مشاكل زوجية

Apple_77590 🇪🇬

منذ 5 أيام

شعور محبط

عبّر عن شعورك بشكل مجهول

المهم انا لما كنت قاعده عند ماما كده قولتله من قلة اهتمامه واهماله ليا طلقني فضل يقولي هطلقك بس لما تقفي علي رجلك علشان ميقولوش طلقها علشان تعبانه المهم لما كلمت اختي كده جات لي تاني يوم علشان تشوفني وتطمن عليا وسلفتي جت في نفس الوقت فاختي بتقولها الحمد لله اني متجوزتش هنا مش قايله لهدى جوزك كان بيقول لي الشقه جاهزه فوق تعالى نتجوز وتبقي قدام اختك وبعدين كانت اختي في ثانيه اعدادي وقتها طبعا هي بتقول الكلام ده دلوقتي وهي في ثالثه ثانوي يعني ما عدتش لسه 18 سنه فمعنى كده ان هي لسه عيله تمام بس فسلفتي راحت قالت لجوزها انت طالما هي عاجباك ما اتجوزتهاش ليه الكلام ده كله راح جاي قال لها يا بنتي اتجوز مين ده عيله صغيره فجوزها راح قال لجوزي وجوزي قال لاختي قال لها ما تجيش الفتره ديت معلش عشان خاطر المشاكل وكده لحد بس ما الدنيا تهدى فعلا اختي قعدت اسبوع ما تجيليش رغم ان انا تعبانه وعندي جلطه ما بعرفش اطلع وهي كانت بتقضلي كل حاجتي المهم عدى اسبوع واختي جات لي وانا ما كنتش اعرف انها جايه ببص لقيتها قدامي فوق في الشقه المهم هو طلع واتكلم معاها تاني وخلاص قفلنا الموضوع وانها مش هتيجي ببص لقيت ثاني يوم اخته بتتكلم معاه في نفس الموضوع قال لها ده هي جايه عندك اهي اتكلمي معاها طبعا احرجني هي فضلت تقول لي بقى معلش ما تخليش اختك تيجي ومش عارفه ايه عشان خاطر ما حدش يغضب والثانيه تغضب بردو بسبب نفس الحاجه فقولتلها ماشي وعدى فعلا ثلاث اسابيع واختي ما جتليش ولا كانت بتيجي ناحيه بيتنا هناك المهم انا جيت نازله البيت كله قاعد تحت واختي نازله معايا لقيتها بتزعق لي ودولي تعالي لي هنا روحت لها انا مش جاي تقول لي ايه اللي انا شفته بعيني ده قلت لها لو انت قصدك على اختي فاختي كانت جايه تجيب لي حاجات قامت جايه تقول لي مش انا قلت انها ما تدخلش من باب البيت قوم تيجي قايله لها مش انت اعتراضك ان ان هم يتقابلوا او يحصل مشكله قالت لي انا اعتراض ان هي تخش من باب البيت وقالت نفس الكلام قدام جوزي بس بس ما قالتش ادامه  اختي ما تجيش كل اللي قالته قدامه انك انت ما تقدريش جوزك وانت ما بتقدرينيش الكلام ده كله وانا كده كلامي معاكي خلص مش متكلمه معاكي تاني وراحت جايه ايه سايباني وماشيه قالت لي انا مش هتدخلك في اي حاجه بينك وبين جوزك ورغم ان انا كنت عندي جلطه ما كلمتنيش لا هي ولا مامتها أسفه إني مطوله في الكلام بس لازم احكي القصه كامله علشان تدوني نصايح

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

من كتر الحيرة واللغبطة الي جوايا مش عايزة غير ان حد ينصحني اعمل ايه وانا هعمل من غير ما أفكر حتي .. 
أنا اتجوزت من ٤ سنين وانا كان عندي ٢٢ سنة وجوزي اكبر مني ب ٩ سنين ' مكنش مناسب من ناحية العيلة اوي لكن كانت وظيفته كويسة الي حد ما فا استخرت ربنا وقولت ادي لنفسي فرصة اعرفه كويس لحد ما  اتجوزنا ' وبعد الجواز اكتشفت ان عنده عيب او مرض او حالته الجنسيه مش افضل حاجة ' بعد ما قريت وثقفت نفسي عرفت ان الزوج الطبيعي بيبقي الإدخال عنده من ٣د الي ٩د .. أنا جوزي كان بيقعد ٥ ث وبيخلص تماما 
نصحته يروح لدكتور بعد ٦ شهور من جوازنا تقريبا عشان حاسة ان دا بدأ يأثر علي حياتنا ونفسيتنا بالسلب 
زي أني أنا ابقي محتجاه معايا او حد يبقي جمبي يطبطب عليا زي اي عروسة ف اول حياتها ومن ناحيته هو كان ينفر ويبعد بشكل مش مباشر زي انه يقضي اغلب يومه برة البيت او عالموبايل او ادام ماتش ' فا حسيت ان حياتي بتتسرق وشبابي ' وبعد سنة بالظبط من جوازي خلفت ولد ' وطبعا اي راجل حتي لو عنده عجز او عيب جنسي يقدر يخلف عادي ** المهم من بعد ما خلفت الراجل دا ضمنني تماما وبدات تظهر حقيقته معايا يتجاهلني ، يعاملني معامله مش لطيفه ، ميحبش وجودي داخل غرفة النوم بحجة ان الولد بيصحي بلليل ، بيتعامل معايا كخادمة فالبيت اشوف كل طلباته ، كلامه معايا بقي قليل ، ولما بيخرجني بحس انه بيعمل معايا كدة غصب عنه ، لو حاولت اخد اي خطوة كويسة ف حياتي يوقفلي فيها وميخليهاش تتم أبدا ، بحس انه بيغير مني او لما بهتم بنفسي شويه او لابسه حلو مثلا يديني كلام ف جنابي من تحت لتحت ، بيوقع بيني وبين اهلي بطريقه ملحوظة جدا ' لدرجة اني لما أقوله سر زي اي زوج وزوجة يروح يفتن لأهلي ويخون الامانه ' برغم اني لما بتكلم معاه بصراحة كدة بتبقي داخل اوضة النوم يعني سر ميصحش أبدا انه يخرج بيننا .. 
المهم انه شخص غير امين بالمرة + انه مش كريم عليا ولما بيديني فلوس بيعايرني بيها ويفضل فاكرهالي ومش عايزني اطلب منه حاجة واكتفي بالقرشين الي بيطلعولي من شغلي فقط 
المهم ان عدت الايام وقولت لنفسي يابت عيشي لنفسك ولابنك واهتمي بنفسك وصحتك النفسية ومتشغليش بالك بيه ' فا طبعا ركنت موضوع العلاقة دا علي جنب ومبقتش اطلب خالص فا أصبح الوضع ممكن نكمل شهر واكتر من غير ما يلمسني ' روحت لدكتورة تخسيس ونزلت من وزني ٢٨ ك وروحت الچيم وبقيت مهتميه جدا جدا بأكلي الصحي وتمريناتي واخد فيتاميناتي ف وقتها وأصحي بدري واهتم ببيتي وبأبني ومش بسيب فرض ربنا المهم اني كل يوم بتطور اكتر وببقي احلي وأحسن وشخصيتي اهدي وأجمل 
وهو علي النقيض وزنه زاد جدا وبقي مهمل ف نفسه ومش بيروح البيت كل يوم قبل ٢ بليل ' وانا انصحه واقوله يا حبيبي خد بالك من أكلك بلاش تاكل بليل اهتمّ بصحتك وهو بردو ميستحملش مني كلمة ويبعد عني تماما 
لحد آخر فترة قعد شهرين قاطع الفلوس عن البيت مش بيجبلي طلبات خالص وانا كنت مديونة ف جمعية وطلبت منه اكتر من ٥ مرات وهو مش راضي وبتحوج لاهلي وبطل يجيب حاجة لابني والي زاد وغطي انه قطع النت عن البيت ولما اشتكيت حلف بالدين ما في نت هيشتغل فالبيت تاني ' لأنه معاه خط في نت unlimited في نت علي طول بتاع شغله 
المهم اني تأكدت تماما انه بش بيحبني واتخانقنا مع بعض خناقة كبيرة ومد ايده عليا وخدت ٣ شرايط برشام عشان انهي حياتي او أستغيث لأهلي يخلصوني منه لأنهم رافضين عشان معانا ولد 
ومن بعد الموضوع دا فات اسبوعين علي خروجي من المستشفى لا اتصل ولا جه ولا سال عن ابنه ولا بعت فلوس 
وعايش حياته بيخرج وبيتصور وشال من صفحته انه متزوج وشال اسمي 
وانا طبعا طالبة الطلاق وقررت اني مش هعيش مع البني ادم دا تاني ولا هضيع شبابي معاه بعجزه دا بس مرعوبة من اني أشيل مسؤولية ابني لوحدي وابقي بطولي مرعوبة من الي جاي ومن نظرة الناس مرعوبة من نفسي لاتغير للاوحش مرعوبة من الدنيا ممكن توديني علي فين 
وهو هيكمل حياته ولا هيشتغل دماغه بيا أنا وابني 
ملحوظة ** أنا بشهادة الكل جميلة من جوا ومن برةونظيقة جدا  وأهلي ناس محترمين وهيعيشوني مرتاحة من الناحية المادية .. 
انصحوني اعمل ايه 
واسفة جدا جدا لو طولت عليكم 🤍

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Durian_74314 🇪🇬

منذ 4 أسابيع

شعور مكسور القلب

26 سنه متجوز وعندي ولد وبحب مراتي ومراتي بتحبني جدااا بس بحب اكلم بنات ومش عارف أعمل اي حاسس اني عايز احافظ علي بيتي وفي نفس الوقت حاسس اني ببقا عايز اكلم البنات ومراتي مش مقصره معيا في أي حاجة نهائي

Banana_70492 🇪🇬 ده ادمان محتاج دكتور والانشغال بأعمال صالحة وعدم الفراغ

عرض الكل 15 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Tomato_75365 🇸🇦

منذ شهر واحد

شعور محبط

انا كان عندي ماضي مش كويس مع اهل زوجتي وانا حاليا مش بكلم اهل زوجتي وزوجتي موجوده معايا بس بسبب الي هي عملتو معايا هي واهلها حتي بعد ما بقا فيه اولاد بيربطو بيني وبينها وبقا الحياه شبه مستقره وانا مسافر وبعيد عنهم وهي قعدا في بيت بالايجار وانا اظطزيت لموضوع الايجار واعزل من بيتي بسبب ان دا من مطال

Apple_75055 🇪🇬

منذ شهر واحد

شعور آسف

انا عشره 8 سنوات مع مراتي واول مره اتنرفز جامد بس وانا متنرفز زقيتها خدت الولاد وراحت بيت ابوها وولاسف مش عارف اتوصل معاها ولا اتواصل مع اخوها اللي مش بيرد انا عملت غلطه فعلا بس تتصلح عشان كمان فيه عيلين اتمني تشاركوني رايكم ولو حد عنده خبره😢😢😢

Marshmallow_54069 🇪🇬 خد ورد و شيكولاته و روح بيت اهلها واعتذرلها و بوس راسها وقولها انك مش هتمد ايدك عليها تاني واديها وعد بكده و كبرها تاني قصاد اهلها زي ما صغرتها واندم فعلا علي اللي عملته علشان لو سامحتك المره ديه المره الجايه مش هتبصلك حتي

عرض الكل 7 نصيحة

Carrot_75144 🇪🇬

منذ شهر واحد

شعور مكسور القلب

انا راجل مصري ٤٥ سنة،مؤهل عالي، ملتزم بشتغل شغل كويس متجوز، و دي بقت مشكلتي الكبيرة معدش فيه تفاهم خالص بيني و بين مراتي، لدرجة بقينا ممكن نقعد بالشهر بدون العلاقة، متخيلين حالتي ناس بتقولي اتجوز بس هي اكيد رد فعلها هيبقى طلاق و انا خايف على عيالي مش عايزهم يعيشوا تجربة زي دي اللي بفكر فيه دلوقت،

Biscuit_75134 🇪🇬

منذ شهر واحد

شعور متوتر

لو غصب عني مجبرة اسافر واكون موجودة وسط اهل زوجي في بيتهم وكل ما اعرف اني هسافر هناك بيجيلي قبضة في قلبي لاني عندي صدمة من أمور عيشتها معاهم جرحوني كتير ربنا يجازيهم وكل شخص فيهم بيتعامل عادي كأنه مغلطش في حقي اتعامل ازاى في الفترة دي انا بكون مضغوطة جدا و قلبي واجعني ومش قادرة اسامح ابدا علي كل ا

Chilli_63940 🇪🇬 تجنبيهم وعيشي مع نفسك متتعمليش معاهم شرعا هما ملهمش حاجه عندك

عرض الكل 6 نصيحة

Apple_72243 🇪🇬

منذ شهر واحد

شعور قلق

وانا صغير مثلن9سنين احنا عاتات القبيله أنك تميت 15تتجوز انا اتجوزت بس مراتي مكنتش عايزاني هي كانت بتحب أصلا ليلت الدخله قلت ازيك قالت لي بوش مليان قرف 😒الحمد لله قالت لي انا مش عايزاك قالت لي انا في جمعه مش هقول قسمها هي جمعه كلها ناس هبل طيب قولتلها ماشي قالت لي انا لسه مكملتش قولت كملي قبل ما اقو

Avocado_73865 🇪🇬

منذ شهر واحد

شعور مرهق

وصلت لمرحله اني لما بشوف بنت بتتحب بتصعب عليا نفسي اللي هو لي جوزي ميحبنيش كده لي دايما يعاملني بجفاء وانا بقدم كل الحب والاهتمام لي عمره مسالني كلتي او عامله اي ف يومك لي دايما يقولي بحبك بس بحب امي واختي أكتر لي يحسسني اني ولا حاجه ف حياته

Mango_73744 🇪🇬 المشكله مش من عندك ده نقص داخله وبيعوضه بعدم اهتمامه للاسف الشخصيات دي يتتغذي ع ده وتحس بقيمتها وكيانها كل ما استمريتي الحل انك تمنعي كل ده.. وحاولي متقارنيش نفسك باي حد وتحسي انك قليله انتي بس اللي مش شايفه نفسك صح وحصرتي دايرتك عليه هو لو اهتمتي بشي غيره يفيدك واديتيله وقتك ونجحتي فيه هتحسي انك عايشه وانه في حاجات كتيره اهم من ده عيشي حياتك بالطريقة اللي تريحك وترفع منك ومتحسسكيش انك قليله.

عرض الكل 17 نصيحة

Croissant_21327 🇸🇦

منذ شهر واحد

شعور مهتم

جماعة هوا انا لما افضفض لصاحبتي اللي مش متجوزة عن حياتي ونا متجوزة دا عادي؟ أنا للأسف شخص موسوس اويي بالخصوصية ومش بحب اتكلم عن بيتي و زوجي بس حصل موضوع دايقني و اضطريت احكيه معاها، ف ان شاء الله عادي صح؟

Croissant_21327 🇸🇦

منذ شهر واحد

شعور مرتبك

انا مش ببقا مرتاحة أبدا لما بتكلم مع اخت زوجي أو لما نتقابل هيا مختلفة عني اوي فحاجات كتيير رغم ان يبان اننا شبهه بعض فحاجات بس بروض مختلفين جداً فمواضيع جوهرية انا بحاول اتكلم معاها لما يصادف اننا سوا او اشوفها بس عشان خاطر جوزي والله، لكن بجد ببقا مش مرتاحة أبدا وهيا موجودة ولا بفهم هزارها ولا كلا

Broccoli_74653 🇪🇬

منذ شهر واحد

شعور متعب

Sugar_64732 🇪🇬 هسألك سؤال ورد بصراحه انت بتقرأ قرآن طب بتصلى بتشغلوا القرآن فى البيت حافظ كام جزء علاقتك مع ربتا عامله ايه والأخت نفس الكلام طبعا هتقول ايه العلاقه جاوب وهقولك ايه العلاقه وكمان متنساش انه الأطفال ملهمش ذنب فى الى حصل جاوب وهقولك بإذن الله الحل

عرض الكل 20 نصيحة

عبّر عن شعورك بشكل مجهول

ازيكم. انا سني من ٣٠ ل ٣٥
متجوز من ٨ سنين وعن قصه حب قبلها ٤ سنين. ومعايا ولد وبنت
القصه ابتدت من ايام ما كنا لسه بنحب بعض كانت مش بتهتم بيا وسلبيه في التعامل رغم أنها كانت بتحبني. وتقريبا كانت بتعتمد عليا بشكل مبالغ فيه. بس كنت ديما بقول أنها مكسوفه ومحترمه ومكنش عندي مشكله وكنت متخيل أن اعتمدها عليا نوع من أنواع الدلع والحب.
لما اتجوزنا كل حاجه كانت زي ما هي كأني اتجوزت طفله صغيره مش عارف اتكلم معاها أو احكي معاها ولا حتي باخد منها الاهتمام والحب الي طبيعي اخده من مراتي وحببتي. وابتديت احاول اعلمها وحده واحده وخطوه خطوه ولكن كانت شايفه اني بعمل دا عشان انا مش شايفها كفايا وشايفه اني كده بحسسها بالنقص. ووسط كل دا اهتمامي باني اعمل لنفسي حياه كويسه خلاني ابعد عن صحابي ولاقيت بعد سنه اني لوحدي وكمان فشلت اني افهم الشخص الي معايا أن الحياه مشاركه وحب واهتمام. ومش هينفع يبقا طرف واحد الي بينجح العلاقه واستحاله المركب هامشي بيا انا لوحدي اني تعبت.
المهم اني بعد سنه قررت اننا هننفصل لاني مبقتش قادر.
وجاءت اول صدمه.. أنها حامل
هنا كل حاجه اتغيرت وقررت اني لازم اكمل عشان مش هينفع طفل ياربي من غير ابوه خصوصا أن انا مش مقتنع أن أمه هتعرف تربيه وكملت فعلا وعافرت سنه ودخلت في حاله اكتئاب حاد لدرجه ان اتوصفلي علاج ليه ومخدتوش.
آه نسيت اقولكم ان خلال السنه دي هي كانت شايفه أن اكتئابي وانعزالي عشان انا مش عاوز اكلمها واني السبب في الحياه الزفت دي.
والمره دي جات منها لانها شايفه اني معني انعزالي عنها اني بخونها.. ودا طبعا محصلش. وصدقوني كان نفسي اكون بخونها فعلا.
المهم طلبت الطلاق عشان مش مرتاحه معايا واتخنقنا واكتشفنا أنها حامل للمره التانيه وطبعا عشان احساسي الأوفر بالمسئوليه صالحتها. وكلنا حياتنا يومين حلوين وشهرين وحشين.
لحد ما قررت اننا نروح لحد متخصص. والحد دا فهم المشكله وفهم أن مراتي عنها تعلق مرضي وتواكل علي الآخرين ( يعني مش بتشكيل مسئوليه )
واكتشف ان عندي اكتئاب حاد وانعدام القدره علي تفسير والتعبير عن مشاعري.
وقلنا سنه وانا حاسس اني مقفول من الحياه. مش عارف انفصل عشان بحب عيالي اوي ومش عاوزهم يتربوا بعيد عن أهلهم. وفي نفس الوقت انا بخسر اخر جزء في نفسي كابني ادم. دا إذا مكنتش خسرتوا.

انا شخص نفسي حد يهتم بيا  ويتكلم معايا ويشاكرني اهتماماتي وشاركه اهتماماته
شخص احس أن وجودي في حياته مهم عشان بيحبني مش عشان أشيل مسئوليته بس.
انا فاهم أن طبيعي أشيل المسئوليه. عشان الناس المريضه  الي هتقول انت مش عاوز تشغيلها.
عاوز حد يحبني الحب يقدر وجودي وانا اقدر وجوده.

شكرا انك كملت قرائه لحد هنا.. لو عندك رأي تشاركه انا سامعك ولو عندك نصيحه اتفضل.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_26457 🇦🇪

قلبي وجعني من العلاقات اللي بتتكرر

كل شويه اتعرف علي واحد من ابلكيشان حواز وبعد كده فجأه يختفي معرفش ليه انا تعبت اخر واحد قعد يقولي انه معجب بيا وبشخصيتي وكان بيدور علي حد شبهي وفجأه بطل يكلمني ومش عوزهي مع ان محصلش حاجه انا حقيقي قلبي وجعني كل العوزه واحد اكمل معاه ويكون كويس انا مش بنت وحشه لا شكل ولا شخصيه بس فعلا ثقتي في نفسي بتتدمر كل شويه اكتر من القبلها معرفش عملت ايه ولا اذيت مين ولا ايه الحصل لكل ده ولا ايه اليخليني ديما اقبل ناس تأذيني كده بس انا مخنوقه اوي مقهوره قلبي وجعني امبارح قعدت اعيط كتير اوي والنهارده هموت واعيط بس قعده مع ناس فبحول امسك نفسي بس انا مش قادره ومقهوره وقلبي وجعني جدا بشكل مش طبيعي ...عرض المزيد

2 الدعم

31 نصيحة

Sugar_58980 🇪🇬

خايفة أبقى تقيلة على حد ويوم التخرج لوحدي

السلام عليكم انا حببت افضفض شوية اولا انا تقريبا طول عمري هادية بس مش انطوائيه و مش عندي صحاب كتير بس للاسف الاتنين اللي كانوا صحابي كان صحاب و سابوني بدون سبب مقنع يعني، أنا دلوقتي ٢٢ سنة و المفروض هتخرج السنه دي و كلهم عندهم صحاب ف الكلية و اتصوروا صور التخرج و انا حقيقي مش عارفه هحضر الحفلة ازاي انا بتكلم و بهزر معاهم عادي بس مش بحب افرض نفسي عليهم و اقولهم هخرج معاكم لاني دايما عندي شعور اني خايفه ابقي تقيلة علي حد و النتيجة اهو اني هكون لوحدي ف اليوم دا مش عارفه انا بكتب دا لي بس حبيت افضفض ...عرض المزيد

2 الدعم

19 نصيحة

Mango_22117 🇪🇬

دماغي عطلانه من التعامل وجها لوجه

التعامل وجها لوجهه غيرر بجد و حاسه منكتر مناا اتعودت علي شات مع كل معارفي بقت دماغي عطلانه بفكر ابطأ و باخد ردود افعال ابطأ و بفكر بمثاليه و بأوفر ثينك اجتماعياتي ادمرت و بجد بحاول انزل و اتعامل بس مش عارفه ارجع كويسه ...عرض المزيد

3 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع