مش عارف انام من كتر الoverthinking.. حد يعرف يحل المشكله؟

Question

حد عنده حل لل overthinking ؟
بقالي يومين حرفياً مبنامش من كتر ما بفتكر حاجات اصلا حتي ملهاش اي لازمه و مينفعش لغيرها زي طفل ضايقني فالفصل وانا صغير او بنت رفضت حبي ليها ف ابتدائي مثلا و طبعاً التفكير ف باقي امور الحياه و جوانبها و اسأله بقي كتير من نوعيه ليه و أمتي و اشمعني انا و ازاي كل دي حاجات بتنهش فيا يومياً وكنت بعدي لأن تأثيرها كان مجرد نفسي إنما دلوقتي لما اقعد مبنامش ب الايام بقيت مش حاسس ب ارتياح بجد و محتاج اشوف حل

Biscuit_68226 🇪🇬 · Answer

حابه اقولك حاجه 
اولا العمر بتاعك بيأثر علي تفكيرك 
ثانيا عشان تساعد نفسك انك تبطل اوفر تفكير لازم تقفل الملفات في دماغك 
بمعني انت بتفكر في الموقف مثلا لغايه نصه مش بتكمله للآخر 
يعني النهارده مثلا حد قالي كلمه ضايقتني وانا مردتش عليه 
هتفضل تفكر ليل ونهار .. الحل الوحيد انك تكتب الي مضايقك .. اكتبه علي ورقه في رساله لشخص او تفرغ مشاعر 
ثانيا لازم لازم تشغل نفسك 
بحاجات ذات قيمه.. هكمل في كومنت ت

Carrot_67634 🇪🇬 · Answer

اشغل وقتك بحاجة تانية، وخرج الأفكار دي قبل ماتنام بساعة على هيئة كتابة، أو بوست هنا على الأقل ساعة... و اظبط معاد نومك وقت معين دا بيخلي جسمك يتعود عليه كل يوم فتلقائي العقل أول ما يجي الوقت دا مش هيفكر إلا في النوم، بس محتاج مواظبة منك، ولما تيجي تنام أول كام يوم قول لنفسك أنا هفكر في حاجة واحدة بس. وتخيل نفسك فأي مكان بتحبه، بتتفرج على حاجة بتحبها، قاعد في مكان ولقيت أكل بتحبه... دا بيشتت العقل

Strawberry_68218 🇪🇬 · Answer

اسحل نفسك اشتغل واعمل اي حاجه متقعدش فاضي ومتدخلش تنام غير وانت فاصل خالص 
باختصار متديش فرصه لنفسك انك تقعد مع دماغك

Biscuit_68226 🇪🇬 · Answer

لازم تشغل نفسك بحاجات ذات قيمه 
مش بس تروح جيم وتخرج وتذاكر 
كل دا صدقني ملهوش قيمه طول ما عقلك مش مشغول بالقيمه .. يعني وانت بتعمل الحاجه ركز في الحاجه دي وبس 
انا بستحمى .. يعني هحس بالميه علي جسمي واحساس النضافه فقط انا مش هفكر في اي حاجه تاني 
وهكذا طبق .. التفريغ في ورق .. وركز في الي بتعمله وان شاء الله هيفرق معاد

Mango_68151 🇪🇬 · Answer

سهلة بص أنت لازم تصلي لو مش بتصلي وتحفظ أذكار الصباح والمساء ودعاء قبل النوم وكل الأذكار إن شاء الله هتبقي كويس تماماً واشتغل نفسك في الشغل عشان تروح مقتول وتنام علي طول

Pineapple_62201 🇪🇬 · Answer

أنت عامل زي واحد ماشي في الشارع وضايقه حد ومش قادر ينسى فرجع البيت وكسر كل أثاث البيت وفي الآخر بقى قاعد على البلاط ومتضايق. حاول تنسى وافتكر دايما أن الحاجات الوحشه اللي حصلت زمان كان ابتلاء من ربنا

Apple_67712 🇪🇬 · Answer

ملوش علاج يا صاحبي أنا بعاني منه من وأنا في ثانوي وحاليا في الجامعة أهو وبرضو ملقتش حل ليه ومتعايش معاه بقى وخلاص احتسبه عند ربنا تكون حاجه تشيل من عليك ذنوب