انا اتظلمت اوى ف حياتى سواء من اهلى او اصحابى و اتخذلت من اكتر حد حبيته ف حياتى و حتى اللى محبيتوش و اديتله فرصة بردو ظلمنى و خذلنى حسه انى مكسورة اوى من جوايا بس مضطرة انزل و اتعامل مع الناس عشان ببساطة لا أملك رفاهية الانهيار بس حسة بظلم و قهر و للأسف مش قادرة اسامح اللى ظلمونى ف حياتى لأنهم آذونى و ضيعو عمرى و خلونى مش قادرة أثق ف حد ادعولى ربنا يعوضنى و يغنينى عن قربهم و احتياجى ليهم كل يوم اصحى من النوم جسمى تقيل و حسه ب هم ف قلبى و تقل حتى باين ف نبرة صوتى مش قادرة اتخطى الألم و الأذى بسحل نفسى ف الشغل لكن غصب عنى بتعب من كتر الشغل و ببقى محتاجة افصل وجسمى يرتاح و لما ييجى وقت الراحة دماغى متفصلش تفكير لدرجة بيجيلى صداع جامد و افضل اعيط من الظلم و القهر و الخذلان و بفضل ادعى يارب جبلى حقى يارب عوضنى انا واثقة ف ربنا و ثقتى فيه ملهاش حدود لكن مش قادرة اتخطى المشاعر اللى جوايا و لا قادرة اصبر على الابتلاء غصب عنى

5

10