وجع قلب

Strawberry_58144 🇪🇬

منذ 3 ساعات

شعور مكسور القلب

مشكلتى.. اننى التفتت اليك بكامل روحى.. بينما لم يكن عليّ سوا الالتفات فقط.. خلتك ملازى.. لامست عيناك قلبى.. من برائتى حسبت نظراتك وعودا صدقت القصه التى بنيتها وحدى فألقيت عليك بقلبى كله دفعه واحده.. قبل ان تلقى عليّ بمحبه منك قبل ان امسك بقلبى اى طرفا من أطراف مشاعرك ولم اتخيل حتى.. انك غير مستعد.

Almond_56393 🇪🇬

منذ 5 ساعات

شعور مكتئب

كرهتها قد ما حبيتها وحشتني ومش هينفع نرجع كلامها زي السم بيجري في دمي انا كنت قتيل بيطعن في قلبه مع اللي قتله بقيت بكره سيرتها وصورتها وذكرياتها كل حاجة لسه بتأثر فيا بالسلب كنت مدمن ع اهتمامها كانت بتعرف تديني اللي ناقصني بتقولي نرجع ، عاوزة تكمل عليا حالها مش احسن مني زمانها غرقانة ف دم قلبها محدش

Almond_55898 🇪🇬

منذ 18 ساعة

شعور محبط

ازاي حبنا لاهلينا فضل يقل يقل يقل لحد ما وصل من مرحله الجنون بيهم لمرحله الكرهه انا بقيتش قادره اتعامل معاهم ولا ابص ف وشه انا بقيت زعلانه اني بقول اني بكره بابا بجد انا ميته حزن لاني كنت بحبه بموت فيه ما كنتش مستحيل اقعد ف مكان هو مش موجود فيه حاليا مش بطيق وجوده ولة بطيق التعامل معاه او حتي اسمع ص

Apple_74820 🇪🇬

منذ 19 ساعة

شعور مكسور القلب

خانتنى وباعتنى و عايشة حياتها وبتحب وانا مش موجود فى دماغها وانا مش عارف اعيش حياتى ومش شايلها من دماغى وبعيك وانا بصلى وانا بدعى عليها فى كل ركعة على كسرة قلبى انا بموت بجد انا شوفت اصعب ايام ولسة بشوف

Strawberry_74855 🇪🇬

منذ 22 ساعة

شعور مكسور القلب

عبّر عن شعورك بشكل مجهول

انا مش عارفه ابدا منين بس هحاول اختصر الكلام
انا متجوزه مكنتش اعرف جواز صالونات بس حبيته اوووووي كان بنسبه ليه كل حاجه كان بيحصل بنا مشاكل وخلافات عادي ذي اي بيت
لحد تقريبا بعد ٣سنوات من الجواز اكتشف انه بيكلم واحده عملت مشاكل معاه واهله ادخلو وبعدها عنها ومافيش وقت كتير لقيته رجع تاني يكلمها روحت قلت لجوزها وعرفته كل حاجه والحمد لله بعدت عنه
بس المشكله مش هنا المشكله ديت البدايه للاسوء 
كل شويه اكتشف واحده تانيه اعمل مشكله واتصل بيها واعمل مشاكل علشان يبعد عنها لحد مبدا الموضوع يطور معاه ال ضربه ليه لو اتكلمت او اتصل باي وحده هوا بيكلمها 
المهم عرفت ستات كتير لما يقع في مشكله يقولي الحقيني ومعتش هعمل كده تاني وهسيبها بس للاسف كله كدب
لحد موصلنا ال احنا في دلوقتي ال هوا بيكلمها هي مطلقه ومعاها طفلين وعايزه تتجوز جوزي
الحياه بقت بيني وبين جوزي عباره عن احضر الاكل واغسل ملابس ليه واارتب الشقه ال هوا شغل كل ست بيت وبس 
حتي مكلمت الفون مافيش خالص ساعات بيقفل الخط او بيعمل ليه بلوك من علي حاجه فيس  او واتس كل حاجه بس لو هما ال عملو ليه بلوك يفضل يتصل ويقول لها ليه ويفضل ينزل حاجات حزينه وانه يعيني تعبان من غيرها
انا فين في كل ده 
بطلت اسال هتاكل ولا لا 
اتاخرت ليه رايح فين هايجي امته معتش برن عليه فون وبقيت بقل الفون بتاعي بسبب انه بيتصل بس لضروري اوووي لما يكون عايز حاجه من البيت بس حتي بيطلب طلبه وبيسالش انتم عاملين اي او هاتي مكلم العيال حتي دمي بيتحرق اووووي وبفضل اعيط بجد بدخل في نوبات من العياط والسريخ مش بعرف اهدا ابدا
بإيت عامله نفسي مش شيفاه بس من جوه موجوعه اووووووي جوايا نار 
بيهتم بكل واحده بيكلمها لو في عيد ميلاد بيجيب ليها هدايا وتورتا عيد ميلادها عمره معمل معايه كده 
اتكلمت معاه كتير وقلت ليه انا مش مسمحاك ابدااااا يرد عليه ويقولي هوا انا بقطعك فيكي مش شايف انه غلطان ولا بيعمل حاجه غلط 
معتش قدره استحمل ولا عارفه اعمل اي 😭💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_74830 🇪🇬

منذ يوم واحد

شعور Not great 😕

كنت متعشمه في انسان علقني بيه و قال انه بحبني و بيوعدني انه عمره ما حيتخلى عني و انه حتعمل خطوات على الأرض لعلاقتنا تبقى رسميه و اعقدت شهرين و نص هي عمر العلاقه مستنيه اشوفه لاني مشفتوش اصلا هو قابل بابا الاول و كان الدور انه يقابلني عشان نكمل بس كان بيكفي بالتليفون و يعتذر اويحصل ظرف وفاه عنده كل م

Banana_74835 🇪🇬 لازم تعرفي انك طول ما بتتصلي و مدلوقه عليه مش هيقدرك ولا يكمل معاكي اصلا هتلاقيه بيتدلع عليكي زي ما هو عامل كدا و ضامن وجودك الانسان عموما طبعه معفن انه لازم يجري ورا الحاجه اللي بيحبها عشان يفضل متعلق بيها

عرض الكل 8 نصيحة

Apple_74820 🇪🇬

منذ يوم واحد

شعور مكسور القلب

انا مخنوق وتعبان اووووى حبيت واحده حب بجد واعترفتلها وهى وافقت على الارتباط وكنت هخطبها خلاص فجاه تبعد وتقول مش هنكمل وكسرتنى وانا حاولت مليون مرة حرفيا وسيبنا بعض وكل شوية بحاول علشان نرجع لغاية ماكتشفت انها مع حد غيرى ومعداش غير كام يوم وبقت مع حد غيرى وانا مدمر علشان حبيتها وادتلها كل حاجة هى محت

Banana_74835 🇪🇬 هي المشكله انك حاولت مليون مرة دي و انك ضعفت قدامها عشان كدا مشافتكش الراجل الالفا اللي هي تفضل تجري وراه و تحاول ترضيه مجرد ما تبين انك واقع و متعلق و بتحب بتاخد علي وشك

عرض الكل 10 نصيحة

Nutella_52552 🇪🇬

منذ يوم واحد

شعور مكسور القلب

هاي جماعة أنا اتعرفت علي واحد من شهرين تقريبا وفضلنا اسبوعين نتكلم وحصل حاجه ديقني حقيقي مش فاكراها وسبنا بعض وعملتلو بلوك ومن تلات اسابيع تقريبا بعتلي من رقم تاني وقلي انو مش عارف ينساني وانو بيحبني بجد وبيعتزرلي علي الحاجة اللي ضيقتني دي وانا وافقت ورجعنا وكنا تمام اوي وكان بيعمل اي حاجه علشان ي

عبّر عن شعورك بشكل مجهول

هاي جماعة

أنا اتعرفت علي واحد من شهرين تقريبا وفضلنا اسبوعين نتكلم وحصل حاجه ديقني حقيقي مش فاكراها وسبنا بعض وعملتلو بلوك ومن تلات اسابيع تقريبا بعتلي من رقم تاني وقلي انو مش عارف ينساني وانو بيحبني بجد وبيعتزرلي علي الحاجة اللي ضيقتني دي وانا وافقت ورجعنا وكنا تمام اوي وكان بيعمل اي حاجه علشان يشفني زي انو يجي تحت بيتي الفجر علشان يشفني ويروح ومع ذالك منزلناش مع بعض ولا مره ومن خمس ايام كنا متفقين أننا هننزل وفضل طول اليوم ميردش عليا لحد ما الوقت اتاخر ورد عليا بليل وقلي انو عمل حدثة بالمتسكل وخيط صوباع رجلو وبعديها بطل يبعتلي هو وفضلت ابعت أنا وممكن يفضل يوم كامل وميردش كنت بقول عادي واقول اكيد مش هزعل منو هو تعبان وبطل يسأل تماما وانا اللي بسال وهو شبه مبيتكلمش بيرد علي قد السوال مفيش كلام ولما ربنا يفكها ويتكلم تلاقي يزقلي خمس دقايق وهرجعلك ويفضل طول اليوم ومبيفتكرنيش وانا زي الهبلة ببعتلو تاني يوم عامل اي واتكلم أنا امبارح مقدرتش افضل سكتة حكيت كل اللي مضايقني منو وقلي اننا لازم نحدد وقت علشان نتكلم في قلتلو ماشي مع اني مش مقتنعة بالفكرة اصلا قلي اساعة 2 لحد ما ننام قلتلو تمام بعتلي اساعة 1.59 واتكلمنا عشر دقايق بظبط وراح قيلي ثواني هوري اخويا  حاجه في التليفون وارجعلك علطول ومتبعتيش حاجه غير لما اقولك ولحد دلوقتي مرجعش يتكلم وانا مش عارفه اعمل اي انا حبيتو واتعلقت بي

*لو سمحتو لو حد شايف موضوعي تافه ياريت ميبعتليش اي حاجه*

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Almond_56393 🇪🇬

منذ يوم واحد

شعور مكتئب

الموضوع خلص خلاص من زمان بس مش عارف أطلعها من بالي.. كل حاجة حواليا بتفكرني بيها، وكل ما أفتكر إن الزمن هيساعدني أنساها، ألاقي قلبي لسه ماسك فيها أكتر. يمكن هي عاشت ونسيت، بس أنا لسه واقف في نفس النقطة، بحارب ذكرى مش عايزة تمشي.

Mushroom_74773 🇪🇬

منذ يوم واحد

شعور محبط

موضوع:

اتخدعت ف حد قبل كدة؟

عبّر عن شعورك بشكل مجهول

أسوأ حاجة بتحصلي انه بفضل قافلة على نفسي عشان خايفة أتوجع ويوم ما افكر افتح الباب لحد بيدمرني زى ما كان في فيلم غبى منه فيه ( يوم ما تنشن لازم تصيب) كنت بشتغل في اتصالات في اكونت حجز تذاكر سينما كنا اربع بنات بس في القسم انا بقى يازين مااخترت انه تكون صاحبتي واحدة اكتشف في الاخر انها بتعالج عند دكتور نفسي من شيزوفرنيا اللى هو كان فيه اثنين تانين انا كنت بنزلها ايام اجازتى ااقضي اليوم كله في الشركة قاعدة ما بشتغلش بس عشان متبقاش لوحدها الولد اللي أعجبت بيه في الشركة عملنا خطة عشان يخطبها وفعلا خطبها كنت معاها يوم الخطوبة من الصبح كل يوم بعد الشغل كنا بنقعد في كافيه قدام شارعها نرغى ونهزر كنا بنحكى لبعض كل حاجة جيبتلها عروسة المولد وعشان البنات متزعلش جيبتلهم هما كمان بس بتاعتها كانت احلى واحدة وجيبتهالها محجبة كتشجيع انها تتحجب كنت بعتبرها زى اختى فا الدنيا تمشى كدا عادى لا طبعا تبدأ تحصل مشاكل مع خطيبها ويجي يسألني هو فيه ايه واحاول اصالح وللأسف يفشكلوا ويجي ينصحني انى ابعد عنها انها مش سوية وسبحان الله البنات الاثنين التانين يقولوا هما كمان انها بتتكلم في ظهرى وحش من اول ما بقينا أصحاب سنة كاملة وفي الاخر تقولي انها عندها شيزوفرانيا ودا رقم دكتورها لو عايزة اسأله فقدمت استقالتي مابقيتش قادرة ابص حتى في وشها انا بينطبق عليا اغنية اختياراتي مدمرة حياتي

