تعب نفسي

Apple_73577 🇪🇬

منذ يوم واحد

شعور مرهق

عبّر عن شعورك بشكل مجهول

صباح الخير
الإنسان تعب من نفسه انا مبقتش طايقها
الانسان مبقاش عنده شغف لحاجه وبحاول ارجع كل حاجه مش قادر
يخربيت كدا والله يا جدعان بجد يخربيت كدا يخربيت الوهم اللي الانسان بيعيش فيه يخربيت الافكار والذكريات
للاسف انا عملت احلي ذكرياتي مع أسوأ ناس ممكنه و ما بين تهميش كل الذكريات الحلوة عشان الناس دي وحشه وما بين اني معنديش غير الذكريات دي
مكانش عندي حاجات كتير مبهرة ف حياتي او مواقف أفضل فاكرها يمكن الموقف الوحيد هو يوم ما جبت هندسة ف نتيجة الثانوية العامة من 9 سنين
بعدها يمكن مفيش حاجه عدلة او حاجه نفتكرها ومبقاش فيه حاجه الواحد يبكي عليها.
بقيت عامل زي الزومبي من فترة كنت اتفرجت ع فيلم اسمه Manchester by the sea كان بيتكلم عن شخص عايش حياته يا دوب بينجوا واستغربت ان ازاي انسان ممكن يوصل لكدا من الارهاق النفسي
حاليا فهمت الفكرة والموضوع وانا كل يوم اصحي من النوم كان قلبي عليه هموم الدنيا كلها
غريب اوي قد اي اذي ناس بنحبهم ممكن يسيب فينا الاثر ده وغريب اوي اوي اوي ان الانسان ممكن ساعات يقول انه يستاهل الحزن ده النهاردة خدت اجازة عشان مش قادر حرفيا اطلع من البيت من الارهاق مش قادر حتي اخرج من اوضتي برغم ان الكون كبير اوي اوي اوي لكن كان مفيش برا جدود الاوضه دي غير خوف وتعب وجرح وارهاق بس الأمل في الله قادر يبدل حالي وحال كل مضايق ربنا يكشف عني وعن عباده الهم والحزن

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_72014 🇪🇬

منذ أسبوع واحد

شعور محبط

"فيه تعب جوايا مش لاقي له مخرج.. كل يوم بصحى وأنا حاسس إن الدنيا تقيلة عليا أكتر من اللي أقدر أستحمله. ناس كتير حواليّ بس الإحساس بالوحدة مش بيفارقني. بحاول أبين قوي وضحكة على وشي، بس الحقيقة إني من جوا مكسور ومخنوق. نفسي أرتاح يوم واحد من غير ما أحس إني محاصر بالهموم. فيه حاجات كتير وقعت مني: شغل،

Ice Cream_55489 🇪🇬

منذ أسبوع واحد

شعور ضائع

عبّر عن شعورك بشكل مجهول

اعرف ان الناس ليها اللي يدعمها انا معنديش حد يدعمني حرفيا كلام مجرد كلام .. ومحدش يقولي دعمي نفسك انا اللي مدمره نفسي ... انا واصله لمرحله اني تايه مقلق كاره لحظات الاستيقاظ في يومي ... اي حد بيقلي كلمه بتبعها عايشه على أمل الاقي حد يقف جنبي كله عايش في حياته وانا مجرد لقطه او نزوه او حتى جه العائله مجرد رقم يعد ... شهر عدا عليا كنت فيه مش كويسه بقيت مش كويسه اكتر خالص دخل حياتي حد طلع غير اللي تصورته حبيت اننا أصدقاء على الاقل الموضع اخذ اتجاه تاني خالص وللاسف كان فات الأوان وكل حاجه باظت اختفيت عشان المم نفسي واكتشفت اني مجرد اللقطه ... انا بقالي كتير بعافر اني احس اني قادر اكمل لكن مش مكمله حاجه فقدت معنى طل حاجه كنت بؤمن بيها مسيبتش حاجه معملتهاش ضحيت بكل حاجه بملكها غشان بس احس اني مرغوب اني اتحب انا مبعرفش اعيش لوحدي لكن ظروف حياتي خلتني عايشه لوحدي سنين كتير وفوقها اني حتى اوحدي في الحياه انا بقيت بفكر امتى ربنا ياخد أمانته مش عايزه اعيش ولا عايزه اكمل الحياه ومفيش حل قعدت مع نفسي. اكتشفت اني مقصره في حق ربنا كتيييير واكتشفت اني ضايع وبدعي انه يسامحني بس عل لل زي توبه ولا حتى دعوه مقبوله انا مجرد بائس ضعيف .. انا مش عايزه حد يديلي نصايح انا عايزه حد يدعيلي فقط مجرد دعوه لان انت مليش ادعي انا يارب عشمان في لحظه عمل عملته لوجهك ترحمني من يأسي وتمن عليا بكرمك يارب رحمتك مليش غيرك يارب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_63995 🇪🇬

منذ أسبوع واحد

شعور منزعج

محدش يقولي لسه صغيره ، انا صبرت كتير اوي و فكرت فيما فيه الكفايه انا عايزه حل للهروب من البيت ، العيشه بقيت صعبه اوي نفسيا بجد تعبت و محدش يقول اي الحصل لاني مش قادره حكي خالص هما كأنهم بيمنعوني من حجات و مش بيعوضوني ب حاجه اهل نرجسين متحكمين و انا زهقت

Biscuit_66669 🇪🇬

منذ أسبوع واحد

شعور مريض

‏أنا بقالي كتير اوي زعلان من كل اللي حواليا ، زعلان ع طول لدرجة اني مش قادر افرح بأي حاجة وكُل حاجة تقيلة على قلبي اي صوت اي حد بينادي عليا مش قادر استحمله اي حد طالب مني حاجة او بيطمن عليا جسمي كله بيتعب ..مش قادر اتكيف مع الوضع اللي اهلي غصبوني عليه مش قادر اكمل حياتي وانا مهمش ف الشغل و من ا

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Strawberry_74955 🇪🇬

منذ أسبوع واحد

شعور محبط

عبّر عن شعورك بشكل مجهول

السلام عليكم
هكيلكم عن فترة صعبة عديت عليها وهي فترة الثانوية الازهرية 
انا كنت عام وكنت متفوقة ولقيت بابا اقترح عليا ان انا أحول وحولت وانا كنت دفعة السنة ال فاتت ٢٠٢٥ ، قولت هعتبرها زي اي سنة وأعمل ال عليا ،مكنتش حاطة حاجة او حلم غير ان انا أجيب مجموع عالي وافرح أهلي وكدة كدة أيا كان أكيد هيكون خير ليا 
بداية السنة كنت حساها الموضوع ماشي والدنيا حلوة وبعد كام شهر الدنيا بدأت تصعب وغير كم المواد الواحد بجد مكنش ملاحق حاجة 
اكتر الأوقات كنت بنام ع الارض علشان لو نمت ع السرير ممكن يروح عليا نومة ،اليوم كله كان عبارة عن دروس وكنت ببدأ ايام الساعة ٥ الفجر وايام ٧ الصبح حرفيا كانت مرمطة جدا جدا ، أغلب الوقت كنت بمشي وانا بذاكر علشان لما كنت بذاكر ع المكتب كنت بنام وحاجات من دي كتير باختصار كان تعب نفسي قبل ما يكون تعب جسدي وفي الآخر ... لم أوفق في المجموع أنا رضيت بمجموعي وحمدت ربنا أكيد دا خير ليا ، اهلي كانوا شبه راضيين ، زعلانة جدا حاسة انهم معندهمش ثقة فيا خالص ، سمعت كلام من عيلتي جارح جدا م هنساه بجد مثل : انتي مجموعك مقوي قلبك ، مفيش كلية ليكي ،م هتلاقي حاجة ، يارب التنسيق ينزل علشان تلحقي اي حاجة ، غير النظرات و الضحك والسخرية ، من ناس ملهمش علاقة بحياتك اصلا ، ومجموعي ٧٦ انا كنت راضية ايوا ومازلت والحمد لله بس ليه الكلام ال يكسر القلب دا ، حرفيا بقيت بكره حياتي والناس ، ممكن تنصحوني او تدعولي ...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_61746 🇪🇬

منذ أسبوع واحد

شعور متعب

وصلت مرحله مبقتش عارفه أنا فيا ايه تعبانه التعب الصامت بس من جوايا بتاكل قرفت من الناس زهقت من كل اللي حواليا قابلت ناس حرفيا كلها غلط وحشه خلوني كل يوم حرفيا بلوم نفسي ع حاجات كتير كان نفسي اكون إنسانه بتعدي وتسامح نفسها مش قادره اعدي اختيارات كان كلها غلط حالا وحياه ربنا ما بعرفني ولا بعرف أنا كن

Apple_73293 🇪🇬

منذ أسبوع واحد

شعور محبط

عبّر عن شعورك بشكل مجهول

انا شاب عندى 31 سنه الدنيا عمرها ما ضحكتى من يوم وفات امى وانا عندى 17 سنه و من قبلها من يوم لما عرفنا ان ماما عندها سرطان و قعدت 3 سنين فى مرض و تعب حياتى متدمره و حياه كئيبة مفيش فيها تقريبا يوم حلو زهقت بجد تعبت استسلمت انا من النوع الى اهون علية الموت ولا الاستسلام بس بجد خلاص تعبت نفسيا حياتى كلها متدمره و كان بعد وفاه امى مشاكل كتير والدى مع اخواتى و يمكن انا كنت عقبة كمان فى طريق زواج ابويا عشان كدة محدش كان بيقف جنبى او يساعدى اتجوز رغم انى كنت الفتره دى جاهز تقريبا بس اخواتى كانو عايزينى بصوره غير مباشرة اكون مع ابويا عشان ميقدرش اتجوز للاسف الكلام دى مكتشفتوش غير بعد وفاه والدى و طمع اخواتى فى الميراث و اخواتى الى كنت فاكرهم ملايكه و رافضين بابا يتجوز عشان محدش ياخد مكان ماما طلع كلو عشان الميراث و الطمع و الجشع بان عليهم وانا اكتشفت انى كنت لعبه و اهبل قوووووى ما بينهم لا كنت بفكر فى ميراث ولا كنت حتى بفكر فى نفسى اسواء احساس انك تكتشف انك زازج و اهبل احساس وحش قوووى توقع لما يكون لية اخوات كتييير و محدش بيفكر فيك رغم انك متربى على الاهتمام و الدلع بحكم انك الصغير و بعد كدة كلو يبقى نفسى نفسى وانتا لسة من جواك مش مستوعب الصدمه ولا الحقيقة كل الطرق مقفولة فى وشى حتى بقالى فتره مش لاقى شغل داخل فى اكتر من سنه و تعبت محققتش حاجة فى حياتى لا بيت ولا اسره ولا حتى فلوس احساس وحش قووى لما تحس انك فاشل اوقات الواحد بيتمنى انو يقدر ينهى حياته بس للاسف مش عارف يعمل اية انا تعبت بجد من كتر ما هيا مقفولة تعبت من الوحده الفراغ الياس الصدمات الى من وفاه امى لمرضها لوفاه ابويا للصدمه فى طمع اخواتى لكل حاجة كنت فاكر ان انا و اخواتى واحد بس مطلعناش كدة طلع كلو طماع كلو بيفكر فى نفسو طلعت فى الاخر اهبل قووى و زازج تعبت و بتمنى افارق الحياه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_60556 🇪🇬

منذ أسبوع واحد

شعور ضاق ذرعًا

عبّر عن شعورك بشكل مجهول

هو ليه الواحد لما بيحاول يصلح حياته لازم تبوظ؟ 
ليه لما تبقى خايف على مشاعر حد و مش عايز حد يحس باللي انت حاسه بترجع في الاخر تبقى انت الغلطان و تبقى برضو كسرتهم و عيشتهم اسوأ لحظات حياتهم؟ لا عارف تموت ولا قادر تعيش طب وبعدين الوجع ده هيخلص امتى! اقرب الناس هم اول سكينة بتبقى في الضهر.... متعلق بناس مينفعش تتعلق بيها من الاساس... و بيتعلق بيك ناس تعلق مرضي لدرجة انهم بياذوك بالتعلق ده.... و لما تلاقي ان خلاص لقيت حد فاهمك تخاف و متقدرش تحكيله كل حاجة عنك و ده يروح عاملك مشاكل اكبر واكبر طب ايه الواحد يعمل ايه عشان يبقى كويس بجد نفسي دكتور نفسي يقرا كلامي و يحاول يفهم انا حاسس ب ايه الوجع بقا بزيادة اوي و كل م ابقى احسن برجع لنقطة الصفر تاني د انا كنت مصدقت ان دنيتي بدأت تتظبط و كل حاجة ترجع زي الأول و أحسن  و كل حاجة اتطربقت فوق نفوخي من تاني ورجعت انيل و اضل من الأول بقيت افكر في افكار انا عمري م كنت اتخيل اني افكر افيها و كل م ابعد تفكيري عنها ترجعلي تاني طب وبعدين.... تعبت والله و محدش حاسس انا جوايا ايه و كاتم وساكت 
كل ده لمجرد اني واحد مش بعرف اتكلم!!!! مش بعرف اعبر عن اللي جوايا!!! و بخاف على مشاعر الناس اكتر من مشاعري انا شخصيا!!!!!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Onion_64725 🇪🇬

منذ أسبوع واحد

شعور محبط

هل من الطبيعي ان الواحد ممکن يساعد ناس کتیر ف حل مشکله بسيطة او كبیره عندهم ومش قادر یحل ولو مشکله واحده بتواجهه هل دا طبيعي انك تبقي بتقعد تهزر وتضحك مع كل ناس وفجاة تكتئب بدون سبب احنا بقينا بنعجز بدري بسبب ان احنا ساکتین ومشاکلنا مبقتش تطلع او مش عارفین نعبر عنها خالص ؟!

Croissant_70128 🇪🇬

منذ أسبوع واحد

شعور مرهق

انا حاسة بفشل ف كل حاجة لية باة شغل انا شاطرة فيه والله جدا و فالمجال بقالي ١٠ سنين و عمالة مش مركزة و متوهة و غدعلاقتي ب اهلي مش احسن حاجة علاقتي ب جوزي متورترة و جسمي تاعبني و مجهدة و تايهة انا مجهدة اوي و مش مظبوطة

Olive_73910 🇪🇬

منذ أسبوع واحد

شعور مستنزف

Apple_57323 🇪🇬 الاحاسيس دي طبيعية تحسي بيها علي فكرة ايوة طبيعية هتستغربي تعملي بقة ايه متسبيش نفسك ليها نفسك يااما تغلبيها او تغلبك اول حاجة تشوفي ايه اللي بيسعدك وتعمليه مثلا القراية او الرسم او الفرجة علي حاجات تبسطك ثانيا الدين هتجيبي سجادة الصلاة وتقعدي عليها نص ساعة بعد ما تصلي ركعتين لله وبعدها تمسكي المصحف تقري فيه النص ساعة دي ساعتها هتحسي باحساس جميل او و ي جربي وادعيلي ثالثا بقة الدعم النفسي

عرض الكل 7 نصيحة

عبّر عن شعورك بشكل مجهول

حاسة الفترة دي اني بقيت حساسة بزيادة وتعبانة نفسيا ومش قادرة افكر ف حاجة ولا قادرة ادي اعذار  لحد حتى لو حقيقة تعبانة جدا من كل حاجة لدرجة انه قبل كدة اختي هزرت معايا بايدها تلقائيا انا عيطت واتحججت عشان بس ابرر عياطي على حاجة زي دي رغم ان ايدها مكانتش تقيلة ولا حاجة بقيت نفسيا تعبانة بحلم لكوابيس غريبة او مابحلمش او مبفتكرش الحلم واكتشفت ف مرة انه بدا يبان عليا تعبيرات وشي اثناء النوم ولا بخرج من البيت بيتنا مفيهوش تشجيع للخروج ابدا وبالنسبالهم الي يشيل الزهق تنضيف البيت لحد ما انا اصلا مبقيتش قادرة اقوك اعمل اي تاسك مطلوب مني ولا اعمل جتى الحاجة الي بحبها بقول اغير وافك شوية الاقي لوم انتي مبتعمليش حاجة في البيت ليه ولوم مستمر عليه رغم اني بعمل فيه بس كرهت البيت والترتيب والتنظيف وكرهت كل شي ولا بقى عندي قدرة اعمل حاجة دايما تعبانة ومش قادرة ولا عندي نفس بعد ما كنت بحب اخرج وعندي رغبة للخروج مبقيتش اصلا حتى بقدر اخرج اقضي مشواري الضروري ومعنديش صحاب قريبين وبجد حاسة بضغط وان ايامي بتجري بلا فايدة ولا هدف ولا حتى قادرة اخد خطوة لان حتى الخطوة بيتم لومي على تقصيري والموضوع دة اثر على تفكيري بقيت انا كمان لوامة ومبقيتش بقدر ادي اعذار وبقيت اتاثر بالانتقادات والكلام الي حواليا والتعليقات وبقيت كارهة نفسي جدا  ومبقاش عندي قدرة حتى اقوم اصلى عندي رغبة ف كدة وعندي رغبة اغير حياتي بلاحظ دة لما بكون برا البيت بهتم بنفسي وباكلي وبهتم بالصلاة بعمل كل حاجة الي جوا البيت مليش طاقة اعملها اول لما برجعله بحس باكتاب وقلة راحة وكسل مش طبيعي ...بجد مش قادرة احدد اي اسباب ولا قادرة حتى افكر ف حاجة  اهلي كويسين الحمد لله بس طريقتهم استنفذتني ومش قادرة اتاقلم على دة ولا عارفة حتى تعمل الي هم عاوزينه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_60662 🇪🇬

منذ أسبوع واحد

شعور مكتئب

انا حرفيا بمر بأسوء مرحلة ممكن اكون مريت او بمر بيها ف حياتى حاسة انى مخذولة من كل شئ كنت بمر بمرحلة سيئة جدا من كتر ضغط الشغل حياتى مفهاش الا شغل كلامى كلة عن الشغل حرفيا معنديش حياه شخصية عشان اعيشها حتى لدرجة كبيرة بنزل من ٨ الصبح شغلى الصبح ف المدرسة و بعد كدا برايفت لحد ١٠ ساحلة نفسى بس ساعات ب

Cheese_69538 🇪🇬

منذ أسبوع واحد

شعور شاعر بالملل

بتعملوا أي لما أحسوا إنكم ولا حاجة مش عارفة فاهميني أو لا بس أنا مش قادرة اعمل أي حاجة عندي امتحان قرآن مش قادرة احفظله وكنت بحاول أطور الانجلش وقفت حاسة مضايقة أوي وكارهه نفسي ومش عارفه أصلا بكتب ليه ممكن من الملل

Blueberry_69403 🇪🇬

بدور على ناس مثقفة تفيكري أتكلم معاها

زهقانه عادي مفيش حاليا في حياتي اي احدث الحمدلله بس انا حاليا بميل جداااا للناس المثقفه وخصوصاً البنات المثقفين اللي المتحدثين معتش بطيق اتفرج ع اي فيد ل اي رجل بجد حتي معتش موجود اوبشن اني اديهم فرصه واسمعهم بقلب ع طول المهم اني بجد محتاجه ناس في حياتي من اللي بتحب تتفرج ع أفلام وثائقية وافلم فيه أفكار وكدا و تنتقدو وتتناقش فيه و دا لي عامل كدا ودا لي عامل كدا أو نبعت لبعض فيد لشخصيه ما بتتكلم بكلام حلو او تنتاقش قد اي الحاجه دي بتأثر ع اللاوعي وبجد أنا بقيت فيمنست مؤخرا وبجد مفتخره جدااا اني بقيت كدا والله لان أنا من فتره كنت بقول أنا مش فيمنست وبتع وازعق جامد كأنها شتمه بس لا الست ل الست بجد و بحب اي حاجه قديمه بموت في أي حاجه قديمه بجدددد بحس اني بحب العجويز جداا وبحب صمتهم وأنهم عاشوا كتير وان هما خلاص عملوا كل حاجه بجد بروح اتلزق فيهم اين كان عوزه حد شبه تفيكري اتكلم معه شويه ...عرض المزيد

1 الدعم

17 نصيحة

Avocado_63863 🇪🇬

ازاي أبدأ صفحة جديدة مع نفسي وأطور من ذاتي؟

ازاي إبداء من الاول وجديد وابداء صفحه جديده مع نفسي طيب ازاي أطور من نفسي في كل حاجه في عقلي في نفسي في اني ابقا محاسبه قانونيه لنفسي انسانه هتبداء من اول وجديد ومش هتشوف غير نفسها قبل اي حاجه ...عرض المزيد

2 الدعم

16 نصيحة

Nutella_67912 🇪🇬

عندي maladaptive daydreaming ودماغي مش بتيجي

عندي حاجه اسمها maladaptive daydreaming أن انا طول الوقت فيه سيناريوهات و حاجات خياليه انا بفكر فيها يعني مثلا انا في روايه و انا البطله و انا في مسلسل و ليا دور كدا يعني و بقالي ٥ سنين على نفس الحاله دماغي مش بتفضى انا ممكن اقعد بال٨ أو ٩ ساعات بفكر بس في السيناريوهات و انا بعمل حاجاتي يعني مثلا حد اداني مياه أتخيل أن حد تاني بيدهالي و انا بشرب مشروب تاني و الموضوع بيزيد لما بسمع أو اتفرج على فيلم او اسمع اغنيه انا بحبها و الموضوع وصل لمامتي و قالت هوديكي ثيرابيست في نص السنه و انا مش عايزه الموضوع يوصل لثيرابيست ( لما ابطل تفكير في السيناريوهات بحس مخنقه و ستريس رهيب ) ...عرض المزيد

4 الدعم

12 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع