راحة

Donut_55584 🇪🇬

منذ 14 ساعة

شعور مكتئب

موضوع:

درس علمته لك الحياه

مبقاش كثيرة العطاء ،مبقاش همي اثبت اني شاطرة لا عادي مبقاش عارفة اعمل كل حاجة ، ماخدش اول خطوة وابادر و احب من ضلوعي علشان ابقى كدة بعوض اللي قدامي بلاش اكون شاطرة ، ممكن استسلم عادي ، بلاش اشغل قلبي باللي حواليا وانسى أن ليا احتياجات زيهم

Almond_67056 🇪🇬 مفيش حد بينفع التاني وقوفك علي رجلك ونجاحك و اهدافك محدش هيحققها غيرك عيشي حياتك وانشغلي بنفسك واسعي انك توصلي لأنجح نسخه من نفسك وقارني نفسك بنفسك وبس ومتفكريش في باقي البشر

عرض الكل 6 نصيحة

Sugar_49832 🇪🇬

منذ يوم واحد

شعور متوتر

Hazelnut_64540 🇪🇬 لا لازم تبقي قويه وا تعملي الي انتي عايزه محدش يجبرك علي حاجه هتكره حياتك كدا

عرض الكل 12 نصيحة

عبّر عن شعورك بشكل مجهول

مؤخرا امى بقى على لسانها جملة ديما تقولها «مش مهم انتى ترتاحى المهم اكون انا مرتاحة» 
غالباا بتقولها فى كل نقاش تاخد هى فى قرار يخصنى واقولها انى مش مرتاحة ومش عايزة كدة 
سواء كان الموضوع بسيط زى ستايل هدوم مثلا مش عاجبنى بس هى عايزانى البسه او مكان معين مش حابة اروحه بس هى عايزانى اكون موجودة 
بعيدا عن تجمعات العيلة اللى حرفيا خناقة كل ما حد يزورنا عشان مش برتاح فى الزحمة ولا وسط الناس 
ديما تقولى «المهم انا اكون مرتاحة» 
غير جملة «اى حاجة فى البيت دة انا اللى بقررها. بيتى وانا اللى اقرر فيه» اللى بتدى احساس ان عمرى ما هقدر اكون انا طول ما انا عايشة فى البيت دة بيت ابى وانى مش من حقى يكون ليا راى فيه 
مع كل دة هل انا مش عارفة انهاا عايزة راحتى؟.. لا عارفة ان راحتى مهمة جدا عندها.. طب هل كلامها دة بيعدى كدة؟.. اكيد لا واكيد بيوجع والاكيد اكبر ان بعد كل نقاش بينى وبينها بتتكسر حاجة جوايا 
الخلاصة.. انت كاب وانتى كام لاازم تحسسوا ولادكم ان راحتهم هى المقام الاول بالنسبالكم وان قراراتكم بدافع الحب مش السيطرة.. مينفعش ابداا تعتبر علاقتك بولادك امر مسلّم بيه وكدة كدة انا المتحكم فانا اللى هاخد القرار... اختيارات ولادك هى اللى بتحدد شخصيتهم واهدافهم.. كونك بتقرر عنهم فانت بتلغى كل دة.. ابنك وبنتك مع الوقت هتيجى تكلمه تلاقيه مش عارف هو عايز ايه معندوش هدف.. دور الاهل الاول هو النصيحة مش القرار 
نصحت مرة واتنين وعشرة وابنك غلط يتحمل مسؤولية غلطه 
غلطه دة يستحق العقاب.. عاقب.. بس العقاب يكون بحب.. انت بتربى مش بتنتقم.. مينفعش تعااقب وانت فى ذروة غضبك من غلطه ومينفعش كلامك مع ولادك يكون قااسى ونااشف 
ومينفعش بين كل كلمة والتانية تقوله انت قد ايه بتضحى عشانه انت كدة بتذله مش بتفهمه 
واخيرا التربية محتاجة مجهود وتعب وثبات عشان تلاقى ولادك فى ضهرك لما تكبر 
لكن هتختار الطريق السهل متخلفش احسن او استحمل نفس القسوة اللى هتتردلك فى وقت ما انت اللى هتكون ضعيف  😓🍃

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_57249 🇪🇬

منذ يوم واحد

شعور مكتئب

بقالي فترة كبيرة اكتر من سنتين في دوامة كل شويه امرض بحاجه واقعد الف حوالين نفسي عند الدكاترة وفي الاخر مبتعالجش والمرض بيقلب مزمن وبيفضل ملازمني الاعراض بتخف شويه بس بتفضل ملازماني وكل شهر ع هذا الحال يجيلي حاجه جديدة وبرضه تفضل ملازماني نفسي اعرف اخرج م الدوامه دي ازاي فكرت اموت نفسي لاني مش عارفه

Mango_55500 🇪🇬 السلام عليكم ورحمه الله وبركاته اصبري وادعي دعاء سيدنا ايوب ربي اني مسني الضر وانت ارحم الراحمين

عرض الكل 5 نصيحة

Lemon_66019 🇪🇬

منذ يومين

شعور سعيد

موضوع:

بتعرفوا تقولوا لأ على حاجه مش مناسبه ليكوا ؟

زمان كنت بتحرج واتكسف اقول (لا) ولذلك تعبت كتير واغلب الي حوليا تعبوني وكنت عايش حياه مش مريحه اطلاقا بعمل حجات انا مجبر عليها والسبب مقولتش (لا) لحد في يوم من الايام طلبت من حد حاجه وقلي (لا) انا اتصدمت وزعلت قلي انا حر ! كنت عشمان فيه برغم ان رد فعل الشخص ده كان سيء لاني خدمته كتير ولكن حسيت

Banana_66147 🇪🇬 لازم يكون عندك شخصيه وتقولي لا علي الي انتي رفضاه

عرض الكل 1 نصيحة

Almond_56393 🇪🇬

منذ 4 أيام

شعور مكتئب

أنا حزين أوي يا رجالة... حاسس إن مفيش أي حاجة ماشية صح، ولا في شغل، ولا في صحاب، ولا حتى راحة نفسية. كل حاجة ضباب، وكل يوم بيعدّي بيزود الحمل على قلبي أكتر من اللي قبله. بس بالرغم من ده كله، أنا مضطر أكمل. يمكن مش علشان عندي أمل، بس علشان مفيش خيار تاني. هقوم أنام دلوقتي، يمكن النوم يطفي النور اللي

Sugar_65376 🇪🇬

منذ 5 أيام

شعور مستنزف

موضوع:

تحت مسمى متغلطتش غلطتي ؟

انا كنت بتمني أحلامي بوهم انها اتحققت كنت بتعشم بزيادة وبصدق بزيادة وبتعب بزياده مبقتش ادخل في اي حاجه بزياده حسيت ان التوقعات لو قلت لو حصل حاجه اكتر من الاقل بفرح الحزن برضه ميكونش بزياده لو عيشتي في دايرة الحزن هتبقي في دوامه ومش هتعرف تخرج منها بجد بس انا حاليا مش عارفه اخرج منها اكتشفت ان اص

Potato_65307 🇪🇬

منذ 5 أيام

شعور مرتبك

انا اخواتي كلهم متزوجين، بيجوا يزورونا بين الفترة والاخرى واحدة منهم عندنا بقلها شهرين، هي بتيجي تقعد فترة عشان من محافظة مختلفة ومش بتيجي كتير الحقيقة مع طول فترة وجودها انا ببتدي اتعصب واتضايق لانها معاها اطفالها اللي طبعا عاملين دوشة ربنا يديمها، وكمان لما بتدخل تعمل اكل كل حاجة بتتكركب اوي عن ا

Apple_65275 🇪🇬

منذ 6 أيام

شعور غبي

موضوع:

اية الحاجة اللي حسيت انك اتسرعت فيها؟

اتسرعت في ان اكون صريح مع الكل اتسرعت في ان اكون واضح وديما بقول الكلمه الطيبه فيه ناس فهمت غلط وفيه ناس فهمت ان بعاكس وناس فهمت ان انا منافق وناس فهمت ان الشخص المناسب ليها وحططني في موقف انتهت بأذيه اتسرعت لما فكرت في كل حاجه ومفكرتش في نفسي ولا بحب ايه ولا بكره ايه اتسرعت ان انا معشتش حياتي

Sugar_57723 🇪🇬

منذ أسبوع واحد

شعور مستنزف

أنا ولد و مشكلتي هي اني كل ماتكلم مع أي بنت كبيرة أو صغيره اعرفها أو لا حتى لو قاربتي بتوتر و بتهته و بحس اني مش مستريح فاهمني مبقتش بعرف اتكلم مع أي بنت حرفيا و انا مكنتش بعرف علشان اقول مبقتش لا أنا من زمان كدا مش عارف اية الحل

Strawberry_64200 🇪🇬

منذ أسبوع واحد

شعور ضائع

عبّر عن شعورك بشكل مجهول

انا مش من نوع البنات اللي بتكلم شباب عادي، غير لما يكون موضوع مهم. 
بس وانا في تالته ثانوي كنت في درس (مخطلت بي الولاد قدام والبنات ورا) وقاعدة عادي حسيت كأن في حد بيبص عليا  اتلفت ملاقيتش حد ولا حاجه، المهم الموضوع حصل تاني بس بصيت لقيت ولد بيبعد عيونه بسرعه،قولت ممكن بالغلط، وبرضو حسيت تاني ان في نظرات عليا بصيت على نفس الولد لقيته هو،هو كان اول مره اشوفه ولا الاحظه في الدرس بصراحه، وهو شكلاً فكان حلو اوى صراحه، المهم انا في الاول مهتمتش قولت يمكن بيبص على حد جمبي او ورايا، وفي الحصص اللي بعد كده برضو كنت بلاحظ انه كان بيبص نحيتي وانا كنت كل ما الاحظ انه بيبص كنت ببص برضو، وبعد كده انجذبت ليه واعجبت بيه، بس دا كلو طبعاً من غير ما اكلمه، وفي يوم كنت ماشيه انا وصحابي والجو بيمطر وانا بحب المطر اوي فكانت ابسامتي من ودن لودن واللي زاد انه كان ماشي قدامي وكل شويه يبص لورا ويقف شويه انا قولت اكيد مستني حد وفعلاً كان مستني واحد صاحبه، انا كل اللي همني ساعتها اني كنت بشوف وشه كل ما يلف، انا كنت عارفه مشاعري وان ده مجرد اعجاب عابر ومن بعيد لبعيد لا اكثر،  وفي يوم كنت بصلي دعيت ربنا انه ميعلقش قلبي بحاجه مش ليا ولا هي من نصيبي عشان متعبش واحزن بعد كد( انا دعيت الدعلء ده اكثر من مره وفي كذا يوم بس اليوم دا بذات حسيت انه اتقبل)، المهم  تاني يوم شوفت وشه كان وحش ومش حلو خالص لدرجه اني كنت هتجن ازياي دا شكله حلو ازاااي، فقولت اكيد دي اشاره من ربنا، فحاولت اني اقلل اعجابي بيه بس كان صعب اوي عليا، بعد كدا في نص المراجعه النهائيه كان بيقطع يجي حصه وحصه لاء لحد ما بقاش يجي خالص انا زعلت ساعتها بس عادي وكنت كل حصه ابص اشوفه جه ولا لاء بس مكانش بيجي، وانا والحمد لله كنت عارفه دا مجرد اعجاب والله اعلم يمكن من طرف واحد بس (دا اللي هو انا)، بعد كده لما خلصت امتحانات بفتره كنت عند صحبتي الانتيم (البست فرند) فهي وصفتلي شكل ولد فطلع هو قالتلي تعرفيه قولتلها اه، قالتلي الواد دا انا معجبه بيه وهو شكله معجب بيها،( انا ساعتها كنت هقولها اني كنت معجبه بيه بس هي صدمتني الاول، وانا متكلمتش ومبينتش حاجه)  ف انا قولتلها وعرفتي منين ان هو معجب بيكي قالتلي كان بيفضل يبص عليا في الحصه،(مع العلم انا وهي كنا بقعد جمب بعض معظم الحصص)(وصاحبتي جسمها مليان بس هي شكلها حلو بس مش احلى مني انا وهي نفس المستوي من الجمال يعتبر بس هي مليانه بس) وقالت انها في الاول مكنتش مفكراه بيبص عليها هي اكيد  بيبص على بنت تانيه عشان انا مليانه وفي بنات احلى مني، بس كان كل حصه يبص عليا ومركز معايا، واكتر من مره ابصله وهو يبص ويضحكلي،  وفي مره كان بيقول لإبن عمه بص هي دي (قرأت شفايفه وهو بيتكلم معاه وابن عمه معانا في نفس الدرس) وقالتي برضو على يوم المطر انه كل شويه يلف ويبص عليها. فأكيد دا كله حصل يبقى معجب بيا،(انا ساعتها سكت مكنش عارفه اقول وجسمي تلج فجأه وكنت قعده مسكه دموعي بالعافيه وكان كأن في حاجه جوايا اتكسرت ، وفكرت كويس فعلاً هو كان كل حصه كان بيمشي قدامي اشمعنا اليوم ده بذات اللي كان بيلف كل شويه، ولما صحبتي محضرتش المراجعه النهائيه هو كمان اختفي ومبقاش يحضر، بس برضو فكرت ان كان في حصص مكنتش صحبتي بتحضر وكان بيبص عليا اكتر من مر وطول الحصه يعتبر، وساعات هي كانت بتحضر بس انا وهي مكناش بنقعد جمب بعض وانا كنت ببقى بعيد عنها خالص يعني هي في الاول وانا كنت بروح متأخر فبقعد في الاخر وهو كان بيبص برضو) انا ساعتها احترت وزعلت بس كنت بهون على نفسي واقول دا مجرد اعجاب لا اكثر وعادي هيروح لحالو،. بعد الكلام ده بكام شهر صحبتي رنت عليا قالتلي حزري فزري مين بعتلي فولو على تيك توك قولتلها قالتي ×××××××× قالتي انا كنت قاعده عادي و بفتح التيك توك لقيت حد باعتي فولو بشوف مين ليته هو، قولتلها هو عرف الاكونت بتاعك ازاي قالتلي ما انا حطه البروفايل صوره ليا، بس مسحتها اول ما بعت فولو، قولتلها انتي قبلتي الفولو قالتلي لاء، قولتلها(من باب النصيحه والله) احسن وياريت متقبليهوش عشان هو اكيد هيحاول يكلمك واحنا مش عارفين اخلاقه وغير كدا حرام أصلاً، قالتلي ما انا عارفه واكيد مش هعمل كده، قولتله طب ابعتي اسم الصفه بتاعته عشان اشوفها، قالتلي لاء انتي عيزاها ليه قولتلها عادي هشوفها بس هو انا هعاكسه (مع العلم انا مش عامله حساب تيك توك أصلاً) قالتلي لاء انا ممكن ابعتلك صوره البروفايل بس وانتي ابحثي عنها، بعتت الصوره وانا شوفتها من هنا والطبله اشتغلت في قلبي من هنا، فضلت ادور على الحساب ملقيتهوش وقولتلها قالتي معرفش بس انا مش هديكي اسمه، انا عديت الموضوع ساعتها ومتكلمتش معاها تاني في بصراحه وقولت ادي اشاره ثالثه انه من نصيبي،  بعدها بفتره كنا عند وحده صحبتنا وهيا قالتلها في ولد في درس العربي كذا كذا انتي عرفاه، المهم ومكملتش الكلام عشان مش فكره اي اللي حصل ولهانا في حاجه تانيه واحنا مروحين قولتلها انتي كنتي هتقوليلها قالتلي لاء انا كنت ههزر معاها بس، فقولتها اني كلمتيه ولا لاء قالتلي اكيد لاء، بصراحه انا مصدقتهاش ساعتها بس متكلمتش وقولت هي ادرى بصلحتها بس بعد كده بدأت تحط صورتها علي البروفايلات على كل مواقع التواصل وتغيرها كل شويه بصوره جديده ، وكل شويه تنزل حالات واغاني رومانسيه، انا برضو متكلمتش ولا سألتها، وبرضو كنت بديت انسى الشخص ده وعادي، بس لسا لحد دلوقتي بتمنى اني اشوفه وبدر عليه فيكلمكان بخرج فيه ، حتى لو قالي انه معجب بصحبتي بس على الاقل هستريح وقلبي يبطل اي امل..... 
اسفه اني طولت عليكم... 
بس اتمنى منكم تدعولي براحه القلب وربنا يعوضني خير....

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.