Nutella_74751 🇪🇬

منذ يوم واحد

شعور مرهق

حبيت واحد وكان كل حياتي حرفيا قبل ما يبقا اي حاجه ولا اعرف هيدخل كليه اي ولا اي هيبقا مستقبلوا حبيتوا وفضلت معاه واحده واحده لنهايه في الآخر بعد المشكله عندي ان بقالنا سنه ولسا مش عارفه أتعود انوا مش موجود قلبي كل يوم بيعيط قبل عيني معتش عارفه احكي لحد ولا اقول الجوايا الموضوع مأثر فيا جامد والله

Apple_16067 🇪🇬

منذ يوم واحد

شعور ضائع

متقبلوش فولو ريكويست متردوش على بيبلاي استورى متدخلوش عيال حياتكم متتعلقوش بحد واخيرا يخربيت الفراغ اللى بيخلينا نعمل كدا لااااااا ااااااااااا ااااااااااااا ااااااااااااااااا اااااااااااااااااااا اااااااااااااااااااااااااااا

Corn_73156 🇪🇬

منذ يوم واحد

شعور محبط

ليه يا جماعة كدا بجد ؟ ليه اختياراتي غلط ؟؟؟ ده اكيد عشان معنديش معايير ! ليه أحب شخص و ميحاولش عشاني ؟! مع إني والله أستاهل ليه كان مستخسر فيا المحاولة ؟؟ مع إني حاولت كتير عشانه بس مقدرتش أستحمل الوضع ده فبعدت و هو حتي متمسكش بيا هو ظروفه كلها ذي الزفت بس مستاهلش منه اهتمام و لا حتي محاولة و أنا

Pineapple_74654 🇪🇬

منذ يوم واحد

شعور وحيد

عبّر عن شعورك بشكل مجهول

السلام عليكم 
انا كنت مخطوبة لواحد المفروض أنه بيحبني من 2018 وبدأنا نتكلم كلام عادي ف 2020 وشوية شوية حبيته انا كمان و فضلنا مع بعض عدينا بحاجات كتير مع بعض و كان في مشاكل كتير بس كان دايمًا بيقولي أنها بسبب الشات ولما نقرب كله هيتحل هنكون بنتقابل و بنتكلم فضلنا لغاية 2023 واتقدملي و اتخطبنا بس بردو فضلت المشاكل بيننا كتير ف الاول كنت بحسه مش بيعرف يتعامل معايا 
يعني الكلام الحلو قليل شوية طريقة صعبة زي ما اكون صاحبة مثلا ف كنت طول الوقت لما بنتكلم عن أي حاجة بقوله اهم حاجة عندي المعاملة اهم حاجة المعاملة ، لما يسألني عن حاجة او يقولي مش بتطلبي ، لكن ف نفس الوقت كان في حاجات ف الاعراف المفروض يكون بيجيبها و كدا مكنش بيحصل (انا ف الاول مكنش عندي اي مشكلة و متفهمه أنه مش فرض عليه ومش ملزم بيا واحنا لسه مخطوبين وكدا )  بس كان كل اللي حواليا بيتكلموا و يسألو و بصراحة كنت اوقات بتضايق وأوقات كنت بخاف مش عارفة طيب هو بخيل ولا عادي ؟
لان كان في حاجات بيعملها وحاجات لا يعني مثلاً ف الاكل وكدا بيصرف عادي ، لكن مثلاً لو روحنا نشتري حاجة لازم يفضل بفاصل 
اوقات مثلا كنت باجي أقوله عاوزة فانوس او أقوله ده عاجبني بس بردو مكنش بيجيبه أو ييجي بعد كدا يقولي كنت هجبلك كذا ونسيت هبقا اجبلك و مش بيجيب ف انا للمرة التانية كنت بخاف ( لاني والدي بخيل شوية وعلاقته بينا و بأمي وحشة جدًا وبيتنا مليان مشاكل و كل الناس بتتدخل فيها )
كنت اوقات كتير بطلب منه يبطل حاجات بتضايقني لاني مش قادرة استحملها بس كانت بتتكرر و اطلب تاني لان احنا نفس السن ف كنت بحس أنه لسه مش ناضج و بقول لنفسي اول مرة يخطب وكدا ف مش عارف ف اوقات مش هكدب كنت بتخنق و بتقفل بس بعدها كنت برجع افكر نفسي ب ده و بإني مش هقدر يكون في حد تاني غيره في حياتي لاني من النوع اللي لما بيحب و يتعلق مش بنسا بسهولة و أنا وهو كنا متعلقين ببعض جامد 
ف الاول كان بيحب نتقابل كتير يعني ممكن نتقابل مرتين ف الاسبوع بيكون في مكالمات بس كان بيعمل مشكلة ولو على حاجة صغيرة ف علشان كدا كنت بقول المشاكل كانت كتير 
اوقات كنا بنتفق على حاجات يروح يتصرف بطريقة تانية و يعتذر ويقولي نسيت ومكنتش اقصد و يحلف و يحاول يراضيني 
كان بينسا حاجات كتير جدًا و يقولي غصب عني 
كانت طول الوقت بيقولي أنه مضغوط رغم أن اتخطبنا سنتين و نص معملناش فيهم حاجة و كان متفق مع أهلي انه هيشتري شقة وكدا فضلنا اخر 6 شهور بندور على شقة مناسبة وملقيناش ف كان اولا باباه اللي بيجيب شقق على قد فلوسهم يعني تبقا مناسبة ليهم هما بس مش بيفكروا فيا بتكون مواصفاتها صعبة اتحملها بالنسبة ليا. 
صغيرة اوي او المطبخ ضيق اوي او بيت قديم جدًا أو يقول أنه مش هغير غير حاجات معينة مش مثلًا بييجي يسألني تحبي تغيري ايه او تقدري نسيب كذا لا هو بيقول انا شايف كذا كويس 
انا مش هغير كذا اغيره ليه 
رغم أنهم مهمشينه جدًا في البيت يعني ميبقاش عارف عنهم حاجة لدرجة اخوه اشترى شقة و جهازها و هو عرف قبل الفرح بشهرين سمعهم بالصدفة محدش حتى قاله و كان طول الوقت بيقولي محدش هيساعدني ف حاجة يبقا محدش يتدخل ولا يعرف عني حاجة ولا حد بيسأل عني و أنهم مهمشينه و ملوش رأي في حاجة ومش بيحبوه وانا علشان مكنتش بشوفهم كتير كنت فاكراهم طيبين لأنهم  أي حد يشوفهم هيقول ويحس كدا وطول الوقت بيقولو  أنهم بيحبوني وكدا بس مثلا مكنوش بيكلموني غير لو انا اتكلمت غير نادرا او لو حصل عندنا حاجة حتى لو نادرا ولو تعبانة محدش بيسأل عني غير تقريبًا كانت مرة واحدة نزلت بوست ف كلموني 
ف اتكلمت معاه بصراحة و قولتله مش هعرف اقول رأيي بصراحة طول لما باباك اللي بيدور لاني هيبقى مطلوب مني أوضح ليك ولاهلك سبب أن الشقة دي مش عاجباني و ده مش هينفع لان احنا اللي هنعيش فيها وانا مفروض اقول طلباتي ليك انت و اتكلمنا و اتفقنا و قالي خلاص فهمتك و مش هخلي حد يدور تاني و هدور انا ، انا مليش غيرك كان طول الوقت بيقول انا مقدرش اعيش من غيرك ، مقدرش اكون معرفش عنك حاجة ، لو بعدتي عني هموت و ممكن دموعة تنزل من الكلام بس 
انا بصراحة كنت اوقات بقولها لما بتخنق و يفيض بيا او يعمل حاجة كبيرة احس اني مش هقدر اتعامل معاه بعدها بس مش دائمًا كنت بعنيها والله 
المهم هو بصراحة كان حاول يحسن معاملته ليا شوية بس المشاكل والغلطات كانت  لسه موجودة و نسيت اقول اننا كنا طول الوقت بنتكلم ف الشات يعتبر بس نادرا نادرا جدا لما نتكلم مكالمة وبعد لما كان بيبقا عاوز يشوفني كتير بقا حتى لما نتقابل كام يوم ورا بعض بحسه مش عارفه زهق ولا ايه بس بيفضل يقول بقالنا 3 ايام مع بعض جيتلك يومين مش هاجي بقا الاسبوع الجاي و نسيت اقول بردو أنه لما كان بيبقا في حاجة لازم يستأذن أو يقولها لاهلي كان مش بيبقا عاوز و يقولي قوليلهم انت وافضل أفهمه أنه مينفعش و أفهمه وكنت بحس أن أهله حتى مش بيفهموه غير حاجات قليلة لكن للأصول و لازم تعمل كذا و تجيب كذا مش بيعرفوه حاجة 
يعني حتى رغم أن متفقين ف الاول أن هيعملوا خطوبة كبيرة و شبكة كويسة و يجيبوا شقة 
الخطوبة متعملش لما حسيته مضغوط اتفقنا بلاش والشبكة جت على قد الفلوس يعتبر مختارتش حاجة بنفس كنا بنشوف اللي يناسب الفلوس ومع ذلك هما اللي فضلوا يقولوله يتكلموا مع أهلي و يجيبوا شقة ايجار وخلاص رغم أن مفروض يفهموه أن مينفعش يرجع ف اتفاقه
كنت راضية بس كان بيبقا نفسي احس أن تضحياتي متقدرة او انه في يوم من الايام لما ربنا يوفقه هيعوضني من نفسه مش لما اطلب 
ف لما جه موضوع الشقة ده خوفت و اتضغطت اكتر 
بس لما جه موضوع الشقة ده اتخنقت واتضغطت اكتر و رغم كدا كنت بقوله كتير شوف اللي يناسبك و خرجني برا الموضوع ده لاني اتخنقت مكنش بيوافق ، حتى في مرة جابوا شقة 60 متر كل حاجة فيها صغيرة وكانوا متمسكين بيها كان هو شافها الاول و اتكلمنا و اقتنع أنها متنفعش بعد كدا هما عرفوا عنها ف فضلوا يقنعوه ف جه يحاول يقنعني تاني وكان متمسك اكتر من المرة الأولى وقتها قولتله طالما مناسباك جيبها و اعمل فيها التشطيب اللي يناسبك و خرجني برا موضوع الشقة ده فضل يقولي شايفة ده حل شايفة ده صح و قال خلاص وبعدها اهلي و أهله فضلوا يقولولي دوري معاه و مامته كلمتني تقولي أنه زعلان و بيشد معاهم في البيت أنهم مش بيساعدوه و قالتلي دوري معاه على أي شقة وأنه اخوه اتجوز اهو يعني فيما معنى الكلام محدش حس بيه ( اخوه ده رغم أنه بعيد عن البيت من زمان بسبب شغله في محافظة تانية وبييجي اجازات لكن عارف كل تفاصيل البيت و بيتدخل ف كل حاجة )بصراحة أنا اتضايقت و اتضغطت اكتر 
لكن فضلت ادور معاه وكنت بدور أصلا من قبل لما يقولوا بس لما كنت باجي اوريه مكنش بيهتم يعني يقول ده اعلان فيك ، ده بيكذبوا او السعر مش مناسبة أو مش لسه هنجيب شقة على الطوب و كلام زي كدا أو بيشوف الماسدج ميردش  
فضلنا في كل ده لغاية لما جيت ف وقت حسيت اني خلاص مش قادرة ومش طايقة و كان مبقاش بيحكيلي حاجة او بيشاركني حاجة غير نادر و كنت بقيت حاسة أنه مش موجود في حياتي واني لوحدي وهو موجود 
مع العلم أنه انا من وقت لما اتخرجنا ملقتش شغل و قاعدة في البيت يعتبر حياتي واقفة عليه حرفيا بنزل معاه و بستناه ييجي و بستناه لما يصحا الصبح يبعتلي وكدا مشتغلتش بسبب اني مكنتش بلاقي شغل مناسب أو مش بتقبل وفي حاجات كتير كان بيرفضها ف يعتبر انا عندي اكتئاب من قعدتي في بيت مليان مشاكل و كمان ضغوط ومشاكل بيننا و اكتئاب مش حزن انا فاهمة كويس بس مفيش اوبشن اني اروح لدكتور أو اتعالج و كمان صحتي مش كويسة و خسيت جامد ف شكلي مبقاش احسن حاجة 
جينا في شهر 4 قولتله بصراحة اني مبقتش مرتاحة بس ف الشات وفصلت افتكر حاجات قديمة عملها انا غصب عني معرفتش انساها و فضلنا ايام زعلانين ف الشات مجاش غير ف اليوم اللي بييجي فيه يوم الجمعة رغم أنه كان يقدر ييجي أي يوم بعد الشغل بس معملش كدا 
انا كنت مقفولة جامد و جه حاول يتكلم بس بصراحة أنا مكنتش قادرة حتى ابصله و عيطت وهو دمع و موصلناش لحل 
احنا كنا متفقين مندخلش حد في مشاكلنا وانا كنت موافقة على ده علشان بخاف من الحسد بصراحة و علشان بسبب اني متعقدة من بيتنا أن كل حاجة فيه برا و كل الناس بتدخل بين اهلي وعارفين تفاصيل حياتنا حتى التافهه و كنت مقتنعه أن محدش غيرنا يقدر يصلح حاجة بيننا ابدا بس اوقات كان بيعمل حاجات كبيرة كنت بقوله رد على بابا بقا لو هقول لباباك و يشوف حل معاك لاني مكنتش شايفة أهله وحشين بالعكس كنت بتخانق معاه علشانهم و بقوله انت اللي غريب و جايز انت مش مهتم علشان كدا مش بتسأل عنهم ف هما مش ليعرفوا يتكلموا معاك وكدا  
جه المرة اللي بعدها بيقول لماما هنقد نتكلم احنا التلاتة انا مش عارف هي مالها هي بتقول انها مبقتش مرتاحة وانا مش عارف اعمل ايه فضل يتكلم و خلاني حكيت حاجات بيننا و ماما تقولي اديله فرصة اقولها اديتله كتير تقولي معلش المرة دي علشاني و تقوله قولها يا حازم انك هتتغير مش بيتكلم هي اللي تمليه الكلام 
لما ماما تمشي يمسك الموبايل ( نسيت بردو اقول إن لما كان بييجي أو نقعد مع بعض بيفضل ماسك الموبايل حتى لو بيعمل سكرول يا انا اتكلم يا لو في مشكلة بنتكلم فيها يا يفضل كدا رغم أن معظم الوقت كان بييجي ف الاسبوع ساعتين و يمشي ة ده كان أحد أسباب ضيقي أن كنت بحس أنه بييجي تقضية واجب مش اكتر)
ف اليوم ده فضل بردو يقول كلمة يعني انت عاوزة ايه او شايفة ايه لو قولت كلمة مش عاجباه يمسك الموبايل و ميردش عليا يعني مقدمش حلول مقالش مثلا هتغير طيب هعمل كذا علشان نصلح بس لما ماما تيجي يقولها بتقولي كذا 
وبعدها قال همشي وفكري عاوزة ايه جت ماما قالي قدامها فكري انا متمسك بيكي و شاريكي و كلام زي كدا ف والدتي طبعًا أصلا كانت شايفاه ملاك لاني مكنتش بحكيلها عن حاجة غيرر نادرا لما هي بتشوف أن في حاجة  و كنت بقوله اني حكيت بس مكنتش بتتكلم معاه في حاجة لأن لما حصلت كام مرة اتضايق مني و مكنش بيبقا عاوز ييجي البيت لو حد حس ان احنا متخانقين 
المهم مشي والدتي فضلت تبصلي نظرات وحشة هو عمل ايه وكلام زي كدا و انا كنت هموت نفسي من كتر ماانا مخنوقة 
تاني يوم حكيتلها كام حاجة قالتلي طيب ومكنتيش بتقولي ليه قولتلها هو مكنش بيبقا حابب و انا بردو شايفة أنه مش غلط وكدا قالتلي خلاص قولتلك الفرصة دي علشاني المرة دي لو عمل حاجة تاني نبقا نشوف 
بعدها فضلنا بردو نشد مع بعض ف ف يوم كنت رايحة مشوار وكان حد هييجي معايا قالي صحيني هاجي معاكي قولتله لو هتقولي كدا ومش هتصحا عرفني قالي لا جاي بس كلميني صحيت و كلمته كتير جدًا طول ماانا بلبس مردش و مبقاش في وقت اشوف حد تاني ييجي معايا 
وانا نازلة على السلم كلمني انت فين قولتله نازلة افتكرته هيلبس و يلحقني بس لقيته بيقولي معلش مسمعتش 
بعدها حد معاكي قولتله لا قالي طيب خلي بالك من نفسك 
كل ده فاكره أنه بيستفزني بس وهلاقيه ورايا لان بيته هيركب عريبة دقائق و يبقا عند العربيات اللي هنركب احنا الاتنين منها 
فضل يكلمني مكالمات بس انا مكنتش طايقة اتكلم واتخنقت جامد ف مرضتش بعت ف الشات متقلقنيش عليكي قولتله ما تقلق 
ساب كل اللي عمله و مسك فيها روحت ورجعت استنيته حتى يقابلني يراضيني رغم أنه راح الشغل كان في طريقي وانا راجعة لو كان قالي انزلي و صالحني كنت هتراضى والله 
لو كان جه يومها بالليل يعترف بغلطه و يصالحني كنت هتصالح 
بس سابنا بردو نفضل نشد ف الشات وقعد 22 يوم ميجيش وكل الكلام بيننا في الشات صحيتي ؟
اكلتي ؟
نمتي ؟
بعدها باباه كلمني وقالي أنه قاله زعلانين كلمهم ( من غير ما يعرفني بردو )
حكيتله كام موقف فضل يقولي معلش و فرصة علشان خاطري و كلام زي كدا و انا هقوله ييجي لو عاوزاني اجي معاه هاجي بس انا عاوزة يعني يكون تصرفاته من دماغه 
وكان في اليوم 18 كلم والدتي  و عاتبته بهدوء لأنها بتحبه جدا و قالتله طيب تعالى و نتكلم مجاش تاني يوم كلمها تاني قاتله تعالى و نتكلم بردو مجاش 
جه بعد 22 يوم مع أهله والدته ووالده واخوه فضلوا كلهم يتكلموا وانا قولت حاجات كتير من اللي مضايقاني و كنت في خلال ال 22 يوم حكيت لوالدتي معظم الحاجات اللي بيننا لاني كان بالنسبة ليا كدا الموضوع بيخلص ده واحد كان بيقول ميقدرش يعيش يوم من غيري ميقدرش يعدي اسبوع ميشوفنيش وكل الكلام ده 
المهم غلطوه و فضلوا يقولوا معلش و هيتغير وكدا و قالو إنه هيحتاجوا سنتين كمان خطوبة وكدا كل ده هو منطقش 
بعد لما مشوا قالي عاجبك اللي وصلنا ليه ؟ وفضل يقلب ف القديم بردو و يقولي عاوزاني و لا مش عاوزاني معتذرش حتى وكنت مش شايفه في عينه حبه زي زمان و لا شوقه ولا لهفته حتى لما عيطتت 
سألته كنت فين قالي كنت تايهه و حسيت اني مش هعرف اعمل حاجة ف قولت بلاش اظلمك المهم بعدها اتكلمنا و فكرته باللي بيننا و ازاي نسيته فضل يحلف أنه كان تايه و مش عارف بيعمل ايه و لما حس اني بضيع من ايده جه و حاولنا نرجع 
بس طلبت ميبقاش بيننا أي تلامس و بطلت اقول كلام كانت نيتي لو ربنا زعلان مننا ف بيحصل كدا يسامحنا و جايز يتشجع و يسرع شوية على الأقل لما يجيب الشقة اهلي يوافقوا نكتب الكتاب 
كان بيحاول يعاملني كويس ويقول كلام حلو بس كنت بحسه مش صافيلي ومبقاش بيشاركني حاجة اسأله اهلك بيقولوا ايه عني مش بيقول رغم أن قبل كدا كان بيقولي حتى لو قالوا حاجة وحشة 
عدى كام شهر و من شهر اهلي قالو لازم نشوف موضوع الشقة وكدا ومش هينفع كدا ف نفس الوقت هو بعتلي شقة بردو صغيرة جدا و نفس مواصفات اللي قبل كدا اتخنقت واتضايقتةحسيت أن كلامي ملوش لازمة وكل ده كان على الفاضي ده غير اني كنت حاسة اني لوحدي و أنه مش موجود بيرجع ينام و يصحى ينزل الشغل مبنتكلمش ساعتين على بعض وشات باقي الوقت لوحدي بييجي مش بيتكلم ف كنت تعبانة ومخنوقة 
جه من شهر ونص كدا والدتي سألته عن الشقة مردش فضلت تتكلم تتكلم ميردش تقولي ياابني رد عليا قولي ناوي على ايه بردو ساكت قالتله هسيبك تفكر مشيت فضل يقولي مش بتقولي ايه على طول لما بسألك ف الشات مالك قولتله هيفيد بأيه وكدا بردو يقول كام كلمة و يسكت جت والدتي سألته تاني بردو مردش 
سابتنا بعد شوية استأذن يمشي و مشي فضلنا بردو طول الاسبوع كلام أقل صحيتي اكلتي نمتي ولو انا نايمة وقت لما رجع من الشغل بينام و نتكلم تاني يوم بعد لما كان بيكلم ماما تصحيني من النوم نتكلم و يتطمن عليا 
جه الاسبوع اللي بعده معتذرش لماما ولا حاجة و فضل يتكلم عن الشقة أقوله مش دي مشكلتي انت مش بتوعدني بحاجة بتوفي بيها مش بتشاركني مش بنتكلم ومش حاسس ان في مشكلة يقولي لا لا خلينا في موضوع الشقة بس وشوفي دي و شوفي دي مكنتش عاوزة اشوف المهم فضلنا بردو نشد مع بعض ويقولي ده مش صح انك تسكتي ومش عاوزة تقولي اللي جواكي أقوله ملوش لازمة بردو قعد شوية صغيرين واستأذن ومشي ومن وقتها مجاش تاني 
فضلنا ف الشات طول الشهر ونص دول يتكلم ف الشات بردو نفس الطريقة لغاية لما جيت في يوم قولتله بتسأل عن اكلي ليه انت مهتم بيا ولا تعرف عني حاجة ف بطل يسأل يجي مثلاً مرة في اليوم الصبح أو بليل يقول كلمة فضل كدا اسبوع جه يوم إجازة كلمني علشان افتح الشات فتحت فضل يقولي محتاجلك قولتله وكنت فين لما انا كنت محتاجة ليك ولا دلوقتي عندك وقت فراغ مش لاقي حاجة تملاه وشدينا بردو ومفكرش ييجي بقا يلحق 
فضلنا كدا حتى لما يبعت يتكلم يرد بعد ساعات اوقات يرد بعد يومين لغاية لما باباه كلمني تاني بردو و فضل يسألني و اخر المكالمة قالي طيب هقوله يجي قولتله هو ليه حضرتك اللي تقوله وليه حضرتك اللي تصلح قالي ماانا مش غريب قولتله معلش بس هو مش صغير احنا مفروض هنفتح بيت عامةً انا مبقتش متقبله الكلام ولا عندي كلام أقوله ليه ده بقالنا3 اسابيع منعرفش حاجة عن بعض يتواصل بقا مع والدي أو خالي قفل 
بعدها كلمت خالي حكيتله ف كلم باباه و من الكلام باباه قاله أنه حكاله اللي قولته ليه ف خالو قاله طيب شوفه عاوز ايه وهيعمل ايه وكلمني قاله هقولها قاله لا كلمني انا وخرجها برا الموضوع خالص 
بعدها والدته بعتتلي بردو تسألني ليه قولتلها حاجات قالتلي مش علشان الشقة ده هو قالي كدا قولتلها لا فضلت تقولي بنحبك وكدا و ربنا يعمل اللي فيه الخير 
عدى اسبوع محدش اتكلم ف خالي سألني قولتله مبقتش مرتاحة قالي يعني مش عاوزاه معرفتش ارد صعبة عليا قولت مش مرتاحة وراح كلم والده وقاله انا بحل بس هما بلغوني اعرفكم أن كل شيء قسمه و نصيب وفيما معنى الكلام يعني لو عاوز يصلح خليه يصلح بردو فضلوا محدش بيتكلم
وهو مان بيبعتلي في الشات زي ما قولت كل يوم او يومين او تلاتة و يرد على كلامي اليوم اللي بعده ف خالي قالي مترديش تاني 
بعدها فضلوا بردو اكتر من اسبوع لغاية من حوالي اسبوع باباه بردو  كلم خالي فضل يقوله هي عاوزاه ولا لا ده بيقولو مش هتتجوز حد غيره وكدا قاله هو فين من اول الموضوع انت اللي بتتكلم ليه و قولتلك مليون مرة عاوز يحل خليه يحل ف خلاص كل شيء قسمه ونصيب و باباه قاله أنه زعل لما قاله كلام المرة اللي فاتت 
ف خالي اتضايق و قاله يعني انا بقولها بيني وبينك على أساس تصلح و بنبهك تروح تقولهاله انت كدا بتصلخ لا انتو مش عاوزين صلح المهم شدو مع بعض لقيت باباه بيكلمني وخالي قالي مترديش لو حد منهم كلمك ف مردتش راح كلم والدي اللي اتصرف كأنه ميعرفش حاجة ومعرفش السبب بس قولتلكم أن بينهم مشاكل هو ووالدتي
المهم قاله اني مش برد قاله علشان انا برا البيت جايز مش سامعه أو حاجة قاله طيب اسألها هي هتقدر تكمل معاه ولا لا قاله طيب بس يتغير قاله انا مش هدوس على زرار  اغيره دي حاجة بينهم وبين بعض بقا ف والدي قاله طيب وليه انت اللي بتتكلم من الاول خلي صاحب الشأن يكلمني او ييجي يقعد معايا ف مكان شغلي بردو قاله أسألها 
ووالدي فضل يقولي معلش اديله فرصة وكدا ولو جه واتكلم معايا نديله فرصة أخيرة والكلام ده 
عدي يومين متكلمش و لقيت بردو باباه اللي بيكلمني و بيسألتي باباكي فين قولت مش موجود قالي أنه حاول يكلمك مش عارف يوصل ليه 
قالي هو بلغك اني كلمته  قولتله أيوة واللي اعرفه مستني صاحب الشأن يتكلم قالي اه بس هو بيقولي يتغير و مش يتغير ودي حاجة مش بإيدي قولتله طيب اعمل ايه تاني انا عملت كل الي اقدر عليه قالي يعني هتقدري تكملي معاه ولا لا قولتله مبقتش مرتاحة ف حتى لو عطيته فرصة تانية مش هقدر اتعامل معاه زي الاول ف ربنا يوفقه قالي تمام هنعملك اللي عاوزه قولي لبابا يكلمني نشوف هنخلص الموضوع ازاي و ف نفس الوقت كان كلم خالي قبل لما ارد بس خالي مسمعش المكالمة ف لما كلمه قاله انا كلمتها و هي قالتلي مش هتكمل ف شوف مع باباها هناخد حاجتنا ازاي وكدا وحددله كذا وكذا وكذا منها حاجة كانت هدية المفروض بس كدا كدا كنت هديهاله بس مكنتش متوقعة يطلبها 
ف لما عملوا كدا نزلت بوست اني سنجل بعدها لقيته بعتلي ماسدج الوداع وفيها يمكن القدر يخلينا  نتقابل تاني ف حسيت إن دي كانت رغبته مقالش حتى أنه سيحاول تاني علشاني 
بعدها تاني يوم لما اخدوا الحاجة نزلت ستوري أن الشخص اللي كنت بحكيله عن هزايمي بقا من ضمنها رد عليها وقالي انا مش مستوعب احنا فين و انت معلمتنيش أكمل من غيرك ازاي 
فضلت افكر ارد ولا لا لغاية لما رديت بعد كام ساعة بكلام كتير أنه يعني عملت كل حاجة ووقفت جنبك ووو وانت مش مظلوم لان السبب ف اللي وصلناله و عملت بلوك 
ف رد عليا من الرقم التاني أنه مستنغناش و لا استبدلني بس فكر لو بعدنا هنرتاح بردو مقدرش يرتاح و أنه لما شاف الحاجة مبقاش مستوعب 
وان يارب القدر يرجعني ليه و يارب يشوفني مبسوطة حتى لو مع حد تاني 
رديت عليه أنه معملش حاجة وكدا و بكلام كتير بردو ف رد أنه لما وصله اني بقول مشوعاوزاه اتصدم و حس اني خلاص بايعاه تماما وأنه مقالش ليهم حاجة ولا أن الموضوع علشان الشقة ولا اتكلم أصلا 
وان اللي اتقاله أن خالي ف اول مكالمة قال اني مش عاوزاه و كل شئ قسمة ونصيب المهم سألته كام سؤال  وليه لما طلبوا يشوفوك مجتش قال كنت عاوزك انت وانتي مردتيش على اخر ماسدج بيننا 
مش فاهمة هو ازاي فاكر أنه كدا حاول 
وأنه مكنش فاهم اني بقوله كدا مش بعنيها وأنه مقالش ليهم أنه مش هيتغير 
بس المشكلة أن انا تعبانة جدًا قلبي مش قادرة يستوعب مش قادرة انسا ولا اتخطى كل مكان لينا فيه ذكرى و كل مكان بشوفه فيه حياتي واقفة بقالي حوالي 3 ايام مش باكل لدرجة حاسة اني مش قادرة اتحرك بعيط بس مش عاوزة أبين لحد علشان أي حد هيقولك انتي اللي عاوزة .انا مكنتش نيتي بس هو اللي وصلني لكدا انا حتى بعد لما مشي اول مرة كنت فاكرة أنه هيصلح الموضوع و كنت هنزل اجبله هدية عيد ميلاده مكنتش متخيله أنه هيعمل كدا 
مش عارفه اعمل ايه كل مكان كل حاجة بفتكره
انا طول عمري لوحدي رغم أن حواليا ناس بس بعمل كل حاجة لوحدي 
كنت ماصدقت ودايمًا ببصله وبقول ياه اخيرا مش هبقى لوحدي في حد هيكون معايا في كل مشاويري اخيرًا 
مش قادرة حاسة اني بموت و قلبي مفطور و هموت من القهر

بعتذر عن الإطالة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_74387 🇪🇬

منذ يوم واحد

شعور مكسور القلب

حابه احكيلكم عن حاجه مديقاني بحب شخص وقعدنا فترة كبيره مع بعض ٦ سنين بسوي اخر فتره يعني يعتبر من سنه بدأ يتغير وبدأ يتجاهلني ويومه يعدي من غير اي اهتمام بيا ولا سؤال حتى عاتبته اكتر من مرة وكنا بنبعد وانا برجع لان بحبه بس اخر مرة حسيت ان كل مرة اعاتب وم لاقيه ردة فعل فا بعدت حاليا حاسه ان تايهه ومخ

Apple_68133 🇪🇬

فاضي لحد يحكي عن مشكلته ونوصل لحل

صباح الخييير فاضي شويه لحد حابب يتكلم او يحكي عن مشكله 👀 يتفضل هنوصل لحل في الاخر 👀 . . . . . . . . . ضيف غفحثحيمبمبمبوبوبوبوبنبنبنبنبنبنبنبنبنبنبنبنبوبوبوبوبوبوبوبنبنبنبنبنبنبنبنبنبنينينينينينينينينسنصنصنيميخثخصخثخثخثخثخثخصخثخثخثثخخثخثثخثخصخصخصح ...عرض المزيد

2 الدعم

2 نصيحة

Chilli_65835 🇪🇬

يوم جديد من المشاكل والتحديات.. كيف أحصل على السلام النفسي؟

صباح الخير يوم جديد في الدنيا يقل من عمري بدون اي استفادة أو اكتساب مهارات أو معرفة معلومه او ايجاد الصديق المناسب والبعد عن الوحده وإيجاد والونس والسند في الحياه احسن حاجه هنا اني اكتب براحتي يوم جديد من المشاكل والتحديات والبحث عن الاستقرار والسلام النفسي الداخلي كيف احصل علي السلام نفسي وانا مشتت تالف من داخلي في دوامة من العادات السلبية و جو سلبي بحاول ابحث عن حياة اكون ولقيت نفسي وعرفة بحب ايه وبكره ايه تعبت من القاعده في غرفتي لفترات طويلة الوقت بيعدي وانا كل مره بخسر حاجه حلوه من داخلي مستني اللحظة اللي ابدا فيه بدون ضعف عزيمه و اراده لو اتكلمت مفيش حاجه هتغيير ولا حاجه هنصلح بس بحاول إفراغ جزء من اللي حاسس بيه مش عارف انا مين ومش عارف احدد هدفي ...عرض المزيد

2 الدعم

6 نصيحة

Apple_72790 🇪🇬

خايف الوقت يضيع مني وأنا واقف أتفرج

خايف تمر السنين وأنا في نفس المكان، وعند نفس النقطة، لا حققت أمنياتي ولا عشت الحياة اللي أنا عايزها، خايف مفيش حاجة تتغير مع مرور الوقت إلا عمري. خايف أكون عايش لمجرد إني بتنفس، لا سبت أثر ولا لقيت معنى، وكل اللي حواليا ما حسوش بيا. خايف من الوحدة حتى وأنا وسط الناس، ومن الصمت اللي بيقتلني كل يوم من غير ما أتكلم. خايف أصحى في يوم وأبص لورا ألاقي حياتي كلها كانت فراغ، وإن اللحظات اللي استنيت فيها الفرح ضاعت، ومجتش. خايف أكون ضيعت وقتي في الانتظار، واللي بستناه مش جاي أصلاً. وأكتر حاجة بتكسرني إني حاسس إن عمري بيتسرق مني، وأنا واقف أتفرج عليه وهو بيضيع... من غير ما أقدر أعيشه. ...عرض المزيد

0 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع