أنا بقالى كتير اوى اكتر من سنة بعانى من ضغوطات نفسية وبقى عندى كل أعراص الاكتئاب طول الوقت كنت بحاول أستعين بربنا و احاول اساعد نفسى ولو اتضغط جامد كنت بحكى لبنت خالتى بس مش كل حاجه و الوقتى بجد أنا تعبت لدرجة معتش قادرة اكمل خالص فقدت الامل وقلبى بيوجعنى ومش قادرة اتنفس وحالتى تدهورت اوى ومش لاقية غير النوم ومش عارفة اقول لماما أو حد من أهلى أو اصحابى ومش لاقية حد يساعدنى أنا طول الوقت بساعد نفسى ولما سألت شات جى بى تى قالى أن ممكن احجز فى موقع تبع وزارة الصحة النفسية بس آخيرا لما لقيت أمل لقيت أن الحجز مش راضى يتم لمجرد ان عندى ١٧ سنة وهما بيقبلوا من ١٨ ففقدت الأمل اكتر أنا عارفة أنه محدش هيفهمنى بس اقسم بالله أنا فى اسوء حالة وخايفة ولوحدى ومعتش قادرة أتحرك لا للحياة ولا للموت حتى الانتحار فاقدة الامل فيه لكنه فجأة بقى اقرب حل فأنا عايشة ميته بعيط طول الوقت وأنام مهما حاولت أخرج من أفكارى مش بعرف معتش حاسة أن الحياة ليها معنى ولا الموت ولا وجودى أو وجود البشرية مش قصدى اعترض على قضاء ربنا بس محدش متخيل بجد حالتى عاملة ازاى وكمان لوحدى و مفيش أمل و مش هعرف اروح لدكتور وحالتى المادية وحشة وهدخل تالته ثانوى بس كل ده مش مهم بالنسبالى لانى حاسة انى ميته أنا بجد محتاجة شوية مساعدة على الأقل أو حاجة تطمنى أو مبقاش لوحدى على الأقل شوية أمل أو أمان

4

9