ضعف

Cherry_48485 🇸🇦

منذ 6 ساعات

شعور مكسور القلب

جماعة أنا عارفة ان ربنا ارحم الراحمين وأعدل العادلين ولا يكلف نفسا إلا وسعها وان مع العسر يسرا وان تعدوا نعمة الله لا تحصوها وكل ابتلاء فيه نعمة مخفية سواء احنا أدركنا ولا لا ومش كل حاجة زي اللي شايفينها وتلك الايام نداولها بين الناس بس احيانا كتيرة بتيجي لي لحظات ضعف وبقع بقع لما الاقي نفسي من اول

Avocado_56657 🇪🇬 انا زيك عندي ظروف صحية و برضوا بحس كدا اوقات بس ، شعوري بدا مش بيغير حاجة فا بشوف ممكن أعمل ايه عشان ع الأقل اكون ف مستوى احسن بظروفي دا يعني غيري عنده صحة احسن مني بس غافل عن نعم كتير فا أنا بحمد ربنا كتير و غيري غافل عن علوم كتير.. لو فكرنا بالمنطق فا محدش بيخد اكتر من نصيبه من الصحة المال الجمال.. و هو عدل فا دا أمر لوحده بيخليني مطمنه أنه دا أمر الله..

عرض الكل 4 نصيحة

Almond_56393 🇪🇬

منذ 11 ساعة

شعور ضائع

تعمل ايه لما تحس انك محتاج لحد بس انت عارف ان الاحتياج للناس ضعف ف لازم تمنع نفسك عن الاحتياج ده؟ الموضوع بيبقى صراع جواك.. بتحس انك عايز على تحكيله بس في الاخر بتفتكر إن كله هيسيبك زي اللي قبلهم وإنك لو اعتمدت ع حد تاني هتتكسر زي ما حصلك زمامن فتلاقي نفسك واقف في النص لا عارف تسيب نفسك للي جو

Mango_71162 🇪🇬

منذ 11 ساعة

شعور لا مبالٍ

موضوع:

كلام عمرك ما توقعت ان هيجي يوم وتبوح بية ..!

عبّر عن شعورك بشكل مجهول

عمري ما كنت اتخيل اني هاجي في يوم و اتكلم عن ازمه كانت بتحصللي من وقت ما كنت لسه صغيره مش فاهمه حاجه... و اعيط بالطريقة دي... 
في يوم بالليل كنت انا و اختي و امي بنتكلم عادي و بنضحك و كله تمام
مش عارفه ازاي دخل كلامنا في موضوع وصلني اني اقول اني حاسه اني مش مقبوله وسط المجتمع اللي انا فيه... 
(ملحوظه بس.. مؤخرا من فتره مش بعيده ثورت علي اي حاجه تمنعني اعبر عن نفسي.. مؤخرا بدأت افهم نفسي صح.. و اني من حقي اتكلم و اعيط و اضحك.. مؤخرا ادركت انه مينفعش يبقي ليا نقاط ضعف.. علشان كداا و من اول ما ادركت الموضوع ده و انا معنديش اسرار اصلا... حرفيا معنديش اسرار.. و بالتالي مافيش اي نقاط ضعف) 
المهم... قولت وقتها اني حاسه اني مش مقبوله وسط المجتمع اللي عايشه فيه
تلقائي عينيا دمعت لوحدها.. حسيت في كلام كان من وقت ابتدائي محشور جوايا و اخيرا بيتسرب اهوو...مسحت الدموع دي و كنت بحسبها اخر الموضوع...لحد ما سألوني.. معرفتش اتكلم... حرفيا معرفتش اتكلم... 
حسيت اني انفجرت.. 
مكنتش متخيله اني ممكن ابقي في الموقف ده بالشكل ده
دموع
جسمي بقا يرتعش
باخد نفسي بالعافيه
صوت غريب طلع من حنجرتي بشكل متتالي لوحده مع العياط.. صوت مسمعتوش الا وقت ما كنت لسه صغيره بخلع سناني و بعيط..
قولتلهم بحس اني مش مقبوله عشان...عشان...عشان...و فضلت اكرر عشان دي كتير من بين ارتعاش جسمي و شهقات بتطلع.. 
بالعافيه قدرت اوضحلهم انه شكلي... هو الازمه
الناس
اهلي
الوسط اللي اتربيت فيه لحد ما كبرت
تنمر
شكل سناني.. طولي.. وزني
لما الاقي من اهلي و انا صغيره كداا.. اهلي اللي هم درع حمايتي و الارض اللي بقف عليها.. 
يبقي الباقي هيعمل فيا ايه؟ 
سببلي حاجات كتير في شخصيتي
بعضها اتخلصت منه
و بعضها لسه موجود 
بس عمري م كنت اتخيل ان نقاش عادي و بضحك فيه... يتحول ل انفجار و جرح اتقفل من زمان من غير ما يتطهر... 
ادي ل كارثه

اللي عاش حاجه زي كدااا هيفهمني... 
و اللي مجربش
ف اتمني متجربش خالص
احساس انك منبوذ من وسط اقرب الناس ليك
احساس انهم شيفينك وحش
اقل
او متستاهلش..

Cherry_55189 🇪🇬

منذ 14 ساعة

شعور متعب

انا غبيه اوي انا ازاي بعيده عن ربنا كدا ومش عارفه ارجعله انا في يوم من الايام كنت بستنى الاذان بفارغ الصبر عشان اصلي وكنت بستناهم يناموا عشان أقيم الليل أنا ربنا مش حابب لقائي من ساعه ما بعدت عنه وكل حاجه باظت ومش مرتاحه في حاجه مش قادره اتبسط وانا مستاهلش كل ده وانا حتى الصلاة مش قادره اقوم اصليها

Mango_72064 🇪🇬

منذ يوم واحد

شعور متعب

الوحده والزعل والاكتئاب انا محبوس جوايا عبدلحجات عبيطه جدا كل الي حواليا بينجحوا ويتحركوا وانا ثابت مكاني بسبب عوامل محيطه بيا انا كويس والله بس الي حوليا مش كويسين كل حاجة اثرت عليا بالسلب حتي شكل كبر بقا ضعف سني الحل ايه افوق من الي انا فيه ازاي

Avocado_74559 🇪🇬 اعطي نفسك اجازه عقليه

عرض الكل 5 نصيحة

Apple_70037 🇪🇬

منذ يوم واحد

شعور مرتبك

الانسان مهما كان قوي ومؤثر في حياة كل اللي حواليه دايما بتبقا نقطةضعفه ضعيفه قوي وهايفه قوي .. اه والله مهما وصلت لنجاح ومهما وصلت لقوه في حياتك هتلاقي نقطة ضعفك حاجه صغيره مجرد ما حد يلمسها انت بجبروتك بتنهار وبتبقا زي القش والاصعب من كدا انك انت اللي تعالج وتداوي نفسك ومتبينش ضعفك وانكسارك لحد لد

Coconut_73870 🇪🇬

منذ يومين

شعور مهتم

عيلتي عبارة عن بابا واختي والدتي متوفيه .. عندي دايما قلق إن لو بابا جراله حاجه هنعيش ازاى الحمد لله عارفه إن ربنا الستار الرزاق بس دايما بحس بعدم الأمان خصوصا إن أهل بابا مش حنينين خالص وأهل ماما حنينين بس بعاد في المعيشة عننا و بقعد دايما افكر لو لقدر الله حصل لبابا حاجه هل هبقى بالقوة اللي تخلين

Marshmallow_69067 🇪🇬

منذ 3 أيام

شعور ضاق ذرعًا

عبّر عن شعورك بشكل مجهول

حد عنده فكرة أيه مبرر بعض الناس للكذب؟؟
انا حد تطفولتى إمتدت معايا للعشرينات والسبب انى كنت بشوف الدنيا من خلال بابا وماما كانو بيخافو عليا جدا..  أفكاري متلوثتش فااا كنت حد بيصدق كل الناس وإنه محدش مضطر يكذب الدنيا حلوة ي جماعة .. لكن مع بداية إختلاطى الحقيقي مع عالم الكبار ودا كان من خلال الكلية.. ف الأول كنت مش فاهمة الدنيا اوى ولكن مع الوقت بدأت أكتشف إن معظم الناس واخدين الكذب إسلوب حياة، هنا بدأت أفكاري تتعارك مع بعض وبقيت بتعامل بحذر مع الناس ، بس برضو مكنتش بستوعب فكرة  إن الإنسان المخادع او الكذاب عايش وسطنا عادى وعنده أهل وأصحاب كنت بحس إن النوعية دى شكلهم وحش وأشرار وعايشين في مكان مهجور بعيد عن الناس،لكن الى كان بيحصل العكس دول بيكونوا أكتر ناس وشها برئ و بيكونوا مندمجين مع المجتمع جدا ويمكن كمان يدعوا إنعم ع قدر من الثقافة والتدين، فبالنوعية دى بتعرف تتفنن في الخداع والكدب يقدر يقنعك بأكتر قصة مش منطقية إنها تحصل ولكن هو بيكون مصدق نفسه ، لكن الحقيقة إن الناس دى أكتر ناس ضعيفة ومهزوزة وفاضيين من جواهم فبيعوضوا دا بالكذب وإدعاء امور مش حقيقية، من بابا أنا لا أكذب ولكنى أتجمل،  بسبب كل دا وتفاصيل كتير تفكيري نضح بالصدمات بشكل غير صحى ومفزع كأن حد ضربنى ع دماغى، الأهالى بتهتم تعلم ولادها الخير والأخلاق الحميدة والجانب الكويس في الحياة بشكل عام  ولكن لازم في التربية يكون فيه قدر  من التعريف بالشر من باب العلم بالشئ وازاى الطفل يتعامل مع شرور البشر بشكل عام والكدب بشكل خاص من غير م هو يتضرر، لأن عدم معرفتى خلتنى أتخبط لفترة طويلة كنت بشك في اى كلام يتقالى بس مع الوقت بقا عندى شئ من التوزان لكن للأسف الصدمات دى نالت من جزء من قلبي وبوظته لسه قادرة أصدق ان فيه خير وناس كويسة بس مش زى الأول ومشكلتى الأكبر إن الناس دى مش معظمة قدر ربنا في قلوبهم ينطبق عليه الاية الكريمة "يستخفون من الناس ولا يستخفون من الله وهو معهم إذ يبيتون ما لا يرضى من القول"

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Nutella_67863 🇪🇬

منذ 3 أيام

شعور مستنزف

مش عارفه ممكن حد يتريق ولكن انا عندي 21 سنة وضعيفه في الحساب يعني مش بعرف الم أجرة العربيه ، لو حد مثلا بيقولي احسبي 9+15 دماغي بتكون مهنجة بحتاج ورقه وقلم واعد علي صوابعي لو حد قالي سعر لبس 390+120 دماغي بتهنج .. الموضوع ده بيحسسني بالاحراج والكسوف .. وديما بحتاج الآلة الحاسبة وموضوع ده مسببلي أزمة

Coffee_73838 🇪🇬

منذ 3 أيام

شعور متعب

ايه سبب أني أتخيل أني عملت حاجة وأنا معملتهاش أو العكس أيه أسباب عدم القدرة ع التبرير المنطقي الأفعال أيه سبب أني أتذكر الفعل المناسب ولكن بوقت متأخر عدم الأستيعاب بشكل كام وعدم حصر الأسئلة اللي ممكن تتسأل أيه سبب أني أثناء فعل شئ لا أستطيع الرد ع سؤال وأحتاج الي وقت للرد ايه هو السبب الطبي

Pineapple_75981 🇪🇬

منذ 3 أيام

شعور مرهق

Marshmallow_70594 🇪🇬 اللي بيسمع محتاج يتسمع واللي بيواسي محتاج اللي يواسيه ف حاولي متحمليش نفسك فوق طاقتها و لو حواليكي حد يسمعك فضفضي واتكلمي ولو مفيش حد تكلميه كلميني وانا هسمعك يعيوني ، و لو فضلتي كدا ومش لاقيه حد ادعي كتير و اشتكي لربنا و فضفضي لربك و صدقيني بإذن الله ربنا هيرزقك بالخير ليكي وربنا يرزقك بالزوج الصالح اللي يكون سند وضهر ليكي ومكان آمن تفضفضي وتتسمعي وانتي مرتاحه ، نسأل الله زوج صالح للعسوله دي🫂❤️.

عرض الكل 3 نصيحة

عبّر عن شعورك بشكل مجهول

انا كنت حد طموح جدا وكنت اكبر مثال للشغف والطاقه الايجابيه من وانا صغيره ،واحلامي وطموحاته كبيييره علي الوضع اللي اتولدت فيه والبيئه اللي انا منها،وكنت مؤمنه اني مش اي حد كده وخلاص اكيد ليا دور اتخلقت علشانو ، وصلت لوضع لا بأس به من حيث الشغل واني قادره اعتمد على نفسي ف كل حاجه ، مش ديما الواحد بيحب يعتمد علي نفسه ف كل حاجه وخصوصا لو انتي بنت ، محتاجه تحسي بالسند والنقطه دي بصراحه كسرتني قوي ،بابا ربنا يبارك ف عمره موجود بس كأنه مش موجود 💔أنا حتي مش عارفه اعبر عن اللي جوايا بالكلمات، ديما اللي حواليا شايفيني اني قويه وقادره أشيل مسؤوليه بس ف الحقيقه انا أضعف من كده بكتير وكل حاجه بتحصل معايا والظروف اللي اتحطيت فيها والمواقف الصعبه مستاهلهاش ابدا ،انا كنت بحلم اني مكونش حد مجرد عادي ويكون ليا شخصيتي  وف الغالب بدفع تمن الحلم ده. انا حاليا وحيد جدا رغم وجود اللي حواليا ، وسائله كتير قوى واكبر من طاقتي ،كل م بحاول ارجع شغفي برجع والرجعه بتكون أصعب من اللي قبلها ،حيلي اتهد ،كل اللي عندو مشكله بيجي يفضفضلي علي اساس اني العقل الرزين اللي يعرف يحل ويواسي ، وانا من جوايا ما يعلم بيه الا ربنا ، أنا حتي ماما اللي كنت يحكيلها وانا صغيره بقيت مش عارفه أفضفضلها بحاجه عشان متدايقش وتشيل همي 💔وبكتفي بالكتمان ، ومكمله ومش عارفه آخرة اللي انا فيه ده ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_52708 🇪🇬

منذ 4 أيام

شعور غير مكتمل

أنا بعترف إني في لحظات ضعفي قلت على نفسي كلام وحش جدًا. فضلت أقول إني فاشل، إني منافق، إني ماليش أي قيمة، وكأني عايش كعبء على كل اللي حواليّ. كنت شايف إني السبب في أي حاجة وحشة بتحصل، ومكنتش قادر أشوف في نفسي أي ميزة أو خير. بس بعد ما هديت شوية وفكرت، اكتشفت إن الكلام ده مش أنا. ده صوت الاكتئاب الل

عبّر عن شعورك بشكل مجهول

بس بعد ما هديت شوية وفكرت، اكتشفت إن الكلام ده مش أنا. ده صوت الاكتئاب اللي كان مخليني مش شايف غير السواد. هو اللي كان بيخليني أفتكر كل حاجة سلبية، ويكبرها، ويخليني أصدق إني مش نافع. الحقيقة إني بني آدم عندي ضعف زي أي حد، بس برضه عندي قيمتي وربنا لسه مديّني فرصة أكمّل.

