Tofu_19483 🇪🇬
منذ 3 أيام
.
شعور Disappointed
محتاجه أحكيلكوا حاجه مزعلاني جدًا ومأثره ف نفسيتي خالص طبعًا كلكوا عارفين إني توفي اللي لسه عامله عمليه علشان عندها كانسر.. أنا بعد عمليتي بأسبوع بالظبط يعني اللي هو ملحقتش أرتاح م العمليه وأذاها النفسي والجسدي عليا ألاقي أكونتي متهكر! طبعا هتقولوا طب اعملي كذا وكذا وحاولي ترجعين هقولكوا جربت كل الطرق لكن للأسف معرفتش وبعت لناس كتير جدا ومعرفوش وخلاص مفيش أمل أصلا إنه يرجع علشان مفيش طريقه إلا وجربناها.. الفكره إني مختمره بلبس خمار بس قبل ما كنت بلبس خمار كنت بحط استوريهات لصاحباتي القريبين خالص وكان نص شعري بيبقى باين فيها الاستوريهات دي محفوظه ف أرشيڤ الانستجرام كانت عباره عن فيديوهات تيك توك ونص شعري باين فيها يعني لابسه الطرحه لكن نص شعري باين وطبعا يعني أنا كنت بحطها عادي لصاحباتي وعمري ما كنت أتخيل إن أكونتي يتهكر أصلا يعني وحسبي الله ونعم الوكيل ف اللي عمل كده ربنا ينتقم منه ويردهاله ف أعز ما يملك علشان أنا نفسيتي لوحدها متدمره ومش عارفه ألاحق ع المصائب منين ولا منين ،من ناحية مرضي ولا كليتي ودراستي ولا آخر حاجه التهكير ده يعني أنا فيا اللي مكفيني ليه الأذى ده! وأنا أصلا عمري ما حطيت صوري بابليك خالص حتى بالخمار مبحطش صوري بابليك بس دي كانت برايڤت لصاحباتي القريبين مني خالص بس دلوقتي أنا مكتئبه ومخنوقه أنا حتى قبل ما ألبس خمار مكنتش بطلع شعري م الطرحه وأطلع بيه كده ،لكن ده كان فيديو عادي عملته وحطيته لصاحباتي بس لكن مكنتش بطلع كده أنا بجد نفسيتي متدمره وقرفت من المشاكل اللي كل شويه تحصلي دي أنا مش فاهمه فيه ايه وحياتي مالها عامله كده ليه أنا مش ملاحقه على حاجه أنا تعبت بجد
7
0
