كرهت مساعدة الناس بعد ما اتأذيت

Question

ساعدت حد واتاذيت بسبب مساعدتي ليه وموقفش جمبي ومن ساعتها كارهه اساعد حد وعملي ازمه نفسيه ان محدش يستاهل افكر اساعده ايا كانت نوع المساعده وعندي حاله من فقدان الامل والياس من الناس كرهاهم

Mango_67775 🇪🇬 · Accepted Answer

حقك الصراحه بس احنا المساعده بتكون لوجه الله مش عشان عبد 
ف انتي عادي ساعدي الناس و كده لأن المساعده دي هتترد لك مش لازم من اللي ساعدتيه هتلاقي المساعده جاتلك من ناس غريبه عادي جدا ❤️

Mango_68151 🇪🇬 · Answer

أنت سعدتيه شانو ولا عشان ربنا لو عشانو أنت غلطانه لو عشان ربنا فأنتي اخدتي اجر كبير عشان سعدتي واصبرتي علي الأذي و ساعدي تاني حتي لو هتتأذي تاني عشان أحنا بنعمل لله مش للناس الناس متستهلش أصلاً بس أحنا بنعمل لله وحده حتي لو هنتأذي

Coffee_68230 🇪🇬 · Answer

كلامك صح بس اتوجعت وكرهت اعمل خير في حد وده احساس ومشاعر غضب غصب عني

Biscuit_68226 🇪🇬 · Answer

لانه الحاجه لما تزيد عن حدها تقلب ضدها .. اكيد حطيتي فيها كل ما تملكي من مشاعر ..لازم اولا تتعلمي انه اساعد امتى وازاي  ومين الي يتساعد ثانيا ..لازم بعد كدا لما تقدمي مساعده متستميش مقابل من بشر 
استني المقابل من الله ، لانه انتي كان نيتك من الأول انه في مقابل منه ف اتصدمتي لما ملقتيش المقابل ..استعيني بالله وكل الناس الي حواليكي محتجاكي زي ما انتي محتجاهم متخليش تجربه وحشه.. تاخد الحلو الي فيكي

Orange_67483 🇪🇬 · Answer

لا ده شيء عادي جدا وده عدم تقدير منه هو شخصيا ما ينطبقش على باقي الناس ما تفقديش الثقه في نفسك وتعاملي عادي في ناس حلوه وفي ناس وحشه

Banana_62794 🇪🇬 · Answer

فاكرتيني بحد بيشحت كنت لما اعدي من الشارع دا اساعده بحاجه الي ربنا يقدرني عليه . في مره مكنش معايا فلوس نهائي  فا قلتله علي الله . رد فعله كان قعد يدعي عليا وسمعت الدعا بوداني .

Coffee_68230 🇪🇬 · Answer

😊شكرا لكلامك الجميل

Popcorn_68444 🇪🇬 · Answer

بكل بساطة...متبطليش تكوني شخص كويس و تقدمي مساعدات بس الأهم متجيش على نفسك و متنتظريش كده كده مقابل للمساعدة اللي بتقدميها...اعملي الصح حتى لو كل الناس بتعمل الغلط