تنمر-165 related problems found

تنمر

Blueberry_54594 🇴🇲

منذ 18 ساعة

شعور قلق

عندي مشكلة واحتاج إلى المساعدة فعلًا 😕 ‏ ‏قبل 6 اشهر تقريبا تعرفت على بنت في احد الالعاب ، كل شيء كان طبيعي لكن بعد مرور الأيام عرفت أن هذي البنت تحتاج فعلا إلى مساعدة . ‏عرفت انه امها وأبوها متوفين ( رحمهم الله ) هي عايشة مع إخوانها الخمسة وجميعهم ذكور وهي السادسة بينهم ، وأيضا هي اصغر فرد من ال

عبّر عن شعورك بشكل مجهول

عندي مشكلة واحتاج إلى المساعدة فعلًا 😕

‏ ‏قبل 6 اشهر تقريبا تعرفت على بنت في احد الالعاب ، كل شيء كان طبيعي لكن بعد مرور الأيام عرفت أن هذي البنت تحتاج فعلا إلى مساعدة .

‏عرفت انه امها وأبوها متوفين ( رحمهم الله ) هي عايشة مع إخوانها الخمسة وجميعهم ذكور وهي السادسة بينهم ، وأيضا هي اصغر فرد من العائلة وعمرها حاليًا 15 سنه . 
 
 تعرف شعور انك تكون بين خمسة أشخاص لا احد يعرف شعورك ‏أو يفهم عليك وانت الاصغر بينهم يحسسك بالوحدة والحزن 😞

لكن ما هذه هي المشكلة الوحيدة ، وصلت إلى مرحلة من الحزن لدرجة أنها تجرح نفسها 😰
‏وهذا بحد ذاتها امر خطير ، واغلب اليوم تبكي بدون سبب واضح 😔 ، وتقول انها ممكن تنتحر في اي وقت 😰 وانا خايف من هذا ولا اقدر اسوي شي 😓

كما عرفت من من احد اخوانها انه يغمى عليها في اغلب الاحيان ، وهذا بسبب قله الاكل والشرب ☹️

عانت من التنمر من قبل أصدقائها ، ولهذا هي بدون أصدقاء ، وترفض تكون اصدقاء .

وانا خايفة عليها وبالذات على صحتها النفسية ، قالت انه قبل سنه ونص من الوقت الحالي بدا يصير لها موقف غريب ، بدأت تسمع أصوات امها وابوها لما تكون وحدها في البيت ، وهذا امر خطير 😔

حاولت اساعدها بكل الطرق ، حولت اقنعها بتكوني صداقات لكن رفضت ، حاولت أقنعها بعدم جرح نفسها لكن بدون فايدة .

احتاج نصيحة ، كيف اقدر اتعامل معها او كيف ممكن اساعدها .

‏

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_54958 🇲🇦

منذ 3 أيام

شعور مكتئب

مشكلتي مع الخجل او ما يصطلح بالرهاب الاجتماعي ، اريد مساعدة منكم ، آراؤكم ، نصائحكم… متزوج من تلات سنوات ، غير مقتنع بالطب النفسي لأنه يعطي ادوية و مسكنات فقط و ممكن يكون لذلك تاثير سلبي على اشياء اخرى. منذ كنت طفلا نشات و انا اسمع ان ابي كان خجولا و لم يعد كذلك. طفولتي كلها و انا اعاني من الخجل لكن

Popcorn_52662 🇪🇬

منذ 4 أيام

شعور مكتئب

انا عارف كل وحد ليه رزقه بس انا عندي سؤال ليه دايما الناس اللي اذتني حياتهم بتمشي حياتهم زي الفل واحنا اللي ممكن يعني احسن منهم يعني بنعاني يعني انا مثلا واحد زملي اتنمر عليا وانا صغير كتير ممکن اقول جاب لي عقده نفسيه ومش عارف أصحاب اللي في جيلي ده انا دلوقتي ما عنديش صحاب مش عارف اكون صحاب ولا عرف

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Banana_52200 🇪🇬

منذ 6 أيام

شعور محبط

انا عندي ١٥ سنه و الحفظ والاستيعاب والفهم وبقيت انسي كتير و بقيت بمسك الفون بتاع 14 ساعه في اليوم ومش قادر اطور نفسي ف اللغات او برمجه ....الخ ومبقتش عارف انا تعبان من ايه وخسرت ناس في الفتره الي فاتت واتنصب عليا ف مبلغ كبير ودخلت اكتئاب وفي الامتحانات الي فاتت كنت متوتر جامد و كل م احل سؤال احس انه

Hazelnut_52786 🇪🇬 اولا : سيب موبيلك في اي درج مقفول وادي المفتاح لاي حد في البيت . في دروس وبرامج وتعلم لغات في اليوتيوب نزلها واشتغل علي نفسك وبالتوفيق باذن الله

عرض الكل 3 نصيحة

Mango_53608 🇪🇬

منذ أسبوع واحد

شعور متعب

موضوع:

مشاكلك في الشغل

أنا بحب شغلي جدا ، بس الناس الموجودين معايا ف الشغل مكفريني في عشتي ومحدش بيعجبه حاجه ، نمشي صح يقولوا لا امشي غلط ، امشي غلط يقولوا امشي صح ، وبصراحة مابقيتش فاهم حاجه خالص ، حاسس إني شغال مع عالم مؤذيه نفسيا ، معايا كذا حد بحكم أنهم اعلي مني في الترتيب الوظيفي ف حابب أقول إنهم ابضن خلق الله وكل وا

Tomato_53529 🇪🇬

منذ أسبوعين

شعور مكتئب

عبّر عن شعورك بشكل مجهول

انا خلاص ابتديت اتجنن ودخلت علي اني الحد نحمي قصتي انا كنت طفل نفسه يبقي محبوب وعنده اصحاب ولكن عمر ما ده حصل اتعرضت للتحرش وانا طفل وبقيت مهزوز اهلي دائما كانوا بيضغطوا عليا اني ادافع عن نفسي بالعافيه لازم اشتم وتضرب وانا كنت بعيط اني ضعيف مقدرش ابدا اعمل ده كلام زي السم كنت يعيط مع نفسي كتير احلامي وانا طفل يا تحرش يا كوابيس بشعه كبرت وصلت لسن الاعدادي ودخلت كوميونتي جديد الي هناك اسقبلوني في الاول بالترحاب لكن فجاة لاني طيب وبحب اسمع الناس وابين حبي ليهم انفهمت غلط ومبقوش يتعاملوا ابدا معايا ولا جيت اتكلمت فهموني اني غير مرغوب فيا ابدا عيشت حياتي لغايه دلوقتي في التنمر علي كل حته فيا  ومن يومين كنت قاعد وافتكرت حد بحبه مات قعدت ابكي وبعدين بصيت للسماء وقولت لربنا انت عارف انا بضحك لاني مش مستغرب الكل اصلا خذلني جت عليك انت بجد احب اقول باي انسان اذاني انا مش مسامحك ابدا لانك كانك كنت قابض فلوس انك تضايقني انا بس جماعه بقا عندي خوف ورهاب ملهوش سبب ابدا تعبت بقيت مهزوز اي قاعده بقعد فيها بحسهم محتقرتني هو بجد ليه انا مش محبوب برغم اني تقريبا عملت كل شي لاجل اسعد غيري وليه مخذول سعات بهلوس وبقعد اعمل سيناريهوات في دماغي واتفاعل معاها حتي لما بسمع اغاني هو بجد انا وحش وبقيت بكلم نفسي  محدش يقولي حب نفسك لانها جمله مستحيله جدا احبها ازاي وهي عمرها ما سابتني من غير ما تجلدني احبها ازاي وهي السبب في كل ده انا بتمني اني اموت وارتاح من البشريه كفايه حتي لما حبيت فجاة هي قررت تمشي طب مشاعري الي راحت دي عارفين ولله مبقتش مستغرب من حاجة الدنيا بقت شبه السجاره بقت بتديك الوحش زي الدخان  وانت بتشربه وتهلك نفسك

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_52562 🇪🇬

منذ 3 أسابيع

شعور لا مبالٍ

بعد جدال بيني وبيني انا وانا اتفقنا وقررت اكتب دا من النوته الشخصيه (نزلته قبل كدا من فتره) هل في منه فايده معرفش هل مستني منه فايده برضو معرفش اديني بتسالا جالي فلاش باك شريط حياتي كلها عدى قدامه اكتشفت ان انا عشت حياه لو حد تاني عاشها كان جاله توحد واكتئاب وكل الامراض النفسيه عشان كدا قررت احكي ل

عبّر عن شعورك بشكل مجهول

بعد جدال بيني وبيني انا وانا اتفقنا وقررت اكتب دا من النوته الشخصيه (نزلته قبل كدا من فتره)
هل في منه فايده معرفش هل مستني منه فايده برضو معرفش اديني بتسالا

جالي فلاش باك شريط حياتي كلها عدى قدامه اكتشفت ان انا عشت حياه لو حد تاني عاشها كان جاله توحد واكتئاب وكل الامراض النفسيه عشان كدا قررت احكي لعل وعسى حد يستفيد انا تقريبا عديت بكل المشاكل اللي اي انسان ممكن بمر بيها مش تعظيم ف نفسي ولا بقول ان انا مظلوم ولا كل الكلام دا 
اولا التنمر انا ممكن اكون اكتر انسان تشوفه ف حياتك اتعرض للتنمر سواء على شكل جسمي طولي شكل سناني ومع ان لون بشرتي ابيض الا اني كنت بتعرض للتنمر عليها برضو والتقيله كمان ع اسمي كل دا وانا طفل عنده ست سنين من اول ما دخلت مدرسه وانا بتعرض للتنمر 
نبدا اول حاجه بجسمي انا كنت نحيف وقصير جدا يعني كان الواحد اللي ف سني قدي مرتين طول وعرض وهاتك بقا تنمر من الاطفال اللي ف سني ايدا انت اوزعه عود قصب خله سنان وكل الكلام دا وانا كنت بقابل كل دا بوجه مبتسم عادي جدا ولا كأن في حد بيتكلم مع ان انا طفل المفروض اروح اعيط لامي واشتكيلها بس سبحان الله كنت عادي جدا وواخد الموضوع ببساطه وبالعكس انا كنت بحاول اتخن مش عشان التنمر ولا عشان ارضي حد كان عشان نفسي انا مكانش عاجبني شكل جسمي بس لنفسي اي حد ملوش دعوه بشكلي وزود عليها ان انا مولود باسنان معووجه او منحنيه لجوه كل سناني معووجه وفي فرق بين اسناني اللي قدام وتنمر عليها بردو بس دي انا كنت بقول هعمل تقويم لما اكبر عادي 
لون بشرتي ابيض عادي جدا وكان شعري دهبي كمان بس بسبب جهل الاطفال اللي معايا ومن غبائهم كانوا بيتنمروا عليا مع ان اي حد هيقول دي حاجه جميله الا ان دول تنمروا بمعنى كان لما حد يشوفني يقولي انت عامل زي البنات وانت بنت اجنبيه وعامل زي الاجانب وانا كنت بقابل الموضوع ببساطه وبالعكس كنت بقول دا هما متغاظين المشكله اللي بيتنمر دا كان شعره اكرت وسنانه صفرا وبشرته سوده ( طبعا مع احترامي لاي شخص بشرته سوده او غامقه دي مش حاجه تعيب فيك بالعكس انت ممكن تكون اجمل مني عادي ) انا بتكلم ف مبدا ان انت اصلا مختلف عني يعني ممكن اتنمر عليك عادي بس عشان انا محترم وعارف ان انت زيك زيي عند ربنا وخيركم عند الله اتقاكم مش ابيضكم بشره مكنتش بعلق ع شكل اي انسان 
كانوا بيتنمروا ع طولي حتى بعد ماكبرت بقوا يقولوها بصيغه هزار  يعني مثلا وانا كبير بنت عمي كانت مخطوبه جديد ف بتقول خطيبها بهزار كدا تدي دا كام سنه قالها رابعه او خامسه ابتدائي وانا ساعتها كنت داخل ثانوي شايف الفرق الكبير ف السن اللي هو شايفه لو اي حد اتقاله الكلمه دي هيشيل جواه ويكره حياته انما انا خدتها عادي جدا 
نرجع تاني لما كنت طفل انا دخلت تلت مدارس وانا ف ابتدائي مش بسبب التنمر القصه ان انا مولود ف 12/2007 تقديم المدرسه بيقبل من شهر 10 يعني كدا انا المفروض اقدم ان انا 2008 واضيع العشر شهور دول او بمعني اصح اضيع السنه كلها ابويا طلع عينه معايا انه يدخلني السنه دي وقعد يلف لحد ما توصل لحل وهو انه يقدملي ف مدرسه ف بلد تانيه بعيد ويقدم طلب ان انا ادخل المدرسه القريبه مستمع( مستمع يعني مليش بسكوت ولا كتب ولا ليا اي علاقه بالمدرسه بحضر الحصص فقط ) الكلام دا كان ف اولى ابتدائي اول يوم مدرسه عدى عادي تاني يوم بدا تسليم البسكوت للاطفال وانا طبعا قاعد ف الفصل جه العامل اللي بيسلم البسكوت اداني كيس زي باقي الاطفال وانا ساعتها معرفش ان انا مليش بسكوت طفل فرحان وتيجي المدرسه وتروح واخداه من ايدي وتقوله لا دا مستمع ملوش بسكوت زعلت اوي ساعتها طفل صغير فرحان بالبسكوت روحت البيت وتقريبا دي كانت المره الوحيده اللي اشتكيت فيها لامي روحت اترميت ف حضن امي وقعدت اعيط بحرقه طفل صغير وحكيتلها الموقف قالتلي متزعلش المدرسه التانيه هتبعتلك البسكوت بتاعك طبعا مفيش بسكوت ولا حاجه بس انا فرحت المهم جيت تاني يوم روحت خالتي قابلتني وقالتلي خد البسكوت بتاعك اهو من المدرسه التانيه ( خالتي ساكنه معانا ف نفس البلد وجنبها مدرسه ازهر وانا كنت مقدم عام بقت تشتريلي كيس البسكوت من الاطفال اللي ف المدرسه الازهر وتقولي خد بعتينلك دا) وانا كنت بفرح اوي ساعتها ربنا يجازيها خير زي مكانت بتجبر بخاطري كل اللي كان مضايقني ساعتها ان انا عمي مدرس ف نفس المدرسه وابنه قدي وقاعد جنبي كان ييجي يديه بسكوت زياده للبيت وانا ولا كأني قاعد جنبه 
المهم انا كنت مقدم ف المدرسه البعيده دي وبروح هناك ساعت امتحانات الفاينل بس المدرسه دي كانت ازهر يعني دينيه بيدرسوا قرءان وكدا  وانا كنت بحضر ف مدرسه عام يعني مش حافظ قرءان جت امي ربنا يخليها حفظتني قبل الامتحان وعدت الحمد لله كل دا وانا ف اولى ابتدائي

ندخل بقا ع تانيه ابتدائي المدرسه الازهر اللي جنب خالتي فتحت تقديم صغار السن يعني بيقبلوا صغار السن عادي ابويا قدملي هناك طبعا وانا كنت داخل المدرسه مش عارف حد ولا كان عندي صحاب  خالص كنت متوحد وانطوائي وكنت صاحب نفسي كنا لما تطلع بريك كنا ننزل حوش كدا واللي يلعب مع صحابه واللي ياكل معاهم وكان مسموح لينا نخرج برا المدرسه عادي بس نرجع تاني اول ما البريك يخلص بحكم ان انا مليش صحاب هقد جوا ليه المهم المدرسه كانت ملحقه بمسجد كبير كانوا الاتنين لازقين ف بعض وانا كنت اطلع الف لفه حوالينهم والبريك يخلص وادخل تاني وجه اليوم اللي صاحبت فيه اول صاحب ليا انا كنت اول مره اقف ف الحوش ف البريك وما اطلعش برا وجم شويه ولاد اكبر مني ب حاولي تلت او اربع سنين بيتريقوا عليا وانا طنشتهم وجه واحد يضايقني وضربني بالقلم كان ساعتها الولد اللي بقا صاحبي دا واللي اسمه خالد مكانش واقف معاهم بس جه على لحظه القلم وجه وزعق لصاحبه واتخانق فيه وجالي صالحني وقعد معايا ساعتها مكونتش عايز البريك يخلص عشان افضل قاعد معاه المهم اتصاحبت عليه وبقيت اوقات امشي معاه وانا راجع البيت كان صحبي اوي ربنا يجازيه خير لسه عارفه لحد النهارده 
جه بقا اليوم اللي غير حياتي 180 درجه احنا الفصل عندنا كان 20 طالب يعني كان صغير بس انا مكنتش مصاحب حد المهم كنت ف البريك وخالد غالبا كان غايب وجم تلت ولاد اكبر مني بسنه كانوا بيجروا ورا بعض وواحد شدني وقعني على الارض وانا تلقائيا شتمته او زعقتله الواد معجبهوش الكلام قام جاي هو وصحابه عايزين يضربوني وانا افجرت مع اني هادي جدا جدا بس مسكت التلاته ساعتها كلتهم علقه لحستهم تراب الحوش وطلعت اجري على الفصل ولاول مره اعيط برا البيت قعدت اعيط بحرقه جامد اوي وكنت حاطط راسي على الديسك وبعيد فجاه سمعت صوت حولي برفع عيني لقيت العشرين واحد اللي معايا فالفصل ملمومين عليا وسمعتهم بيقولوا هنقول للاستاذ متخافش ساعتها فرحت اوي من قلبي ان في حد بيطمني واللي فرحني اكتر ان هما عارفين اسمي ولقيتهم راحوا جري ندهوا المدرس وقالوله الحق حذيفة بيعيط ولحسن الحظ نفس المدرس كان عليه الحصه دي لنفس الفصل اللي فيه التلت عيال خدني من ايدي وقالي شاولي عليهم وكمل عليهم ضرب ساعتها فرحت اوي ان العيال اللي معايا ف الفصل عارفيني ومن ساعتها بدات اتعرف عليهم كلهم واتصاحبت عليهم بس بردو التنمر مسابنيش ف حالي 
زي ما قلت انا اسمي حذيفة على اسم الصحابي حذيفة بن اليمان رضي الله عنه
انا ابويا شيخ واحنا عيله متدينه الحمدلله وكل اسماءنا انا واخواتي اسماء الصحابه رضي الله عنهم 
( حذيفه، بسام، اسماعيل، جويرية، معاويه، وماريه )
كنت بتعرض للتمر بسبب اسمي انا كنت الوحيد ف البلد اللي بالاسم دا كان بقا اللي يقول دا اسم بنت والي يقول زوحليقه حفيزه وحاجات كتير كدا المهم انا اللي مستغربه من نفسي دلوقتي هو ان انا عمري ما اشتكيت لامي من  تنمر على اسمي لان انا مكونتش بتضايق اصلا يعني سبحان الله مع اني طفل الا ان انا ايماني كان قوي كنت بقول مانتوا جهله ازاي مسلمين ومش عارفين الصحابي حذيفة وكنت بقول الكلام دا لاي حد كان بيتريق حتى ان في مدرس اتريق على اسمي وقولتهاله بالنص انت ازاي مسلم ومش عارف الصحابي حذيفة بن اليمان المدرس تنح واتكسف ومن ساعتها مقدرش يتتريق على اسمي مع ان انا وغيري وناس كتير جدا شايفين ان اسمي من اجمل الاسماء اللي ممكن طفل يتسمى بيها 
انا دلوقتي 17 سنه ولحد دلوقتي بقابل ناس جاهله كتير مش عارفين الاسم وبيتتريقوا حتى وانا بحجز الدروس في مدرس بيستظرف وبيقولي انت متاكد انك ف اولى ثانوي( لما كنت لسه ف اولى ) وبيضحك ع اساس انه يضحك الاسيستنت وكدا قومت كسفته وقالتله اه قالي دا جسم واحد ف اولى ثانوي قولتله اه تحب اجيبلك شهاده الميلاد قام ساكت واتخانقت طول الثانوي ف اكتر من اسيستنت بسبب انهم بيكتبوا اسمي غلط او ينطقوه غلط ومصرين انهم صح يعني مره كنت بسجل حضور بقول لاسيستنت تكب اسمي بقولها حذيفة قامت التانيه تقول حذيف اقولها لا حذيفة تقول لا حذيف قومت موقف الدور ووقفت الناس اللي ورايا ومسيبتها الا لما قالت حذيفة
دلوقتي انا 17 سنه ثانوي عام 2025 الحمدلله من اكتر الناس اللي اجتماعية ف دفعتي اتعرفت ع ناس كتير جدا جدا جدا ومحبوب جدا وسط الناس  ووسط دفعتي ووسط مدرسيني وحتى الاسيستنت كلهم يعرفوني وبيحبوني وطولت وطولي بقا 170 ووزني حاليا 50 كيلوا لسه رفيع بس بحاول ازيد وحتى لو مطولتش او زيدت انا متقبل نفسي وبحب نفسي زي ما انا ومش مستني راي حد فيا  
فالنهايه حابب اقول متوقفش حياتك عشان حد خلي ايمانك قوي وواجه اي حد يتتريق عليك بالعكس خد التمر وحوله لطاقه ايجابيه وحسن من نفسك عشان نفسك ومتسمعش كلام حد وتخليه يوقفك او يزعلك حتي لو بيهزر او بيتكلم جد قوله تمام وولا كأنك سمعت منه حاجه 
دا كان جزء من حياتي اتمنى يكون استفادتوا منها اي حاجه ولو استفدت دعوه حلوه منك وربنا يوفقنا جميعا ❤
________________________
هي مش قصه على قد ما هو موقف هفضل فاكره طول حياتي 
انا كنت ف اولى ابتدائي مقدم ورقي ف مدرسه بعيد زي ماقلت قبل كدا بس ولازم اروح امتحن هناك الفاينل عشان مسقطش المهم كان ابويا طبعا ف الشغل الصبح مين هيوديني جدي الله يرحمه كان بيوديني المهم ابويا قاله ماشي هتفق مع سواق اسمه الجنايني هيقف كل يوم يستناكوا ع الطريق واركبوا ولما تخلصوا هرن عليه يجيلكوا انا كنت طفل وخايف ودا طبيعي رايح اشوف بلد جديده وناس جديده سواء طلبه او مدرسين كلها وشوش غريبه عليا وكنت خايف اوي بالذات ان ابويا مكانش هيبقا معايا ف موقف او وقت زي دا بس جدي الله يرحمه كانت حنيته تكفي بلد كامله حسسني بالامان ومحسسنيش ان في حاجه ناقصه كان بيحبني زي ابويا واكتر روحنا اول يوم مع السواق وكله تمام كنت متوتر شويه بس الامتحان عدي ع خير الحمدلله 
وابويا كان مروقني بسكوت وكيك وشوكولاته اول عياله بقا 
المهم جينا تاني يوم طالعين ع الطريق ومستنيين السواق كالعاده جه جدي بيسلم على واحد جارنا وانا شوفت السواق معدي سلم عليا ومشي مخدناش وانا مش عارف اي اللي خلاني ساعتها مقولش لجدي خلص سلام ع جارنا وبيقولي السواق اتاخر كدا لي قولتله دا لسه معدي من هنا وشاورتله بايدي 
قالي مقولتش لي وطلع يجري بيا لقدام على امل انه يلحقه بس هو طبعا كان مشي فالاخر جدي قرر ان احنا هنمشي شويه لقدام وبعدين نركب اي عربيه لحد هناك مشينا شويه وجت عربيه حمره وقفت لنا وانا ركبت وجدي كان تقيل شويه بسبب السن وكان بيطلع براحه ونزل تاني السواق ساعتها فكره ركب واتحرك وانا قاعد ساكت وعمال اقول بصوت واطي استنا استنا وطبعا محدش سامعني ولا حتى اللي راكبين حد فيهم فكر انه يتكلم وانا  جالي فكره كرييتڤ جدا وهي اني انط من الباب وفعلا نطيت من الباب واتشقلبت عشان متعورش  والسواق بعدها وقف وجدي كان بعيد عني بحاولي 50 متر كدا لقيته جري عليا فثانيه لقيته قدامي سبحان الله مش عارف جاب الصحه دي منين مع العلم انه ساعتها كان عنده 70 او 73 سنه من خوفه عليا جه جري وقعد بنظف هدومي هدومي ويقولي انت كويس اقوله اه حصلك حاجه اتعورت 
بها السواق بيقوله معلش يحاج مخدتش بالي تعالا اركب جدي طبعا هزقه وفرج عليه الشارع كله ومشاه وبعدها ركبنا عربيه تانيه واتاكدت المرادي ان جدي ركب قبل ما السواق يتحرك 
ودخلت الامتحان وحتى مش فاكر انا حليت كويس ولا لا بس اللي فاكره كويس ان جدي كان بيقعد يستناني ف الشمس ساعتين لحد ما اخلص الامتحان وخلصت وروحنا البيت 
ف النهايه حابب اقول ان انا عمري ما هنسا يوم 21/3/2024 دا يوم وفاه اغلى شخص واحن شخص عليا واكتر شخص كان بيحبني جدا وكان مصاحبني النهارده عدي اكتر من سنه  على وفاتك وربنا يشهد ويعلم بدعيلك وهفضل ادعيلك قد اي ربنا يرحمك يغالي ❤
___________

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_34495 🇶🇦

منذ شهر واحد

شعور مكسور القلب

يقولك ازاي تحس نفسك ضعيف و انت معاك الحق، صاحب الحق قوي و اغلب الناس شايفة اللي ما عندناش مصلحة معاه بنترفع حتي اننا نتسلي معاه و لو عندك وقت فراغ ما تحضر التكتوك و متلبسيش الحجاب لو مش عارفة نفسك مش حتضعفي و جهاد النفس لعب بالدين و اللي يغلط غلطة صغيرة لازم يطلع يعتزر للشعب كلو و مش ما بينو و بين

عبّر عن شعورك بشكل مجهول

يقولك ازاي تحس نفسك ضعيف و انت معاك الحق، صاحب الحق قوي

و اغلب الناس شايفة  اللي ما عندناش مصلحة معاه بنترفع حتي اننا نتسلي معاه و لو عندك وقت فراغ ما تحضر التكتوك و متلبسيش الحجاب لو مش عارفة نفسك مش حتضعفي و جهاد النفس لعب بالدين و اللي يغلط غلطة صغيرة لازم يطلع يعتزر للشعب كلو و مش ما بينو و بين ربو و اللي يقع في موقف ضعف يتوصف بصفة وحدة انو ضعيف و يتحبس فيها طول عمرو و لو موقف فقر يتوصف بصفة وحدة انو فقير و يتحبس فيها طول عمرو و اللي ربنا رزقو بحاجة عشان هو يستاهلها و اللي ربنا ابتلاه عشان هو يستاهل و قليلة الحياء هي اللي بتعجب الرجالة و الملامح الطبيعية باهتة و الست السعيدة هي اللي مسيطرة علي جوزها و الراجل السعيد هو اللي معندوش احترام للمرأة و اللي معندهومش رحمة هم الاكتر و العكس قاعدين مكسوفين من نفسهم و ميعرفوش بعض حتي و انت ازاي عندك احساس و ازاي مبتذاكرش طول الوقت و ازاي مبتوصلش لهدفك، دة مش رزقك كدة، دة انت فاشل و ازاي بتتعب، انت معملتش حاجة و ازاي عيان، دي حاجة متخصش حد غيرك، اتحمل و اديني مصلحتي و بعدين اتعب بعديها زي ما انت عاوز و انتي ازاي بتحترمي جوزك، ازاي ميجبلكيش اغلي حاجة و ازاي بيتك مش زي بيوتنا و ازاي مش ساكنة في منطقة راقية زينا ، دة انتي فاشلة بقي و ازاي بتطبخي لجوزك و ازاي مش بتمشي كلامك عليه و ازاي مبيصرفش فلوسه علي مزاجك ، دة هو متحكم فيكي بقي، ازاي الطفل يغلط، لا دة هو لازم يتولد عارف كل حاجة
و اي دة انتي جاية تحكي مشاكلك متسندي نفسك يحبيبتي، هو احنا ناقصين نكد، لاااااا احنا محدش فينا بتحصل حاجة تزعلو ابدا، اصل احنا مش اغبياء و بنعرف نظبط أمورنا ، اي دة انتي بتتنططي م الفرحة لي يحبيبتي متخليكي عاقلة، اي دة انتي مبترقصيش و تضحكي بصوت عالي لي، انتي فرحانة من جوة، اي الفرح اللي من جوة دة، مفيش حاجة اسمها كدة
انت جاي تنصحنا، فاكر نفسك عارف حاجة، احنا مش محتاجين نصيحتك
اخوك و عاوزه يحبك، دة اللي هو ازاي، كل حاجة بالفلوس، ادفع يحبيبي و هتلاقيني بحبك و بونسك غير كدة متضيعش وقتي
اي دة انت عاوز تحكيلي علي مشاكلك، اسكت اسكت و اسمع مشاكلي انا، انت مشاكلك دي انت السبب فيها انما انا، انا مشاكلي كبيرة و محتاجة تتسمع و متحاولش تنصحني لو كان في حل كنت عرفته لوحدي
ليه يحبيبتي مبتتكلميش، اهتماماتك غير اهتماماتي، عشان اهتماماتك غلط يحبيبتي، سيبك منها و غيريها و اعملي زيي، اهتمي بحاجات عليها القيمه 
احنا مش محتاجين نتكلم في الدين مع بعض، ابحث في جوجل و دي علاقة بينك و بين ربك انا اي اللي يدخلني فيها، و الفلوس كلها مرمية في ايجارات و الشغل و الخبرة لازم في نفس المجال و فرش البضاعة ممنوع

في رأيي ان الحق محتاج جهاد و اننا محتاجين بعض و محتاجين نرحم بعض و نسند بعض و الصعوبة طبعا مش مبرر عشان نعمل اصغر حاجة تغضب ربنا، احنا بنحب ربنا و هنتحمل عشان ننجح في اختبار الدنيا و ممكن اوقات تعدي علينا الثانية كانها اتقل من الجبل و ربنا يقوينا كلنا

كلامي اقصد مني علي اقل تقدير نداء للرحمة، نداء للفهم، نداء لاحترام النية الطيبة والضعف والاختلاف
 رسالة مقاومة ضد العنف المغلف بالحكمة، ضد التنمر اللي لابس لبس النصح، وضد البرود اللي لابس وش القوة.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_28732 🇪🇬

منذ شهر واحد

شعور مرهق

السلام عليكم ورحمة الله وبركاته، أنا مش عارف أبدأ منين، بس حابب أفضفض وأحكي اللي جوايا يمكن أرتاح شوية، ويمكن ألاقي حد يفهمني أو يوجهني. أنا طالب في الصف الثالث الثانوي الأزهري، وحاسس إن حياتي كلها ماشية بالعكس، وكل حاجة بتضغط عليّ من كل اتجاه. من وأنا صغير، وأنا بتعرض لحاجات سيئة جدًا. اتعرضت للتن

عبّر عن شعورك بشكل مجهول

السلام عليكم ورحمة الله وبركاته،
أنا مش عارف أبدأ منين، بس حابب أفضفض وأحكي اللي جوايا يمكن أرتاح شوية، ويمكن ألاقي حد يفهمني أو يوجهني.
أنا طالب في الصف الثالث الثانوي الأزهري، وحاسس إن حياتي كلها ماشية بالعكس، وكل حاجة بتضغط عليّ من كل اتجاه.

من وأنا صغير، وأنا بتعرض لحاجات سيئة جدًا. اتعرضت للتنمر والضرب والإهانة من أهلي النرجسيين ، اللي دايمًا كانوا بيقللوا مني ويكسروا ثقتي في نفسي. كانوا بيمنعوني من إني ألعب مع الأطفال بحجة إنهم مش مؤدبين، ولو خرجت أتعرض للعقاب. حرّموني من أبسط حقوقي، وكانوا بيحاسبوني على أي غلطة، حتى لو كانت صغيرة جدًا.

كمان كنت بتعرض لتحقير وتفرقة، مش بس بيني وبين إخواتي، لأ كمان حتى بيني وبين الناس الغرب.
ومرت عليّ مواقف مؤذية جدًا، واتعرضت للتحرش واتعرضت للتنمر والضرب والاهانه من المدرسين وزمايلي وقرايبي ، وده خلاني أنعزل تمامًا، وأهرب من الواقع في حاجات زي الإباحية والعادة السرية، وفضلت متعلق بالموبايل طول الوقت، لحد ما بقى هو العالم الوحيد اللي بلجأ له.

الإدمان ده عمل فيّ حاجات كتير، وبقيت أحس بميول مش طبيعية ، وبقى عندي رهاب اجتماعي حاد، ومش عارف أتعامل مع الناس، ولا أكون علاقات، ولا حتى أفتح مواضيع عادية.
كل ده خلاني أحس إني مختلف عن الكل، ومش قادر أعيش حياة طبيعية.

دلوقتي أنا في ثانوية أزهرية، والمفروض أكون بذاكر علشان الامتحانات قربت، بس أنا مش قادر أفتح كتاب، كل ما أحاول أذاكر بفشل، وكأني في حاجة جوايا بتشدني لتحت.
بفكر أأجل السنة، بس أهلي، وخصوصًا والدي اللي مسافر، بيضغط عليّ جامد علشان أدخل كلية الطب.
المشكلة إنهم سيبوني في بداية السنة لوحدي، ورحلوا عند بيت جدي اللي أنا أصلاً كنت مطرود منه، وفضلت من غير فلوس ولا أكل، ومن غير أي دعم، ومع ذلك بيتوقعوا إني أكون متفوق.

والدي لو عرف إني ممكن أأجل بدون ما ادخل كذا مادة ، أكيد هيمنع عني الفلوس، وممكن يطردني، وده مش أول مرة يهددني بكده وعمل دا قبل كدا 
العيلة كلها بتتعامل معايا بجفاف شديد، ومفيش تفاهم، وكل شوية مشاكل على حاجات تافهة، وأخويا الكبير نرجسي وبيضربني لدلوقتي ضرب مبرح لاي سبب تافه ، ومفيش أي إحساس بالأمان في البيت معاييش فلوس تكفي اني اروح لمعالج نفسي

حاسس إني مخنوق من كل حاجة، من الدراسة، ومن البيت، ومن نفسي، ومفيش أي حد جنبي، لا أصحاب ولا دعم من أي نوع.
الوحدة بقت خانقة جدا ونفسي يبقى فيه اي حد يسمعني بس حتى ، والضغوط النفسية والدراسية خنقتني أكتر، وكل ما أحاول أخرج من الحالة دي، برجع أقع تاني.
فكرت في الانتحار كتير، بس دايمًا بخاف من ربنا، وبقول إن ده حرام، وبحاول أقرب منه، بس حتى ده مش قادر أواظب عليه. بحاول أصلي أو أقرأ قرآن، بس دايمًا بحس إني بفشل.

لسه عندي أمل، بس في لحظات بحس فيها إني ضعيف جدًا، وإن مفيش فايدة، وإن الحياة دي تقيلة عليّ أوي.
أنا مش بكتب الكلام ده علشان أشكي وخلاص، أنا بس حبيت أفضفض، وأمكن ألاقي كلمة تخليني أتمسك بالحياة شوية.
لو حد قرأ رسالتي دي، فشكرًا ليك، وشكرًا إنك سمعتني، وربنا يجازيك كل خير.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_52260 🇪🇬

منذ شهر واحد

شعور مرتبك

جامعه هو ايه سبب ان انا اتعرضت لحاجات كتير اوي وانا صغيره ( زي تنمر و عنصريه و أهلي مش بيقعدوا معايا ) و حاجات تانيه مش مهم اقولها يعني عشت طفوله مش حلوه و مكنتش بحكي لاي حد اي حاجه كانت بتحصلي كنت بحتفظ بيها لنفسي ، المهم انا بحس ان الحاجات دي مش مأثره عليا يعني ممكن مأثره بس ف اني هاديه شويه بس ي

Blueberry_52260 🇪🇬

منذ شهرين

شعور قلق

عايزه اتكلم في موضوع واتمنى الكل يرد عليا انا زمان وانا صغيره اتعرضت للتنمر و العنصريه في المدرسه و مكنتش بحكي اي حاجه بتحصلي لأي حد و حصالتلي حاجات كتير اوي وانا صغيره محتفظه بيها لنفسي المهم المشكله بقى اني دلوقتي مش حاسه ان الحاجات دي اثرت عليا في حاجه فهل هي اثرت بطريقه غير مباشره وانا مش حاسه و

Cookies_35975 🇸🇦 بصي ممكن وقتها وجعتك و خليتك تبقي ناضجه لدرجة ان الموضوع بقى مش مضايقك دلوقتي بس عموما ده احسن بكتير ده معناها انك واثقه في نفسك و محدش يقدر يضايقك دلوقتي

عرض الكل 2 نصيحة

Potato_41206 🇪🇬

منذ شهرين

شعور خجلان

من و انا صغيرة، صغيرة جدا قبل ما ابقى واعية حتى يعني بيبي وكدة كان عندي مشكلة اني بحط ابهامي في فمي، من وقتها وماما شافت اني مريضة حاولت معاها في كل حاجة ربطت ايدي، حطتلي شطة وغيرها من المحاولات ولكن دي حاجة لا ارادية كبرت ولغاية دلوقتي كلهم بيبصوا ليا بنظرة الشخص اللي عنده عاهة دائمة، قالوا لي اني

Avocado_51186 🇧🇭 عادي جدا في ناس كتير عندها عادات سيئة وعايشين بيها من غير مايغيروها بل بالعكس اتعودوا يعيشوا بيها خلاص واتأقلموا عليها .. المهم حبي نفسك زي ماهي ومتديش فرصه لحد يتنمر عليكي ولا يضايقك

عرض الكل 2 نصيحة

عبّر عن شعورك بشكل مجهول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_52301 🇪🇬

منذ شهرين

شعور لا مبالٍ

دلوقتي انا عندي رهاب اجتماعي بس مش اوي يعني نص نص احسن من زمان بكتير بس برضو هتلاقيني غريب شويه في التعامل مع الناس وكدا ودا مسببلي مشاكل كتير في حياتي مش لازم ادخل في تفاصيل بس حقيقي مش عارف اتعايش مع المجتمع دا مش شبهي خالص مش عارف اتعامل معاهم واعيش حياه طبيعيه كل شويه مشاكل وخناقات بسبب طبعي وال

Lemon_39065 🇪🇬

منذ شهرين

شعور Not great 😕

Sugar_44866 🇪🇬 1 كبر دماغك 2 دا حقد عليك/ي 3 اتجاهلهم 4 متتكلمش مع حد فيهم الا للضروره

عرض الكل 8 نصيحة

عبّر عن شعورك بشكل مجهول

حاليا انا عندي مشكلة في الشغل و المشكلة دي مدايقاني لانها بتسببلي ازعاج و وجع دماغ بصراحة من الاخر كدا في معايا زمايلي طريقتهم زي الزفت بصراحة و كل متحصل مشكلة يقولو انا السبب و ان شغلي المشكلة واني الي موقعاهم عند المشرف مع ان انا ليا الشغل بتاعي و هما شغلهم حاجة تانية خالص و ف حتة تانية كمان و لا غير كدا بيقولو ان شغلي وحش و مع ان فيهم الي جرب ياخد مكاني فترة و مستحملش و قعد يقول ان الشغل متعب و صعب و عايز مكانة تاني الي انا مسكتة عنه يعني ف المفرود هنا بقا يفهمو ان المشكلة مش فيا و انهم هما المشكلة صح؟؟
لا هما مفهموش دا و كمان زودو المشاكل معايا و وصل بيهم انهم يتريقو عليا و عايزين بأي طريقة يطلعوني غلطانة و كمان في وحدة منهم الي هي بالمناسبة الي اخدت مكاني مدة دي اشتكت و قالت ان اسلوبي معاها وحش بسبب موقف معين و انا لما حكيت الي حثل للمشرف هزقها و جابت المشاكل لنفسها لانها هيا الغلطانة و كمان شتمتني و في الاخر انا كلمت المدير و قلتلة عايزة اغير مكاني بسبب التعامل و هو لحد دلوقتى معملش حاجة ولي اخد موقف و اتصرف و انا مضترة اكمل ف الشغل لمدة و التعامل بقا صعب معاهم ف الي عندة حل يريت يقولي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع