قلق

Watermelon_56067 🇪🇬

منذ 5 ساعات

شعور متوتر

انا بيجي اوقات بحس بخنقه جامده بجد و انا مخنوقه و مبكنش طيقه حد و حتي الصلاه بقيت مقصره في السنه جامد و سعات بيجلي هواجس من فكره ممم انا هعمل ايه هو مش اللي زيي اتجوزوا هو ليه انا كده هو مش المفروص اعمل حاجه ليا لمستقبلي و اساله كتير بالرغم من تني بشتغل و بعمل ماجستير بس انا معرفش حيه اني تيهه و بقي

Avocado_64719 🇪🇬

منذ 6 ساعات

شعور وحيد

انا سنى 27 سنة و على الرغم من أني دكتورة و شكلي حلو الحمد لله الا اني لسه سنجل محدش تقدم ليا لحد الان و خايفة متجوزش و افضل لوحدي ...كل افكر في الحكاية دي ادخل في اكتءاب شديد و خايفة من نظرة المجتمع ليا لو فضلت سنجل و سني كبر بعد كدا احيانا بقول في نفسي اخلص الماجستير و بعد كدا اسافر للخليج يمكن

Durian_65308 🇪🇬 عن زر ، عن حذيفة [ ص: 315 ] رضي الله عنه قال: قام النبي صلى الله عليه وسلم فدعا الناس، فقال: " هلموا إلي " فأقبلوا إليه فجلسوا فقال: " هذا رسول رب العالمين جبريل نفث في روعي أنه لا تموت نفس حتى تستكمل رزقها، وإن أبطأ عليها، فاتقوا الله وأجملوا في الطلب، ولا يحملنكم استبطاء الرزق أن تأخذوه بمعصية الله فإن الله لا ينال ما عنده إلا بطاعته

عرض الكل 50 نصيحة

Watermelon_60331 🇪🇬

منذ 14 ساعة

شعور مرتبك

انا متأسف بس انا ليه مش فرحان لصديق عمره انه هيخطب قريب بالعكس انا مش فرحان و خايف وقلقان وكمان بفكر ما اروحش الفرح مع العلم ده صاحب الطفولة وصديق عمري بس انا مش فرحان خالص يمكن عشان كنت في علاقة ومفروض ابقى الفترة دي كنت بحضر للخطوبة بتاعتي ولا يمكن انا مش سوي نفسيا ؟ انا مش بكرهوا انا بحبه والله

Coconut_64383 🇴🇲

منذ 21 ساعة

شعور قلق

عبّر عن شعورك بشكل مجهول

انا مبقتش فاهمة نفسي ... مبقتش فاهمة مشاعري ... مش عارفة انا حاسة ب ايه ... مش عارفة انا مين ... من وانا صغيرة مشفتش حب ودايما كنت منبوذة ... بس مكنش بيفرق معايا ع قد ما كان ده بيجرحني ع قد ما كان نفسي بس الناس تسبني ف حالي اللي هو لا ابقى محبوبة ولا مكروها سبوني ف حالي هبقى كويسة بس ليه الكره وليه التنمر وليه الاستفزاز مش عايزة حاجة من حد... لحد ما حبيت شخص من طرفي انا بس آذاني جامد لانه كان مريض نفسي وفهمني كلام مش حقيقي عنه واتعاطفت معاه وحاولت اساعده والجو ده ... بعدين اختفيت وحبيت حد بعدها وهو حبني واحنا مع بعض دلوقتي وفعلا ربنا يخليه ليا ... بس بحس أنه لما يبقى مشغول أو انا مشغولة اني برجع ل نسختي بالتدريج وبقالي فترة مش بخرج من البيت ولا عايزة اخرج ومش عارفة اتحرك ولو عايزة اخرج مش لاقية حد أخرج معاه وخايفة من السنة دي لانها 3 ث وخايفة من الجامعة وخايفة اللي بحبه منبقاش مع بعض ف الآخر لاني بدأت اتعلق بيه وهو متعلق بيا اوي خايفة من كل حاجة ومش فاهمة اي حاجة ولا حتى عارفة انا بكتب ده ليه انا ضايعة .....  ملحوظة : محدش يكلمني ف الدين ومحدش يتدخل يتعرف ومش عايزة اي نوع من ال و s a خا ولتقل خيرا او لتصمت شكرا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_64383 🇴🇲

منذ يوم واحد

شعور ضائع

انا مبقتش فاهمة نفسي .... مبقتش فاهمة مشاعري ... مش عارفة انا حاسة ب ايه ... مش عارفة انا مين من وانا صغيرة مشفتش حب ودايما كنت منبوذة بس مكنش فارق معايا ع قد ما كان ده بيجرحني ع قد ما كان كل نفسي أن الناس تسبني ف حالي اللي هو لا ابقى محبوبة ولا مكروها سبوني ف حالي هبقى كويسة بس ليه الكره وليه التن

Avocado_65557 🇪🇬

منذ يوم واحد

شعور متعب

السلام عليكم ورحمة الله وبركاته انا عندي احساس غريب ما عارفه اشرحه بس بحس اني خايفة طول الوقت و دقات قلبي زايدة من غير سبب و على طول قلقانة قربت من ربنا و بقرأ سورة البقرة تقريبا كل يوم بس برضو الاحساس م عاير يروح ..فكيف ممكن اتغلب عليه

Mango_66059 🇪🇬 لو قدرنا نعرف السبب هنقدر نوصل للحل بسرعة هل بيحصل كده فى وقت معين او موقف معين او اما تشوف شخص معين

عرض الكل 11 نصيحة

Coconut_64867 🇪🇬

منذ يوم واحد

شعور مكسور القلب

عبّر عن شعورك بشكل مجهول

انا عارف اني غلطان بس بجد مش لاقي حد ينصحني او يوجهني مع اني مش صغير بس اول مره اتحط في موقف زي ده..
انا اتعرفت علي واحدة من حوالي سنتين وحبينا بعض وهي حكيتلي ظروفها وانا كمان وهي قالتلي هستناك لان ظروفي المادية مكنتش احسن حاجة ووالدي كان تعبان برضو وتقريبا انا الي كنت شايل البيت أو يعني بساعد في البيت بشكل كبير ..هي قالتي من ضمن ظروفها ان والدها كان اتحبس من فترة بقضية سياسية وانا مكنتش شايف انها حاجة تستحق القلق ..المهم والدي توفي وهي وقفت جمبي واخويا تعب جدا وهي صبرت ..

بعدين روحت اتعرفت علي والدهاوكلمت حد كبير في العيلة وقلتلة يجي معايا يتعرف عليهم هو لما كلمني قالي ظروفهم ايه فحكيتلك وقلتله علي موضوع والدها هو قلقني جدا  جدا وخوفني من الموضوع وفي الاخر قالي بس برحتك الي انت عايزه  انا معاك 
المهم روحنا وتكلمنا معاهم وهما كانو زوق جدا ومحمود عليا في اي حاجة الحقيقة انا القلق بدا يزيد عندي بشكل مرعب ومرضي لحد ما حكيت لأهلي اني تعبان والقلق هيموتني قالولي نسأل ناس هل الموضوع مقلق ولا لا 
طبعا تضاربت الاقاويل ناس تقول عادي مفيش مشكلة غير الاولاد بس مش هيدخلو كليات عسكريه والكلام ده وناس تقول ابعد احسن 
الموضوع بدا يقلب معايا اني حاجات كنت متقبلها قبل كده بدات دماغي تقولي لا مش هنتقبلها زي انها تشتغل ووزنها 
لحد ما حد من عيلتي كلمتهم وقلتله كل شي قسمة ونصيب ..البنت خدت التليفون من مامتها وقالت إنسالو تاني الموضوع مش مقلق خالص وردو علينا

طبعا انا موجوع جدا من جوايا وروحت لدكتور نفسي وقالي انت عندك قلق عام واكتئاب

خايف اسيبها محبش حد قدها ومفيش حد زيها واعيش بذنبها طول حياتي. وخايف ارجع القلق ده يرجع تاني ويكون الموقف الي حصل مع أهلها شيلهم مننا والدنيا متكنش مستقرة بين العيلتين وطبعا هيحطو شروط للجواز لأنهم هيحتاجو يامنو بنتهم ممكن ارجع اقلق تاني وابعد ..
ياريت نصيحتكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Ice Cream_64994 🇪🇬

منذ يومين

شعور قلق

انا بخاف من كل حاجة تقريبا، بفضل اقنع نفسي اني مش بخاف و اني قوية بس في الموقف بترعب، بخاف من المرتفعات و الحشرات والحيوانات و الكوارث الطبيعية و الرجالة و الاماكن الضلمة و الاماكن المفتوحة...... حرفيا لو كملت مش هنخلص. و الحلول الي بتتقالي هي "واجهي" بس انا مش بقدر اعمل كده طول الوقت و بيجي عليا ا

Banana_62794 🇪🇬 فاهم احساسك زمان كنت بتفرج علي افلام رعب كتير وفي حجات لحد انهاردة بتقلقني . مش كلنا كاملين او اقوياء .بصراحه زي ما قالولك انك توجهي دا صح. دا جزء من العلاج . بس مش لازم توجهي لوحدك . وجهي مع حديساعدك . مثلا زي الحشرات ايوة بنسبالنا مرعبه ورخمه بس لو جربتي من بعيد تركزي مع الحشرات هتلاقيهم مجموعات وبيحولو يبنو عشيرة وبيت ويجمعو اكل واصلا الحشرات بتترعب مننا احنا لاننا كائنات ضخمه جدا بنسبالهم

عرض الكل 11 نصيحة

Marshmallow_65283 🇪🇬

منذ يومين

شعور مرتبك

انا بقيت اخاف من اي راجل حتى لو بيبصلي عادي حتى لو حد قالي ازيك بس بقيت بترعب منهم وبخاف مش بكرههم اكيد بس بخاف معتش بحس ناحيتهم بالامان خالص ، نظرات الشباب مش كويسه للبنات وانا بقيت اترعب منهم ،معتش عايوه اطلع من بيتي ابدا في نفس الوقت عايزه اكون حب حياة حد يبقى هو الامان والراحه والسكينه عايزه ا

Sugar_21572 🇪🇬

منذ يومين

شعور مرهق

عبّر عن شعورك بشكل مجهول

انا محتاجة نصيحة ضروري 
اسفه اني هطول عليكم بس أنا مشكلتي الدايمه في الخوف انا بخاف من المجهول و المستقبل مع ان الحمدلله مؤمنة بقضاء ربنا دايما في كل حاجة بس خايفه اغلب الوقت 
خايفه مبقاش من اوائل دفعتي زي كل سنه في الكليه مع العلم انا رايحة تالته علاج طبيعي في جامعة خاصة 
بس المشكله الأكبر بالنسبالي اني للاسف حبيت أنا بحبه جدا و هو بيحبني هو زميلي قدي في الجامعة بس فعليًا أنا اكبر منه بتسع شهور 
حبينا بعض و عرفت والدتي بس ماما مش معترفه بيه بتعتبره زميل دراسه بس حقها عادي 
هو عنده شقه علي الطوب الأحمر و بيشتغل و بيصرف علي نفسه مش بياخد مصروف من والده بس علي الاقل والده بيدفعها المصاريف بتاعت الجامعة بس لكن الباقي هو شايل نفسه بنفسه بيتشغل في الدراسه برضو مش في الاجازه بس و بيحوش عشان يخطبني أنا دايما حاسة بالذنب عشان علاقة محرمه و عارفه ده و بحاول اتوب منه و بسعي جاهده فعلا و لما كلمته وافق عادي بس طلب مننا نفضل أصدقاء حتي 
و وافقته 
هو عايز يخطبني الصيف اللي جاي قالي هيحاول علي قد ما يقدر انه يكلم والدي الصيف اللي جاي و يخطبني بالمبلغ اللي معاه لانه مش عارف يستحمل بُعدي و عايز علاقتنا تبقي رسمي للعلم برضو هو معرف اهله انه بيحبني بس هو عايز يخطبني بفلوسه مش بفلوس والده و قالي هيجي الصيف اللي جاي ان شاء الله 
أنا بقي خايفه لان ماما دايما بتقولي لسه بدري ليه تتخطبي اربع سنين و لازم يبقي مرتاح ماديًا و لازم و لازم و حاطة شروط كده و والدي برضو شايف معتقدات زيها انه الخطوبه في الجامعة بتفشل مع اننا بنحب بعض 
فأنا خايفه يجي يتقدم و بابا يرفضه او يتقدم و اهلي ميوافقوش و في نفس الوقت مش عايزه نتأخر في الخطوه دي عايزه نبقي مخطوبين رسمي قدام الناس كلها عارفه انه ده نصيب و رزق بس دماغي مش عارفه تبطل تفكير في مليون سيناريو و مش عارفه طب نستني و لا يتقدم باللي معاه و يشوف مع بابا الاتفاقات دي 
هيبقي فاصل سنه رابعه و خامسه و سنه امتياز و احتمال يبقي عنده جيش 
ماما بقي بتقولي و كمان لو لسه هيدور علي شغل 
هو بيشتغل مدرب سباحة ملهاش علاقة بتخصصنا 
فخايفه يبقي عندها حق او بابا يرفض و خايفه و دماغي بتسوحني و اوقات بتخنق و اعيط و يأثر علي حالتي النفسيه المفروض اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_47020 🇪🇬

منذ يومين

شعور مكسور القلب

Mango_29955 🇪🇬 الثانويه مش نهاية العالم ... ركزي فى مستقبلك وعقليتك

عرض الكل 3 نصيحة

عبّر عن شعورك بشكل مجهول

جبت %68 بعد دا كله ...مش مستوايا حرفيا اقل درجات جبتها و انا بكون مذاكرة يدوب كانت بتطلع 80% لو انا عايشه لوحدي بعيد عن المجتمع راضيه جدا و بحمد ربنا الف مرة اني نجحت صافي و اني قادرة ادخل جامعه خاصه لكن حاسه بكسرة نفس قويه انا الابنه الاكبر لاهلي و يعتبر الاذكى بين اخواتي كله كان متوقع اني اجيب طب حاسه بخيبه امل كبيرة جدا من اهلي و خاصه امي و اخويا ... امي بتقولي عادي و كدا بس انتو متخيلين كانت علطول تقولي جيبي مجموع عشان محدش يشمت فيا ابويا وراها السواد طول السنه و كان منكد علينا و كان هيتجوز و بتاع و لحد دلوقتي كل يوم تكشفه بيخونها علطول يقولها انت السبب ... خايفه يجي يوم يقولها انت السبب في نتيجه بنتك خصوصا انه بيحب المظاهر جدا حاسه بالسوء اني بتكلم عليه بهذي الطريقه هو حاليا داعم ليا  لكن هو سبب كل مخاوفي حتى خوفي اني اتزل في يوم من الايام بكلمه تضايقني ... كان نفسي حتى اجيب 75 انا بجد مش مصدقه مش فارق معايا الكليه قد ما فارق شكل المجموع بسبب المجتمع المريض اللي انا عايشه فيها خصوصا اني في قريه برضو .... اخويا بقا كان حاطط امله فيا النهاردة سألني على الواتس عملتي ايه قولتله و بس لما رجع من برا مقليش اي حاجه مقليش مبروك موسانيش مقلش اي حاجه صعبان عليا نفسي و امي و اخويا يارب ... انا عارفه انه خير ليا بس مش عارفه اتعايش ازاي ...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.