اتقدمت لواحدة مستواها أعلى مني وكسرت نفسي

Question

انا اتقدمت لواحدة مستواها المادي و الاجتماعي أعلى مني 
و كان فيه موافقة من ناحية الاهل لاني الحمد لله و بشهادة الناس على خلق 
لكن للبنت بدأت تقولي بعدكده (انت مش ملاحظ ان فيه اختلافات كتير بيننا) و فجأة بدون مقدمات قالتلي الهامش مرتاحة و مش حابة نكمل مع بعض 
الموضوع ده كسر نفسي جامد و هز ثقتي بنفسي لدرجة كبيرة

Ice Cream_56279 🇪🇬 · Accepted Answer

ابعد يا صاحبي و اشتري كرمتك مش هتستحمل كلمه زي دول بعد الجواز

Mango_55662 🇪🇬 · Answer

واضح جدا وابعد. يعنى هي بقتولها صراحتا

Lemon_56494 🇪🇬 · Answer

الغريبة بردو ان الموضوع بدأ من عندهم و هما اللي قالوا تعالا 
احنا سيبنا بعض
لكن أهلها لحد الان متمسكين بيا لأنهم عارفيني كويس

Mango_55662 🇪🇬 · Answer

اخلع وكبر دماغك وعيش حياتك وشوف بنت غيرها

Lemon_56494 🇪🇬 · Answer

أهلها متمسكين بيا 
و للعلم بردو هما اللي بدأوا الموضوع مش أنا 
هما اللي عرفوني من برا و سألوا عني و لما اتطمنوا و عرفوا انا ايه و مين قالولي تعالا أتقدم 
احنا سيبنا بعض بس للاسف نقسي مكسورة عليها

Strawberry_25620 🇪🇬 · Answer

دي واحده مش شبعانه والله😂
المستوى المادي والاجتماعي مش كل حاجه فعلا، لو اهلها شاهدين باخلاقك تبقا المشكله فيها هيا والله
ولو كنت كملتو كانت هتعايرك بانها اعلى منك  مع اول مشكله بلاش منو

Ice Cream_56279 🇪🇬 · Answer

مبدايا انت هتتجوزها هي مش هتتجوز اهلها 
تاني حاجه انا عارف انك مضايق و حقك والله بس حقيقي هي شخص ناقص و مش هتنفع انك تعيش معاها 
متزعلش يا صاحبي و اهلها اتكلم معاهم و قولهم انك مش مستريح و ابعد و اقفل اي وسيلة تواصل عشان حقيقي دي اختيار غلط

Coconut_56317 🇪🇬 · Answer

دي يا كبير مراة سعرانه لو لو اتجوزتها هتخليك تلف حوالين نفسك هتشكك في صوابع رجلك هتهز ثقتك في ضوافرك انت اخلع اساسا. 
التوافق المادي والفكري والاجتماعي اهم بكتير جدا جدا جدا جدا جدا جدا جدا جدا جدا جدا جدا جدا جدا من اي حاجه ثانيه

Cookies_56227 🇪🇬 · Answer

اسمع انت بتحبها مش صح عاوزك تحط كرامتك فوق فوق فوق كل حاجة وسيبها واشتغل وخليها تندم انها في يوم فكرت تقول الكلمه دي قدامك انت عندك اخلاق فمتسبش كرامتك لحد خش لابوها وقله يا عمي انا عاوز افركش الخطوبه دي سواء انت صح او غلط في الوقت ده فمتندمش كرامتك جنب اخلاقك كملت انت الي هتخسر الاتنين عشان وحده متستهلكش وبعد كده مش هتصونك لا انت ولا عرضك ولا شرفتك وهتتكبر عليه لانها في يوم كانت في بيت اهلها احسن

Potato_27813 🇪🇬 · Answer

الحمد لله ان حصل كدا بدري و بشكل عام يا صديقي البنت قالت إنها مش مرتاحه معاك بشكل واضح و ده مفيهوش حاجه و لا يقلل منك في شئ بالعكس شكلها بنت كويسه عشان كانت واضحه و بنسبه بقا مش مرتاحه معاك ليه دي حاجه ترجعلها انت ملكش دعوه بيها انت تمام لان مش معني انكم مش نافعين مع بعض يبقا حد فيكم فيه مشكله لا عادي ممكن تبقو انتو الاتنين كويسين و الله أعلم