ثقة بالنفس

Watermelon_77354 🇪🇬

منذ يوم واحد

شعور عاطفي

بصيت لنفسي ف المرايه لاقيت واحده بتقولي انتي احن واحده شوفتها ف حياتي واقوى بنت انا شوفتها في حياتى بغض النظر عن البهدله اللي شوفتيها من الحبيب و القريب والغريب والناس اللي وثقتي فيهم ومكنوش قد الثقه دي انا حاسه بكل اللي بتحاولي تداري بس فخوره بيكي وعلى ثباتك دا كلو وعلى الشطاره دى كلها ولسه والله ل

Strawberry_77543 🇪🇬

منذ 6 أيام

شعور محبط

موضوع:

هل بتحب نفسك...ولا بتحب الصورة الي عايز توصلها؟

طول عمري كنت بحب نفسي وشكلي جدا وكان عندي ثقه في نفسي كبيره جدا كنت شايفه نفسي ذكيه وشاطره وده كان بشهادة الناس كنت بحب الحياه والخروجات والسفر جدا ... بس من ساعت متجوزت وكل ده اتغير مبقتش حسه اني واثقه في نفسي زي زمان ولا بنفس الجمال بتاع زمان .. شغلي مبقتش بحس اني شاطره فيه غير ان بقي عندي قيود ك

Olive_73910 🇪🇬

منذ شهر واحد

شعور مرتبك

جماعة ممكن تفيدوني ازاي اعرف ان الي قدامي يعني مثلا التقليل من الشخص في صورة هزار ...او هو يكون بيهزر فعلا مش القصد تقليل ...وهل الثقة بالنفس ليها علاقة بكدة ؟ اتمني تكونو فاهميني مش عارفة اشرح بصراحة خالص

Coconut_20625 🇲🇦 ازاي يعني ؟! التقليل من حد و التجريح عمره ما كان هزار ولا هيكون ده في كل الحالات مش هزار حتى لو كنتي انت نفسك متقبلاه ده مش هزار انت بس اتعودت على الوضع متخليش حد يقلل منك او يخليك محط سخرية عشان يضحك هو و اشباهه ابدا

عرض الكل 7 نصيحة

Pear_75251 🇪🇬

منذ شهر واحد

شعور مكسور القلب

موضوع:

اكتر كلمه او موقف قفلك من شخص

عمر ما كلمه قدرت تاثر فيا غير لما والدي قالي انت اوسخ بني ادم فالدنيا بجد الكلمه دي كسرتي ومبقيتش عايز حاجه من الدنيا بس الحمد لله بقيت احسن بس مرجعتش زي زمان ومعتدقش اني هرجع وع فكرة الموقف دا كان يوم نتيجه الثانوي وانا حاليا متخرج

Peanut_75067 🇪🇬

منذ شهر واحد

شعور متعب

أنا شاب أعاني من صعوبات اجتماعية بدأت من طفولتي. نشأت في بيئة ما كانت داعمة لثقتي بنفسي، بل العكس أحيانًا، كانت أمي تقلل مني وتستخف بأخطائي أو تحطمني بكلماتها. مع الوقت هذا زرع داخلي شعور بالنقص والخوف من التفاعل مع الناس. كبرت وأنا أشعر أنني أدافع عن نفسي بشكل مبالغ فيه، وأرد بطريقة دفاعية أو عصبية

عبّر عن شعورك بشكل مجهول

أنا شاب أعاني من صعوبات اجتماعية بدأت من طفولتي.
نشأت في بيئة ما كانت داعمة لثقتي بنفسي، بل العكس أحيانًا، كانت أمي تقلل مني وتستخف بأخطائي أو تحطمني بكلماتها. مع الوقت هذا زرع داخلي شعور بالنقص والخوف من التفاعل مع الناس. كبرت وأنا أشعر أنني أدافع عن نفسي بشكل مبالغ فيه، وأرد بطريقة دفاعية أو عصبية حتى مع أقرب الناس لي، مثل جدتي التي كانت تزعجني بطريقة بسيطة لكن ردي كان يخرج بشكل غير متوازن.

هذا انعكس على حياتي الاجتماعية كلها: ما كان عندي أصدقاء مقربين، وصرت أشعر أن شخصيتي متجمّدة أو غير طبيعية لما أتعامل مع الآخرين. كنت دائمًا ألاحظ أن ردودي ما تكون طبيعية: أحيانًا أكون متوتر، أحيانًا أضحك في مواقف ما تستحق الضحك، وأحيانًا أصمت وأفقد تعبيرات وجهي.

قبل فترة بدأت رحلة لإصلاح نفسي. قرأت، تعلمت، وحاولت أطور لغة جسدي، نبرة صوتي، وطريقتي في الكلام. حتى أني طبقت بعض هذه الأشياء في مواقف حقيقية. وفعلاً، في البداية لاحظت تحسّن، وبدأت أشعر أني قادر أظهر بثقة أكثر. لكن المشكلة أن هذا التقدم ما كان ثابت. مع الضغط أو مع مرور الوقت أرجع لشخصيتي القديمة. كأن كل شيء بنيته ينهار بسهولة.

حاولت كمان أعالج مشكلة عدم وجود أصدقاء. قررت أروح للعمل وأتعامل مع الناس بشكل أوسع. لكن للأسف، لقيت نفسي أكرر أخطائي القديمة أتصرف من خلال “الإطار القديم” لشخصيتي، وهذا خلاني ما أقدر أكون صداقات حقيقية. لا انكر أنني حاليا لدي مقدره أفضل على اداره الحوارات أو وضع انطباع جيد لكن في مواقف معينة حتى أنطباعي مع الآخرين كان سيئ لماذا؟ لا اعلم. على سبيل المثال: في أول يوم عمل، كنت جيد جدًا مع الجميع تقريبًا، لكن مع شخص واحد ارتبكت وبدأت أجاوب بطريقة فيها نوع من المبالغة لأظهر أني فاهم، وهذا خلاني أظهر بشكل غريب جدًا وأضعف صورتي عنده. هذه المواقف الصغيرة تترك أثر نفسي كبير عليّ وتخليني أشعر بالخذلان من نفسي.

المشكلة الآن أني وصلت لمرحلة فقدان الأمل. دائما ما تمر على فترات العوده الى شخصيتي القديمة 
أشعر أنني فقدت كل ما بنيته في اطار تنميه ذاتي واحترامي لنفسي اللي تعبت عشان أبنيهم. وأشعر أنني ما عشت مرحلة المراهقة بشكل طبيعي، ما جربت المغامرات ولا الصداقات اللي تبني شخصية قوية. كأن حياتي الاجتماعية توقفت، وكل مرة أحاول أبدأ من جديد، أنتهي في نفس الدائرة.

أنا كتبت هنا لأني محتاج مساعدة حقيقية.
كيف أقدر أوقف دوامة الرجوع لشخصيتي القديمة؟

كيف أتعامل مع أثري النفسي من تربية مليئة بالتقليل والتحطيم؟

كيف أبني صداقات طبيعية وصحية من جديد؟

وهل في خطوات عملية أو تحديات أقدر أبدأ فيها حتى أستعيد نفسي وأعيش بشكل طبيعي من غير خوف وخجل؟
 وهل اقدر احافظ على تقدمي في بناء شخصيتي من غير أن أعود لشخصيتي فالماضي؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_74647 🇪🇬

منذ شهر واحد

شعور مستنزف

السلام عليكم ورحمة الله وبركاته انا انسانة بحب الضحك والهزار بس ماما عيزانى ديما العاقلة الى مش بتضحك والبنت التقيلة انا كدا مع الناس الغريبة بس مع الى بحبهم بضحك وبتكلم معاهم كتير بس ماما مش بيعجبها كدا وديما تنتقد تصرفاتى وشكلى مع ان شكلى حلو اوى وانا بحب شكلى اها انا قمحاوية مايلة للابيض بس انا

عبّر عن شعورك بشكل مجهول

السلام عليكم ورحمة الله وبركاته

انا انسانة بحب الضحك والهزار بس ماما عيزانى ديما العاقلة الى مش بتضحك والبنت التقيلة انا كدا مع الناس الغريبة بس مع الى بحبهم بضحك وبتكلم معاهم كتير بس ماما مش بيعجبها كدا وديما تنتقد تصرفاتى وشكلى مع ان شكلى حلو اوى وانا بحب شكلى اها انا قمحاوية مايلة للابيض بس انا بحب لون بشرتى وبحب غمازاتى وعيونى بس هى بتنقد شكلى على طول وديما بتقارنى ب صحابى الى لون بشرتهم افتح وديما عيزانى البس درسات في حزمة او استك وانا مش برضى انا بحب البس فضفاض وواسع جدا لان ده الصح ودا اللبس الى ربنا امر بية بس هى مش بيعجبها وبتفضل تقلى ابقى قابلينى لو اتجوزتى بس انا مؤمنة ان دا رزق ومكتوب وكلو لية وقتو وانا برضو مش اى شخص والسلام لا انا عايزة شخص متدين وغيور وعلى خلق 
هى بتفضل تقلى انها غضبانة عليا لو مش لبست الى هى عيزاه بس انا بفضل على راى ومصمم على الادناءات والخمار فهل كدا انا على ذنب بتقلى ان التدين مش اللبس التدين ان اسمع كلامها بس انا بقولها ان اسمع كلامها لما يكون هيقربنى من ربنا مش يبعدنى

هى اكتر حد بيوجعنى بسبب كلامها ونقدها المستر هى امى واقرب حد ليا وبحبها بس كلامها بيوجعنى وبيكرسنى حرفيا بتمنى بتحبنى زى م انا بحب نفسي

ي ريت تدعولى ان ربنا يهديهالى

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_74444 🇪🇬

منذ شهر واحد

شعور مرهق

عبّر عن شعورك بشكل مجهول

مبقتش عارفه اخبى مشاعرى انى نفسى اتجوز واتحب وحد ييجى البيت عشانى انا ويطلبنى لاسمى لشخصى انا
مهما حاولت اكبت الاحساس ده وامشى ف حياتى واعمل انى مبقتش مهتمه لا لجواز او لراجل ف حياتى دايما طاقتى اللى فضلت اجمعها ساعات كتيرة عشان اقوم وانجز حاجه لنفسى تخلص بعد وقت قصير والاقى المشاعر دى بتغلبنى واقعد افكر فيها كتير  واسأل نفسى أسئلة وجوديه محبطه جداا زى انو انا مالى فيا ايه وليه مش عارفه اندمج ف المجتمع واعمل اسم لنفسى وكيان وليه دايما مستخبيه وبخرج قليل انا عندى ثقه كبيره جدا مش انى معنديش ثقه ف مبعرفش لا  بالعكس انا بحس دايما انو وعشان مين ومش محتاجه أبهر حد بيا او أظهر نفسى واshow off كتير ع السوشال ميديا واقول انا اهو وشوفو انجازاتى انا تعبت من انى بقيت بحتقر اى حد بيحاول يبين نفسه وانجلزاته ع الشوشال ميديا ويكون pick me انا نفسى اكون pick me بس حتى ع الاقل لنفسى لانى بقيت بحس انى باجى على نفسى اوى وشكلى قدام نفسى عشان بس مجرد مبينش انى مهتمه او عايزه  وف نفس الوقت نفسى اتشاف او حد ييجى يقرب منى يقوللي ازيك او مالك او احكيلى  عنك اكتر  شخص واحد بس ميهمنيش اى حد تانى  ومن انا صغيره عندى مشكله انى مشاعرى واحتياجاتى ببين عكسها تماما مع انى ببقى هموت عليها وتحصل .. دايما بفضل اكون behind the scene واعمل الحاجه ف الخفاء حتى مشاعرى اعيشها بينى وبين نفسى ومحدش يعرف عنها حاجه 
انا تعبت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_73963 🇪🇬

منذ شهر واحد

شعور مستنزف

انا معنديش ثقه بنفسي كلهم شايفيني حد ضعيف ومش بتاع مسؤليه ومحدش بردوا ممكن ياخد رئي ف حاجه شخصيتي ضعيفه جدا ودايما بيتنمرو بس بيجبوها ف الهزار من بعد وفاه امي وانا مش قادره ارجع مع اني من جويا حد قوي جدا ودايما يقولولي انتي قلبك جامد انا مش عارفه انا اي لغبطه ودوشه جوه دماغي

Sugar_65342 🇪🇬

منذ شهر واحد

شعور خجول

أنا ولد عندي 31 بستخدم كرسي متحرك بحاول اكسر حاجز الخوف والرهبة من الناس واكون شويه اجتماعىٍ أنا دايمًا كان نفسي أقرّب من حد وأكلمه من غير ما أفكّر كتير. النهارده شفت بنت في جنينة من بعيد، وبعد تردد كتير روّحت ناحيتها، بس في الآخر لقيت نفسي بكلم أمها 👀 زي ما قلت، أنا شوفتها من بعيد، ولما قرّبت ا

عبّر عن شعورك بشكل مجهول

أنا ولد عندي 31 بستخدم كرسي متحرك بحاول اكسر حاجز الخوف والرهبة من الناس واكون شويه اجتماعىٍ

أنا دايمًا كان نفسي أقرّب من حد وأكلمه من غير ما أفكّر كتير.

النهارده شفت بنت في جنينة من بعيد، وبعد تردد كتير روّحت ناحيتها، بس في الآخر لقيت نفسي بكلم أمها 👀

زي ما قلت، أنا شوفتها من بعيد، ولما قرّبت اكتشفت إنها بالكتير 17 سنة. وفجأة حسيت إن الجنينة كلها فَضيت وسكتت! كانت قاعدة جنب قاعة زومبا ويوجا. في اللحظة دي مكنش ينفع أرجع أو أمشي من غير ما أقول حاجة، فقولتلها: "إنتي هنا؟ (يعني بتشتغلي هنا؟)" قالتلي: "أيوه"، فقولتلها: "كنت عاوز أسأل على الأسعار".

البنت دخلت جابتلي أمها صاحبة المكان. قولتلهم إني بسأل عشان أختي 😅 لإن المكان للسيدات بس. وبعد ما عرفت التفاصيل، سألت الست عن اسمها، وشكرتها ومشيت.

كان في مليون فكرة في دماغي، وكنت بقول لنفسي: يا رب الست متفتكرش إني شخص غريب او حاجة أسوأ.

بس بصراحة أنا مبسوط إني عملت كدا ومفضلتش في الـ comfort zone بتاعتي.

وبعدها كنت عاوز أوقف راجل كبير وأسأله يديني نصيحة عن الحياة. اخترت واحد كان واقف حارس في المكان (مش بادي جارد يعني، راجل كبير كده)، بس كان مستعجل او مش فاضي محبتش اعطله. فدي هتبقى المحاولة الجاية إن شاء الله، مش لازم نفس الشخص بالظبط.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_64503 🇪🇬

منذ شهر واحد

شعور منزعج

انا شاب 19سنه عمري ما كلمت بنت ولا حتى اتعاملت معاهم بسبب اني شخص انطوائي شوية و المشكلة مش مشكلة ثقه فالنفس ولا حاجه لاني الحمد لله ناجح فحياتي و شخص رياضي رغم و بلاحظ أحيانا ان المشكله دي مع البنات بس حرفيا لو بنت مثلا جت تكلمني حرفيا بسكت خالص و رغم كدا بتعامل مع الشباب عادي و في واحدة قبل كدا قا

Sugar_72403 🇪🇬

منذ شهر واحد

شعور محبط

بقيت احس ان اي حد بيعرفني بيطفش مني بمعني اصح انا اللي بطفشهم بإسلوبي بسبب زعلي م شخص ف بقيت احس ان الكل هيخذلني زيه وعارفة ان مش الكل زي بعض بس بقا عندي فوبيا م التعامل مع الناس اي الحل 😭؟ مش عارفه ادي نفسي ولا حد تاني فرصة ولا ببقا عايزة اكسر بخاطر حد ولا اخذله زي محصلي

Marshmallow_69067 🇪🇬

منذ شهر واحد

شعور سعيد

موضوع:

هل بتحب نفسك...ولا بتحب الصورة الي عايز توصلها؟

عايزة مضيعش الباقي منها بحاول احافظ ع الى فاضل.. الى فات كان ماليش يد فيه بس أثر في نظرتي لنفسي وخوفي من كل حاجة وشعورى انى دايما غلط.. انا بحاول مخسرش أخر امل ليا انى أحب نفسي ودا بأنى مضيعهاش ولا أدخلها في علاقة تستنزفها او تكون مع ناس ميستاهلوهاش.. هفضل محافظة على اخر فصل في قصتي ابقدر اكتبه بنفس

Donut_65058 🇪🇬

منذ شهر واحد

شعور ضائع

جماعة بما اني مبعرفش افضفض في الحقيقة بتكلم هنا انا كتير اوي مش ببقى عارفة انا عايزة ايه بجد مش عارفه انا بحب ايه وبكرهه ايه يعني لما آجي اشتري حاجة لازم اخد رأي حد كذا مرة وبرضو بكون مترددة بكون مهزوزة يعني بعد ما بعمل حاجه لازم افضل اخد رأي الناس كلها مش عارفه ازاي يكون عندي ثقة بنفسي مش في م

Peanut_56462 🇪🇬 دا بيكون ناتج عن حاجه اتعرضيلها او موقف حصلت معاكى خلى شخصيتك متردده كده حاولى تقلبى فى الدفاتر القديمه ةتعرفى السبب الرئيسى هتعرفى تحلى الموضوع ببساطه

عرض الكل 11 نصيحة

Popcorn_56962 🇪🇬

منذ شهر واحد

شعور محبط

انا عايز اقول اني طول الوقت بحس اني قليل والإحساس ده مأثر عليا جدا في علاقاتي وساعات بحس ان اللي قدامي شايفني قليل من كتر منا شايف نفسي قليل . انا عايز اقول أن اسوء شعور هو شعور الخزي احيانا بعمل حاجات كتير جدا عشان أكد الشعور ده فيا بصراحة تعبت ، تعبت اني عايش حياتي بمشاعر اللي حصل فيا عايش قصة

Mango_70768 🇪🇬

منذ شهر واحد

شعور مرتبك

جماعة انا بدأت افقد الثقة في نفسي، زمان كان عندي ثقة في نفسي وفي شكلي ومازلت بحب نفسي وكل حاجة بس بدأت الثقة دي تروح شوية شوية بقيت احس ان شكلي مش حلو زي بقيت البنات، بقول لنفسي يمكن عشان مش بحط مكياج ؟ انا زمان كنت بحط الحمدلله يعني شكلي حلو مقبول بس بحس بردو مش كفاية في حاجة غلط انا شخصيتي حلوة ل

Biscuit_26457 🇦🇪

قلبي وجعني من العلاقات اللي بتتكرر

كل شويه اتعرف علي واحد من ابلكيشان حواز وبعد كده فجأه يختفي معرفش ليه انا تعبت اخر واحد قعد يقولي انه معجب بيا وبشخصيتي وكان بيدور علي حد شبهي وفجأه بطل يكلمني ومش عوزهي مع ان محصلش حاجه انا حقيقي قلبي وجعني كل العوزه واحد اكمل معاه ويكون كويس انا مش بنت وحشه لا شكل ولا شخصيه بس فعلا ثقتي في نفسي بتتدمر كل شويه اكتر من القبلها معرفش عملت ايه ولا اذيت مين ولا ايه الحصل لكل ده ولا ايه اليخليني ديما اقبل ناس تأذيني كده بس انا مخنوقه اوي مقهوره قلبي وجعني امبارح قعدت اعيط كتير اوي والنهارده هموت واعيط بس قعده مع ناس فبحول امسك نفسي بس انا مش قادره ومقهوره وقلبي وجعني جدا بشكل مش طبيعي ...عرض المزيد

2 الدعم

31 نصيحة

Sugar_58980 🇪🇬

خايفة أبقى تقيلة على حد ويوم التخرج لوحدي

السلام عليكم انا حببت افضفض شوية اولا انا تقريبا طول عمري هادية بس مش انطوائيه و مش عندي صحاب كتير بس للاسف الاتنين اللي كانوا صحابي كان صحاب و سابوني بدون سبب مقنع يعني، أنا دلوقتي ٢٢ سنة و المفروض هتخرج السنه دي و كلهم عندهم صحاب ف الكلية و اتصوروا صور التخرج و انا حقيقي مش عارفه هحضر الحفلة ازاي انا بتكلم و بهزر معاهم عادي بس مش بحب افرض نفسي عليهم و اقولهم هخرج معاكم لاني دايما عندي شعور اني خايفه ابقي تقيلة علي حد و النتيجة اهو اني هكون لوحدي ف اليوم دا مش عارفه انا بكتب دا لي بس حبيت افضفض ...عرض المزيد

2 الدعم

19 نصيحة

Mango_22117 🇪🇬

دماغي عطلانه من التعامل وجها لوجه

التعامل وجها لوجهه غيرر بجد و حاسه منكتر مناا اتعودت علي شات مع كل معارفي بقت دماغي عطلانه بفكر ابطأ و باخد ردود افعال ابطأ و بفكر بمثاليه و بأوفر ثينك اجتماعياتي ادمرت و بجد بحاول انزل و اتعامل بس مش عارفه ارجع كويسه ...عرض المزيد

3 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع