عقدة النحافة والتنمر علي جسمي من وانا صغير

Question

من وانا عيل صغير واهلي كلهم بيتنمروا ع جسمي اني رفيع ودي حاجة عملالي عقدة نفسيه ولحد دلوقتي بحاول اتعالج منه انا وزني 65 والناس كلها بتتنمر ع جسمي وان خفيف ووزني قليل ع علم عندي 21 ومعرفش اعمل ايه جربت اخد ادويا جابت نتيجة بسيطة جدا بس كنت بتعب بعدها ف بطلت ولحد دلوقتي مش عارف ابطل احاول اتخن او اتعالج من القعدة دي

Coffee_27700 🇪🇬 · Accepted Answer

أنا كنت نفس المشكلة وعالجت الموضوع بالالتزام مع دكتور تغذية كويس والالتزام في الجيم

Banana_38314 🇪🇬 · Answer

بص يسطا ان والله زيك بس فكك من اي حد اهبل يقول عنك حاجة بل عكس المفرود تبوص لي الجانب المشرق انك مش بتتخن بسهولة كل و اشرب و كل كتير في اي وقت انت عيزو يعني المفرود تكون مبسوط يعني حاول متخليش كلام الناس يئثر عليك علشان عمر ماكان كلام الناس حلو... يعني كان مرة واحد غني و معاه فلوس كتيرا قعدو يقولو الناس ان الفلوس هدغيرك و هتخليك وحش و نفسيتك هتبقا و حش فا فكك من كلام الناس و احمد ربنا.

Avocado_40429 🇪🇬 · Answer

انا نفس المشكله بس دلوقتي في فترة علاج بس مش معني كدا اني مكنتش بحب وزني الطبيعي لا بالعكس انا متقبله نفسي ف كل حالاتي بحاول متاثرش بكلام اهلي عن وزني وعايشه حياتي كويسه لان عندي الحرق عالي ودي حاجه مش بايدي انا بس حبيت اتخن شويه كـ تغيير واني خسيت كتير بسبب شويه زعل المهم متتاثرش بكلام اهلك ولو شايف انك محتاج تتخن شويه اتخن علشان انت عايز كدا وعايز تشوف نفسك بصوره احسن حاول تتابع مع دكتور تغذيه.

Cheese_40374 🇪🇬 · Answer

المشكله ان دراستي والظروف منعاني من ده معنديش وقت لكل الحاجات دي أخري دوا بطعم"البرتقال" طعمه فالاخر مسمار مصدي

Cheese_40374 🇪🇬 · Answer

طبعا الحمدلله بس نفسي كل واحد عنده كلمة فزوره يخليها بقى عشان الناس تعبت بجد

Watermelon_28759 🇪🇬 · Answer

صدقني لو عايز تحسن جسمك حسنه عشان نفسك مش عشان حد .. حاول تروح جيم واظبط صحتك .. لو صحتك كويسة يبقى طظ في شكل جسمك او رأي الناس .. لو عايز تتغير يبقى عشانك انت

Strawberry_38537 🇪🇬 · Answer

محدش عجبه حاله ولا المليان ولا الرفيع المشكله في الرضا والثقه بالنفس 
لازم يكون  عندنا ثقه ف نفسنا اكتر من كدا

Sugar_38508 🇪🇬 · Answer

انا 21 سنة برضو بس العكس اهلي بيتمرو عليا وبيقولولي خسي وزني 75 ونفسي انزل ل60 على الاقل