تعب

Watermelon_58876 🇪🇬

منذ ساعة واحدة

شعور مكسور القلب

موضوع:

عندك مشكلة في التعبير عن مشاعرك؟

من زمان وأنا كنت بعاني إني باخد كل حاجة على أعصابي ومبعرفش اطلع اللي جوايا وكان الموضوع دا اختفي سنتين او تلاتة فاتوا وحاليا أنا رجعت أسوأ مبعرفش اتكلم ولا قادرة افهم المشاعر اللي حاسة بيها ايه او يعني ايه أو معناها ف بتمنى ابقا كويسة تاني علشان قلة التعبير تعباني أوي

Avocado_58651 🇪🇬 انا عند حل ونك تتكلم مع حد ثقه مش عوز ممكن تكتب الي بتحس بيه في ورق وتفهم وحد وحدد مع نفسك وتحاول تتجنب اي تفكير سلبي يقصر عليك لأنه بقلل الثقه بالنفس وحد وحد هتحاول تعرف نفسك لو ده منفعشي احسن حل انك تكلم مع ربنا شويه ونشاء تفهم انته عوزايه جايز ربنا مستنيك ادعيلو عشان يستجيب لك وجلعني سبب اشوف مشكلتك واساعدك تعامل المشكله بي بصته حاول تفهمه الأول وي بعد كده قرر انته عوز ايه بس كده فكر فيها صح

عرض الكل 7 نصيحة

Mango_56800 🇪🇬

منذ ساعة واحدة

شعور وحيد

مش عارف أبدأ منين… بس حاسس إني تعبت من فكرة الجواز، كل بنت أتقدم لها بلاقيها مش مناسبة والعمر بيجري مكنتش ناوي أكتب هنا، بس قولت يمكن حد يحس بيا أو بس يسمعني من غير حُكم. لو حد فاتح خاصه ومستعد يسمع، أنا محتاج أتكلم شوية… يمكن أرتاح.

Almond_56393 🇪🇬

منذ 3 ساعات

شعور مكتئب

حاسس إن الدنيا سحبت مني كل حاجة حلوة، وبقيت عايش كل يوم كأني بمشي على حبل ضعيف ممكن يوقعني في أي لحظة. مبقتش حاسس بحاجة، لا فرح، ولا حزن، بس في وجع دايم مش بيروح. كل يوم بحاول ألبس وش طبيعي، أضحك، أتكلم، أتصرف عادي، بس الحقيقة إنّي من جواي مكسور وتعبان. حاسس إني تايه ومش لاقي نفسي، ولا حتى سبب يخلين

Banana_58825 🇪🇬

منذ 5 ساعات

شعور مستنزف

عبّر عن شعورك بشكل مجهول

انا كنت خاطب بنت وبنحب بعض من بعض م اتخطبنا ...
كانت مبتعرفش تعبر عن حبها اوي وانا علمتها وعلمتها حاجات كتير اصلا وعلمتها ازاي تقول اللي جواها 
بشوف فيها عيوب كتير ولكن بتغاضى عنها وبعديلها كتير واوقات بقولها ع حاجات تغيرها وهي احيانا تستجيب واحيان تانية لا 
حصلت مشاكل والخطوبة اتفشكلت واحنا لسة بنحب بع ولأني لسة مش جاهز ماديا ف لسة محاولتش ارجع بس عندي النية .. بقالنا شهور بنتكلم وعلاقتنا مش مستقرة وكل شوية تعمل حاجة تزعلني منها وبتخليني اطلب منها تعبرلي عن حبها كتير وهي مش دايما بتستجيب انفصلنا ٣ مرات مقدرناش نبعد عن بعض اكتر من اسبوع ... بتتغير عشاني بس التغيرات بتبقى ل حاجات المفروض تكون موجودة بس مبتكونش موجودة 
حصل منها اخطاء وحشة جدا وكنت هنهي علاقتنا بسببها وحاجة ليها علاقة بالكدب وانا مبطيقش ولا بعرف اثق ف حد بيكدب ... وحاجة تانية ليها علاقة بأنها اتكلمت مع حد راجل يعني ف وقت غيابي وكان فيه هزار معجبنيش 
... من ساعتها وانا مش مرتاح بس بيصعب عليا اني اسيبها وهي مبتستحملش حاجة مني 
حتى خلافاتنا مبتعرفش تتعامل معاها رغم اني معلمها ومفهمها تعمل اي ومؤخرا ابتدى يكون فيه تغيير ، بس انا مش عارف ارتاح الامور الطبيعية ببذل فيها مجهود وهي بتقولي بعد الجواز هتبقى احسن واقرب بحكم الحلال بس انا قلقان يكون فيه حوارات ف حاجات انا مقبلهاش وطبعا مش عارف اصارحها بنقطة زي دي 
امبارح رميت كلمة رخمة عن كدبها قبل كدا والصراحة انا مسترخمها بس تتعدى يعني 
.. لقيت رد فعل معجبنيش ف اخدت جمب شوية واما جت تتكلم مكنتش كويس بسبب رد فعلها وبسبب إننا كنا هنتقابل وقالتلي لا بعد الكلام ده ف روحت قافش عليها ...
المشكلة ف ردود فعلها مبتعجبنيش دايما 
وبتحكي احيانا مواقف بحس إن ده طبيعة بيتهم .. بحاول اغير واصلح بس فعلا المجهود طلع اكبر من م انا متخيل .. اتعلمت إن العلاقات مش سهلة إطلاقا وانا لسة مستعد اكمل معاها .. بس احيانا بيجي ف بالي لو انا مع حد غيرها او لما كنت مع غيرها كانت ردود الفعل مرضية حتى في الزعل حتى الخصام كان اسهل 
انا عامة معلمها مهما يحصل لا ننام زعلانين ولا نبعد عن بعض اكتر من ربع ساعة .. بس بردود الفعل دايما بكون مش قابلها .. مش عارف اي الصح اعمله عشان اصلح علاقتنا .. وحاسس إني لوحدي اللي بحاول في العلاقة دي 
محتاج نصيحة من حد يكون مرة بحاجات مشابهة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_57197 🇪🇬

منذ 6 ساعات

شعور مكسور القلب

وصلت لمرحله مش عايزه اكلم حد مع العلم ان المكالمات دي مش مواساه او حد خايف عليك دي ناس عايزه مصلحه و محدش بيدي حاجه في المقابل عايزه بس دعم نفسي معلش الواحد محتاج حد يفكر معاه ماحنا متخلقناش لوحدنا

Avocado_58487 🇪🇬 حالياً معظم الناس إستغلالي بيدور علي اي فائدة يطلع بيها من الي قدامة، القليل الي بتعامل ببراءة، حاولي علي قدر الإمكان تعتزلي النوع الأول علشان هتتعبي منهم وياريت متخليش العاطفة الذايدة تأثر علي هلاقاتك

عرض الكل 12 نصيحة