خايفة ومش عارفة أدافع عن نفسي في المواقف الصعبة

Question

بصراحة انا مش عارفة بنستخدم الابليكيشن دا ازاي ، بس انا عندي مشكلة وهي اني خايفة بشكل مستمر ، الدنيا بقت صعبة اوي وعدم الامان موجود في كل حتة وانا ضعيفة جدا ك شخصية وبرضو جسمي ضعيف  ، ف ببقا عارفة اني مش هعرف ادافع عن نفسي لو حاجة حصلت  ، مثلا لو قاعدين في قاعدة وحد احرجني ممكن اخاف ارد عشان ميحرجنيش اكتر قدام الناس وابقا مش عارفة ارد عليه ، لو حد حاول يتطاول عليا او يدايقني برضو مش هعرف ادافع عن نفسي ، وبصراحة انا الموضوع مأزمني نفسياً جدا بقالي فترة كبيرة ومش عارفة اعمل اي وبحس اني بضعف اكتر وبخاف اعمل اقل الحجات وعايزة ابقا قوية ومش عايزة ابقا ضعيفة كدا

Watermelon_66850 🇪🇬 · Answer

انا كمان عندي نفس المشكلة لدرجة اني من بقيت بحاول اتجنب المواقف اللي ممكن يحصل فيها كدا علي قد ما اقدر بس المفروض اننا نتقبل ضعفنا رفضنا ليه بيزوده لكن بردو الوضوع مش سهل ويحتاج ثيرابيست ربنا معاكي ومعايا

Watermelon_67532 🇪🇬 · Answer

ممكن تجيبي pepper spray عشان لو فيه موقف محتاج انك تاخدي رد فعل جسدية و لو فيه موقف محتاج فيه انك تردي يبقي محتاجة الاول انك تكسري خوفك من شارع و ناس و تنزلي و تتعاملي مع الواقع

Banana_67096 🇪🇬 · Answer

سكوتك ده هيزود ضعفك مش هيخليكى تتجنبى حاجة وبالعكس هتكونى مستباحة من اللى حواليكى اغلب الوقت المفروض تواجهى ي ماما الموضوع بسيط واللى يتحرج ويزعل يتفلق متجيش ع صحتك وسلامتك النفسية علشان خاطر حد ومتخفيش من انسان زيك 
وموضوع تدافعى عن نفسك ده معتقدش ان حد يقدر يتطاول عليكى احنا ف مصر مش شيكاغو

Almond_67545 🇪🇬 · Answer

استعيني بالله احكيلو مشكلتك واطلبو حلها من الله هتتحل

Orange_67546 🇪🇬 · Answer

عندك كل الحق تحسي بالخوف وسط عالم مليان توتر وقسوة، خصوصًا لما تحسي إنك لوحدك وضعيفة. إحساسك بعدم الأمان حقيقي ومفهوم، لكن ضعف الجسد مش ضعفك الحقيقي، ولا خوفك معناه إنك أقل أو إنك مش قادرة. أحيانًا أكتر الناس قوة هما اللي بيحسّوا إنهم أضعف، بس الفرق إنهم بيكملوا رغم كل ده.

Orange_67546 🇪🇬 · Answer

لو لسه مش قادرة تدافعي عن نفسك دلوقتي، ده مش عيب، ده معناه إنك لسه محتاجة وقت تدربي نفسك عليه. محدش بيتولد قوي، القوة بتتبني، خطوة خطوة. وإحساسك بالإحراج والخوف من المواجهة طبيعي، بس ده ميمنعش إنك تستحقي الاحترام والحماية. وجود ناس جنبك بيدعموك مهم، ولو مش لاقياهم، ابتدي انتي تكوني السند لنفسك، حتى بأبسط التصرفات.

Orange_67546 🇪🇬 · Answer

مفيش حد بيبقى شجاع على طول، لكن اللي بيواجه رغم خوفه هو اللي فعلاً قوي. وانتي، حتى بكلامك ده، أثبتي إن جواكي صوت واعي وبيصرخ علشان يتغير، وده أول خطوة حقيقية.
انتي مش ضعيفة… انتي مرهقة، ومتألمة، ودي مش نهاية القصة، دي بدايتها.

Orange_67483 🇪🇬 · Answer

يا فندم انت عايشه على طبيعتك تماما وهي دي طبيعه المراه عموما الطبيعه الهاديه اللي مش محتاجه انها اصلا يكون لها عضلات عشان تاخد حقوق او يكون لها صوت عالي عشان تزعق للناس دي الطبيعه الحقيقيه انت كل الموضوع ان انت تحاولي تحافظي على نفسك ما تكونيش متواجده في اماكن ممكن حد يعتدي عليك فيها

Watermelon_67319 🇪🇬 · Answer

ممكن تتواصلى معى لو سمحت☺️