قهر

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

انا مخنوق اوووووي خلاص مش قادر اعيش و اكمل كده و مش عارف اعمل ايه انا دكتور عندي ٣٠ سنة والدي متوفي و عايش مع والدتي و اخواتي و طول عمري مقفول عليا و بعمل حاجتي لوحدي من صغري و لما والدي اتوفي اتحملت جزء من المسؤولية مع ماما عكس اخواتي بس دايما كان يتقالي ف البيت انت جيت غلطة و ان والدتي كانت بتاخد منع حمل و انا جيت و سافرت و هي حامل فيا كتير و قالتلي كنت فاكرك هتنزل بس كملت و كأن وجودي غير مرغوب فيه المهم انا اكتشفت ان عندي ميول مثلية و للأسف اتعرفت ع حد من الفيس و كان بينا شات و نزلت تطبيق تعارف و بالصدفة ماما عرفت و شوفت العذاب الوان ضرب و شتيمة و ربي دقنك هتفضحنا و مفيش خروج و لا تدريب و لا غيره كن الكلية للبيت و العكس و الصيف ف البيت اتخرجت و اشتغلت و ركزت ف شغلي بس و ربنا كرمني لدرجة ان مديرتي رشحتني لحاجة دولية رحتها و كان أسوأ قرار عشان كانت ماما ترن فيديو و لما معرفش افتح يبقي انا مع حد بعمل حاجة غلط لدرجة اني رجعت قبل ما اخلص مدتي و من بعدها بقي التعامل أصعب تفتيش ف تلفوني و صحابك دول مين و لو مشيت ف شارع تقولي الراجل بصلك عارف انك خ  ل و لو اتأخرت ف الشغل تفتشني من  ورا و تعري جسمي و اضرب عليه و بعدين ف يوم جه زميل حب يتقدم لاختي كان رد ماما عشان يعمل معاك انت و اختك ع الرغم انه كان حد محترم و من عيلة معروفة و دفعة اخويا كمان الي اكبر مني ف المدرسه بس هو معايا انا ف الشغل جه بعديها تكليف ليه مع مدير إقليمي ليا و كان منصب مهم مقارنه بسني و الناس كلها فرحانه و يباركولي و ماما كانت عاوزني اعتذر عشان بتقولي اني ع علاقة مع الراجل ده عشان كده اخدني المهم روحت و قعدت ٣ شهور راتب و مكانة مهمة لكن ماما كانت رافضه كل يوم مشاكل و ضرب و اتعري ف اعتذرت و رجعت دلوقتي بقالي سنة ف شغل الحكومة ف صيدلية بروح ٣ ايام مش بخرج مع صحابي خالص مش بروح افراحهم و لا حاجة حتي لبسي بتنزل تجيبه معايا و ممنوع لبس البوكسرات لازم شورتات طويلة و لبس واسع و مممنوع تحلق دقنك و اي  منطقة تاني لازم اقولها و هي تشوف و تقرر و اي حد ممكن تشك انه ع علاقة بيا حتي لو راجل بصلي ف شارع نفسيتي بقيت زي الزفت و بقيت قاعد ف البيت علطول بعمل كل حاجة غسيل مواعين و اكنس و امسح و اجيب طلبات و اروح معاها السوق و كل حاجة بس بقيت غصب عني بتدخل ف حاجات ف البيت ما هو ده اكتر مكان ببقي قاعد  فيه ف هي تقولي ملكش دعوي ف رديت قولتلها ليا دعوي  ما انا بقعد عمري هنا ف راحت رديت قالتلي و انا ماشية مع راجل بتتكلم كده ليه انى اشرف منك.نسيت نفسك يا فاشل و اتشتمت و ده قفلة اي موضوع مؤخرا بقول رأيي فيه يفكروني اني ليا ماضي عشان اتكسر و أخرس خالص بجد مش عارف اعمل ايه شغلي خلاص راح عليا و حاسس ان حياتي واقفة و محدش يقولي روح لدكتور نفسي لما طلبت كده بعد مشاكل كتير كتبت ورقه اقولها للدكتور فيها تفاصيل غلط عني خافت احسن الدكتور يفضحني دلوقتي اخواتي اكبر مني متجوزوش و هي بتقول اني انا السبب انا مش عارف بجد اعمل ايه تعبن بجد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_26468 🇪🇬

منذ 5 أيام

شعور محبط

بقالي 72 ساعة مانمتش كلموني عن ازاي الراجل يتخطي شعور القهر+ خطوبتها النهاردة وفي البلكونة اللي اقدامي+ امها كرهتها فيا لانها كانت معايا دايما في كل خطوة وطبعا حست ان بنتها مابقتش معاها زاي الاول !!! خصوصا احنا لسه اقدامي سنتين علي الخطوة الرسمي وهما موافقين ومتفقين معايا علي كدا أقبل اي حاجه!! انا

Apple_56687 🇪🇬

منذ 6 أيام

شعور متعب

اخباركم ايه بشتغل إمام جامع وحاجات تانية كتير المهم صحاب العمارة اللي فيها الجامع بيجوز ابنه ابنه بقى في تانية جامعة ولسه مشتغلش انا اولى كلية زي ما قولت انا بشتغل إمام في الجامع ومصور محاضرات ودروس دينية وإداري في معهد تحفيظ قرآن المهم اني بعمل كل ده والحمد لله ربنا بيكرمني والشهر بيخلص قبل م

Coffee_75931 🇪🇬

منذ أسبوع واحد

شعور شاعر بالملل

عبّر عن شعورك بشكل مجهول

كنت  سايق موتسيكلي و بلف نص لفه و وقفت عشان بتاع ميكروباص يعدي فا لقيتو بيبصلي و بيزغرلي و انا زغرتلو عين ف عين  كسر عليا زياده راح الباب الجرار بتاعو كان مفتوح و هوا معملش حسابو و كسر عليا زياده فا الباب شبك ف الفرده الي قدام و انا كنت واقف كدا كدا ف المكنه وقعت ع جنبها و اتكسر فيها حجات كتير مع العلم المكنه غاليه جدا والله و بصيتلو قلتلو اي الي انت بتعملو دا بزعيق راح شاتم روحت شاتم راح نازل ع اساس يبص علي الباب و المكنه فا مدتلوش خوانه راح غفلني و ضربني كف خماسي خلا ودني تصفر انا ساعتها كان معايا سلاحي الغير مرخص و كنا ف منطقه عامه و فيها كاميرات مع العلم ان الحوار مكنش مستاهل افكر فيه اصلا و معايا قبطه بونيه  حديد بتتلبس ف الايد الخبطه منها تكسر فك و تكسر عضم  للعلم انا مش بلطجي ولا ليا ف المشاكل حتا بس زي ما قولت معايا مكنه غاليه جدا و دا غير اني مغترب و مش ف بلدي و بشتغل ب المكنه ف اوقات متاخر و اتعرض كتير لحجات مشابهه بس الحمد الله عندي سيطرة علي غطبي بطريقه بدات تدايقني ومليش حد ارن عليه وقت الازمات فا كان لازم اامن نفسي لما ضربني الكف حيست بكميه عصبيه تخليني اقتلو ضربني رجعت خطوتين لورا عشان ادي نفسي مساحه و طلعت القبضه من جنبي و كان علامات الرعب علي وشو كان مفكرها مطوه  بس الي حصل اني مضربتوش ضربه وحدا رغم انو كان ف الهدف و لو اكلها مش هياكل غيرها بس دماغي وقفت و خوفت رغم اني عمري ما خوفت لا ع نفسي ولا علي اي حاجه بس حسيت اني خوفت عليه خوفت اضربو جامد راح مسك فيا يكتفني عشان ياخد السلاح مني و لو كان علي موتي عمري ما كنت هسلمهولو فضلت ازقو و هوا يمسك فيا لحد ما الناس اتجمعت و شافو انو بيتعافي عليا  ب الاخص كنا في موقف تحميل الناس حاشتني عنو هوا جري خد مفتاح المكنه ب نيه انو ميمشنيش غير لما اصلحلو الباب فا  الناس دخلت عليه انت بتستقوي و هات مفتاح المكنه بتاعت الراجل و غلطوه فضل يحلفلهم اني كسرت الشارع مخالف و رفعت عليه مطوه دا بعد ما كل شويه ضرب من الناس عشان اسلوبو و انو مش مكبر حد فا الناس جاتلي و سالوني انت رفعت عليه مطوه قلتلهم لا انا معيش مطوه اصلا قالولي طب كسرت عليه قلتلو انا كنت واقف اصلا بس معظم الناس الي كانت وافقه في الي شهد زور لاجلو و بيقولو اني رفعت عليه مطوه الناس فضلت تحلفني و يبني متصغرناش احنا بنجبلك حقق وبتاع قلتلو اني معيش مطوه و معيش غير حتهه الحديده دي و ملمستوش بيها ف  لقيت نفسي وسطهم كلهم بقيت انا الغلطان رغم هوا الي خبطني و ضربني و كمان عايزني اصلحلو الباب زومت فيهم و قلتلهم يصلحلي الي اتكسر من مكانتي و اصلحلو الباب كانو عايزين ياخو سلاحي عشان اتادب بيه  بس طبعا رفض عافيه زوق قالولي انزل راضي الراجل و خد بعضك و امشي عشان الناس بس كانت واقفه جنبي و اكتشفت اني صغرتهم و دا معرفش ازاي بس نزلت و رديتو بس انا نزلت عشان اركز ف وشو و احفظ ملامحو مش عشان اراضيه و هوا قالي مسامحك و ببص ع الباب لقيتو مربوط اصلا ب حبال و كان ع تكه يعني مش انا الي كاسرلو الباب صورت الميكروباص بخفيه و عرفت خط سيرو اي 
السوال دلوقتي 
انا خوفت لي ؟ هل دا كان جبن ولا زي ما عقلي بيقنعني اني شوفتو ف الاول و الاخر راجل بياكل عيش ع مصلحته زي ما انا باكل عيش من مكانتي  ف مرضتش اازيه تاني سوال انا معرفتش انام طول الليل و حاسس ب الظلم و القهر اني حتا مرضتلوش ربع الضربه و هوا الي غلطان و مكانتي اتبهدلت  دماغي مش مبطله و شطاني بيقنعني اني اقتلو و محدش هيقدر يعرف اصلا انو انا  حاجه تانيه بفكر اني اغفلو زي ما غفلني و كسر بنفسي و التالته اني اجبها ف حاجه يزعل عليها و مفيش حاجه ممكن تقهر الراجل غير حاجتين عرضو و مالو و ربنا يبعد عنا الاعراض بس بفكر اولعلو ف الميكروباص و احزنو عليه و هيبقا عارف انو انا بس لا هيقدر يجبني ولا هيقدر يثبت و صح مكان الخناقه كنا قدام متحف و فيه كاميرات و جايبه فكرت ف المحضر بس هيبان اني رافع عليه سلاح  اعمل اي ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pistachio_75490 🇪🇬

منذ أسبوع واحد

شعور مستنزف

زي ما في عقوق والدين في عقوق ابناء و في امهات بتوصل اولادها لمرحله صعبه من الظلم و القهر .. ربنا ابتلاني بأم بتفضل واحد على التاني لدرجة انها خربت حياتي و دمرتها بدون اي شفقه .. انا تعبت و مش عارف اعمل ايه

Apple_75487 🇪🇬 ده ابتلاء من ربنا مفيش غير الصبر واحتسب عند ربنا

عرض الكل 4 نصيحة

Watermelon_53681 🇪🇬

منذ أسبوع واحد

شعور غاضب

عبّر عن شعورك بشكل مجهول

اتاكدت النهارده اني مبقاش ليا حد عندي اسوء ام في دنيا  مش مشكلتنا اي خناقه بين بنت و امها لا دي انسانه ابشع ما يمكن جوها غل لا يوصف و بخل مشاعر ومادي اللي حصل نهارده تورما حوصف فيها لسنين ادام وجع و قهر حيفضل لكتير متخيلين ان واحده في نهايه عمرها نجحت تخلي بنتها مش متقبلها حتي اكتشفت بالصدفه انها فتحت دهبي و اخدت منه حلق و فلوس  كانت شيلها و كانت موديها للدكتور علي حسابي ومديها الدوا اتخنقنا علي شويه حاجات تافهه و قالتلي انا مش لقيه الحلق بتاعي "بتسرقني" فيه اتعصبت قومت ادور في حاجاتها بالصدفه لقيت حلقي روحت جبت دهبي و انا متعصبه لقيت حلقي فعلا مش موجود و فلوس كانت شيلها اخدتها عضت صباعي جامد عشان ماخدهمش مطلعاه من بوقها بالدم انا مش متخيله ان دي ماما هي مش محتاجه الحمدلله و انا مش مقصره معاها بس هي شيفا اني بجيب وبعمل معاها عشان حاسه بالذنب من حاجه "بمعني اني سرقت منها حاجه " مع اني بتقي شرها ف اي حاجه بشتريها في البيت او ليها مش بطلب منها فلوس عشان بس متخناقش معاها وتقرفني ولا تكلم خطيبي تحرق دمه و نتخانق سوا عشان هي عرفه اني بحبه و بكرهه ان اي حاجه تقرب منه فبتلوي دراعي في اي موقف وجع لا يوصف اتمني محديش يجربه ابدا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_73927 🇪🇬

منذ أسبوعين

شعور ضائع

اسوء شعور هو الاحساس بالعجز انك تلاقي حياتك ملهاش معنى و في نفس الوقت مفيش حاجه في ايدك حاليا تعملها غير الاستمرار في مكان مش مكانك في مجال انت مش حابه و كذلك ناس في حياتك زى ما يكون كل حاجه حواليك انت مجبر او هى مفروضة عليك و ماينوبك من احلامك غير انها احلام تقدر تتخيلها بس

Almond_73866 🇪🇬

منذ أسبوعين

شعور ضاق ذرعًا

كنت فاكرة اني توصلت لحل او لعلاج المرة دي لمرضي المزمن النادر اللي بيغير شكل وشي ٣٦٠ درجة وبيخليني انسانة تانية اما ببصلها في المراية مش بعرفها .. بس كالعاده فشلت.. واعتقد دي اخر مرة هحاول عشان تعبت من الفشل والقهر .. هيحصل ايه يعني لو في يوم ربنا شفاني وبقيت زي كل الناس .. كان هيحصل ايه يعني لو ربن

Biscuit_75042 🇪🇬 وانا معاكي وهدعيلك لاني الصراحه حسيتك شخص كويس وربنا يشفيك ويقويكي و يجبرك يارب 💗

عرض الكل 14 نصيحة

Sugar_74919 🇪🇬

منذ أسبوعين

شعور مكتئب

بتزعلي ليه وبتتأثري بأي مشهد أبوي؟؟ أنتِ مش وعدتيني هتفضلي صامدة وقوية ومش هتعتبريه مصدر لمشاعرك أصلًا؟ ليه دلوقتي لما بتشوفي موقف بين أي أب وبنته بتتأثري وقلبك بيعيط وبتتمني إنك تكوني في المشهد ده؟ هو عمره ما كان.. وولا هيكون. كل الإستقرار وعدم الأمان اللي أنتِ فيه ده، هو كان السبب الوحيد والأوحد

Marshmallow_74914 🇪🇬

منذ أسبوعين

شعور مرهق

عبّر عن شعورك بشكل مجهول

مش عارفه اعمل اي و حسا بتوهان شديد، المفروض ان انا من اول الاجازه لقيت شغل و كنت مخططه فلوس القبض كانت هتساعدني فحاجات كتير لان ظروف اهلي صعبه جدا بس شاء القدر ان الشخص اللي كنت شغاله معاه يفضل يماطل معايا و قعدت شهرين تحت مسمى ان انا بتدرب بس مبدأتش شغل خالص ولا قبض! 
بس ادي الدراسه قربت تبدأ و زي ما قلت ظروف البيت صعبه لدرجة ان انا معرفش اذا كنت هقدر ادفع فلوس حتى للمدرسه او للدروس و كل الكلام دا.. و طبعا سبت الشغل بعد ما ضيعت اجازة الصيف باعتقادي ان انا هقبض و هفرح نفسي شويه، مش هتكلم عن قد اي انا حسا بالقهر بس اللي فعلا كاتبه عشانه البوست هو ان انا بقيت فوضع غريب و انا عمري ما كنت كدا ديما كنت ايجابيه و سيباها على ربنا حتى لما يحصل حاجه وحشه كنت بطلع نفسي من الموضوع، بس انا متغيره بقيت ديما فالاوضه قافله و مش بعمل اي حاجه غير اني ماسكه الفون و شويه اعيط و شويه اضحك و العب و بجد معرفش انا فيا اي ياريتني حتى بعرف اعيط و اخرج اللي جوايا يعني يدوبك بدمع شويه بعدها عقلي بيطنش احساس الزعل و اعمل اي حاجه تانيه ملهاش لازمه بس بتشتتني و خلاص لحد ما انام، مش حابه اشخص نفسي عشان موهمش نفسي بحاجات مش موجوده بس انا مش عارفه اعمل اي بجد ولا عارفه اخرج نفسي من كل دا ياريت لو حد مر بدا يقول... دا فحالة ان حد قرر يقرأ 800 كلمه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_74654 🇪🇬

منذ أسبوعين

شعور وحيد

عبّر عن شعورك بشكل مجهول

السلام عليكم 
انا كنت مخطوبة لواحد المفروض أنه بيحبني من 2018 وبدأنا نتكلم كلام عادي ف 2020 وشوية شوية حبيته انا كمان و فضلنا مع بعض عدينا بحاجات كتير مع بعض و كان في مشاكل كتير بس كان دايمًا بيقولي أنها بسبب الشات ولما نقرب كله هيتحل هنكون بنتقابل و بنتكلم فضلنا لغاية 2023 واتقدملي و اتخطبنا بس بردو فضلت المشاكل بيننا كتير ف الاول كنت بحسه مش بيعرف يتعامل معايا 
يعني الكلام الحلو قليل شوية طريقة صعبة زي ما اكون صاحبة مثلا ف كنت طول الوقت لما بنتكلم عن أي حاجة بقوله اهم حاجة عندي المعاملة اهم حاجة المعاملة ، لما يسألني عن حاجة او يقولي مش بتطلبي ، لكن ف نفس الوقت كان في حاجات ف الاعراف المفروض يكون بيجيبها و كدا مكنش بيحصل (انا ف الاول مكنش عندي اي مشكلة و متفهمه أنه مش فرض عليه ومش ملزم بيا واحنا لسه مخطوبين وكدا )  بس كان كل اللي حواليا بيتكلموا و يسألو و بصراحة كنت اوقات بتضايق وأوقات كنت بخاف مش عارفة طيب هو بخيل ولا عادي ؟
لان كان في حاجات بيعملها وحاجات لا يعني مثلاً ف الاكل وكدا بيصرف عادي ، لكن مثلاً لو روحنا نشتري حاجة لازم يفضل بفاصل 
اوقات مثلا كنت باجي أقوله عاوزة فانوس او أقوله ده عاجبني بس بردو مكنش بيجيبه أو ييجي بعد كدا يقولي كنت هجبلك كذا ونسيت هبقا اجبلك و مش بيجيب ف انا للمرة التانية كنت بخاف ( لاني والدي بخيل شوية وعلاقته بينا و بأمي وحشة جدًا وبيتنا مليان مشاكل و كل الناس بتتدخل فيها )
كنت اوقات كتير بطلب منه يبطل حاجات بتضايقني لاني مش قادرة استحملها بس كانت بتتكرر و اطلب تاني لان احنا نفس السن ف كنت بحس أنه لسه مش ناضج و بقول لنفسي اول مرة يخطب وكدا ف مش عارف ف اوقات مش هكدب كنت بتخنق و بتقفل بس بعدها كنت برجع افكر نفسي ب ده و بإني مش هقدر يكون في حد تاني غيره في حياتي لاني من النوع اللي لما بيحب و يتعلق مش بنسا بسهولة و أنا وهو كنا متعلقين ببعض جامد 
ف الاول كان بيحب نتقابل كتير يعني ممكن نتقابل مرتين ف الاسبوع بيكون في مكالمات بس كان بيعمل مشكلة ولو على حاجة صغيرة ف علشان كدا كنت بقول المشاكل كانت كتير 
اوقات كنا بنتفق على حاجات يروح يتصرف بطريقة تانية و يعتذر ويقولي نسيت ومكنتش اقصد و يحلف و يحاول يراضيني 
كان بينسا حاجات كتير جدًا و يقولي غصب عني 
كانت طول الوقت بيقولي أنه مضغوط رغم أن اتخطبنا سنتين و نص معملناش فيهم حاجة و كان متفق مع أهلي انه هيشتري شقة وكدا فضلنا اخر 6 شهور بندور على شقة مناسبة وملقيناش ف كان اولا باباه اللي بيجيب شقق على قد فلوسهم يعني تبقا مناسبة ليهم هما بس مش بيفكروا فيا بتكون مواصفاتها صعبة اتحملها بالنسبة ليا. 
صغيرة اوي او المطبخ ضيق اوي او بيت قديم جدًا أو يقول أنه مش هغير غير حاجات معينة مش مثلًا بييجي يسألني تحبي تغيري ايه او تقدري نسيب كذا لا هو بيقول انا شايف كذا كويس 
انا مش هغير كذا اغيره ليه 
رغم أنهم مهمشينه جدًا في البيت يعني ميبقاش عارف عنهم حاجة لدرجة اخوه اشترى شقة و جهازها و هو عرف قبل الفرح بشهرين سمعهم بالصدفة محدش حتى قاله و كان طول الوقت بيقولي محدش هيساعدني ف حاجة يبقا محدش يتدخل ولا يعرف عني حاجة ولا حد بيسأل عني و أنهم مهمشينه و ملوش رأي في حاجة ومش بيحبوه وانا علشان مكنتش بشوفهم كتير كنت فاكراهم طيبين لأنهم  أي حد يشوفهم هيقول ويحس كدا وطول الوقت بيقولو  أنهم بيحبوني وكدا بس مثلا مكنوش بيكلموني غير لو انا اتكلمت غير نادرا او لو حصل عندنا حاجة حتى لو نادرا ولو تعبانة محدش بيسأل عني غير تقريبًا كانت مرة واحدة نزلت بوست ف كلموني 
ف اتكلمت معاه بصراحة و قولتله مش هعرف اقول رأيي بصراحة طول لما باباك اللي بيدور لاني هيبقى مطلوب مني أوضح ليك ولاهلك سبب أن الشقة دي مش عاجباني و ده مش هينفع لان احنا اللي هنعيش فيها وانا مفروض اقول طلباتي ليك انت و اتكلمنا و اتفقنا و قالي خلاص فهمتك و مش هخلي حد يدور تاني و هدور انا ، انا مليش غيرك كان طول الوقت بيقول انا مقدرش اعيش من غيرك ، مقدرش اكون معرفش عنك حاجة ، لو بعدتي عني هموت و ممكن دموعة تنزل من الكلام بس 
انا بصراحة كنت اوقات بقولها لما بتخنق و يفيض بيا او يعمل حاجة كبيرة احس اني مش هقدر اتعامل معاه بعدها بس مش دائمًا كنت بعنيها والله 
المهم هو بصراحة كان حاول يحسن معاملته ليا شوية بس المشاكل والغلطات كانت  لسه موجودة و نسيت اقول اننا كنا طول الوقت بنتكلم ف الشات يعتبر بس نادرا نادرا جدا لما نتكلم مكالمة وبعد لما كان بيبقا عاوز يشوفني كتير بقا حتى لما نتقابل كام يوم ورا بعض بحسه مش عارفه زهق ولا ايه بس بيفضل يقول بقالنا 3 ايام مع بعض جيتلك يومين مش هاجي بقا الاسبوع الجاي و نسيت اقول بردو أنه لما كان بيبقا في حاجة لازم يستأذن أو يقولها لاهلي كان مش بيبقا عاوز و يقولي قوليلهم انت وافضل أفهمه أنه مينفعش و أفهمه وكنت بحس أن أهله حتى مش بيفهموه غير حاجات قليلة لكن للأصول و لازم تعمل كذا و تجيب كذا مش بيعرفوه حاجة 
يعني حتى رغم أن متفقين ف الاول أن هيعملوا خطوبة كبيرة و شبكة كويسة و يجيبوا شقة 
الخطوبة متعملش لما حسيته مضغوط اتفقنا بلاش والشبكة جت على قد الفلوس يعتبر مختارتش حاجة بنفس كنا بنشوف اللي يناسب الفلوس ومع ذلك هما اللي فضلوا يقولوله يتكلموا مع أهلي و يجيبوا شقة ايجار وخلاص رغم أن مفروض يفهموه أن مينفعش يرجع ف اتفاقه
كنت راضية بس كان بيبقا نفسي احس أن تضحياتي متقدرة او انه في يوم من الايام لما ربنا يوفقه هيعوضني من نفسه مش لما اطلب 
ف لما جه موضوع الشقة ده خوفت و اتضغطت اكتر 
بس لما جه موضوع الشقة ده اتخنقت واتضغطت اكتر و رغم كدا كنت بقوله كتير شوف اللي يناسبك و خرجني برا الموضوع ده لاني اتخنقت مكنش بيوافق ، حتى في مرة جابوا شقة 60 متر كل حاجة فيها صغيرة وكانوا متمسكين بيها كان هو شافها الاول و اتكلمنا و اقتنع أنها متنفعش بعد كدا هما عرفوا عنها ف فضلوا يقنعوه ف جه يحاول يقنعني تاني وكان متمسك اكتر من المرة الأولى وقتها قولتله طالما مناسباك جيبها و اعمل فيها التشطيب اللي يناسبك و خرجني برا موضوع الشقة ده فضل يقولي شايفة ده حل شايفة ده صح و قال خلاص وبعدها اهلي و أهله فضلوا يقولولي دوري معاه و مامته كلمتني تقولي أنه زعلان و بيشد معاهم في البيت أنهم مش بيساعدوه و قالتلي دوري معاه على أي شقة وأنه اخوه اتجوز اهو يعني فيما معنى الكلام محدش حس بيه ( اخوه ده رغم أنه بعيد عن البيت من زمان بسبب شغله في محافظة تانية وبييجي اجازات لكن عارف كل تفاصيل البيت و بيتدخل ف كل حاجة )بصراحة أنا اتضايقت و اتضغطت اكتر 
لكن فضلت ادور معاه وكنت بدور أصلا من قبل لما يقولوا بس لما كنت باجي اوريه مكنش بيهتم يعني يقول ده اعلان فيك ، ده بيكذبوا او السعر مش مناسبة أو مش لسه هنجيب شقة على الطوب و كلام زي كدا أو بيشوف الماسدج ميردش  
فضلنا في كل ده لغاية لما جيت ف وقت حسيت اني خلاص مش قادرة ومش طايقة و كان مبقاش بيحكيلي حاجة او بيشاركني حاجة غير نادر و كنت بقيت حاسة أنه مش موجود في حياتي واني لوحدي وهو موجود 
مع العلم أنه انا من وقت لما اتخرجنا ملقتش شغل و قاعدة في البيت يعتبر حياتي واقفة عليه حرفيا بنزل معاه و بستناه ييجي و بستناه لما يصحا الصبح يبعتلي وكدا مشتغلتش بسبب اني مكنتش بلاقي شغل مناسب أو مش بتقبل وفي حاجات كتير كان بيرفضها ف يعتبر انا عندي اكتئاب من قعدتي في بيت مليان مشاكل و كمان ضغوط ومشاكل بيننا و اكتئاب مش حزن انا فاهمة كويس بس مفيش اوبشن اني اروح لدكتور أو اتعالج و كمان صحتي مش كويسة و خسيت جامد ف شكلي مبقاش احسن حاجة 
جينا في شهر 4 قولتله بصراحة اني مبقتش مرتاحة بس ف الشات وفصلت افتكر حاجات قديمة عملها انا غصب عني معرفتش انساها و فضلنا ايام زعلانين ف الشات مجاش غير ف اليوم اللي بييجي فيه يوم الجمعة رغم أنه كان يقدر ييجي أي يوم بعد الشغل بس معملش كدا 
انا كنت مقفولة جامد و جه حاول يتكلم بس بصراحة أنا مكنتش قادرة حتى ابصله و عيطت وهو دمع و موصلناش لحل 
احنا كنا متفقين مندخلش حد في مشاكلنا وانا كنت موافقة على ده علشان بخاف من الحسد بصراحة و علشان بسبب اني متعقدة من بيتنا أن كل حاجة فيه برا و كل الناس بتدخل بين اهلي وعارفين تفاصيل حياتنا حتى التافهه و كنت مقتنعه أن محدش غيرنا يقدر يصلح حاجة بيننا ابدا بس اوقات كان بيعمل حاجات كبيرة كنت بقوله رد على بابا بقا لو هقول لباباك و يشوف حل معاك لاني مكنتش شايفة أهله وحشين بالعكس كنت بتخانق معاه علشانهم و بقوله انت اللي غريب و جايز انت مش مهتم علشان كدا مش بتسأل عنهم ف هما مش ليعرفوا يتكلموا معاك وكدا  
جه المرة اللي بعدها بيقول لماما هنقد نتكلم احنا التلاتة انا مش عارف هي مالها هي بتقول انها مبقتش مرتاحة وانا مش عارف اعمل ايه فضل يتكلم و خلاني حكيت حاجات بيننا و ماما تقولي اديله فرصة اقولها اديتله كتير تقولي معلش المرة دي علشاني و تقوله قولها يا حازم انك هتتغير مش بيتكلم هي اللي تمليه الكلام 
لما ماما تمشي يمسك الموبايل ( نسيت بردو اقول إن لما كان بييجي أو نقعد مع بعض بيفضل ماسك الموبايل حتى لو بيعمل سكرول يا انا اتكلم يا لو في مشكلة بنتكلم فيها يا يفضل كدا رغم أن معظم الوقت كان بييجي ف الاسبوع ساعتين و يمشي ة ده كان أحد أسباب ضيقي أن كنت بحس أنه بييجي تقضية واجب مش اكتر)
ف اليوم ده فضل بردو يقول كلمة يعني انت عاوزة ايه او شايفة ايه لو قولت كلمة مش عاجباه يمسك الموبايل و ميردش عليا يعني مقدمش حلول مقالش مثلا هتغير طيب هعمل كذا علشان نصلح بس لما ماما تيجي يقولها بتقولي كذا 
وبعدها قال همشي وفكري عاوزة ايه جت ماما قالي قدامها فكري انا متمسك بيكي و شاريكي و كلام زي كدا ف والدتي طبعًا أصلا كانت شايفاه ملاك لاني مكنتش بحكيلها عن حاجة غيرر نادرا لما هي بتشوف أن في حاجة  و كنت بقوله اني حكيت بس مكنتش بتتكلم معاه في حاجة لأن لما حصلت كام مرة اتضايق مني و مكنش بيبقا عاوز ييجي البيت لو حد حس ان احنا متخانقين 
المهم مشي والدتي فضلت تبصلي نظرات وحشة هو عمل ايه وكلام زي كدا و انا كنت هموت نفسي من كتر ماانا مخنوقة 
تاني يوم حكيتلها كام حاجة قالتلي طيب ومكنتيش بتقولي ليه قولتلها هو مكنش بيبقا حابب و انا بردو شايفة أنه مش غلط وكدا قالتلي خلاص قولتلك الفرصة دي علشاني المرة دي لو عمل حاجة تاني نبقا نشوف 
بعدها فضلنا بردو نشد مع بعض ف ف يوم كنت رايحة مشوار وكان حد هييجي معايا قالي صحيني هاجي معاكي قولتله لو هتقولي كدا ومش هتصحا عرفني قالي لا جاي بس كلميني صحيت و كلمته كتير جدًا طول ماانا بلبس مردش و مبقاش في وقت اشوف حد تاني ييجي معايا 
وانا نازلة على السلم كلمني انت فين قولتله نازلة افتكرته هيلبس و يلحقني بس لقيته بيقولي معلش مسمعتش 
بعدها حد معاكي قولتله لا قالي طيب خلي بالك من نفسك 
كل ده فاكره أنه بيستفزني بس وهلاقيه ورايا لان بيته هيركب عريبة دقائق و يبقا عند العربيات اللي هنركب احنا الاتنين منها 
فضل يكلمني مكالمات بس انا مكنتش طايقة اتكلم واتخنقت جامد ف مرضتش بعت ف الشات متقلقنيش عليكي قولتله ما تقلق 
ساب كل اللي عمله و مسك فيها روحت ورجعت استنيته حتى يقابلني يراضيني رغم أنه راح الشغل كان في طريقي وانا راجعة لو كان قالي انزلي و صالحني كنت هتراضى والله 
لو كان جه يومها بالليل يعترف بغلطه و يصالحني كنت هتصالح 
بس سابنا بردو نفضل نشد ف الشات وقعد 22 يوم ميجيش وكل الكلام بيننا في الشات صحيتي ؟
اكلتي ؟
نمتي ؟
بعدها باباه كلمني وقالي أنه قاله زعلانين كلمهم ( من غير ما يعرفني بردو )
حكيتله كام موقف فضل يقولي معلش و فرصة علشان خاطري و كلام زي كدا و انا هقوله ييجي لو عاوزاني اجي معاه هاجي بس انا عاوزة يعني يكون تصرفاته من دماغه 
وكان في اليوم 18 كلم والدتي  و عاتبته بهدوء لأنها بتحبه جدا و قالتله طيب تعالى و نتكلم مجاش تاني يوم كلمها تاني قاتله تعالى و نتكلم بردو مجاش 
جه بعد 22 يوم مع أهله والدته ووالده واخوه فضلوا كلهم يتكلموا وانا قولت حاجات كتير من اللي مضايقاني و كنت في خلال ال 22 يوم حكيت لوالدتي معظم الحاجات اللي بيننا لاني كان بالنسبة ليا كدا الموضوع بيخلص ده واحد كان بيقول ميقدرش يعيش يوم من غيري ميقدرش يعدي اسبوع ميشوفنيش وكل الكلام ده 
المهم غلطوه و فضلوا يقولوا معلش و هيتغير وكدا و قالو إنه هيحتاجوا سنتين كمان خطوبة وكدا كل ده هو منطقش 
بعد لما مشوا قالي عاجبك اللي وصلنا ليه ؟ وفضل يقلب ف القديم بردو و يقولي عاوزاني و لا مش عاوزاني معتذرش حتى وكنت مش شايفه في عينه حبه زي زمان و لا شوقه ولا لهفته حتى لما عيطتت 
سألته كنت فين قالي كنت تايهه و حسيت اني مش هعرف اعمل حاجة ف قولت بلاش اظلمك المهم بعدها اتكلمنا و فكرته باللي بيننا و ازاي نسيته فضل يحلف أنه كان تايه و مش عارف بيعمل ايه و لما حس اني بضيع من ايده جه و حاولنا نرجع 
بس طلبت ميبقاش بيننا أي تلامس و بطلت اقول كلام كانت نيتي لو ربنا زعلان مننا ف بيحصل كدا يسامحنا و جايز يتشجع و يسرع شوية على الأقل لما يجيب الشقة اهلي يوافقوا نكتب الكتاب 
كان بيحاول يعاملني كويس ويقول كلام حلو بس كنت بحسه مش صافيلي ومبقاش بيشاركني حاجة اسأله اهلك بيقولوا ايه عني مش بيقول رغم أن قبل كدا كان بيقولي حتى لو قالوا حاجة وحشة 
عدى كام شهر و من شهر اهلي قالو لازم نشوف موضوع الشقة وكدا ومش هينفع كدا ف نفس الوقت هو بعتلي شقة بردو صغيرة جدا و نفس مواصفات اللي قبل كدا اتخنقت واتضايقتةحسيت أن كلامي ملوش لازمة وكل ده كان على الفاضي ده غير اني كنت حاسة اني لوحدي و أنه مش موجود بيرجع ينام و يصحى ينزل الشغل مبنتكلمش ساعتين على بعض وشات باقي الوقت لوحدي بييجي مش بيتكلم ف كنت تعبانة ومخنوقة 
جه من شهر ونص كدا والدتي سألته عن الشقة مردش فضلت تتكلم تتكلم ميردش تقولي ياابني رد عليا قولي ناوي على ايه بردو ساكت قالتله هسيبك تفكر مشيت فضل يقولي مش بتقولي ايه على طول لما بسألك ف الشات مالك قولتله هيفيد بأيه وكدا بردو يقول كام كلمة و يسكت جت والدتي سألته تاني بردو مردش 
سابتنا بعد شوية استأذن يمشي و مشي فضلنا بردو طول الاسبوع كلام أقل صحيتي اكلتي نمتي ولو انا نايمة وقت لما رجع من الشغل بينام و نتكلم تاني يوم بعد لما كان بيكلم ماما تصحيني من النوم نتكلم و يتطمن عليا 
جه الاسبوع اللي بعده معتذرش لماما ولا حاجة و فضل يتكلم عن الشقة أقوله مش دي مشكلتي انت مش بتوعدني بحاجة بتوفي بيها مش بتشاركني مش بنتكلم ومش حاسس ان في مشكلة يقولي لا لا خلينا في موضوع الشقة بس وشوفي دي و شوفي دي مكنتش عاوزة اشوف المهم فضلنا بردو نشد مع بعض ويقولي ده مش صح انك تسكتي ومش عاوزة تقولي اللي جواكي أقوله ملوش لازمة بردو قعد شوية صغيرين واستأذن ومشي ومن وقتها مجاش تاني 
فضلنا ف الشات طول الشهر ونص دول يتكلم ف الشات بردو نفس الطريقة لغاية لما جيت في يوم قولتله بتسأل عن اكلي ليه انت مهتم بيا ولا تعرف عني حاجة ف بطل يسأل يجي مثلاً مرة في اليوم الصبح أو بليل يقول كلمة فضل كدا اسبوع جه يوم إجازة كلمني علشان افتح الشات فتحت فضل يقولي محتاجلك قولتله وكنت فين لما انا كنت محتاجة ليك ولا دلوقتي عندك وقت فراغ مش لاقي حاجة تملاه وشدينا بردو ومفكرش ييجي بقا يلحق 
فضلنا كدا حتى لما يبعت يتكلم يرد بعد ساعات اوقات يرد بعد يومين لغاية لما باباه كلمني تاني بردو و فضل يسألني و اخر المكالمة قالي طيب هقوله يجي قولتله هو ليه حضرتك اللي تقوله وليه حضرتك اللي تصلح قالي ماانا مش غريب قولتله معلش بس هو مش صغير احنا مفروض هنفتح بيت عامةً انا مبقتش متقبله الكلام ولا عندي كلام أقوله ليه ده بقالنا3 اسابيع منعرفش حاجة عن بعض يتواصل بقا مع والدي أو خالي قفل 
بعدها كلمت خالي حكيتله ف كلم باباه و من الكلام باباه قاله أنه حكاله اللي قولته ليه ف خالو قاله طيب شوفه عاوز ايه وهيعمل ايه وكلمني قاله هقولها قاله لا كلمني انا وخرجها برا الموضوع خالص 
بعدها والدته بعتتلي بردو تسألني ليه قولتلها حاجات قالتلي مش علشان الشقة ده هو قالي كدا قولتلها لا فضلت تقولي بنحبك وكدا و ربنا يعمل اللي فيه الخير 
عدى اسبوع محدش اتكلم ف خالي سألني قولتله مبقتش مرتاحة قالي يعني مش عاوزاه معرفتش ارد صعبة عليا قولت مش مرتاحة وراح كلم والده وقاله انا بحل بس هما بلغوني اعرفكم أن كل شيء قسمه و نصيب وفيما معنى الكلام يعني لو عاوز يصلح خليه يصلح بردو فضلوا محدش بيتكلم
وهو مان بيبعتلي في الشات زي ما قولت كل يوم او يومين او تلاتة و يرد على كلامي اليوم اللي بعده ف خالي قالي مترديش تاني 
بعدها فضلوا بردو اكتر من اسبوع لغاية من حوالي اسبوع باباه بردو  كلم خالي فضل يقوله هي عاوزاه ولا لا ده بيقولو مش هتتجوز حد غيره وكدا قاله هو فين من اول الموضوع انت اللي بتتكلم ليه و قولتلك مليون مرة عاوز يحل خليه يحل ف خلاص كل شيء قسمه ونصيب و باباه قاله أنه زعل لما قاله كلام المرة اللي فاتت 
ف خالي اتضايق و قاله يعني انا بقولها بيني وبينك على أساس تصلح و بنبهك تروح تقولهاله انت كدا بتصلخ لا انتو مش عاوزين صلح المهم شدو مع بعض لقيت باباه بيكلمني وخالي قالي مترديش لو حد منهم كلمك ف مردتش راح كلم والدي اللي اتصرف كأنه ميعرفش حاجة ومعرفش السبب بس قولتلكم أن بينهم مشاكل هو ووالدتي
المهم قاله اني مش برد قاله علشان انا برا البيت جايز مش سامعه أو حاجة قاله طيب اسألها هي هتقدر تكمل معاه ولا لا قاله طيب بس يتغير قاله انا مش هدوس على زرار  اغيره دي حاجة بينهم وبين بعض بقا ف والدي قاله طيب وليه انت اللي بتتكلم من الاول خلي صاحب الشأن يكلمني او ييجي يقعد معايا ف مكان شغلي بردو قاله أسألها 
ووالدي فضل يقولي معلش اديله فرصة وكدا ولو جه واتكلم معايا نديله فرصة أخيرة والكلام ده 
عدي يومين متكلمش و لقيت بردو باباه اللي بيكلمني و بيسألتي باباكي فين قولت مش موجود قالي أنه حاول يكلمك مش عارف يوصل ليه 
قالي هو بلغك اني كلمته  قولتله أيوة واللي اعرفه مستني صاحب الشأن يتكلم قالي اه بس هو بيقولي يتغير و مش يتغير ودي حاجة مش بإيدي قولتله طيب اعمل ايه تاني انا عملت كل الي اقدر عليه قالي يعني هتقدري تكملي معاه ولا لا قولتله مبقتش مرتاحة ف حتى لو عطيته فرصة تانية مش هقدر اتعامل معاه زي الاول ف ربنا يوفقه قالي تمام هنعملك اللي عاوزه قولي لبابا يكلمني نشوف هنخلص الموضوع ازاي و ف نفس الوقت كان كلم خالي قبل لما ارد بس خالي مسمعش المكالمة ف لما كلمه قاله انا كلمتها و هي قالتلي مش هتكمل ف شوف مع باباها هناخد حاجتنا ازاي وكدا وحددله كذا وكذا وكذا منها حاجة كانت هدية المفروض بس كدا كدا كنت هديهاله بس مكنتش متوقعة يطلبها 
ف لما عملوا كدا نزلت بوست اني سنجل بعدها لقيته بعتلي ماسدج الوداع وفيها يمكن القدر يخلينا  نتقابل تاني ف حسيت إن دي كانت رغبته مقالش حتى أنه سيحاول تاني علشاني 
بعدها تاني يوم لما اخدوا الحاجة نزلت ستوري أن الشخص اللي كنت بحكيله عن هزايمي بقا من ضمنها رد عليها وقالي انا مش مستوعب احنا فين و انت معلمتنيش أكمل من غيرك ازاي 
فضلت افكر ارد ولا لا لغاية لما رديت بعد كام ساعة بكلام كتير أنه يعني عملت كل حاجة ووقفت جنبك ووو وانت مش مظلوم لان السبب ف اللي وصلناله و عملت بلوك 
ف رد عليا من الرقم التاني أنه مستنغناش و لا استبدلني بس فكر لو بعدنا هنرتاح بردو مقدرش يرتاح و أنه لما شاف الحاجة مبقاش مستوعب 
وان يارب القدر يرجعني ليه و يارب يشوفني مبسوطة حتى لو مع حد تاني 
رديت عليه أنه معملش حاجة وكدا و بكلام كتير بردو ف رد أنه لما وصله اني بقول مشوعاوزاه اتصدم و حس اني خلاص بايعاه تماما وأنه مقالش ليهم حاجة ولا أن الموضوع علشان الشقة ولا اتكلم أصلا 
وان اللي اتقاله أن خالي ف اول مكالمة قال اني مش عاوزاه و كل شئ قسمة ونصيب المهم سألته كام سؤال  وليه لما طلبوا يشوفوك مجتش قال كنت عاوزك انت وانتي مردتيش على اخر ماسدج بيننا 
مش فاهمة هو ازاي فاكر أنه كدا حاول 
وأنه مكنش فاهم اني بقوله كدا مش بعنيها وأنه مقالش ليهم أنه مش هيتغير 
بس المشكلة أن انا تعبانة جدًا قلبي مش قادرة يستوعب مش قادرة انسا ولا اتخطى كل مكان لينا فيه ذكرى و كل مكان بشوفه فيه حياتي واقفة بقالي حوالي 3 ايام مش باكل لدرجة حاسة اني مش قادرة اتحرك بعيط بس مش عاوزة أبين لحد علشان أي حد هيقولك انتي اللي عاوزة .انا مكنتش نيتي بس هو اللي وصلني لكدا انا حتى بعد لما مشي اول مرة كنت فاكرة أنه هيصلح الموضوع و كنت هنزل اجبله هدية عيد ميلاده مكنتش متخيله أنه هيعمل كدا 
مش عارفه اعمل ايه كل مكان كل حاجة بفتكره
انا طول عمري لوحدي رغم أن حواليا ناس بس بعمل كل حاجة لوحدي 
كنت ماصدقت ودايمًا ببصله وبقول ياه اخيرا مش هبقى لوحدي في حد هيكون معايا في كل مشاويري اخيرًا 
مش قادرة حاسة اني بموت و قلبي مفطور و هموت من القهر

بعتذر عن الإطالة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_73909 🇪🇬

منذ 3 أسابيع

شعور قلق

جماعه انا بابايا علطول مقصر معايا سواء عاطفيا و نفسيا و حتي التعليم لما قالي هاتي مجموع و انا ف ضهرك ولما رحت جبتله مجموع ف ثانوي وجبت 89 راح عاوز يكمل تعليم لخواتي الصبيان وانا كل ميحصل اي حاجه او اقول اي كلام او اتناقش معاهم و مش مقتنعه اني غلطانه لاني مغلطش يروح يقولي انتي مينفعش تتعاملي مع ناس و

Donut_73467 🇪🇬

منذ 3 أسابيع

شعور مكسور القلب

انا كنت مخطوبة وخطيبى سبني انا كنت بحبه اوي الموضوع عدى عليه اسبوعين بس قلبى مكسور ومتاثر بالى حصل اوي مش عارفة انسى كلامنا وصورنا واحلامنا الى ححلمناها سوا وانا تعبانة نفسيا جدا بسببه شعور ابكسرة والقهرة الى انا فيها محدش حاسس بيا

Cherry_73328 🇪🇬

منذ 3 أسابيع

شعور منزعج

عبّر عن شعورك بشكل مجهول

بنت خالتي متجوزه من 2016 حاليا معاها طفلين جوزها بقا بيعاملها ازبل معامله ابن أمه حرفيا ابن أمه  هى يا جماعه عبيطه اصلا و طيبه اقسم بالله شتايم بالاهل و ضرب و قرف هو اصلا لا مال ولا جمال المهم حصل مشكله كبيره راحت بيت اهلها غضبت يعنى بصراحه انا هموت من قهرتى كلمت محاميه و رفعت عليه 3 قواضى و مقولتش لحد لو كنت محتاجه ورق أو حاجه كنت باخده من وراهم بعد مخصلت كل حاجه مع المحاميه قولتلهم بقا على اللى عملته و هى انبسطت جوزها بقا يجى هو و أمه الرحبايه يبوسوا ايديها علشان تتنازل عن كل القواضي المهم في ناس لعبت في دماغها وقالوا لها ولادك وما تعمليش كده وحرام عليك والكلام ده كله بنت خالتي بقى اللي ما عندهاش دم ولا كرامه رجعت له ثاني وانا وانا كان نفسي اقتلها وندمانه على كل حاجه عملتها لها انا كنت في عز امتحاناتي يعني انا كنت ثانويه عامه انا ثانويه عامه السنه دي رجع تاني يضربها وامه تحرضوا عليها واهانه ليها ولعيالها يعتبر ما بيديهاش مصروف والكلام ده كله امها ساكنه اصلا في البيت يعني في نفس الشارع ما كانش بيخليها تروح عند مامتها وحاليا هي غضبانه تاني وقاعده في بيت اهلها انا بقول كده دلوقت وبقول لكل واحد بيعمل في مراته كده وبقول لكل بنت بتقبل على نفسها كده فانتم الاثنين اصلا عاهات على المجتمع وتستاهل ان انت تموتوا يا اشكال يا وسخه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Toast_68563 🇪🇬

منذ 4 أسابيع

شعور غبي

ازاي ممكن انهي علاقة مع واحدة كلمة باردة ومعندهاش دم قليلة عليها؟ قالتلي في نص الكلام "انا اتنازلت لغيرك كتير فا مش مستعدة اكرر دة " وبعد ما عاتبتها علي الكلام دة وقولتلها المفروض اتعامل معاكي ازاي ردت وقالتلي مش عارفة وبعدها بيوم نزلت صور علي الانستا من اللي كنت قايلها ممنوع ينزلوا ومن ساعتها وان

Mango_17903 🇪🇬 مكنش المفروض تتقبل الوضع دا قبل أي حاجه وربنا يهديها ويرزقك باللي احسن منها ان شاء الله

عرض الكل 7 نصيحة

Blueberry_52061 🇪🇬

كتمت كل حاجة وهتفجر! جايلكم بمصائب

السلام عليكم بعد حوالي تلت أو اربع شهور قافله الابلكيشن ومش بفتحه خاالص حابه اقولكو اني جايلكو ب شويه مصائب لوز اللوز 👀 لاني عملت بمقولة اقضو حوائجكم بالكتمان لما من كتر الكتمان خلاص هتفجر 😶 مسنيةعصازسكيتؤاؤتهسكمؤوؤةؤلخشكدءوؤارهؤمظؤوؤةؤةؤترنخصحسكزيوا ...عرض المزيد

2 الدعم

26 نصيحة

Donut_69132 🇪🇬

نفسيتي تعبانة ومكسوفة من ربنا بعد انتكاسة

نفسيتى تعبانة جدا كل مبدأ من جديد انتكس انتكاسة كبيرة اوى سواء فى الصلاة او الحاجات الى تغضب ربنا ذنب معين كده بلاقينى وقعت وقعة اكبر من كل مرة و بجد مكسوفة اوى من ربنا و مش عارفة اقرب ليه تانى بقالى يومين نايمة مبعملش حاجة و زعلانة من نفسى وعلى نفسى و آخر مرة ديه وقعت حلفان ليا انى مرجعش لذنب كده و رجعتله تانى و قصرت فى الصلاة و بجد بجد مش عارفة ربنا حينظرلى و يوفقنى و يسمعنى تانى ازاى ....... ...عرض المزيد

2 الدعم

22 نصيحة

Strawberry_60606 🇪🇬

دكتورة نفسية جاهزة لسماع مشاكلك وفضفضتك

م دكتورة نفسيه بس اتمني اللي حابب/ة يجي يفضفض ويحكي اللي مضايقه او مشكله يبعتلي.. ♡ ااااااااااااااااااااااااااااااااااااااااااااأااااااااااااااااااااااااااااااااااااااااااااااااااااااااااااااااااااااااااااااااأااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااأااااااااااااااااااااااااااااااااااااااااااااااااااااااااااااااااااااااااااااااااأااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااأااااااااااااااااااااااااااااااااااااااااااااااااااااااااااااااااااااااااااااااااأاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ...عرض المزيد

3 الدعم

22 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع