صدمة-435 related problems found

صدمة

Cheese_55135 🇪🇬

منذ يوم واحد

شعور منزعج

موضوع:

اتخدعت ف حد قبل كدة؟

انا لما ابويا توفى عمي جه قال قدام الناس كلها عليا اني بقيت ابنه التاني من كام شهر كانت فيه قضيه في المحكمة عمي كان رافع قضية بيطالب بيها بطردي انا وامي من الشقة الحمد لله القضية اتحكمت لصالحي بس دي اكبر خدعة اتخدعتها في حد والمشكلة انه من دمي

Watermelon_55165 🇪🇬 للأسف حال الدنيا كل ما يسوء و يصعب أكتر الناس اللي متتقيش الله ولا تعرف ربنا بيكونوا أسوء و عندهم استعداد ياكلوا مال أهلهم أول ناس ، متثقش في أي بشر غير والدتك ( طبعاً ممكن تلاقي ناس كويسين بس دول للأسف قِلة ) الله يعينك متضايق وأنا بقول حاجه زي دي بس ده الواقع و احنا في دنيا ف ده طبيعي ، معظم المشاكل اللي بين الناس هو البعد عن الدين و للأسف البعد بيزيد أكتر عند البعض إلا من رحم ربي ربنا يهدينا

عرض الكل 1 نصيحة

Avocado_50926 🇪🇬

منذ 3 أيام

شعور مكسور القلب

خايفه من حاجه واحده في اي علاقات ليا انا في الاول كنت حقيقي شخصيتي ضعيفه ممكن اتعلق بس طبعا مش اي حد المهم انا مكنتش دائما بدي فرص غير ف اي طار الحلال المهم اتقدملي احمد واحمد كان شخصيته كانت جامده كان خاطب قبلي بس انا مكنتش حقيقي مركزه مع خطيبته علشان انا بقول دا راجل وداخل البيت من بابه وجاي يتقد

Cookies_54909 🇸🇦 خليك صريح مع نفسك، ماتعلقش في حد قبل ما تثق فيه، واحمي قلبك. التجارب الصعبة بتعلمك كتير، ومفيش مشكلة تبدأ من جديد لو الوضع مش كويس، دايمًا في فرصة لتغيير حياتك للأحسن.

عرض الكل 3 نصيحة

Marshmallow_54838 🇴🇲

منذ 3 أيام

شعور مكسور القلب

لما تكون انسان ماشي بطريق صح وماتتمنى لاحد الشر او تكيد لاي احد بس فجاءه تنصدم من ناس ماتوقعت يكونو كذا انت مافي ولا شي سويت لهم بس هم خبيثين الله يحفظ كل انسان نقي اتمنى الناس تضل طيبن لانه محد ناقص هموم كل واحد فيه الي يكفيه صدقوني انا تعبت من الكيد الي ورا ظهري كل شي يسونه ورا ظهري لانهم عارفي

Cookies_54909 🇸🇦 كن صادقًا مع نفسك ومع الآخرين، لا تتوقع الكمال من الناس، واحفظ قلبك من اليأس. ثق بالله وكن صبورًا، فكل شيء سيمر، والله يكشف الحقائق في الوقت المناسب.

عرض الكل 2 نصيحة

Biscuit_45198 🇪🇬

منذ 4 أيام

شعور محبط

موضوع:

هل في يوم اتعلقت بحد؟

Blueberry_34595 🇪🇬 مش هدافع عنها ولكن مادمت انت بعد المدة دي كلها كتبت البوست ده يبقا بتفكر مش لازم فيها بس بتفكر انت عملت ايه غلط وليه هي عملت كدة ف مش هقولك ادخل ريليشن بس اعطي نفسك فرصة تقرب من بنت تانية يمكن تحبها وتنسا الاذية وتبطل تسأل نفسك وتتعب عقلك على حد ميستاهلش

عرض الكل 1 نصيحة

عبّر عن شعورك بشكل مجهول

اتعرفت علي واحده والامور كانت ماشيه تمام فاهمين دماغ بعض والعلاقه كانت بتتطور يوم عن الاول.
 واحده واحده اعترفت انها بتحبني اعترفتلها انا كمان اني بحبها وكنا 24 ساعه بنتكلم ف الاول كانت حكيالي ان  في واحد جارهم كان متقدملها ومحصلش نصيب لسبب انه مش شبها والواد بيشرب ومكنوش متفاهمين والكلام ده كله وسابه بعض.
وف يوم من الايام راجع من الشغل كلمتها قالتلي رايحه عند ستي! ك العاده قولتلها خدي بالك من نفسك ومتعوقيش ولو في حاجه اتصلي بيا الكلام الي كلنا عارفينه.
 المهم مروح بيتي واتفجاء المفاجأة الي مكنتش متخيلها 
لقيتها راكبه توكتوك والي كان خطيبها راكب جمبها وحاطت ايده علي كتفها
طبعاً انا شوفت المنظر وانزهلت كنت بكدب عيني لاني مكنتش اتوقع منها حاجه زي كده خالص كنت بثق فيها لدرجة كبيره جداً 
لحسن حظي لقيت توكتوك معرفه قولتلو خليك ورا التوكتوك ده ودماغي عماله تودي وتجيب طول الفتره الي كنت ماشي وراهم فيها مش عارف اتحكم ف اعصابي 
المهم نزلو قعدو علي كافيه وضحك وهزار قمت مطلع فوني ومقرب الزووم ومصور اتصلت عليها مردتش فضلت اتصل لحد ماقامت من جمبه ردت عليا كلمتها عادي جدا ايه وصلتي ولا لسه 
قالتلي اه لسه واصله منش شويه طب مكنتيش بتردي ليه قالتلي كنت قاعده جمب ماما وتيتا معرفتش ارد عليك انت رجعت من الشغل ولا لسه قولتلها راجع اهو. فترة ما كنت بكلمها مصدوم م الي بيحصل طب انا فحلم؟ 
المهم روحت ومبقتش عارف اتصرف ازاي لحد ما قررت اني مردش عليها لمدة يومين تكون اعصابي هديت عشان مخربش الدنيا فوق دماغها اليوم الاول رنت عليا فوق ال 75 مره وتبعت واتس وانستا وانا ولا سائل فيها تاني يوم لقيت رقم غريب بيرن وكان عندي شك 50٪ انها هي رديت لقيتها واحده صاحبتها اذيك عامل ايه في ايه بينك وبين$$$$$
انا:مفيش حاجه 
اومال مبتردش عليها ليه قولتلها مكنتش فاضي قالتلي هصدقك مع اني واثقه ان في حاجه بينك وبينها قولتلها هيكون في ايه يعني قالتلي معرفش وفضلت بقي مش هتلاقي حد يحبك قد$$$$$ دي بتموت فيك وبتقعد تحكيلي عنك قولتلها انا كمان بحبها ومفيش حاجه بيني وبينها خلصت معاها المكالمه قمت داخل واتس ل $$$$$ فقامت متصله رديت لقيتها بتعيط حرام عليك الي انت بتعمله ده في ايه طب انت زعلان مني 
سيبتها تخلص قمت رادد عليها ببرود اعصاب وقايلها انتي مصدقه نفسك
قالتلي مصدقه نفسي ازاي قولتلها تعالي واتس روحت بعتلها الصور الي كانت قاعده فيها علي الكافيه قالتلي هفهمك قولتلها مش عايز افهم انتي مش كويسه وكنتي حباني لاجل فلوسي وسمعتها كلام قد كده قمت عاملها بلوك فون ووتس وانستا وفيس ومسبتش مجال لانها تخش تكلمني الكلام ده عدي عليه ٨شهور لحد الان بتتصل علي الحظر ومش مبطله وتعمل اميلات فيك وتخش تكلمني واعرف ان هي وابلكها خلتني رافض اخش اي علاقه جديده ومبقتش عارف اثق ف حد من بعد الي عملته معايا 
لما الضربه تيجي من اقرب الناس ليك بتبقي صعبه مهما كنت قريب وواثق من الشخص الي قدامك حرص منه.

Grape_54704 🇪🇬

منذ 5 أيام

شعور ضائع

ابويا انتحر من سنة ونص شنق نفسه علاقتي بيه مكانتش قوية بس هو ابويا وانا زعلان اوي عليه ولحد دلوقتي مش قادر اتخطي المنظر والموقف سايب بصمة جوايا صعبة مش قادر اتخطي هفضل عايش كدا طول عمري ؟ اقدر احكي الموضوع ده واحوله لنقطة قوة في حياتي ؟ اقدر ابوح للناس اني قوي واستحملت اشوف ابويا في الوضع ده ؟ اقدر

Hazelnut_52786 🇪🇬 اللي شوفته مش سهل خالص، ووجعك حقيقي ومحدش يقدر يقلل منه، بس وجودك لحد دلوقتي ده في حد ذاته قوة. ممكن تحكي وتحول الوجع ده لطاقة تدفعك لقدام، بس اختار الوقت والناس الصح اللي تستوعبك. أنت اتكسرت آه، بس الكسرة دي مش نهاية، دي بداية جديدة لإنسان أقوى وأوعى

عرض الكل 9 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Sugar_54641 🇪🇬

منذ 5 أيام

شعور محبط

حصل موقف في الشغل و صاحبتي راحت قالت كلام محصلش للشخص اللي هي معجبة بيه عشان يقطع معايا لانها كانت مضايقة من علاقتنا و ان هو مش معجب بيها ولا مهتم بيها اللي صادمني بقي الشخص اللي انا معجبة بيه لما اتسال عن الموضوع قال في حقي كلام محصلش و لبخ و وسخ اوي معايا انا بحكي وانا مصدومة فيه اوي

Pistachio_54176 🇪🇬 متديش اي ردة فعل واعملي عكس اللي اتقال عشان تطلعيها غلط وتثبتي انك صح وولا كأن اي حاجة اتقالت ده من رأيي أنا واللي حاسه صح انه يتعمل🤍

عرض الكل 6 نصيحة

French Fries_54173 🇪🇬

منذ أسبوع واحد

شعور ضائع

موضوع:

اتخدعت ف حد قبل كدة؟

عبّر عن شعورك بشكل مجهول

في قريبي بس خت حقي أنا كنت مرتبط ببنت وكنت بحبها فا حصل موقف كان لازم يكلمه وفعلا اكلمه وي قلتلها تمسح الرقم وي متكلمش تاني خلاص  بعدها بدات احس ان الرقم متمسحش ولسه بيكلمو فا قلتلها اكتر من 5 مرات تمسحو وهي تأكد انها مسحتو وهو يأكد انها مش بتكلمو  بس طرقتها متغيره خروج من الشات  وحجات من دي فا عدت الايام وي عرفت وي اتاكت انهم بيكلمو ولا كمان متفقين علي يوم يتقبلو ويروح شقه  رحت طبعا مكلمها فشختها وهو كان قاعد قدامي وانا بكلمها ورحت فشختو هو كمان تحت قافل  راحت رنت تاني رحت فشخها تاني لحد قلتلها حاجه هو مقلهاش ليا  راحت طبعا أنكرت  وجابت كل الي جواها وقالت انو مش بيحبني وبيكلم عليا وبيشتم فيااا  وحبت تطلع نفسها المظلومه  كل الناس مش بتحب تبان وحشه. فا هوتها لحد ما حبالي اسكرينات بشتايم لان  وفضلت معاها لحد ما اتأكد انهم مش بيكلمو  لمده شهر رحت مخترع اي حوار. وي سبتها   بس الخيانه أنا مزعلتش منها هي أنا عادي ممكن اعدي خيانتها هي مش خطيبتي ولا مراتي فا عارف ان ومدرك ان حلات زاي دي ممكن تحصل  عادي مع ان دي حاجه وحشه اوووي منها وتزعل جامد  بس كانت تزعل اكتر من قريبي  الي من دمي الي وكلين مع بعض عيش وملح في بيتو وبيتي  الي بقول اخويااااا والمشكله ان مينفعش  تخسرو  لان هيقول خسرني علشان حريم   فا مقطعتوش ولا كلمته شفت شتيمي وي سكت. بس من ساعتها ولا بقلو علي سر ولا بكلم معاه في موضوع. ولا بقيت احبه بتعامل معاه انو اكرام الضيف واجب ده لو جه بس هو من ساعتها مبقاش يجي   بعد ما روح طلعني وحش في حجات تانيه هو أصلا من الصعيد. فا قعد يكرهم فيا. ويقلهم حجات محصلتش  خلاني اتصل بيهم وي افهمهم كل حاجه وطبعا ما حكتش الموضوع بتاع البت فهمتهم موضوع الي حور فيها التنيه. بالمعنى الأصح ان عاب في ضيفتي لي. مع ان كنت شيلو علي كفوف الراحه حته بعد ما عرفت خيانتو كبرت عقلي وقلت ضيف وي عملتو حلو بس خلاص مبقتش اكلمه زاي الاول ولا احكيلو حاجه ولا بعبره ولو حصل بنا قعده علي قد الكلام والسلام بدل ما كان بي الأحضان بقا بي الايد والسلام عليكم

Blueberry_29908 🇪🇬

منذ أسبوع واحد

شعور مستنزف

عبّر عن شعورك بشكل مجهول

أنوا ما كان حدا يحضنى ابدا بالعكس دايما تعنيف لفظى جسدى وإذا انحضنت بيكون بسبب تأنيب ضمير منهم مثلا بتذكر أنوا دايما كنت اقول بدى اهتمام بدى اهتمام بتقابل بصراخ وسخرية بتذكر انى كنت الوحيدة إلى بتنضرب بدون سبب بتذكر أنوا فى مرة امى ضربتنى كف على وجهى قدام رفيقتها وابنها بدون سبب بس لانها معصبه وقتها انا كنت بعطيها كوب مى وبعد ما راحوا قالت ما تزعلى انا كنت معصبه بس بتعرف شو كانت ردة فعلى كل مرة على الالم كانت استغراب وبعدين ضحك أنوا قالت متزعليش يعني بتأمرنى كمان بدل ما تقول اسفه المشكلة أنوا لما قلتلها انا بدى اهتمام انتى بقيتى مشغولة وقاسيه كان عمرى 10 سنين ولما انضربت كنت 13 ولما صرخت فيا وضربتنى عشان ما ابكى كنت 3 سنين ولما انضربت وانشد شعرى عشان نسيت كراستى بالمدرسة وقعدت ابكى كنت 9 سنين ولما صرخت فيا عشان كنت احكى مع نفسي طول اليوم لانوا رأسها وجعها بس انا كان بدى تنتبه لما حكيت مع حالى كنت 12 حتى لما بكيت وقلت لها انتى السبب فى عدم ثقتى بنفسى بسبب كلامك على شكلى انتى السبب في انى مش بعرف احب قالت لى انتى محتاجه تتعالجى انتى مريضه نفسيا قلتلها لما امى تقول عليا كده الغريب هيقولك اى قالت بكل برود وهى تبتسم هيقولك مريضه نفسيه برضه ومجنونه ، وساعتها انا كنت بحاول ما ابكى وكنت ابتسم بنص البكاء ، حتى كل مرة ابكى فيها دايما تقول انتى بتحبى التمثيل بلا شغل دموع التماسيح ده أو انتى هتعملى الكلام ده عليا واحيانا تقول لو مش عاجبك اطلعى بره عشان هى عارفه مفيش مكان تانى اروح ، حتى لما فكرت ارفض فكرة الحجاب ايش كان ردها كانت تقلل من شكلى وجسمى وتقول هتمشى بشكلك ده فى الشارع ، المشكلة انى حلوة وكمان احلى من اى حد فى البيت وكمان اخترت الحجاب لأن شكلى حلو ولانى مقتنعه حتى إلى الان اى شى تعمله بتقارن نفسها بيا جسمها شعرها أسنانها وإذا انا قلت مستحيل اكون بنفس جسمها قالت لا انتى بالعكس شكلك مش حلو على الأقل انا متجوزة ومخلفه أما انتى مين هيبصلك حتى احيانا لو مزحت وقلت زوجونى ما بدى ادرس تقول وانتى مين هيقبل بيكى هترجعى من اول يوم ده انتى هتجيبيلنا العار ، بتذكر أنوا فى مرة حصل خناقه بينى وبينها على شى تافه انا رحت اصلى الضهر فهى قالت ظبطى الغرفه قلت بصلى بالاول بعدين بعد شوى قالت كمان مرة فأذن العصر فرحت اصلى العصر بعد ما صليت لقيتها قامت فجأة وضربتنى وشدت شعرى وتعطينى برجلها وتفت عليا وقعدت تشتم وتتكلم وتقول مش بتقوم من مكانها مش بتعمل حاجه قاعدة اربعه وعشرين ساعة بتحب نفسها وبس وكده وبعدين اجى زوجها هدى الموضوع فشوى انا رديت عليها وهى ردت عليا شعلت خناقه تانيه ضربتنى وشدت شعرى وطردتنى قدام زوجها وعايرتنى بالاكل وقالت روحى لابوك ملاحظه بابا مسافر ، بتذكر أنوا يومها بعد ما اخواتى غصبونى اكل لانه ما اكلت شى من الصبح ، دخلت الغرفه وصارت تصرخ وتقول الاكل إلى بتاكليه هاد بفلوس جوزى ، اقولك حاجه بقى بتذكر أنوا لما كلمت بابا اقول له صارت تقول اشياء انا ماعملتها بينما أنا مارضيت اقول كل إلى هى عملته عشان صورتها قدامه ، بتذكر كمان أنوا بعدها بيوم اختى الكبيرة عملت غلط كتير كبير فامى ضربتها وانا مسكتها عشان ما تضرب اختى وهيك اجا جوزها ليضرب اختى كنت امسكهم هما الاثنين ولا حظت أنوا هما بيضربونى بغل فجأة صرخت فيهم وقلتلهم ما حد يضرب اختى ليها اب يحاسبها ما ليكوا الحق تضربوها يومها اتعرضت لضرب والسب وكمان بتذكر أنوا امى طردتنا انا واختى وكلمات بابا وقالت ما عادوا ولادى ولا اعرفهم ولا عايزاهم خدهم عشان أنا مش عايزاهم ، رحت اكلت انا واختى اجت قالت الاكل ده بفلوس جوزى وقالت انتوا عبىء عليا مش عارفه اعيش خانقينى مش عايزة ولاد زيكوا ، حتى أنوا لحد دلوقتي كل لقمه بتدخل بقى بحس انها محسوبه حتى لما اجى اكل بفكر هقول اى لو اتذليت ، بتذكر أنوا فى مرة فجأة هيك فصل مخى وكان المفروض أشيل الاكل من على الأرض بس اختى كانت تصرخ على وتقول قومى وانا اقول حاضر بس حاسه ان مخى فاصل لحد ما امى اجت وضربتنى وصارت تسب ، كمان بتذكر أنوا دايما كانت تقول خسارة فيك كوب المياه خسارة فيك تكونى انسانه انا لو ربيت كلبه كان زمانها طمر فيها  احسن منك ، اقولك كل مرة تقترب منى بطريقة هجومية بتخلينى ارفع ايدى لا إراديا ولما تضربنى اقولها نزلى ايدك انا ما استحق الضرب تقولى انا امك وليا الحق اعمل إلى انا عايزاه حتى لو أكلتك الجزمه لو دست فوق رقبتك حتى لو موتك ضرب قلتلها مش معنى انك امى يبقى ليكى حق تضربينى متى ما شئتى ومن غير سبب انا مش حيوان ومش ملكك عشان تعملى كده برده اتقابلت بالسب والضرب وسحب التليفون وحبسى فى البيت ، اتذكر أنوا لما نيجى نشترى حاجه كانت بتعطى الأولوية لاختى الكبيرة عشان هى الكبيرة وعشان الصغيرة بتطلع كتير ومعندهاش أما انتى ما بتطلعى من البيت عايزة لبس ليه كل لما تيجي تتكلم تقول لآختى الكبيرة والصغيرة يشتروا شى لنفسهم بس اذا حكيت قالت انتى ما بتطلعى ما تعمليش فيها دور المظلومة وفى مرة قلتلها محتاجه حاجه مرضيتش بس فى نفس المكان جابت لاختى الكبيرة حاجات ، بتذكر أنوا انا فضلت سنتين أعانى من الم فى القلب ودوخه وتشتت وضعف وفقدان وزن ورعشة فظيعه ودايمه ونوبات هلع وارق وكل هاد وما فكرت تودينى مستشفى حكومي حتى لما كنت بقولها كانت بتقول انتى كل حاجه بتوجعك أو انا مش راحه مع حد مستشفيات أو روحى لوحدك ، بعدها بفترة كنت معها بالمستشفى بولادتها وفضلت جمبها وساعدتها ، إلى خلانى زعلت أنها اخدت اختى الصغيرة مستشفى خاص ودكتور خاص عشان ايديها بتعرق ، تعرف كنت اسمع الناس يقولولها بنتك متوحدة  وهى تقول مريضه قدامى الكلام ده ، تعرف انها عمرها ما قالتلى انتى جميلة الا قدام شخص عشان تتفاخر بشكلى طب تعرف أن الناس لما كانوا يقولون لها بنتك كتير حلوه تفتخر أنها الام ، بس فى البيت تقول مستحيل تكونى احلى منى انا المصنع مش زى الإنتاج واحيانا تقارن بينا قلتلها مفيش مقارنه بينى وبينك كل واحد ليه جماله قالت بس مستحيل مهما عملتى تبقى احلى منى ، طب اقولك فى مرة كنت مدايقه عشان هيا جابت لاخواتى بيجامات اعطتنى واحدة من بيجاماتها القديمه وكانت حلوه كتير عليا بس كنت خايفه تعايرنى بيها لقيتها بتقول متطلعيش بيها قدام جوزى ، بس حاليا انا واثقه جدا من نفسي من شكلى حتى عيوبى كلها تدل انى انسانه ، مش بسمح لحد يهينى حتى لو كان قريب ، بقيت اخاف من اى حركه من أيدها وهى بتتكلم عادى ، بقى اكبر احلامى يكون عندى بيت خاص بيا أو حتى شغل اصرف بيه على نفسى بقيت مش بطلب حاجه منها ، بقيت بكرهها تلمسنى أو تشوف دموعى ، بقيت اخاف اعرف صحابى عليها عشان متعاقبنيش بيهم أو قدامهم ، بقيت واعيه لكل حاجه حواليا ، بقيت عارفه نقاط قوتى ونقاط ضعفى ، وبدعم اخواتى دايما ، ودايما باخد كلامها سخرية عشان ما تحس انها مسيطرة ، مش بحكى لاى حد بس بسمع ، لحد ما ييجى الشخص إلى هيقدر قد اى انا غاليه ونادرة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_53776 🇪🇬

منذ أسبوع واحد

شعور مكسور القلب

جماعه انا حقيقي بتعب بطريقه مش عاديه جالي امراض كتير اوي ف وقت قليل وحوادث وتعب نفسي وحياتي الصحيه اتشقلبت ف اقل من سنه وده فعلا كشفلي وجوه الناس واتفاجات اننا مش بنصعب ع حد حتي الحد الي جينا ع نفسنا وصحتنا عشانه وانه بالعكس بقي بيعايرنا متخيلين🤣🤣 وبيخونا وحتي مش راضي يعتذر انه خاني لا ده عاقبني ا

Apple_53563 🇪🇬 عمتا انتظمي علي اذاكار الصباح و المساء يمكن كل دا حصلك عشان انتي بعيده عن ربنا و مش بتصلي فا قربي من ربنا و هو هيريح قلبك و عقلك و طلما ركزتي ان ترضي ربنا و انك عايزه الاخره ربنا هيديلك الدنيا و كدا انتي فوزتي ب الدنيا و ب الاخره و ل موضوع جوزك ف حاولي تقربي منه و تشوفي انتي قصرتي معاه في اي و تتكلمي معاه صراحه و تحاولي تعوضيه او مثلا تقوليله انت بصيت بره لي أنا قصرت في اي و تعرفي السبب و صلحيه

عرض الكل 4 نصيحة

Donut_53666 🇪🇬

منذ أسبوع واحد

شعور غير مكتمل

انا بقضيه نوم كتير جدا ودايما بتهرب بلنوم وبقفل باب الاوضه علياعلشان انام والترم الي فات كنت مسجل 6 مواد وسقط قي 3 مواد ونجحت في 3 مواد واهلي قالولي لو الترم سقط فس ماده مش هنكلملك. تاني واهلي اصلا من صغري بيضربوني وفي عنف ودايما تقليل مني وقالولي لو سقط مش هنمكلك تاني انت بقالك 7 سنين وبدات من الا

Apple_53661 🇪🇬

منذ أسبوع واحد

شعور ضاق ذرعًا

عبّر عن شعورك بشكل مجهول

انا خسرت صحابي كلهم بسبب واحدة مش هوصفها هسيب ليكم انتم الحكم. 
انا كان عندي شلة صحاب من اكتر من ٨ سنين، كنت بحب واحدة مش من ديني و الموضوع مبدأش اصلا كا قصة حب و كدا. بس كنا مع بعض تقريبا كل يوم لفترة معينة بنخرج و نروح و نيجي و مكنش فيه اي ليمتس  ما بينا لدرجة اني مع خبرتي القليلة مع النوع الاستغلالي دا من البنات كنت تقريبا متبناها من ناحية المصاريف و كل حاجة و انا كنت بتبسط اوي لما اشوفها مبسوطة يمكن اكتر من انبساطي بالخروجة او وقتنا مع بعض فحبيتها زي ما قولت بس هي مكانتش بتبادلنى الشعور و مع كدا مش رفضاني و انا كنت دايما بقول في دماغى انه علشان حوار الدين و مش مهم كدا كدا علشان احنا تقريبا كنا مرتبطين كا افعال فا مش مهم الكلمة يعنى. 
المهم فضلنا كدا لحد ما بعد سنتين هي صاحبت حد بس دا لم يؤثر على علاقتنا كنا برضو بنخرج و نروح و نيجي لحد ما بطلنا نتكلم خالص فترات بس كنا بنرجع كل فترة. الموضوع كان داخل على ٥-٦ سنين في القصة دي و كانت اخر سنة او سنتين قررت اني مش هرد عليها ولا هكلمها لحد ما هي فجاة بعتتلي رسالة في وقت انا كنت فيه ضعيف و قولت احنا كبرنا خلاص و عدينا ب حاجات كتير ف خلاص بقى نرجع نتكلم كل فترة كدا و نشوف بعض حتى لو مرة في الشهر. 
في نفس الوقت دا اقرب شخص ليا فسخ خطوبته بعد ٨ سنين خطوبة و قبل فرحه ب شهرين بالظبط فكان متدمر نفسيا و احنا فعلا الفترة دي كنا خايفين عليه لدرجة اننا كنا بنعد عنده في بيته كل يوم علشان هو كان فعلا حاله يصعب عل كافر و شوية شوية بقينا نيجى بصحابنا البنات معانا.
انا على حظى انى كنت بكلم البنت دي فكنت بقولها تعالى معانا و كدا على اساس انها كانت شافت صحابي لما كنا قريبين و هما كانوا بيحضروا خناقتنا و ساعات يخوشوا يصالحو بينا  و سافرت معانا مرة افتكر لما صاحبي دا كان مرتبط. 
المهم بدا يحصل حاجات منها غريبة متتوصفش غير بكلمة واحدة بس يلا، المهم هو مكنش بياخد اى رد فعل لما هي بتتدلع و انا كنت بستغرب بس واثق فيه زي الاهبل. قعدنا كدا بتاع شهر بعد كدا اكتشفت انهم بيتكلموا اصلا و تيجي مرة واحدة علينا كا شباب و تقولى كنت عملالك مفاجاة و شغل ميخشش على عيل صغير بس قولت عادي اكيد انا بتخيل لدرجة انهم هم الاتنين كانوا بيقنعوني اني بغير على صحابي و كلام اهبل كدا. 
المشكلة انى اتكلمت مع صاحبي دا و كنت بقوله خلي بالك هي حطاك في دماغها علشان انا عارفها كويس و هو يقولي احنا صحاب و انت متوهم و مواقف تانية كتير من النوع دا لدرجة انها بقت بتبقى عنده في البيت قبل ما احنا نوصل و ساعات مش بينزل اصلا و يتحجج باي حاجة. 
اخدت القرار و قولت يولعو مش عايز اشوفهم تاني دا طبعا بعد كلام كتير و مواقف اكتر و بعد ٣ شهور كانوا قاريين فاتحة و تبريره لاصحابنا كان، هو ليه بيكرهلي الخير؟ هي اصلا قالتلي انه كانت واخداه مصلحة و هم اصلا مش على نفس الدين. 
الصراحة الموقف دا قفلنى من كل البنى ادميين و بقيت شايف الناس كلها وسخة و الحياة مصالح متبادلة بس و مفيش حاجة اسمها صداقة.  
حاسس ان الموقف دا كسر حاجة جوايا مش هتتصلح بخصوص اني بشوف الناس ازاي. 
انا عارف انها دايرة و هييجي اليوم و حقي هييجى لوحدو بس دا مش هيصلح حاجة جوايا اتكسرت.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Guava_53495 🇪🇬

منذ أسبوعين

شعور غير مكتمل

موضوع:

عمرك حسيت انك بديل او مش كفاية؟

كنت مرتبط وطلعت فعلا البديل الاقل كمان واختارته هو وانا من الصدمة معرفتش اتصرف خالص ولغاية دلوقتي مش مترجم مشاعري ومش عارف ايه اللي انا عملته غلط رغم انه بيعاملها وحش جدا وكنت انا الطرف الاكثر حماسا بس القلب له احكام

Hazelnut_52786 🇪🇬 عزيزى : لو عندك الدليل لهذا . اقف . لا تستمر . انك لست بديل لاحد . ولن تكون بديل لاحد أبدا . لانك ان استمريت في تلك العلاقه ستؤذي نفسك . عند كل خلاف او مشاجره . او وجهه نظر . ستنظر وتقارن نفسك البديل والشخص الاخر . من لا يستحقك ويفعل المستحيل من اجلك . لا تنظر اليه ولا تلفت إلا الوراء . أنا كنت في نفس المشكله بالظبط وعند نهايه الطريق اخترت نفسي بعد تعب ومشقه وعناء في الافكار والمشاعر . 👍 👍 👍

عرض الكل 2 نصيحة

Watermelon_53518 🇦🇪

منذ أسبوعين

شعور آسف

موضوع:

اتخدعت ف حد قبل كدة؟

انخدعت فى صاحبتى الانتيم بعد عشره ٢٠ سنه تقريبا متربين سوا اكتشفت بعد جوازى انها كانت بتخونى مع خطيبة اللى هو بقى جوزى خيانه كاملة ... يعنى انخدعت فالاتنين كانت صدمت عمرى وشوفت صورها اللى بتبعتهاله و كلامهم سوا

Guava_53365 🇪🇬 مهما حصل متديش الامان لاي شخص بنسبة ١٠٠% خلي في حرص خونه بنسبة بسيطة توقع الغدر منه دايما مبقاش في حد مضمون يكمل للاخر معانا

عرض الكل 5 نصيحة

Marshmallow_53407 🇪🇬

منذ أسبوعين

شعور مستنزف

موضوع:

امتي حسيتي انك مظلومه في الدنيا و في المجتمع لمجرد انك بنت؟!

لما حاول ابن عمتي يتحرش بيا ولما اتكلمت مصدقونيش علشان كانوا فاكرني بعمل كدا علشان اتجوزه وهو اصلا محدش يطيق يبصله بس للاسف علشان انا بنت اتظلمت كنت صغيره ١٠سنين هفكر في جواز اي منهم لله ظلموني ومش عارفه اتعافي وانا حاليا ٢٠سنه ولسه مش قادره انسي وظلموني وبابا استغل ان ماما اطلقت وضربني وجسمي معلم ل

Hazelnut_52786 🇪🇬 كتبي كل اللي جواكي في ورق أو نوتة، ده هيساعدك تفضفضي وتفهمي مشاعرك. • حاولي تتعلمي تقولي “لأ” لأي حد يضايقك أو يقرب منك بشكل مش مريح. • اتفرجي على فيديوهات أو اقري عن الناس اللي مروا بحاجات شبهك وتغلبوا عليها. • اهتمي بنفسك: كلي كويس، نامي كفاية، ولما تحسي إنك تعبانة نفسيًا، خدي وقت لنفسك تهدي فيه. • اعرفي دايمًا إنك مش لوحدك، ومفيش ذنب عليكي، واللي حصل مش غلطك. 👍👍👍👍👍👍👍👍👍👍👍👍👍👍

عرض الكل 6 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع