تعبت واتمنى الراحة من التوهان

Coffee_56002 🇪🇬

منذ أسبوع واحد

شعور متعب

مستني اطلع من التوهان ايل انا فيه تايه بقالي فتره كبيره محتاج ارجع لنفس القديمه محتاج ارتاح شويه محتاج اهدي الاصوات ايل ف دماغي محتاج الاقي حد احكيله كل مشاكلي محتاج حد يحبني زي مانا من غير ميحسسني اني وحش انا والله شخص مش وحش بس دايما بحسني كده انا تعبت فشخ والله اتمني اني ارتاح ف يوم من الايام

عندي كذا شخصية ومش عارف أنا عايز إيه

بحس اني عندي كذا شخصية يعني ساعات ببقى طيب جدا وبحب كل حاجة وكل الناس وبدعيلهم من كل قلبي ربنا يدي لكل واحد اللي يتمناه وساعات ببقى صايع جدا ومنحرف وعايز أعمل كل الحاجات الغلط مع بعضها كدا باكيدج وعندي شخصية كدا غريبة انا نفسي مش فاهمها بس اللي هو الشعار الرسمي بتاعها بيبقى أنا مش عارفني أنا تهت مني أنا مش أنا.. وبتفصل بقى الشخصية التالتة دي تسأل عن كل حاجة وتدخل جوا كل الافاصيل وتفك كل الحاجات المربوطة كأنه بيعيد اكتشاف الكوكب الفكرة كمان ان عندي فضول أعرف كل حاجة عرفها البشر ودرست فعلا حاجات كتير اوي اوي بجد وشاطر فيها كلها بس دا مخليني مش عارف أحبس نفسي في واحدة فيهم وأطور نفسي أكتر وأشتغل شغل ثابت زي البني آدمين وأحب وأتجوز، مع العلم أنا مش صغير في السن يعني خلاص رقم 2 هيمشي من حياتي كمان كام شهر عارف ان العمر مجرد رقم ومقتنع بدا جدا بس كمان فيه حاجات كتير فرصتي فيها بقت أقل من الأول، دي حقيقة مضطر أقبلها وأعيش معاها.. مش عارف انا عايز ايه ولا بعمل ايه ولا بكتب الكلام دا ليه أصلا بس الوحدة حاجة قاسية اوي ربنا ما يكتبها على حد ...عرض المزيد

0 الدعم

5 نصيحة

غيابي ممكن يكون هدية وأنا مش ضحية

زمان كنت فاكر إن الدنيا ظالماني، وإن الناس بتبعد عني عشان أنا منحوس أو عشان ربنا بيحميني منهم. بس مؤخرًا ابتديت أبص للموضوع من زاوية تانية: يمكن مش أنا اللي اتشلت من حياتهم لمصلحتي بس، يمكن كمان ربنا شالني من حياتهم لمصلحتهم هما. أنا مش عاوز أكون نقطة سودا في حياة أي حد. مش عاوز أبقى سبب في وجع أو تعاسة حد، حتى لو من غير قصد. ساعات بنكون مركزين أوي في وجعنا وإحنا اللي خسرنا، وبننسى إن وجودنا ممكن يكون تقيل عليهم أو معطّلهم، مش لأننا أوحش ناس، لكن ببساطة عشان مش مكاننا معاهم. الفكرة دي علمتني التواضع. بقت تخليني أبص للموضوع من منظور أوسع. مش لازم أبص لنفسي دايمًا على إني ضحية. أوقات غيابي بيكون راحة لغيري، بيكون فرصة ليهم إنهم يلاقوا طريقهم أو ياخدوا نفس. بقيت أقول لنفسي: "مش مهم ليه مشيت… المهم إن وجودي مايبقاش سبب في ضلمة لحد." ساعات الرحيل بيكون أصدق من البقاء. ساعات البُعد بيكون نوع من الحب… لأنك بتسيب غيرك يعيش حياته من غير ما تسرق منه النور. فالنهارده، بدل ما أسأل "ليه سابوني؟"، بقول "يمكن أنا ماكنتش المفروض أكمّل معاهم." وده مش ضعف… ده وعي إن مش كل وجود في حياة حد لازم يستمر، وأوقات غيابك بيكون أعظم هدية. ...عرض المزيد

0 الدعم

2 نصيحة