اللي لمسني في وقت الأزمة إن الناس اللي كنت فاكرهم ضدي، ظهروا بوش تاني. مديري اللي كنت حاسس إنه بيكرهني، وقف وقت الجد يحاول يهديني وينقذني. وزميلتي اللي ملهاش أي مصلحة معايا، نصحتني أقرأ قرآن وأقرب من ربنا عشان أستمد قوة. المواقف دي خلتني أفوق وأقول: لأ، أنا مش لوحدي، وفي ناس شايفة فيا حاجة أنا مش شايفها.

أنا غلطت لما سلمت ودني لأفكاري السودا، بس اتعلمت أفرق بين صوت الاكتئاب وصوتي الحقيقي. وزميلتي اللي وقفت جنبي، بجد بتمنى ليها من قلبي ربنا يرزقها بالزوج الصالح والسعادة. أما مديري، فأنا موافق على أي قرار ياخده تجاهي، سواء إني أكمّل أو أمشي، عشان مؤمن إن اللي بيكتبه ربنا ليا كله خير.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_52708 🇪🇬

منذ 5 أيام

شعور غاضب

أنا معترف إن أنا السبب الأول في اللي وصلت له. طول عمري بقلل من نفسي في الشغل، وكأني مش شايف لي أي قيمة. شغال كأني ترس ملوش لزمة، لحد ما لقيت نفسي بقيت زي خيال المآتة، واقف شكلاً لكن مفيش أي دور حقيقي. المشرف ما تعبش ولا عمل حاجة جامدة، هو بس استغل ضعفي وخلاني أسيب دماغي توديني وتجيبني، وفي الآخر وصل

عبّر عن شعورك بشكل مجهول

عارف كويس إن الناس شايفاني إنسان ذكي، بس الحساسية الزيادة دي قتلتني. عايش طول الوقت متوتر، وأي كلمة بتتقال بحسها موجهة ليا. الكلام اللي بيتنقل بين زمايلي كان بيأثر فيا جامد، ومع الوقت لقيت نفسي عامل حمل تقيل على نفسي قبل ما أكون تقيل على غيري.

حتى البنت اللي حبيتها، كنت شايفها بصورة حلوة في دماغي، بس لما عرفت إنها عصفورة المدير، وبتاخد منه المهام وتنقلها، الصورة وقعت قدامي. صغرت في عيني جدًا، وساعتها حسيت إن أنا كمان صغير في عيني نفسي.

واللي بوّظ الموضوع أكتر إني لجأت للكوفان. بقيت آخده غلط — ٦ أقراص مرة واحدة — كأني بدور على وسيلة أهرب بيها من الوجع. بس الحقيقة إني ماكنتش بهرب من حد، أنا بهرب من نفسي. يمكن طول عمري فاكر إن مشكلتي في المشرف أو زمايلي، بس اكتشفت إن العدو الحقيقي عمري ما كان برة… العدو الحقيقي كان نفسي اللي فضلت أقلل منها وأكسرها لحد ما وقعت.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_75106 🇪🇬

منذ 5 أيام

شعور خجول

هل كون اني بعيط كتير اوي على اي حاجة دي مشكلة زي ما بيتقالي وان دي حاجة هتتعبني في المستقبل وان ي لازم ابطلها او ان دي حاجة طفولية اوي مع اني مش شايفة ان دي مشكلة وان دي حاجة عادية خالص واي حد بيتعامل معايا لازم يقدر ان شخصيتي حساسة

Strawberry_11964 🇪🇬

منذ 5 أيام

شعور عاطفي

كنت دايمًا بحس لما دموعي تغلبني وتنزل وأنا بتكلم في حاجه مزعلاني أو بتناقش في موضوع معين أو شوفت بوست عن حاجه مؤثرة مشهد ف مسلسل غير وغيره وعلي أتفه الأسباب بجد دموعي بتنزل وأنا كنت مفكرة إن دا ضعف مني وبتضايق من نفسي وقتها جدًا ..صادفت من شوية فيديو لشيخ بيرد فيه على واحدة بتقوله إنها شخصية حساسة

Chocolate_52370 🇪🇬

مش عارفه أتكلم عن مشاعري في البرنامج

انا مش عارفه انا الوحيده اللي بحس بي كده ولا لا ان انا كل لما اجى ادخل البرنامج وببقي عاوزه اقول حاجات كتيره اوي بس مش بعرف مشاعري بتتلخبط اويي مع ان انا بدخل لما بحس اني جبت اخري من الدنيا ومش لقيه حد معايا حرفيا بس في الاخر مش بعرف اقول اي حاجه في البرنامج بقعد اشوف النااس لو في حاجه ممكن اساعد بيها بتكلم بس غير كده مش بعرف اتكلم عن مشاعري هو انا بس اللي كده انا جمعت الكلام ده بصعوبه ...عرض المزيد

3 الدعم

32 نصيحة

Apple_64150 🇪🇬

خطيبي فقد الشغف وسبني! أنا السبب؟

انا كنت مخطوبه لواحد قريبي كان بيحبني ف الاول ويقول كلام زي بريل عليكي ومجنناني والكلام ده ولو قدامي كنت اغتص...وكلام من ده بعد كده بدا يلمح بحاجات اكبر بس مكنتش بتكلم معاه ف الكلام ده كذا مره لحد ما قولتله انا سمعت شيخ بيقول المفروض تعامل خطيبتك كانها اختك وتحافظ عليها وهو اتغير من بعدها مبقاش يرن ( احنا اصلا ف العادي بحكم الجيش كنا بنتكلم مره واحده ف الاسبوع واوقات مرتين ) بس كانت ساعه ونص ف كنت بقول عادي بقيت ارن انا ميردش عليا ابعت الرساله يتاخر ب ٧ و ٨ ساعاات هو بيشتغل ميديكال ريب وكان بيقولي انه مشغول اقوله مفيش دقيقه اطمن عليا فيها يقول مفيش وارجع انا اكلمه عادي كل ده شات اوقات كان يلمح للكلام بتاعه ده وارجع اصده بهزار بردو عشان ميتقفلش ( لان كنت حاسه لو قولتله ياتسكت ي نفركش مكنتش حاسه انه هيختارني ) فضلنا ع موضوع مشغول ده من شهر ١٢ لحد العيد الصغير كنت بطلب منه يقولي كل سنه وانتي طيبه حتي قالي هتيجي ف وقتها قولتله حاسه اني بشحتك حرفيا قالي متشحتيش ( فانا جه ف دماغي انه كان بيعمل كده كعقاب ليا عشان كان اوقات يقولي قوليلي ي حبيبي مثلا او بحبك ف ريكورد او كده وانا كنت بتحرج اقول ) فقولتله شكرا وتاني يوم مكلمتوش ف دخل ع العشا كده قالي كل سنه وانتي طيبه رديت عليه وبقوله انا زعلانه من امبارح كنت فاكره هترن عليا تراضيني قالي انا وصلت للي فيه ده بسببك بسبب زعلك وقمصك ( وانا اصلا اقصي حاجه ممكن ازعل منه ٣ او ٤ ساعات وارجع اضحك تاني ) والفتره اللي فاتت كلها كان بيقول كلام سم وانا ببلعه عادي المهم اتعاتبنا واتفقنا ع حاجات هنمشي عليها بعدها والدته كانت مسافره ( والدته دي محضرتش الخطوبه عشان اهله بره مصر ورجعت بعد الخطوبه بسنه ومجاتليش تسلم عليا وعزمناها ف رمضان مرضتش تيجي قالتله والله مانا رايحه معاك ف حته ولا عزمتني هي ولا كلمتني ف العيد ولا جاتلي مع ان بيتهم ف الشارع اللي ورانا وانا اللي كلمتها ف العيد قالتلي نسينا نقولك تيجي تصلي معانا ) المهم اول ما سافرت قالي حقك عليا وانا مقصر معاكي وتعالي نخرج وخرجنا واتصورنا وانبسطنا بعدها باسبوع يقول مش مرتاح ومش عارف ياخد قرار واتفقنا ندي لنفسنا فرصه تانيه وهو قالي مش متخيل نفسي مع حد تاني وسالته لسه بتحبني وناوي تصلح قالي ايوه واتفقنا بعدها جالي وروح كان كويس وبيتفق معايا نعمل سيشن ف فرح اخته بعدها قعد شهر مجاليش وجالي ف العيد الكبير جايبلي حلويات بحبها وانا كمان جبتله وقعدنا نهزر ونضحك وروح بعتلي اغاني وكلام حلو حتي يومها بيقولي الراحه الكليه هتبقي ف الشقه ف قولت اهزر معاه واقوله ايوه احنا الاتنين بقي قالي انا بس انتي كده كده مش فارق ! بس عديتها عادي بعدها باسبوع كان كتب كتاب حد قريبنا بقوله عقبالنا فالي ايوع ربنا يكتب علينا اللحظه دي بعدها بكام يوم يقولي فقد الشغف وسابني بقوله ده احنا كنا كويسين يقولي كنت برد عليكي واجب طب ازاي ده قبلها بيومين كان بيقولي ام عيالي وتسلميلي ي قلبي وانتي الغاليه !! قولتله انت بتلعب بمشاعري وتقولي واجب! طب واجب ده لما تتاخر ف الرد عليا وانك متردش ع الموبايل انما قلبي وروحي وانك نفسك تعيش معايا ده ايه بتديني وعود ليه كده لما انت مش طايقني قعدت ٣ ايام مفتحش الرسايل كلمت اهله ابوه قالي استني يومين اكلمه قولتله حاجتكم جاهزه قالي لا استني ده مش عارف قيمه النعمه اللي ف ايده بعد يومين ابو كلمنب تاني وقالي الولد متردد قولتله حاجته جاهزه قالي لا استني يومين كمان استنيت حد يتكلم مفيش كلمت عمه جه خد حاجته هل انا السبب ف ده هل قفلته مني!! ازاي بعد ماكان بيقول يحبك ووحشتيني وقلبي وام عيالي بعدها بكام يوم يتحول كده ! وازاي ميكلمش ابويا ولا اهله كلموه طب مشاعري انا دي ايه ده انا لاخر يوم بقوله نفسي افرح بحياتي معاك يقولي فقد الشغف !! طب مانا بسالك بقالي ٥ شهور كان بيقول الدنيا تمام انتي اللي بيتهيألك اننا متغيرين اقوله احنا بنبعد يقول لا ! طب موقف امه ده ممكن تكون مكنتش موافقه عليا طيب!!!! ...عرض المزيد

0 الدعم

21 نصيحة

Mushroom_68593 🇪🇬

مبقتش قادره استحمل خلاص... تعبت من كتر العياط

مبقتش قادره استحمل خلاص كفايه تمثيل انا مش كويسه ولا انا بخير ولا تمام انا مش عرفاني كل حاجه فيا متكسره الف حته مش عارفه اصلح اي حاجه باظت جوايا تعبت من كتر العياط كل يوم ع كل حاجه بتروح و مش عارفه ارجعها تعبت ع اني بتعاقب ع حاجه مش عرفاها نفسي كل حاجه تنتهي حتي اناا ...عرض المزيد

1 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع