جوزي بيخوني بيكلم بنات وقلبي اتكسر 💔

Question

انا جوزي بيخوني بيكلم بنات علي كل ابلكيشن شويه وساعات فون وانا والله ما مقصره نهائي معاه وسالته لما قفشته انا مقصره معاك في حاجة تخليك تكلم عليا بنات يقولي لا خالص بصراحة اساله بتعمل كدا ليه يتوه فالكلام تعبت جدا ونفسيتي وحشة جدا ومعرفش بيعمل ليه كدا 💔💔😢

Croissant_31341 🇯🇴 · Accepted Answer

الله يكون في عونك يا حبيبتي
بما أنه شغله بعيد صيري أنت تفقديه وتدلعي عليه وهيك، اعملي حركات جديدة اكسري الروتين خليه يصير يشتااااق أنه يسمع صوتك وهيك
عكل حال، مرات الواقع بكون بعيد عن النصائح لأنه المشكلة فيها طرفين وما بنعرف عقلية الطرف الآخر، عشان هيك التهي بنفسك وحبي نفسك وعيشي حياتك، ما تنسي حالك مع هالهموم لأنه الدنيا رايحة والعمر بيخلص والمشاكل ما بتخلص..
بتمنى لك حياة سعيدة ❤️❤️

Strawberry_29495 🇪🇬 · Answer

طلقيه

Apple_29067 🇪🇬 · Answer

ممكن يكون متعود علي كده من قبل الجواز أو بيحب حاجه معينه انتي مش بتديهاله ومش قادر يقلك

Strawberry_29495 🇪🇬 · Answer

يقدر يقولها هو معندهوش لسان يعني ... مفيش مبرر للخيانه

Carrot_31217 🇪🇬 · Answer

جربي اشتكي لاهلك او اهلو ولو مش عايزه مشاكل جربي انك تحاولي معاه على قد ما تقدري انو يبطل كدا وفهميه انك بتحبيه ومش قادره تشوفيه وهوا بيكلم بنات ومش هاين عليكي تفضحيه وسط اهلو واهلك وانك بتخافي على شكلو

Apple_29067 🇪🇬 · Answer

انا مش ببرر خيانته انا بقلك علي اسباب ممكن تكون هي اللي مخلياه بعمل كده

Strawberry_29889 🇪🇬 · Answer

افتكري دايما أنه العيب مش فيكي وادعي أن ربنا يهديه بجد واوعي ثقتك ف نفسك تتهز لانه هو العيب فيه مش انتي

Pineapple_31237 🇪🇬 · Answer

ادعي ربنا يهديه ادعي في قيام الليل و في كل صلاة و حاولي تنصحية و تخليه يصلي معاكي و  تجددي الجو بينكم في خروجه او هدية لطيفه و اوعي تخربي بيتك ياما رجاله كانو كده و اتعدلوا هو ربنا خالقهم كده دول اغلب الرجاله خلي بالك و الشيطان بقي انتي فاهمه ف اصبري و ربنا هيصلح حاله ب اذن الله

Strawberry_29495 🇪🇬 · Answer

ما ده يعتبر تبرير ...اللي بيخون بيبقي قليل الاصل ومش محتاج ندافع عنه

Strawberry_31261 🇪🇬 · Answer

طب ودا انا اعرف ازاي انا حاولت معاه نتكلم بهدوء قعد يحلف ان مفيش حاجة انا حرماه منها بس اهو بيفرفش قال. من ضغط الشغل 😢

Apple_29067 🇪🇬 · Answer

افتحي البرايفت عايز اقولك علي حاجه بعد اذنك

Strawberry_31261 🇪🇬 · Answer

انا قولت لمامته مره وقالتلي هتكلم معاه ولا جابتله سيره وانا لو قولت لاهلي هتبقي خناقه كبيره وممكن توصل لطلاق وانا مش حابه كدا ومش عارفه اعمل معاه اي هل ممكن يكون في حد مريض بكدا 😔

Strawberry_31261 🇪🇬 · Answer

الحمدلله واثقه انه مش فيا لان اتحايلت عليه كتير اهرف لو فيا حاجة مش موجوده وبيلاقيها مع غيري يعرفني وانا هحاول اعملهاله بس ملقتش مش عارفه دا مرض ولا اي بجد 😔

Strawberry_31261 🇪🇬 · Answer

بدعي والله قادر ربنا يغيره للاحسن هو بيصلي الحمدلله وفي حاجات كتير كويسه بس الا الخيانه دي 💔 بتخليني كتير مش طيقاه اصلا 😔

Coffee_27700 🇪🇬 · Answer

عرفي أهلك أو أهله ولو مش راضيه عن الوضع اطلبي الإنفصال

Pineapple_31237 🇪🇬 · Answer

يبقي اوعي اوعي تخربي بيتك و هو شيطان و تلاقيه لسه معقلش هيعقل مع الوقت بس اصبري يا حبيبتي و ربنا يقويكي و يصلح حاله و يريح قلبك و يسعدك❤️

Croissant_31341 🇯🇴 · Answer

كبري عقلك يا حلوة، أساس الزواج هو الاحترام والتفاهم والصراحة، جميل أنك حكيت له عن الموضوع فارجعي افتحيه معه لما تحسي حالك قادرة، احتويه ولكن خلي موقفك ثابت تجاه خيانته، حاولي اعرفي ليه عم بعمل هيك ايش حس أنه ناقص عليه، بكرر أنه تكوني صارمة بموقفك وخبريه أنه لو ما انعدل رح يصير حكي ثاني، وتذكري دااايمًا أنه العيب منه مش منك، هو الخاين والخيانة ما لها مبرر.. ادعي له وخليه يدعي لنفسه وصلوا مع بعض

Croissant_31341 🇯🇴 · Answer

الله يهدي بالك ويصلح حالك وييسر أمرك ويعوضك خير العِوَض ويكرمك ويسعدك سعادة الدارين يا حبيبتي ❤️❤️

Strawberry_31261 🇪🇬 · Answer

اللهم امييين تسلمي ياقلبي واياكي ❤️

Strawberry_31261 🇪🇬 · Answer

تسلمي كتير علي كلامك 
بصي انا عملت والله زي ما قولتي وكان اهلي عندي وقررت امشي معاهم وحلف وقعد يتحايل عليا اعقل وانه مش هيعمل كدا تاني بس معرفش ليه بيرجع يعمل كدا تاني هو شغلك بعيد عني وبيجي يومين بس كل اسبوع لما بيسافر بقي بيرجع يكلم بنات 💔فعلا ملهاش مبرر بس غلبت معاه وفكرت ان الطلاق بردو مش سهل في مجتمعنا بس عايشه ودمي بيتحرق كتير بسببه

Strawberry_31261 🇪🇬 · Answer

كلامك صح تسلميلي ياعمري ❤️