انا مخنوقه اوي وتعبانه جوزى بيكلم ستات وبنات عليا مع انى حلوه وبلبس لبس حلو وشكلى حلو وبدلع عليه وشايفه طلباته ومش مقصره معاه فى اى حاجه خالص ومع ذلك بيكلم بنات وبيهزر معاهم وفى واحده جارتهم مسيحيه لبسها ملفت اووى بيقعد يبصلها ويعاكسها ويهزر ويضحك معاها قدامى دا غير البنات إلى على الفون وصورهم العريانه وقله ادب ومع ذلك هو مش كويس معايا فى العلاقه اصلا وبجد انا تخنقت منو اوووى نفسى اعرف ليه بيعمل كده مع أن ولله مش مقصره بلبس وبتمكيج وبحط برفان وبدلع عليه بس بيقفلنى لما بيعمل كده بسحس انى ناقصنى حاجه المشكلة انو مش مقتنع بغلطو حسبى الله ونعم الوكيل هيدمرنى نفسيا انا لسه عروسه بقالى سنه وشهرين فى أول جوازى شفتو بردو بيكلم فى الفون مع صحبتو بس العشم واخده اوووى وانا نايمه فى حضنو وهو يقولها ايه ياقلبي وايه ياروح خدت الفون منو وزعقت البنت قالتلى انا معرفهوش هو إلى بيكلمنى اتكسرت اووى بس للاسف كنت حامل وقتها وهو زعقلى وضربنى علشان كلمتها باسلوب وحش وزقنى جامد على السرير وانا حامل واتخانقناولما ازعل وأوجهو بيرد بطل ببجاحه انا معملتش حاجه واناكلمت معاه كتييير مفيش فايده بيجى بالعكس أنا قفلت منو بس للاسف لسه بحبو ومخلفه بنت 3شهور وبجد مخنوقه اوي و عاوزه اعيط ساعدوني💔💔😭

8

0