشان اوصلها ونروح المهم في السكه لقيتها بتقول لي انت اذا مش هتجيب لي دي جي في القاعه انا اخلي عمتي تجيبه لي انا الكلمه حزت في نفسيتي قوي الكلمه دي اذا كان هي معتمده من دلوقتي على عمتها في الحاجات اللي انا مش قادر ان انا اجيبها لها امال هتعمل ايه بعد الجواز ودي انسانه كده يبقى عندها حاجه من اثنين يا اما استهتار يا اما قلة التقدير للامكانيات جوزها ولجوزها اذا كان بتتكلم على حته دي جي واحنا لسه على البر امال لما يتقفل علينا باب واحد هتعمل ايه بعد كده بكام يوم كلمت ابويا وقلت له قلت له انا مش قادر ان انا اكمل في الموضوع دوت لاني حاسس بقله تقدير وده انا ما اقبلش بيه ابدا فمن فضلك انا هنهي الموضوع ده قال لي انت واثق من القرار ده قلت له اه لاني شفت في عينيها حته ان هي بتقدر عمتها على كل حاجه بعملها لها وان الحياه اللي عمتها عيشتها لها انا عمري ما هعرف اعيشها لها ابدا اخر خطوبه الشهاده لله ايام ما عملتش اي حاجه فيها غلط ليا سواء نفسيا او اي حاجه ولكن المشكله كان في اهلها حرفيا باباها كان من النوع القماص اي حاجه معملها لهوش او ما بتجيش على هواه يتقمص ويقلبها علي وانا حذرتها مره واثنين وثلاثه واربعه في الموضوع ده وهي برده بتاخذ صف اهلها وانا بحاول ادادي وحايل اكثر من فتره وابوها ما بتغيرش لحد لما الخطوبه باظت في شهر واحد اللي فات ساعتها قفلت على نفسي فعلا وما بقتش مهتم باي حاجه خالص غير ان انا بنزل شغلي وارجع انام لا بقابل حد ولا بتكلم مع حد كل اللي عايزه عايز الايام تعدي وخلاص لدرجه ان انا دلوقتي بقيت حاسس ان انا حتى لما عديت سن 32 بقيت عارف ان انا فعلا اني عمري ما هوصل الاستقرار نفسى تانى نهائي والغريب في الموضوع ان من فتره كان في اجتماع عائلي بمناسبه اول رمضان وقرروا انهم يجمعوا العيله كلها انا في اولاد شفتهم بعيني بقوا تقريبا طولي كنت بشيلهم على ايدي يوم ما اتولدوا اكتشفت فعلا ان انا فعلا العمر بدا يعدي بيا واحده واحده الطفل الصغير اللي كان موجود واشيله على كتفي بقى يا دوبك دلوقتي ما شاء الله عنده 12 13 سنه ساعتها حسيت ان انا فعلا بعدت اوي العمر عدى عليا بسرعه اوي اوي ربنا يا رب يبارك لها كده فيه وتشوفه كده عريس قد الدنيا بس انا اللي بصيت على حالي وقلت هو مش ده فلان ان انا كنت شايله على ايدي يوم ما اتولد قالت لي اه هو ده كبر دلوقتي وبقى عنده ابتدائيه ربنا يا رب يبارك لها فيه كده وتشوفه عريس قد الدنيا انا يمكن الكام كلمه اللي قلتهم دول فعلا انا مش محتاج اي مساعده بس كنت محتاجه افضفض وخلاص بس فعلا انا شفت الناس اللي موجوده من زمايلي ومن صحابي اللي منهم سافر واللي منهم اشتغل واللي منهم اتجوز وخلف وانا قاعد محلك سر بقيت حاسس انها شايف الدنيا رمادي حتى فرحه العيد انا يمكن حاسس ان هو يوم عادي ما فيش في اي اختلاف عن اي يوم عادي اعذروني لو كنت طولت عليكم في الكلام بس انا عارف ان انا كلامي كثير بس انا كنت محتاج ان انا افضفض و خلاص

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_47286 🇪🇬

منذ يوم واحد

شعور مكسور القلب

الاوقات الي زي دي بتكشف قد ايه انت وحيد ومش مفيد لنفسك ولا لحد وغيابك مش مأثر في شئ بتمني لكل شخص السعادة ومش هتمني حياتي تكون احسن ولا انا اكون احسن انا دعيت كتير وحاولت كتير ومفيش حاجة اتغيرت من سنين

Pineapple_55297 🇪🇬

منذ يوم واحد

شعور مكتئب

انا مش مرتاحة في حياتي مش عارفه ايه ممكن يريحني ويفرحني حاسه اني هخسر كل حاجه بسبب عدم راحتي دي انها تكون عدم رضا بس انا راضيه بكل حاجه الحمدلله انا بس مش مرتاحه وفاقدة كل انواع المساعر مش بعرف احس بحب حتي تجاه القريبين مني وكأني لو رجعت اعتبر عن مشاعري تاني اني كده بعمل حاجه تقلل مني مثلا

Hazelnut_52786 🇪🇬 اللي بتحسي بيه ده ممكن يكون من كتر الضغط أو التعب اللي جواكي، ومش معناه إنك قليلة أو غلط. جربي تبدي بنفسك، اهتمي بيها وادّيها وقت، حتى لو بحاجات بسيطه تفرحك من جوا. وما تخافيش تعبّري عن مشاعرك، ده مش ضعف خالص، دي قوة إنك تكوني حقيقية مع نفسك ومع اللي حواليكي

عرض الكل 5 نصيحة

Kiwi_52539 🇪🇬

منذ يوم واحد

شعور لا مبالٍ

بزعل لما ايام حلوه ومميزه تيجي زي العيد ورمضان وكدا عشان الكل هيتبسط وانا مش عارف اتبسط زيهم ولا عارف اعمل اي حاجه وهقضيه يوم زي اي يوم ومش هخرج ولا في حاجه مميزه هعملها معنديش صحاب ولا عيلتي كويسين مع بعض وعلاقتي ب اهلي مش احسن حاجه يعني مفيش حاجه حلوه ايامي كلها شبه بعض وعلي الحال دا من بدري ومفيش

التجربة أفضل عبر التطبيق

حمّل تطبيق توهيل على هاتفك لتجربة أسرع