خيانة زوجية

Apple_73496 🇪🇬

منذ 15 ساعة

شعور وحيد

اتجوزت وعملت كل الخير وفي الاخر اتخنت من زوجتي ولما عرفت طلقتها واللي خانتني معاه طلع نصاب وسابها رجعالي طبعا رفض رغم وجود اولاد المشكله اللي بتقابلني اني الحمد لله قادر اتجوز تاتي ماديا وصحيا بس مش قادر اعرف حد من كتر ان مفيش سبب لخيانتها مش متقبل اي حد نهائي

Carrot_67634 🇪🇬 اوعى تقرب من أي بنت الفترة دي لغاية ماتتعافى و أتقدم لبنت واتاكد من دينها واخلاقها

عرض الكل 9 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Coffee_68775 🇪🇬

منذ 4 أيام

شعور محبط

Apple_67544 🇪🇬 ربنا معاكى انتى وامك

عرض الكل 10 نصيحة

عبّر عن شعورك بشكل مجهول

انا بكره ابويا اوي والله مبحبوش و بدعي عليه و امنيه حياتي انه يموت 
من صغري محستش انه اب ولا بحنيه ولا باي حاجه 
بشوف خياناته لامي من وانا ٥ سنين وهي علشان بنت عمه صابره علشان العيله متخسرش بعض وكمان وجه نظرها انها جابت بنت ف مينفعش يبقى الاسره مفككه علشان لو جيت اتجوز ميحكموش عليا باني هفشل 
من فتره واحد بعتلي علي الفيس و بيقولي ابوكي لو مبعدش عن مراتي هعمل و اسوي فيكي و فيه و ف اخوكي وقتها كلمته استفهمت منه لقيت مراته دي اصغر مني ب٨ سنين و انها طالبه بتتدرب عنده و لقيته بياخد من فلوس شغل امي و بيصرف عليها يخرجها و لقيته عمل معاها علاقه فون و كلام كتير وقتها انهارت و قلت للولد انت تهديدك ده ممكن احبسك عليه بس اقولك اللي عنده معزه يربطها و انك لازم تطلقها لانها شمال ولا صح بما انك جوزها و عرفت كل ده و لسه معاها ف اكيد انت خروف 😅و قفلت معاه و خلصت الموضوع ده  
ف يوم كمان كنت نايمه و مخففه ما انا ف بيتي ف براحتي يعني قلقت لقيته بيتفرج عليا وانا مش متغطيه 
من وقتها حقيقي خوفت و بقيت بتعامل مع الكل وحش وبقرف منه 
انا وصلت لمرحله اني بقرف من ريحته بصدع من صوته بجد بكرهه اوي 
ده غير انه عمره مصرف علينا و منعرفش مرتبه كام و بياخد فلوس من ماما ماما هي اللي تعبت و شقيت علينا وعلمتنا انا و اخويا احسن علام و صبرت و اتحملت علشانا المهم هو تعب من كام يوم و زمايله كشفو عليه و رايح يعمل قسطره وانا مش هروح معاه ولا عاوزه اعرف عنه حاجه و بدعي عليه ميقومش منه مش متقبلاه والله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_68144 🇪🇬

منذ 5 أيام

شعور مكسور القلب

موضوع:

إيه أكتر حاجة مفتقدها في حياتك ؟؟

التقدير والاحترام لأن جوزي غدربيا واتجوز عليا وهجرني وحتي مفكرش يطيب بخاطري واتحول من الحب لكره بقيت مستغرباه وحاسه اني عشت مخدوعه الفتره اللي فاتت كلها ولحد دلوقتي مش عارفه لتخطي والسبب هو أنه كان بيعمل أنه بيكلم حد علشان يثير غيرتي وف الاخر اتخانقنا وساب البيت واتجوز بعدها باسبوعين ويحلف أنه مكنش

Mango_72387 🇪🇬

منذ أسبوع واحد

شعور محبط

انا تعباته اوى ومش عارفه اتكلم مع حد انا اكتشفت خيان زوجي وانه بكلم ستات كتير وبيعمل علاقات في التليفون وحست كده انه ممكن يعمل كده في الحقيقه ووجهته بالكلام دا واعترف وقالي انه غلطان وحصل مابينا مشدات كتير واتاسف بدل المره عشره وقال انه هيتغير وعايزني انسي واعيش عادى وارجع معاه زى الاول. بس انا مش ق

Pineapple_72269 🇪🇬

منذ أسبوع واحد

شعور مرهق

Coffee_71970 🇪🇬 سهله متقلقش كل شيء بسيط ان شاء الله

عرض الكل 2 نصيحة

عبّر عن شعورك بشكل مجهول

مساء الخير انا طالبه فاعدادي عندي 14 سنة ونص .انت كش عارفة المفروض اكتب كده ولا لا .بصوا انا ابويا شغال شغلانة مهمة و كده  . وامي مش بتشتغل هي من الصعيد و مدخلتش ثانوي عام بس كملت تعليمها المهم انا اكتشفت ان بابا بيكلم بنات من ٣ سنين او اكتر تقريبا .و كنت فاكرة ان امي متعرفش بس اكتشف بعدها بسنة انها تعرف .انا كنت مترددة اقولها بس بعدين لما عرفت انها عارفة سكت. امي ست غلبانة اوي ومقدرتش تعمل حاجة. المهم ابويا دا من سنة أو سنتين  كده اشتغل مع  اخو امي و امي رفضت و قالت إنه ميشتغلش معاه المهم الشغل فشل و بابا كان قاعد شهر كامل يعامل امي وحش اوي و قطع علاقته بعتلها و بعدها بفترة جدتي تعبت جامد و امي كانت بتتذل علشان تنزل الصعيد و بعد كده نقلوا تيتا لمحافظتنا وسكنت مع خالتي و كان ابويا بيكره تصرفات خالتي دي فكان بيبهدل امس لما تروح عندها علشان تعقد مع امها المهم من سنة تقريبا ابويا اتخانق خناقة كبيرة جدا مع اخت ماما التانية و الموضوع كبر و هما كانوا فالمستشفى علشان تيتا و كده و المهم ابويا كان بيكلم بنت خالت امي فكنت خالتها صورت خالتي وهي بتشتم فبابا بعد ما ابويا مشي و بعتته لبابا .بابا طبعا بهدل امي جامد وقالها متكلمش اخوتها كلهم تاني . و جدتي اتوفت تاني يوم و ابويا سافر هو وأمي العزا فالصعيد لمدة ٣ ايام فقط و لما رجعوا ابويا كان بيعامل امي معاملة بشعة اوي علشان حضنت اختها فالعزا اختها الي شتمت بابا المهم امي قطعت علاقتها بيها و بمعظم أخواتها. و من شهرين كده اخدت انا الاجازة و بعدها ابويا عمل معايا مشاكل كتيرة اوي و كانت كبيرة و كل دا بسبب انه عنيد و عايزنا نعمل كل الي بيقول عليه حتي لو غلط فأنا اتضايقت و قولت لأمي اني عارفة كل حاجة عن بابا و هي قالت إنه بالنسبالى ميت و انها مش متضايقة فأنا ياجماعة من لما عرفت بابا بيعمل كده كنت بنزل مواقع مش حلوة واكلم ناس مش محترمة و طبعا محدش يعرف و كنت بمسحها بس للاسف كنت بنزلها تاني و غير كده كنت بتفرج علي حاجت مش لايقة لسني و كنت بحس نفسي اني زي بابا بس بفكر اني كده بتنقم منه. انا بشوف نفسي وحشة اوي و مش حلوة و جسمي مش حلو و كده و بحاول دايما الفت نظر الاولاد و كلمت اولاد كتبر علي تطبيقات بس مش بكلمل معاهم و انا بحاول منزلش التطبيقات دي تاني بس الشهر دا معاملت ابويا لأمي كانت وحشة كل دا علشان امي عايزة تسافر تحضر ثانوية جدتي و فعلا سفرها بس بعد شتايم و كلام بشع انا ابويا فعلا بطل حاليا يعمل معايا مشاكل هو للعلم ابويا مش بيضرب و عمره مأثر ففلوس انا ابويا مش حرمنا من حاجة و بيعملنا معظم وقته حلو و امي برضو بس اوقات المهم انا حاليا بقيت مش طيقة اسمع صوته ولا اتكلم معاه ولا حتي أقرب ليه بس بمثل قدامه و بعامله حلو لدرجة اني بفتكر اني بحبه بس انا مش حابه حياتي مع ابويا و خصوصا اني عرفت انه زمان جاب واحدة لما سافرت مع امي وانا صغيرة اوي و رجعنا لقينا البيت نظيف اوي اوي و حاليا عرفت ليه البيت كان نظيف المشكلة انه اخواته عارفين و بيعملوا زي و حتي امه عارفة بس ساكتة و انا امي قولتلها قبل كده انها تنفصل بس مينفعش علشان احنا مسيحين و صعب الطلاق يحصل و قولتها انها تروح تقعد فالصعيد بس قالت إنها هتروح لمل جدو يتوفر علشان متزعلش عليها . انا اوقات بحس اني بافور بس انا اوقات كتير بنام معيطة بسببه لاني حزينة علي امي الي مش عارفة تعمل حاجة غير انها تدعي .انا بقيت عصيبة اوي و اي كلمة حتي لو بسيطة بتضايقني و بطلع عصبيتي علي اية حد و دا مضايقني و الي مضايقين اكتر  ان ابويا بيخون امي بقاله 14 سنة كاملة و لما امي تواجه بيقولها انه بيهزر بس مش اكتر و ابويا ميعرفش اني عرفت ولا يعرف ان امي تعرف هو بيكلم مين

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_54138 🇪🇬

منذ أسبوع واحد

شعور مستنزف

Lemon_62961 🇪🇬 لو كل اللي قولته دة حقيقي و مفيش اطفال طلقها هي قررت انها تظلمك قدام والدتك لمعرفتها بخوفك على مشاعر والدتك .. يبقى هو دة هيبقى اسلوب الحياة ف الاحسن تتطلق دلوقتي و تخسر حتى لو كتير من انك تتطلق بعدين و هتكون خسرت نفسك و حياتك و بوضح تاني لو كلامك دة كله حقيقي بدون تمحور حول نفسك أو زيادات نتيجة شعورك ف كلامي هيكون زي ما هو لو فيه اطفال الطلاق مش الحل .. اعتقد الحل انكم تروحوا ل متخصص أسري

عرض الكل 14 نصيحة

عبّر عن شعورك بشكل مجهول

اعتبروها روايه
وآسف على الإطاله
لكن بكتب علشان هتجنن ومش عارف اتجاوز مشاعرى 
اتجوزت من ١٥ سنه
فى الخطوبه كانت شخصيه متفاهمه وكنا بنتكلم فى كل حاجه تخص مستقبلنا والاقى فيه توافق بينا وتفاهم ومافيش اى اختلاف بعد الجواز كل اللى كانت بتقوله اتعمل عكسه تماما من اول يوم 
اتفاجئت بوش مختلف تماما بس كنت عايش فى الاحلام الورديه بإنى ممكن اغير اللى قدامى
اديتها اهتمام وحب واستماع 
ومشاركه فوق خيال اى حد 
بشهادة صحبتها القريبين اللى كانو بيشفونا سوا كانو بيقولولها اللى جوزك بيعمله مافيش حد بيعمله

هى شخصيه شايفه انها محور الكون وان العالم كله بيشكر فيها وفى نفس الوقت العالم كله بيتآمر عليها

طول السنين بسمع لمشاكلها مع كل الناس وكنت بصدقها ان الناس كلها وحشه وان كله بيتآمر عليها فى الشغل ووسط اصحابها 
اوقات اتحمق علشانها واوقات اهديها نحيه حد فكانت تتجنن لو دافعت عن اى حد فقررت اسمع واطبطب بس
  اصبح يوميا فيه فقره للشكاوى بتمتد للساعات بدون مبالغه استماع فقط تحت اعتقاد منى انى بحتويها وبحتوى وجعها

وطبعا كانت مركزه مع ولدتى جدا وبتحول اى كلمه لمعنى تانى واى حاجه تجيبها ان ليها معنى تانى 
فضلت اشرحلها انها ست مالهاش فى الكلام بمعنين وانها عايزه تساعدها فعلا و كل تصرفتها بحب وانا ادرى بيها 
و بالرغم ان ولدتى عملت معاها مواقف كتير حلوه فى فلوس وجدعنه ومجاملات  ماتتنسيش لاى مخلوق عنده ضمير

لكن فضلت الخلافات بينى وبينها كتير على اى موقف او كلمه لامى لدرجه انى طلبت منها انها ماتجبش اى حاجه فى البيت عندى او تساعدنا فى اى حاجه من اى نوع وطبعا ده عمل فجوه كبيره 
لحد ما فيوم بردو كانت بتكلم عن امى وصوتنا على جامد ولقيتها فجاه بتشتم عليها شتيمه فى منتهى القذاره بدون ما اشعر ضربتها بالقلم 
وانا عمرى فى حياتى ما تخيلت امد ايدى على واحده ابدا بس لقيت نفسى ولدتى بتتهان باقذر الالفاظ وواحده واقفه بتردح حرفيا وانا شخص ماليش فى الاسلوب ده نهائى فكان رد فعلى تلاقئى وبعد ما ضربتها لقيتها بتعيط اتاسفتلها واخدتها فى حضنى وفضلت اعتذرلها واقولها ليه توصلينى للمرحله ده انتى مش هتهينى امى وكرامتى كراجل امه بتتشتمه وهقف اتفرج 
اعتذرت هى كمان واتفقنا ان ده مش هيتكرر

نفس الموقف اتكرر بعدها بكام يوم بالرغم من ان امى بعدت عنا تماما حتى بالسؤال 
وبردو ضربتها ومش عايزه تبطل شتيمه فلقيت نفسي هعمل مصيبه   كلمت والدتها قولتلها بنتك بتقولى كذا كذا لو مجتيش دلوقتى انا هقتلهالك  
امها كلمت امى قالتلها ابنك هيقتل بنتى وجم هما الاتنين وفضلت هى وولدتها يشتكو لولدتى ازاى اقول جمله زى ده وامى نازله تقطيم فيا وانا مش قادر احكى هى عملت ايه ولا قالت ايه علشان امى ماتخدش منها موقف طول العمر وبدل ما يلمو الدور فضلت تمثل  وتتمسكن وتقولها بصى يا طنط عمل فيا ايه مستغله انى مش عايز افضحها وامى تقولى انت اتجننت علشان تضربها  وانا اقولها معلش انا غلطان
وانا جوايا نار ومش قادر انطق

واحده واحده يمر الوقت والاحظ انها بتفضى دائره الناس حواليا يعنى اى حد قريب منى تكرهنى فيه اى هوايه امارسها تكرهنى فيها  ةمابتعملش كده بشكل مباشر لا خالص لانى مش شخص بيقول حاضر ونعم انا بحب النقاش والاقناع 
فبتفضل ترمى كلام سلبى طول الوقت عن الحاجه او الشخص اللى عايزه تبعدنى عنه 
وانا اصلا كنت شخص اجتماعى جدااااااااا وبحب التمثيل فضلت تحاول تبعدنى عن كل الناس وعن التمثيل وانا متشبث فيهم بس كل نشطاتى قلت جدا ما بين المسؤليات الطبيعيه وبين حربها البارده

كل فتره كنت بحاول افتح معاها صفحه جديده واهتم بيها اوى وابدا كإننا فى فتره خطوبه هدايا ومغازله واهتمام 
لما كنا نبقى رايحين مشوار اقف فجاه عند محل ورده وانزل من غير ولا كلمه اجبلها ورده 
تفرح اوى وتقولى الله حلوه المفاجاه ده 
اخر اليوم الاقى الورده مرميه 
فى الزباله او ارض العربيه 
وده نموذج مصغر لنهايه كل محاولاتى

قصتى طويله اوى وده لسه فى اول سنتين
 لسه فيها كوارث كتير وكم دمار نفسي رهيب
وصدمات مالهاش اول من اخر انا بكتب علشان افضفض لو حد اهتم يقرا هكمل كتابه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Corn_70157 🇪🇬

منذ أسبوع واحد

شعور مكسور القلب

هو ليه الواحد لو فكر يتجوز علي مراته يبقي خاين ، حتي لو مافيش مشاكل والدنيا تمام علي فكرة ، جوة كل راجل مننا رغبة في التعدد ، ومع ذلك بيقابل ده شعور الست بالدونية لو جوزها مجرد فكر، مع ان لو عرفت ان معزتها هتزيد عنده لمجرد انها سمحت بكدة، وبعدين هل هو شئ حرام في الدين ، ولا هل فعلا الافلام والمسلسلا

Marshmallow_60066 🇪🇬 معرفش صفتك ايه عشان تتكلم بلسان "كل" الرجاله وعندك كلام كتير غلط بس مش هقولك غير ان زمن الجواري كان فيه عبيد مننا برضو ودي مكانتش حاجه حلوه عشان كان ممكن حد من عيلتك تتخطف وتبقي جاريه

عرض الكل 29 نصيحة

Cookies_68867 🇪🇬

منذ أسبوع واحد

شعور لا مبالٍ

Coffee_67699 🇪🇬 بصي يا بنتي و اسمعي اللي هقوله ده كويس لان محدش هيقولهولك انتي لازم تقعدي و تتكلمي معاها و تواجهيها قوليهالها بكل وضوح اتطلقي يا ماما و اتجوزي تاني حد يستاهلك و لو علينا فا وجودكم مع بعض باللي انتي بتعمليه ده بيضرنا اكتر من طلاقكم لازم تواجهيها بما انك الكبيره لان لو باباكي عرف هيقتلها و ساعتها هتلومي نفسك لانك ما اتدخلتيش في الوقت المناسب

عرض الكل 7 نصيحة

عبّر عن شعورك بشكل مجهول

انا هتكلم هنا ف الموضوع دا لاول مرة ف حياتي عشان انا حتي مش قادرة اعترف بيه قدام نفسي ... انا بابا و ماما بينهم مشاكل كتير من و انا صغيرة و انا حاليا عندي 19 سنة  و بابا من النوع القاسي اوى اللى مش حنين خالص و اوقات من كتر الانتقادات على شكل و وزن و كل تفاصيلنا بنكتئب بس من سنين و انا شوفت ف تليفون ماما انها بتكلم واحد كنت وقتها ف تالته إعدادى و بعد بحث قصير عرفت ان دا الاكس بتاعها قبل ما تتجوز بابا مع العلم ان جوازتهم اصلا كانت صالونات و من غير اى مشاعر و بعدها تجاهلت الموضوع بس حقيقي هى نزلت من نظرى جدا لأن الخيانة و القرف دا حرام و عيب و شيئ مقزز جدا ، المشكلة ان بعدها و انا ف ثانوي بالصدفة بردو لقيتها بتكلم واحد غيره من منطقتنا بردو و لسه لحد دلوقتي بتكلمه و انا بجد من وقتها مش عارفه اتعاطف معاها مع اني عارفة ان اللى بابا بيعمله فيها و فينا مش قليل وحتى مش قادره احط نفسي مكانها بس في نفس الوقت مش عارفه اتقبل الذنب فكرهتها اكتر ما كرهته ولما الناس بتقولي ازاي مش متعاطفه مع امك مع انك شايفه تصرفات ابوكي مش بعرف ارد بس قلبي بيوجعني اي نعم بابا يكره اي حد في حياته وانا لو منها كنت اتطلقت بقالى سنين ، بيوهموا نفسهم انهم مكملين عشان خاطرنا و انا و اخواتى اكتر ناس اتأذت نفسيا من العلاقة دى وانا اكترهم لاني الكبيرة و انا اللى شوفت القهر بعيني سنين حياتي كلها اعمل ايه و اسفة لو طولت 🙏🏻

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_69605 🇪🇬

منذ أسبوعين

شعور مزعوج

عبّر عن شعورك بشكل مجهول

السلام عليكم ورحمة الله وبركاته  جديده معاكم هنا ومحتاجه اتكلم عن تجربتى انا تزوجت من رجل مطلق وعنده ٣ اولاد ولد وبنتين  وانا كنت لم يسبق لى الزواج من قبل والحمد لله راعيت ربنا فيهم  ولكن للاسف اكتشفت حاجات كتير فى الزوج غير مناسبه لى بالمره واسباب طلاقه كانت صدمه كبيره ليا لانه من خلالها تاكدت من سلبيه الزوج فى كل الامور واللى منها ضيعت ولاده انا انجبت منه ولدين وبنت حاولت اغير واحافظ على البيت بس كان على حساب حاجات كتير مقدرتش اطلقت بعد 12 سنه واستقريت باولادى فى شقه تمليك اشترتها من شغلى منا كنت بشتغل من صغرى وكنت بتمنى اتجوز واقعد ف البيت لكن النصيب المهم مع الوقت ابنى الكبير تاثر بالطلاق وقرر يعيش مع ابوه ودى كانت بدايه الكوارث سجاير بقا مخدرات تعب نفسى وجسدى اهمال فى كل شئ والاصعب ان اخوه الكبير من ابوه شاب توفى من المخدرات وهو بعمر 29 سنه واجعلى قلبى لحد الان  وعانيت مع ابنى ولسه بعانى عافرت وخليته يكمل تعليم لان ابوه خلاه ساب المدرسه  ودخلنا مصحه غاليه ادينت واستلفت وحاولت اصلح لكن كان من وقت للتانى رايح جاى بينى وبين ابوه المهم من فتره حصل هنا كوارث عند ابوه وجه يتحمى فينا ويقعد معانا  وبالفعل قعد بس مشاكل بينا طول الوقت مش عايز يشتغل معتمد عليا كليا  تعبلى اعصابى خلانى بعد صبر 10سنوات بعد الطلاق من غير زواج افكر ادور على رجل يكون سند وظهر  ولكن يريد الله ان يرزقنى برجل حسبى الله ونعم الوكيل فيه تزوجت 10 ايام فقط وبعدها طلبت الطلاق لانه كذاب ومخادع ادعى انه ارمل وعنده 4 اولاد وبعد الزواج اعترف انه كان متزوج اكتر من مره وفى اتنين على ذمته صدمه كبيره ليا اوى خصوصا انى وافقت لانه متدين ومصلى الفروض كلها فى المسجد يعنى اختارت الدين ولكن هو ليس له علاقه بذلك وطبعا المده البسيطه دى كانت كلها قهر وبخل وتحكمات بدون داعى وكان لا يصلح للزواج والعفه لانه غير قادر طلبت الطلاق شرط رجوع الدبله والتنازل عن المؤخر بمنتهى الوقاحه تفتكروا العيب فى مين وانا صبرت وتحملت من اجل اولادى يكون دا نصيبى لا حول ولاقوة الابالله  اعتذر طولت عليكم بس ذى ما فى رجاله منهم لله فى رجاله كويسه بس مقبلتش غير الوحشين  
اه للمعرفه انا ابو اولادى مكنش بيصرف عليهم نفقه لا تذكر وانا اللى اشتغلت عليهم واتكفلت بكل طلباتهم 
محتاجه بقا رايكم لانى حقيقى نفسيا مش احسن حاجه وشكرا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

شوفت الچوكر؟ انا شخص بقى حاجة شبه كدا من ناحية الزواج، انا مريت بتجارب من شدتها عليا مش قادر حتى اتكلم عنها وانا هويتي مخفية لاني لما بفتكرها مش بيجيلي انا شخصيا نوم الحاجات دي خلاتني معقد نفسياً من الجواز ومريض نفسي في نفس الوقت بقيت دايماً جوايا  شراهه لممارسة الجنس مع بنت شكل كل يوم واهم حاجة تكون في اطار محرم وبالذات لو مرتبطة او متجوزة ويا سلام لو مخلفين (اي نوع من انواع سكس الخيانة) اللي دارس علم نفس وفاهم هيعرف من كلامي انا كنت بواجه ايه خلاني كدا  (بتوع الدين ما تكملوش عشان انا مريض وهتزعلو مني) وباكد دا جوايا لكن فعلياً مش بعمل كدا بالشكل اللي بتمناه بس لمجرد اني دا جوايا فانا حاسس ان مريض نفسي لان طالما النية موجودة فالمانع الوحيد هو  ان بس مفيش ظروف توفرت لحدوث دا كل خطوة باخدها بتقربني لتحقيق دا للاسف سواء بشكل مباشر او غير مباشر بقت حاجة محسوبة ومستهدفة في كل خطوة باخدها في اي اتجاه او اي مجال في حياتي وكل ما افكر في الجواز احس بحزن اني مش هكون عريس مش هحب واتحب بجد واحدة اكمل معاها بقيت عمري مش هكون اب من الاخر شعور تكوين العيلة مس هعيشه وكل ما الاقي حزني بياثر عليا وهيخليني بس افكر ولو ١٪؜ بروح اتفرج على افلام فيها قصص مشابهة للتجارب اللي مريت بيها تخليني اكره الموضوع اكتر واكتر حرفياً قنبلة موقوتةو اهلي كانو دايماً لما يفتحو الموضوع يقولولي لما تكبر هتغير رايك بس كنت دايما اقولهم صدقوني لما نيجي وقتها مش هغير راي انا حاسس اني بغفلكو وهما كانو مصرين  لحد ما وصلت ل٢٢ سنة حالياً وبدا الكلام يكبر شوية لما اقول اني والله ما هتجوز نظراً لان دي مرحلة الجواز فهنا كانت الصدمة ليهم اني ما كنتش بهزر فعلاً وبردو لسه هنا في البداية يعني لسه اتوقع هيحصل مشاكل وزعل وخناقات  بسبب الموضوع دا فالموضوع بيقرب كل يوم عن اللي قبله طول منا بتجه لسن ال٣٠

الناس اللي فهمت وهترد تقول صوابعك العشرة  مش زي بعض صح بس ايه الضمان ان يطلعلك الصابع الحلو؟ مش لمجرد انك عارف ان اكيد في حد نضيف يبقى معنى كدا انه بالصدفة البحتة هيبقى من نصيبك!
انا حالتي عارف انها معقدة وممكن دكتور نفسي بنفسه يهنج  قدامها بس المصيبة ان دي مش اصعب حاجة اصعب حاجة بقى اني اصلا رافض حتى حد يغير فكرتي وحابب اللي انا فيه رغم اني عارف انه وحش يعني لو جالي دكتور نفسي قالي انا اقدر ١٠٠٪؜ اغير فكرتك وفعلاً كنت مؤمن ومصدق كلامه فانا اصلا ههرب منه  لاني ببساطة مش عايز اغير فكرتي انا مؤمن ان فكرتي هي الواقع ولو حد غيرهالي هبقى خسرت فممكن الاقرب اني اروح لحد شبهي مر باللي مريت بيه وبيعمل نفس الغلطات اعقده ويعقدني اكتر…

لو وصلت لحد هنا…

فانا حاسس بيك شايفني دلوقتي مصيبة ماشية عالارض ، بس انا في الاول والاخر انسان وكويس في كل حاجة تقريباً الا دي، شاطر في شغلي، دراستي، اتولدت لاب كان بيخليني انام جعان (ودي قصة اوسخ مليون مرة) بس خلاتني اكون الشخص اللي انا عليه دلوقتي،الناس بتقول عليا وسيم،  مسكت فلوس محدش في سني يحلم بيها وكله كان بتعب ومجهود شخصي ومهارات ولغات اتعلمتها، ولسه شايف نفسي قليل جداً مقارنة بطموحاتي عندي احلام تتخطاني انا شخصياً نفسي اعمل حاجات كتير للناس ولبلدي "مصر" متعمق جداً في الاديان وفاهم انا مسلم ليه كنت دايماً رافض اكون مسلم لمجرد اني اتولدت مسلم وبصلي (متقطع) بس بصلي وبيبقى بخشوع وحافظ سور كتير من القران الكريم…

معرفش ممكن تصنفني ايه بس انا واثق انك عمرك ما صادفت حالة زيي.
لو هصنف نفسي هصنف نفسي بالشخص اللي ربنا خلاه مثالي في كل حاجة بس قصاد دا اداله عيب بنفس قدر مثاليته.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_68794 🇪🇬

منذ أسبوعين

شعور ضائع

Tofu_68808 🇪🇬 نعم انتي بتهزري ازي قبلتي علي نفسك كده انتي قليتي من نفسك جااااامد اوي فين كرامتك يابنتي انتي غلطتي في حق نفسك جامد ده راجل بخيل وكمان عايش في قفا مراته ولا كمان بتاع أمه و لا هو ضهر يعتمد عليه ولا عايز يكون عيلة معاكي انتي مستوعبه انتي في ايه في الف غيره يستهلوا بنت قمر زيك وحتي ضفرك بس اما ده ستين لاااااا

عرض الكل 21 نصيحة

عبّر عن شعورك بشكل مجهول

السلام عليكم ورحمه الله وبركاته كنت عاوزه احكى مشكلتى بس اللى عنده قوللى ايه رايكم  
انا اتجوزتش من فتره قليله اوى واتطلقت بعد  شهرين جواز 
جوزى كان بيتكلم فى القايمه من تانى اسبوع جواز على اسا ان المبلغ كبير عليه وهو كان ٤٠٠ الف وفضل كده لمده شهر ونصف وان هو اتنصب عليه مع العلم ان هو كان قاعد فى شقتى ملكى وما جابش حاجه غير العفش وبس وانا اللى جايبه الاجهزه والباقى كله 
وكان دايما يقولى انتى تحت الاختبار حشوف حتنفعى ولا لا  وخلى امه تيجى تعد معايا من تانى اسبوع جواز بحجه ان امه وحشته وهو واحشها وفعلا فضلت قاعده لحد ما خربت البيت وطول ما هى قاعده فى البيت كانت بتقوله طلقها طالما مش جايبه العزال اللى مفروض تجيبه طلقها  وبرده كان بيقولى   انه كان بيعمل واجباته الزوجيه مجرد واجب وبس مش اكتر وكان بيعمل سلوك علشان مايخلفش منى وانا لما لقيت البيت بيتخرب حاولت كتير مع اهلى انه اقلله قيمه القايمه وفعلا عملت كدل ونزلت سعرها النصف مع بابا وقطعنا القايمه القديمه وعملنا واحده جديده  واخيرا قولت ان الدنيا اتظبتت واتحلت ومفيش مشاكل تانى رجع من يوم القايمه بعد ماااتظبت لقيته بقولى ان ابويا حلف على امى بالطلاق انى مااااامشيش معاكى بره المحافظه اللى احنا فيها مع العلم ان كان عندى شغل فى محافظه تانيه قولتله طب وشغلى حعمل ايه فيه قالى شوفى حد تانى ابوكى ابن عمتك يوصلك قولتله طب لو حصلى مصيبه قالى مااتصليش بيا وان اهلى واخويا اهم حاجه ولو جبت منك عيل حدوس عليه سكت وعيطت وما ردتش عليه بس فى الاخر قولتله ان انت شايف ان دا جواز وانك كدا سند ليه وضهر وقولتله فكر فى طبيعه علاقتنا وقولى انت عاوز ايه بالضبط على طول فكر فى الطلاق 
بعد كدل امه قالتلى تعالى وانا حتصرف وبنات الناس مش لعبه فعلا روحت وبعد كدا حصل مشكله عبيطه اوى اديته التليفون فى ايده قالى انتى بتخبطيه فى ايدى وقعد يزعق جامد حاولت اصالحه لانى تعبت من كتر المشاكل راح نزل عند امه جرى وقعد يقولى انا مش حصبر عليكى وامه قالتلى اطلعى انتى وانا حبعتهولك 
طلع ودخل اوضه الاطفال والمشكله ما ااتحلتش برده 
انا عندى حساسيه صدر شدت علبا تانى يوم جامد فكان وشى احمر اكنى معيطه امه شافتنى قالتلى والله مااانتى قاعده على ذمته وفعلا طلقنى ورمانى منفصله فى الاول بدون طلاق ٥ شهور ويفضل ينزل فى شتايم وقله ادب ويبعتلى كلام صعب انى اقوله 
ايه رايكم فى الراجل دا كان شارى ولا بايع  
مع العلم ان قبل الانفصال باسبوع كان واخد شنطه هدومه وبيقولى ان اخوه بيلبس معاه ولازم الهدوم تكون فى بيت امه وكنا كويسين مع بعض ساعتها 
انا عاوزه رايكم 
انتوا شايفين ايه واسفه على الاطاله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Mango_65299 🇪🇬

منذ أسبوعين

شعور محبط

انا جوزي شخصيه نرجسيه شوفت منه اسوء معامله عل طول ينتقضني وبعد 25 سنه اكتشفت أنه بيخوني. كدب عليا و أنكر و حلف أنها علاقه شغل وبطل يكلمهاو انا صدقته و بعد سنه اكتشفت انه اصلا مسبهاش زعقت و اتخنقت معاه و هو بينكر برضوا في شتات بينهه بينها و مينفعش اسيبه لانه معايا عيال و معنديش مكان اروحه و لا عندي

Marshmallow_68186 🇪🇬

منذ 3 أسابيع

شعور وحيد

عبّر عن شعورك بشكل مجهول

متزوجه وعندي تلات اطفال واخده اجازه من الشغل وعايشه في بيت عيله بس منعزله عنهم وفي ارياف وطول الوقت محبوسه مع اولادي ف شقتي بقيت هصبيه وعندي هالات تحت عيني وتخنت وبقي عندي كرش ومبقتش عارفه اتعلم ولا ازاكر في تخصصي وقتي طول اليوم للعيال جوزي من اول الجواز بينزل اجازه بسيطه وطول الوقت مسافر وحاليا خلاص هيبقي موجود ع طول بطلب منه ناخد شقه ف المدينه عشان امزل عيالي حضانه وابدا ازاكر واتعلم بس احنا ف مشاكل طول الوقت هو حياته وشغله ودنيته استقرت تماما بقوله يقف جنبي بس ويساعدني اودي الولاد حضانه لكن هو بدا ينعزل لوحده ف اوضه ويقفل ع نفسه بالمفتاح ومش عاوز يكلمني لو كلمته يتعصب ويشتم وطول الوقت في اهانه
وعصبيه وخناقات وتزعيق وده ماثر ع عيالنا انا تعبت جامد جدا من الحياه ومش عايزه اسيب البيت عشان عيالي متعودين ع بيتهم هنا واحنا مرتاحين فيه بس حقيقي جوزي بيخوني ومش بيحبني وتعامله سئ جدا جدا انا بقيت اتجنبه اعتبره مش موجود انا طول الوقت لوحدي وحزينه وبدا يظهر عندي تعب في جسمي انا مخنوقه ان وقفت معاه لما كان ف الحيش وكان ف اول شغله مفيش اجازات انا ربيت اولادي لوحدي مساعدنيش انا تعبانه من تعامله بدل ما الظنيا تبدا ترتاح معاه يخليني انا كمان ارتاح لكن هو مصعب كل حاجه عليا وتاعبني جامد اوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_58154 🇪🇬

رجعتتت فاضي لكل حد حابب يفضفض

لو حد حابب يفضفض او يكلم انا فاضي (لسه حسابي مفكوك م الحظر) رجعتتت . . . . . . . vfhmdysgnzgnsgmdhmsmhxhmhvfhmdysgnzgnssgmdhmsmhxhmhvfhmdysgnzgnsgmdhmsmhxhmhhxhmjxhmsmhxhmhvfhmdysgnzgnsgmdhmsmhxhmhhxhmjxmhxhmxngjjfhmdysgnzgnsgmdhmsmhxhmhhxhmjxmhxhmxngjjfmhjjxgnzgnsgmdhmsmhxhmhhxhmjxmhxhmxngjjfmhjjxmhxgnsgmdhmsmhxhmhhxhmjxmhxhmxngjjfmhjjxmhjjnsgmdhmsmhxhmhhxhmjxmhxhmxngjjfmhjjxmhjjnjcmdhmsmhxhmhhxhmjxmhxhmxngjjfmhjjxmhjjnjcukjxsmhxhmhhxhmjxmhxhmxngjjfmhjjxmhjjnjcukjxukhdhmhhxhmjxmhxhmxngjjfmhjjxmhjjnjcukjxukhdhmxuljdhmmhxhmxngjjfmhjjxmhjjnjcukjxukhdhmxuljdhmdhmjjxmhjjfmhjjxmhjjnjcukjxukhdhmxuljdhmdhmjjxmhjdn fukjfukfukjfukjfkjfkudumdhdndmydnhsngwndntsndymsynsnysbgstnsntgnsh. sgnsg. zngzb. sgnzb x. bxn dn ...عرض المزيد

0 الدعم

0 نصيحة

Ice Cream_72258 🇪🇬

ليه الراجل بيحتاج حضن يرمي نفسه فيه وقت الزعل؟

هو لو الواحد فكر ان عنده تلات رجاله عايزين يتجوزك بس كل واحد ميوله في الجواز حاجه معينه يعني مثلا الاول بيحب يتجوز عشان يمارس عاده الجواز و التاني يتجوز عن حب دايم و كده و التالت بقي بيكون نفس التاني بس ده بيكون عنده مشاعر تانيه زي انو عايز حد يقع في حضنه لما ميكونش لاقي حد يحتويه وبالزات لو حد ملقاش الحضن ده و هو صغير ببقي عايز وقت زعلي كده اترمي في الحضن ده و ابقي متمسك بيه اوي و مسيبش الحضن ده يضيع من ايدي بجد ده احسن احساس انت ممكن تحسه بيحسسك بالأمان و انك مش لوحدك بتعمل عشان مراتك و عيالك فاهمين ولا انا كلامي غلط ...عرض المزيد

0 الدعم

7 نصيحة

Carrot_52708 🇪🇬

ازاي قلبي حبها وهي ممكن تبقى سبب وجعي؟

أنا ساعات بقعد مع نفسي وأسأل: هو إزاي قلبي حبها؟ إزاي فضلت أفكر فيها وأدعي ربنا تكون من نصيبي، وأنا عارف إن في لعبة أكبر مني، وإنها يمكن تبقى جزء من الناس اللي بيحاولوا يهمشوني ويخلوني على جنب؟ يمكن الحب مالوش منطق، يمكن هو اختيار القلب مش اختيار العقل. هي بالنسبالي بقت زي اللغز، كل ما أحاول أبعد ألاقي نفسي راجع أفكر فيها. يمكن عشان شوفت فيها حاجة أنا محروم منها: الاهتمام، الدعم، إن في حد شايفه المدير وعايز يرفعه. وأنا في الناحية التانية شايف نفسي مهمش، متساب، ومحدش بيدور إزاي ينجحني. يمكن قلبي حبها مش عشان هي بالذات، لكن عشان الإحساس اللي وصلني منها، إحساس إني عايز أبقى في الصورة مش على الهامش. أنا عارف إن ممكن تبقى مش بريئة من اللي بيحصل، وممكن كمان تبقى مجرد مستفيدة من الوضع، مش أكتر. بس ده ما منعش قلبي إنه يتعلق بيها. وده اللي محيرني: إزاي أحب حد ممكن يكون سبب في إني أوجع أكتر؟ بس يمكن أنا بدور على طوق نجاة في وسط إحساسي بالوحدة. يمكن دعائي بيها هو محاولتي إني أقول لنفسي: لسه في أمل، لسه في حاجة حلوة ممكن تيجي من عند ربنا. يمكن هي مش تبقى من نصيبي، بس يكفيني إني دعيت بيها بصدق، وإني حسيت إن قلبي لسه قادر يحب، حتى وهو موجوع. ...عرض المزيد

1 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع