تجربة مؤلمة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Corn_70157 🇪🇬

منذ شهر واحد

شعور وحيد

اول قصة حب في حياتي كان عندي ١٢ سنة ، يدوب في ٦ ابتدائي ، كنت معجب بواحدة معايا في فريق المزيكا ، قعدت بحبها ومخبي لغاية سنة اولي كلية ، والمضحك في الموضوع اني عمري ما قولتلها حتي سلامو عليكم 😅 ولا لساني خاطب لسانها للاسف بنيتلها شخصية في خيالي ما اعرفش اذا كانت شبها اصلا ولا لا ، وكنت مقتنع ساعته

Coffee_68230 🇪🇬

منذ شهر واحد

شعور متعب

ساعدت حد واتاذيت بسبب مساعدتي ليه وموقفش جمبي ومن ساعتها كارهه اساعد حد وعملي ازمه نفسيه ان محدش يستاهل افكر اساعده ايا كانت نوع المساعده وعندي حاله من فقدان الامل والياس من الناس كرهاهم

Mango_67775 🇪🇬 حقك الصراحه بس احنا المساعده بتكون لوجه الله مش عشان عبد ف انتي عادي ساعدي الناس و كده لأن المساعده دي هتترد لك مش لازم من اللي ساعدتيه هتلاقي المساعده جاتلك من ناس غريبه عادي جدا ❤️

عرض الكل 8 نصيحة

Apple_65783 🇪🇬

منذ شهر واحد

شعور مكسور القلب

في يوم حزين جدا رجعت من شغلي لقيت أمي ميته علي سريرها صدقوني أصعب إحساس في الدنيا إن أمي تموت وأنادي عليها متردش عليا وبعدها ب6شهور يموت حبيبي زوجي وأبو أولادي في نفس السنه العام الماضي ومن وقتها وأنا حاسه قلبي 💔😥 مكسووووور

Mango_59012 🇪🇬 ربنا يصبر قلبك و يهون عليكي و ربنا يرحمهم و يغفرلهم و يسكنهم فسيح جناته يارب

عرض الكل 13 نصيحة

Strawberry_63743 🇪🇬

منذ شهر واحد

شعور قلق

عبّر عن شعورك بشكل مجهول

انا من ٤ سنين ارتبطت ب ولد زميلى 
الموضوع بدأ كنا بنتكلم عادى ومكنش ف دماغى حاجه لكن فيه كلمه قولتها هو فهمها انى بعترف بحبى ليه 
قولت ع حاجه عجبتنى حبيت 
ف انا عشان كنت مريت بتجربه حب م طرف واحد وزعلت بعدها جامد عملتلى تروما يعنى ( انا اللى كنت بحب)
مرضتيش اكسر بخاطر 
ومثلت انى بعترف بحبى 
و ابتدى موضوع وكل يوم اقول هقوله انى مش بحبه 
يوم ورا يوم لحد ما تعلقت بيه 
وعدى الوقت 
وبعدين ابتدى هو يقول ان مش عارف ليه مبقاش زى الاول بيحبنى يعنى و تعامله اتغير بس انا كنت اتعلقت بيه ومرضتيش ابعد 
وبعدين عرفت انه معجب بواحدة زميلتنا وبيكلمها 
واجهته انكر طبعا وطلبت منه يبعد عنها قال هى مش اكتر م زميله 
لكن انا وصلنى كلام م صحبه انه معجب بيها 
وعدى الوقت وهو متغير معايا بيعاملنى وحش كأنه بيطفشنى 
وبعدين البنت دى اتخطبت 
* قالى بعدها بسنه انه زعل جدا لما اتخطبت و حس بصداع جامد 
وهى قالتله انها اتخطبت لأنها مكنتش فاهمه موقفه معاها * 
ف رجع كويس معايا بيعاملنى احسن 
وبعدين البنت دى سابت خطيبها 
ورجعت تكلمه عيطت له كتير عشان يبعد عنها مرضيش وقالى مش تايب بتاعى بس عشان شكلى قدامها 
وبعدها بفترة لقيته بيقولى انا كنت بحبك خالص لكن اول ماشوفتها وضعى اتغير ومش عارف اقولك اى ومش قادر استغنى عنها 
فقررت ابعد
فضل هو طول الاسبوع يحاول يكلمنى م أرقام غريبه لكن ماردتش 
وبعدين بعد اسبوع ما خلص لقيته بيهددنى انى محكيش اللى حصل لحد 
لانه ممكن يتكلم وقالى هطول فيكى جامد وبعدين اتصلت بيه عيطتله قالى مبقاش ينفع وموضوعك انتهى انا كنت بحاول بس عشان مش هاين عليا 
وبعدين بصراحه انا عملت تصرف غلط كنت المفروض ابعد 
لكن ضعفت بقيت اكلمه واقوله انى تعبانه م غيره 
وهو رده انه احنا م الاول ارتباطنا غلط ومش مناسبين لبعض 
ف مرة كنت بكلمه قالى مش عارف اقولك اى مشاعرى ليها غصب عنى 
روحت دعيت عليه وعملتله بلوك 
راح جايلى البيت 
وحاول يهدينى وقالى خلاص هنرجع وهبعد عنها وبعدين قالى اقولك الصراحه انا بتسحل معاها ف كلام 
وبعدين قالى متخلينا صحاب رفضت 
وبعدين قالى طب خلينى اما اروح ههنهى معاها قالها أميرة بعتتلى كلام زعلنى لقيتها بترن عليه وبعتاله رساله بتقوله طالما شايف نفسك مظلمتهاش خلاص

و بصراحه حاولت نرجع بس هو كأنه كان بيعاقبنى و طلب نتقابل وبعدين مسك تليفونى شاف شات وانا بحكى لصحابى و شتمو عليه يعنى 
اتعصب جامد وقالى انه ارتبط بيها 
وانا اتذليت له كتير عشان نرجع 
وبعدين شويه بقيت احسن 
لقيته بيتصل ويقولى ردى عليا عشان خاطرى انا تعبان اما رديت قالى انتى فعلا هتسبينى رديت قولتله لو عاوز نرجع ماشى 
وطلب  نتقابل 
نزلت اقابله كلام كان عشوائي مافيش نوايا واضحه 
قولتله هقابل ابن الحلال يعرف قيمتى 
قالى بس هتفضلى تحبيني 
قولتله لو فضلت أحبك هكون عادمه عقلى وابتدى يورينى كلام انه البنت ارتبط بيها مضايقه انه بيشتكيلها انه زعلان عليا 
و انه مضحكش م قلبه غير اما قعد معايا 
وانه هيسيب بنت تانيه دى و يفكر اذا كان يرجعلى ولا لا 
وبعدين لقيته بيساومنى 
انه عشان يرجعلى ابعد عن صحابى واشتمهم و اهينهم قدامه زى ماعملت واتكلم عليه معاهم 
ف رفضت شتمنى وشتم عليهم وقالى كانت آخر فرصه ليكى 
وبعدين تانى يوم متصل يشتم ع صحابى متهياله انهم بيضحكو عليه لكن دا فعليا محصلش 
وبعدين اتصل عليا ١٢ مرة ولقيته مستنينى قدام بيت يجى ساعتين 
بيعيد عليا عرض اننا نرجع لبعض وابعد عن صحابى لكن بأسلوب الطف واهدى 
وهو بيورينى حاجه ف تليفون شوفت صورته مع البنت 
اتخانقت معاه وقولتله مش هرجع خلاص دا آخر كلام 
حاول معايا كتير اوى نرجع رفضت 
فضل قاعدلى تحت بيت عشان انزله ونرجع قولتله كلمها قدامى 
كلمها وبلكها وقالها مش بحبك )انا اللى قولتله يقول كدا ) 
وبعدين روحت لقيتها بعتالى رساله هو بيعتذر فيها بعتهاله وبلكته 
جالى تحت بيت تانى 
نزلتله اتحايل عليا كتير اوووى 
لدرجه انه عيط 
صعب عليا وافقت 
وبعدين بقا كويس معايا لكن ابتدى يقولى فيكى عيوب لو متغيرتش مش هنكمل 
وبعدين لما قولتله جالى عريس 
زعل خالص لدرجه انه عيط 
ومعاملته اتغيرت ونسى موضوع عيوب دا 
ودلوقتي عاوز يتقدملى انا بصراحه مش مطمنه وخايفه 
وهو لما يتخانق معايا عامه 
بيشتم وبيقول ألفاظ وحشه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_64952 🇪🇬

منذ شهر واحد

شعور مكسور القلب

فشل في علاقات كتير او بمعني أوضح فعلا النصيب . والعمر بيعدي .كله خير ورضا بس ان حد يتعرف عليك علي اساس انه مطلق وبعد تقريبا ٤ شهور تكتشف انه متزوج . بعد ما تتعلق بيه او تحبه او تتعود عليه . مع العلم انه ظاهريا ملتزم دينيا والمفروض ده كان وقت للتعارف وبعدين خطوة رسمي. ازاي تقدر تثق في حد تاني وتنظف

Blueberry_62366 🇪🇬

منذ شهرين

شعور مكتئب

موضوع:

ايه اكتر شعور حسيت بيه ولايمكن تنساه أو تنسى الموقف؟

عبّر عن شعورك بشكل مجهول

لما كان سني ١٥ سنه كنت صغيره وحقيقي مكدبش عليكو كنت ابيض ي ورد وكنت منعزله تماما عن العالم كانت حياتي كلها في اوضتي وحته دراستي كانت في البيت بنزل لي الامتحانات فقط والوقت دا حصل مشاكل عائليه كتير جدا لدرجه ان انا دخلت في الموضوع وللأسف قاعدت عند جدتي فتره كبيره جدا ووقتها اتعرفت على شاب وحقيقي عوضني عن كل حاجه شفتها من اهلي وحبيتو لان كنت صغيره وكمان اول حب يعتبر وابتديت اقولو كل حاجه عني وعن اهلي وطبعا مع الوقت بقا هو كل حاجه وفي مره نزل المحافظه عندي وانا للمعلومة انا مكنتش بنزل ومعنديش غير بنتين بس صحابي المقرابين وفعلا نزلت مع واحده منهم علشان اشوفو ولكن هنا كانت البدايه ان هو مرضاش ينزلي غير لما اروح عندو وطبعا مروحتش ورجعت بيتي وكانت اول مره اشوفو كده بتعصب وكان تصرفاتو وحشه وجاه اليوم اللي بعدو نزلت وكنت عند اهلي ومروحه اخر اليوم ع البيت التاني ووقتها كلمني وصمم اني اروح منطقه معرفهاش ومع الضغط روحت ولحد انهارده انا مش قادره اروح هناك تاني لان لما وصلت كان مكان شبه مفيش ناس والوقت متأخر شويه ولما قبلتو وقتها مشينا شوارع كتير لحد ما وصلنا لشارع مفيش حد تماما ووقتها دخلني في مكان غريب وقفل عليا ومشاه لكتر من ساعه وأهلي بيرنو وكنت خايفه ارد ووقتها حسيت بي قبضه ومكنتش عارفه اتصرف لحد ما رجع ووقتها كنت اول مره اشوف حد كده وحاول ان يعتدي عليا وضربني ورفع عليا سكينه وعورني وكسر تلفوني كنت حرفيا هموت من الرعب وكنت اول مره يحصل كده وسبني امشي ولما مشيت فضل ورايا وفضل يزعق فيا وضربني تاني ووقتها جريت منو ولما طلعت ع الطريق وقفت قدام عربيه وخبتني ووقتها محستش بي الدنيا ولما فوقني كنت مش بتكلم تماما ونفسي الرجل دا اشوفو علشان اشكرو لان لوله مكنتش زماني دلوقتي بحكي حاجه وبعدين كلم اهلي وكلو كان بيدور عليا ووصلولي ووقتها اتخضو من منظري بس طبعا انا مقولتش لأهلي علي الحصل والرجل وقف جمبي من غير ما يعرف حاجه ورجعت البيت وهنا كنت طبيه اوي لان صحبتي جات عندي بعدها بي اسبوع وكان هو مكلمها وللأسف رجعت كلمتو لان بقا يهددني بي كل حاجه واخد أرقام اهلي وهددني ان لو معملتش اللي عايزو هياذيني وهيقول للأهلي وانا خوفت لان اهلي كانو شداد جدا وفضل معيشني في رعب وكان بياخد فلوس وادفعلو حق الفون بتاعو وكنت كل ما أنزل يرن ع اهلي علشان ارجع ومنزلش وكنت وقتها ايام امتحانات وسقط غي ماده بسببو وحياتي ادمرت ومكنتش بشوف النوم لان لو مردتش عليه كان بيرن ع اهلي وكانت حياتي ونفسيتي تعبانه جدا وحولت انتحر اكتر من مره ومعرفتش وقعدت شهور ع كده لحد ما تعبت ووجهتو ووقتها قالي انو هيكلم اهلي وانو مش هيخليني اشوف الشارع ويخليهم يمنعوني من التعليم وقتها كلمهم فعلا وقال عني اوحش الكلام وبعتلهم حاجات تخصني وحكلهم على اليوم اللي ضربني وعمل كل دا وقال إن انا اللي عملت كده وأهلي صدقو بس في الوقت دا انا كنت فعلا باين عليا التعب والإرهاق وكنت بصلي وادعي انو يخلصني منو ويوميها ربنا وقف معايا وأهلي حته الضرب مجوش جمبي كانو شايفين انا عامله ازاي وانا لحد يومنا هذا مقولتش الحقيقة اللي حصل وخلوني عملت بلوك ليه من كل حته وأهلي بهدلو ووقتها امي كانت أول مره تطبطب عليا وتحس اني فعلا تعبانه واني مستسلمه لي كل حاجه هتحصل فيا بس عارفين انا يوميها كنت اسعد حد في الدنيا صلت وشكرت ربنا ان خلصني منو بس انا لحد انهارده في علامه مأثره فيا ونش عارفه اتخطي اللي حصل ومبقتش اثق في حد واه عده سنين بس الموضوع مأثر فيا وحته النوم مش بنام طبيعي لسا بخاف لمة حد يرن علي اهلي ولما بشوف اي ارقام شبه رقمو بخاف وبرجع واكن في نفس اليوم تأني بخاف من الناس ولحد انهارده الموضوع دا مش بيفارقني  بس انا علاقتي بي اهلي اتحسنت ومن وقتها صحبوني وبحكيلهم وبشركهم كل حاجه والحمد لله علي كل شي وانا بحكيلكو حكايتي علشان تبقو وعيين ومتخليش حد يضحك عليكو ببي اسم الحب

Banana_61238 🇪🇬

منذ شهرين

شعور عاطفي

Strawberry_25620 🇪🇬 شكرا انك واثق في نفسك وفي امكانياتك وقدراتك وشكرا انك مش بتتجه للحرام رغم السن الصغير اللي كلو بلاوي .. ربنا يثبتك ويقويك ويعوضك خيرا منها او بيها لو ليكو نصيب ، ويرزقك كل خير وكل ما تتمنى

عرض الكل 6 نصيحة

عبّر عن شعورك بشكل مجهول

سلام عليكم انا عندي 19 سنه للعلم بالشيء فقك انا كنت في لحظة كده بفضفض لنفسي وياريت تنصحوني لو حد عنده نصيحه ودعوة حلوة ليا من قلبكم لان انا في فتره مش كويسه ابدا وبعتذر اني طولت في الكلام
عارف  انا بيصعب عليا نفسي الواحد عنده فراغ عاطفي ودي حاجة وحشة وياريتها كانت بسببي ده غصب عني بسبب اهلي الله يسامحهم التجربة اللي لسا مريت بيها اتعلمت منها حاجة هي اه حاجة صغيرة بس المهم اني اتعلمت  + اني اكتشفت وهي ان المحفز ليا دلوقتي هي ان الاقي البنت اللي اتجوزها اللي نحب بعض فيها وده مش معناه اني هنفضل نتكلم لحد ما نتجوز علشان حرام لا مجرد اكلمها بخصوص كده وهي تستناني بس كده كفاية اوي سعتها هكون بذاكر وبشتغل زي الالة غير كده مفيش والتجربة اللي لسا مريت بيها هي ان قلبي اعجب اوي بالبنت (***) والفكرة انها اعلي مني في مستوايا المادي ومش دي المشكله انا اصلا من الناحية دي مش قلقان لاني باذن الله هكون كونت نفسي اوي وهضمن حقها من النقطة دي بس الفكرة اني اكيد ومنطقي اني مش فبالها لان محصلش اي موقف اصلا وغير كده يمكن اكون من الاخر يعني مش نوعها المفضل وغير كده برضو مش اقولك لبسها وحش لا عادي بس يتحسن احسن من كده هتقولي طب دي باين عليها تافهه علشان بتنزل صورها علي السوشيال ميديا هقولك هي مش بالشكل متحكمش علي شخص غير بالتعامل وانا شايف فيها المسؤولية وشخصيتها هتقولي ليه هقولك معرفش انا حسيت وممكن كلامي يكون غلط وممكن صح بس هعمل ايه نصيبي كده كده مكتوب وانا فالحالتين مش هكلمها ولا هكلم غيرها انا لازم الاول اكون علي احسن وجه هتقولي طب ايه اللي اتعلمته هقولك اني ماعجبش ببنت واتمني اتجوزها وانا مش ضامن هي مين يعني ممكن ووراد تكون بتكلم حد تاني سعتها انا اللي هزعل فبلاش وربنك هيجبر بخاطرك ويعوضك عن اهلك بزوجه صالحه باذن الله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_53420 🇪🇬

منذ شهرين

شعور مكتئب

موضوع:

اى الخيانه إلى اتعرضتلها أو اتعرضتيلها ؟

كنت ممكن من كتر حبي فيها كنت اسامح اي نوع من الخيانه علي انهم كلهم مرفوضين بس ان يكون خيانه جسديه و فيزكال واني احس اني قليل عارف اي اللي يزعل اني رجعت بعدها وسامحتها بس الحمدلله عدي ع كلام دا اكتر من ٥ سنين

Sugar_58083 🇺🇸

منذ شهرين

شعور ممتن

موضوع:

ثانوية عامة غيرت فيك ايه؟

عبّر عن شعورك بشكل مجهول

اخيرا هقدر اتكلم في الموضوع دا 😭💔
ما علينا المهم، من وانا صغيره وانا معتمده علي نفسي، انا الكبيره ف اخواتي ف كان كل الاهتمام بيروح للي بعدي لدرجة اني حسيت ان الموضوع عادي ومش لازم يهتمو بيا (ملحوظه عندي فاينال كمان كام ساعه وقاعده بحكي في احزاني😭وربي معرف كلمه ف الماده ) نرجع تاني، معرفتش قيمة الاهتمام غير ف ٣ث او من قبلها بشوية كانو صحباتي دايما يحكولي ماما بتعمل معايا كذا وبابا بيعاملني كذا ف طبيعي ابدا ابص لحياتي والتعامل فيها بيكون ازاي، دا بعيدا عن اللي مريت بيه في حياتي عامة، نيجي بقي لموضوع ٣ ، صراحة كنت بادئة صح دروس بحضرها مزاكره بزاكرها ، مفيش مواد متراكمه مش بسيب فرض، علاقتي بربنا كويسه، مفيش علاقات محرمه و و و و.... الخ بقي. 
طبعا كنت متوقعه معامله تانيه من اهلي، ويكون في اهتمام بقي، لكن لا مفيش اي دعم معنوي نهائي ارجع من الدروس تعبانه وهلكانه مفيش عملتي اي حصل حاجه انهارده، في حاجه مضيقاكي، دا لدرجة ان ساعات كنت برجع هموت من الجوع وملاقيش ماما عملالي اكل، وفي نفس الوقت اخويا اللي بعدي ييجي من برا تكون مجهزاله الاكل والشاي وكل حاجه، كل تصرف نتج منهم كان بيأثر فيا جامد وكان بيشكل حاجه جديده في نفسيتي، لدرجة اني بدات ادور علي الاهتمام من مدرسيني، الحمد لله كنت متميزه دايما ومتفوقه، ومدرسيني كلهم عارفيني ودي كانت اكتر حاجه مشجعاني او بتخلي عندي ثقه بنفسي، ف وصلت لمرحلة اني بزاكر علشان المستر يقول عليا كذا لا ويشكر فيا ويتباها بيا قدام السنتر كله، ولو دا محصلش او اتباها او شكر ف حد تاني كنت بزعل جدا ونفسيتي بتتأثر اوي (السبب اللي ضيعني ف ثانويه اخيرا اعترفت بيه) جيت لحد نص السنه كدا قبل نهاية الترم الاول كنت ضايعه فيزيا حرفيا ضايعه واكتر ماده كنت بهتم بيها وازاكرها احياء في الوقت دا كنت انا وكذا حد من صحباتي المهم بدانا نغير السنتر والمستر اللي كنا بنحضر عندهم البيست فريند راحت عند اتنين مختلفين واتنين تانيين من صحباتي راحو عند مدرس تاني والكل اتفرق عند مدرس شكل وانا اختارت اني اخد اونلاين، الحمد لله الموضوع كان ماشي معايا فل وقدرت الم جزء كبير من اللي كان ضايع مني لدرجة كان المستر في الفصل الرابع وانا كنت لميت الاول والتاني ونص التالت وكمان يومين ولا حاجه هكون وصلت للرابع حرفيا مكونتش بنام، بس جينا بعدها اتجمعنا في سنتر تاني البيست سالتني عامله اي ف الفيزيا قولتلها كل اللي حصل بقي قالتلي بقي انا باخد درسين ومش عارفه المها وانتي بتاخدي اونلاين ولمتيها والحمد لله من بعدها وعينك متشوف الا النور فضلت اسبوع مفتحش فيزيا والمستر كان وصل للسادس وانا خلاص حرفيا ضعت حتي اللي لميته اتنسي اختارت اني انزل سنتر تاني بقي ونزلت وفضل الحال كما هو عليه ودخلت امتحان فيزيا ثانويه عامه بفصل اول وتاني وجزء بسيط من الحديثه 😂 تخيلو فيزيا ثانوية عامة انا قادره بالله بس الحمد لله عديت فيها وكنت خايفه لاشيلها بصراحه بس الحمد لله. 
هحكيلكم موقف تاني برضو عن اللي كانت البيست دي، كان علينا ف يوم شامل احياء المهم كان في باب الهرمونات مش مظبوط معايا اوي وفي الامتحان في سؤالين وقفو معايا من الباب دا ف راجعتهم معاها طلع واحد صح والتاني عدلته منها وقت النتيجه بقي انا جبت اعلي منها قالتلي بنفس النص كدا -يعني انا اغششك وتجيبي اعلي مني؟- اليوم دا كان الفيصل بيني وبينها وقررت اني اقطع معاها مع ان كان في مواقف زباله كتير قبلها بس كنت بعدي علشان بجد كنت بحبها اكتر من نفسي وبعتبرها زي اختي بالظبط، بس في المقابل عي كانت معتبراني عادي اه قريبه بس مش اللي هو انتي ، كدا يعني . 
ندخل بقي للترم التاني بدات اراكم كتير ومبقتش اروح سنتر الانجلش والدنيا كلها باظت معايا حتي الاحياء اللي كنت محافظه عليها من اول السنه جيت عند ال DNA, RNA وراكمت والدنيا باظت علي الاخر  ، جيت بقي علي اخر ٣ شهور قعدت من معظم الدروس او كلها وتابعت اونلاين، العربي كان ضايع من اول السنه الحمد لله لميته كويس اوي ف ال ٣ شهور دول وجبت فيه ٧٢ من ٨٠ والكيميا نفس النظام بالله كنت بقول هشيل كيميا طول السنه بس اخر ٣ شهور لميتها و جبت فيها ٥١ ازاي انا مش عارفه بس كرم  ربنا والله ، والمواد الباقيه بقيت بمشي الدنيا كدا والموضوع عدي بكل اللي مريت بيه في السنه دي واللي محدش يعرفه او حس بيه غيري واللي ربنا شاهد عليه واني جيت علي اخر شهر قولت مش عاوزه اجيب حاجه بس اخلص منها بالله نفس اللفظ كدا، نيجي بقي ليوم النتيجه بالله يوم يضحك 😂 كان يوم فرح بنت عمو كنا ف القاعه وانا عامة قاعده قلقانه عارفه ان النتيجه هتظهر ومكانش معايا داتا والله 😂 بفتح الداتا بالصدفه لقيت في نت والاقي واحده من صحباتي بعتتلي النتيجه والحمد لله مكانتش حلوه بس حمدت ربنا طبعا ورضيت، بابا لما عرف قال يلا نروح وكانو زي اللي ميتلهم ميت، هقول دلوقت اكتر حاجه جرحاني في حياتي ومش ممكن اتخطاها ابدا، لما روحنا احنا طلعنا وبابا كان بيركن العربيه كنت قعدت وهديت وبدات اشوف الدنيا طلع مسالنيش عن نتيجتي لا سالني عن نتيجة واحدة صحبتي (صحبتي دي كانت البيست بتاعتي في اعدادي و١,٢ كنت برتب اعلي منها جت هي ف ٣ طلعت الاولي ع المدرسه وانا مرتبتش،ف من يومها وبابا مش شايف غيرها) المهم كان مجموعي اعلي منها ف متكلمش وقال يلا نامي، حكمة ربنا لو بجد كانت جابت هي اعلي مني كانت هتبقي حياتي جحيم اكتر ما هي اصلا، معاملتهم ليا بقت وحشه اوي بقيت بحسهم بيكرهوني،ماما طول السنه كانت بتفضل تقولي لو مجيبتيش مجموع هعمل واخلي واسوي فيكي،حتي وقت الدراسه كانت ساعات بتخليني اساعدها كانت رافضه بتاتا اني معملش حاجه واجي مثلا اخد بريك او افصل وامسم الفون تزعقلي وتقولي بدل ما بتلعبي قومي ساعديني،وبابا يقولها هي اصلا مكانتش بتزاكر (اللي هو يجماعه انتو متعرفوش حاجه عني غير اني بنتكم،المواد بتاعتي مكانوش يعرفوها السناتر المدرسين مواعيد دروسي كل دا بالله مكامو يعرفو حاجه عنه،حتي الدعم مفيش غير الدعم المادي ) اهلي قصرو؟! اه قصرو من وجهة نظرهم هم صح ومقصروش في حاجه بس هم ميعرفوش غير الجانب المادي،انا حاليا كارهه حياتي بسببهم وبسبب تفكيرهم وعاداتهم وتقاليدهم (مش عاوزه ادخل في الجانب دا دلوقت خلينا نرجع للي حصل بعد النتيجه)مش هنكر اني كنت زعلانه بس حق ربنا منزلتش دمعه واحده لاني نفسيا كنت زعلانه لكن عقلي كان رافض يصدق دا وكان دايما بيبينلي اني تمام، لغاية ما النفسيه بينت الحقيقه وشي باظ وشعري باظ وجسمي باظ كل حاجه اتدهورت ، جه معاد الرغبات، انا الحمد لله طموحي مكانش طب بس كنت عاوزه علشان بابا واهلي وكدا، كنت حابة ادارة الاعمال من زمان اوي ودايما كان نفسي اني اكون بيزنيس وومان وكل اللي يعرفوني عارفين كدا الا اهلي سبحان الله،حتي لما جيت علشان اختار الكليه ماما قالتلي انسي الخاص مع ان نقدر عليه عادي، حرفيا اصحابي كلهم دخلو طب خاص اللي دخل صيدله واللي دخل اسنان واالي دخل بشري واللي دخل علوم صحيه و و و،بس باين كدا اني ف نظرهم مستحقش بس الحمد لله دخلت تجاره ولقيت قسم جديد فيها متخصص محاسبه وادارة اعمال بس ف دخلته مع انه مكانش في خطتي بس طبعا ترتيب ربنا (هبقي اتكلم عن الكليه بعدين ) 
الخلاصه اللي عاوزه اقولها، ان ثانويه عامة بالنسبالي كانت مدرسة الحياه عرفت نفسي كويس اوي وبنيت شخصيه كويسه اوي ومبقيتش اشوف غير نفسي اتأذيت اه اتأذيت بس نتيجة الأذي حاجه حلوه ف في النهاية حابه اقول الحمد لله ❤

Cherry_56217 🇪🇬

منذ شهرين

شعور ضائع

موضوع:

اتعرضتي للتحرش قبل كدا؟ وعملتي ايه وقتها؟

كنت 8 سنين وكنت مسافرة محافظة تانيه مع اهلي والدتي واخواتي بس ولاني البنت الكبيرة فقعدت فكرسي لوحدي جمب ناس غريبه ووالدتي واخواتي مع بعض فكنبة كان قاعد جمبي شابين واللي جمبي فضل يتكلم معايا ويهزر لغاية ما لقيت ايده على رجلي من فوق وبيدخل صوابعه تحت هدومي الداخليه وفضل يحسس عليا انا وقتها مكنتش فاهم

Chocolate_41492 🇪🇬

منذ شهرين

شعور مرتبك

موضوع:

لو رجع بيك الزمن هتحب نفس الشخص تاني؟

كانت تجربة مؤلمة أوي أوي أوي يمكن جزء مني لسا مش قادر يتخطاها بس يمكن بردو الطبيعي إننا مانتخطاش بالكامل ويفضل فيه جزء صغير جوانا متأثر مش عارفة بجد هل هحب نفس الشخص تاني ولا لا بسأل نفسي السؤال ده كل فترة مش بلاقي إجابة مش عارفة أندم وفي نفس الوقت مش عارفة أحس بالتشافي يمكن لأنها تجربة مؤلمة زياد

Peanut_56462 🇪🇬 فعلا اللى حصل حصل لكن اهم حاجه التقبل والتأقلم مع الموضوع ومعتش اديلو اكبر من حجمو علشان ميأثرش فى نفسيتك اكتر

عرض الكل 11 نصيحة

Apple_4481 🇪🇬

منذ 3 أشهر

شعور متعب

انا كنت مخطوبة قبل كدا. اتعرضت للخيانة والغدر ف تجربتي الاولانية ولانه للأسف قريبنا ف بضطر اشوفه وللأسف اوقات بتعامل معاه حاليا انا داخله ع جواز من شخص كويس جدا الحمد لله بس حاسه اني مش عارفه اسامح نفسي اني دخلت الشخص دا حياتي ف يوم وخلاني شخص مش قادر يدي مشاعر او دايما حاسه ان في حاجات ناقصة مشكل

Popcorn_53178 🇪🇬

منذ 3 أشهر

شعور سعيد

موضوع:

حاجة اثرت فيك

أكتر حاجة أثرت فيا كانت لما مرّيت بفترة ضيق شديد بعد ما خسرت شغلي ومكان كنت حاسس فيه بالأمان، وحسّيت إن الدنيا كلها وقفت معايا. في الوقت ده فَطَّنت إن نعمة الفرح والاستقرار مش دايمًا مضمونة، وعرفت قيمة الصبر والرضا. زي ما ربنا قال: ﴿فَصَبْرٌ جَمِيلٌ﴾ (يوسف: 18) وفي الحديث: «عَجَبًا لأمر المؤمن، إن أ

Blueberry_35639 🇯🇴

منذ 5 أشهر

شعور لا مبالٍ

موضوع:

ازاي اكتشفت غدر الي قدامك

كانوا صحاب عمري او هو ده الي كنت فاكراه صحبة من ٦ سنوات تقريباً وكنت بفكر انه بحبوني واني محبوبة اكتشفت بيوم انهم بيحكو عليا من ورا ظهري وكلام زي السم وعرفت من اقرب حد فيهم ليا وبعد فترة اكتشفت انه الي قالي هو كمان اسوء منهم وكانت تبريراتهم غبيه وعملو اسوء اشياء ممكن تنعمل ل حد مصاحبهم من ٦ سنين عشر

Sugar_44866 🇪🇬 بص دا غل من صحابك وحقد عليكي كبري دماغك منهم وحولي تنسيهم وكويس انك عرفتيهم علي حقيقتهم وابعدي عنهم خالص واتقدمي في حياتك وطوري من نفسك علشان تعرفيهم انهم فقدو حاجه ثامينه اوي

عرض الكل 2 نصيحة

Coffee_65855 🇪🇬

عايزه حد يسمعني ميكنش عارفني و ميحكمش عليا

حاسه اني وصلت ل مرحله وحشه اوي انا حتى مبقتش بعرف اعيط دماغي بتعمل سكيب للمشاكل بس الحقيقه انها بتفضل جوايا مليت من فكره اني بتكلم مع نفس الناس كل مره و كل مره محدش بيفهمني و برجع احاول كإن النتيجه هتختلف عايزه اتكلم مع حد ميكنش عارفني عايزه حد ميحكمش عليا عايزه حد يكون عنده استعداد يسمع حتى لو مش فاهم مش عايزه نصايح عايزه بس حد يسمعني و يحس بيا ...عرض المزيد

1 الدعم

23 نصيحة

Sugar_74919 🇪🇬

مش عارفه أي حاجة ونا تعبانة

مش عارفه.. بس أنا تعبانة، ومش عارفه أتبسط! أنا مش عارفه أي حاجة.. ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

28 نصيحة

Sugar_74427 🇪🇬

بحب علم النفس والتاريخ والقراية وأقابل ناس مش بتفكيري

مساء الخير ،، حد هنا مهتم بعلم النفس او التاريخ او القراية عموما والكتب والروايات وكدا انا بحب المجالات دي جدا جدا واكيد هحب اتعرف علي اشخاص تفكيرهم قريب منى ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ...عرض المزيد

5 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع