سرطان

Watermelon_76011 🇪🇬

منذ 9 ساعات

شعور مريض

هو طبيعي ان حلمة الصدر تكون داخلة لجوه ومتكونش بارزه انا عندي ٢٠ سنه وحاجه زي كدة بدأت الاحظها من لما كملت ١١ سنة كانت الحلمه بتطلع وتدخل بس في اخر سنتين ملاحظه انها لجوه ومش بارزه غير ان صدري نفسه صغير هو دي حاجه عاديه ولا ايه بجد خايفه يكون سرطان او اي مرض مع ان مفيش كلكوعه وعملت تحاليل دم كتير

French Fries_71759 🇪🇬 عيب ي بابا عيب ي حبيبتي عندك ماما عندك امك تقوليلها و تشتشيريها خلى عندك احترام و حياء انتى بنت

عرض الكل 4 نصيحة

Apple_75709 🇪🇬

منذ يومين

شعور متعب

انا بقى لي فتره كبيره متوقع ان انا عندي سرطان في الدم فده مش عارف حقيقه ولا وهمي من الشيطان بصراحه لو طلع حقيقه انا هكون فرحان جدا عشان خاطر انا زهقت من الدنيا كلها وبتمنى اموت النهارده قبل بكره من غير ما اقدم ربنا

Strawberry_61201 🇪🇬

منذ 4 أيام

شعور محبط

انا بتعالج عندي كانسر وتعبانه ونفسيتي وحشه وخالي اتوفي النهارده وحبيبي اللي المفروض يهون عليا الدنيا معاه مش الطف حاجه ولا اهله بيساعدوه في مصريفه وهو في الجيش حاليا في بنت مامته عاوزاها وهي في حياته المهم انه استلف من البنت دي فلوس وكدا بيقرب منها اكتر واكتر بسبب انها بتساعده انا مدمره على اللي عمل

Mango_67819 🇪🇬

منذ أسبوع واحد

شعور مهتم

بمر بفتره صعبه شويه اول مره أمر بيها و المشكله اني بعد عده مواقف حصلت في حياتي وتراقمات زعلت جدا جدا جدا وده سبب مشاكل صحيه ولسه عارف انهارده بس اني عندي كانسر في الدم من الدرجه 3 وطبعا مش عايز اقول اني بعد ما عرفت حالتي النفسيه عامله ازي بس الغريبه اني فرحان من جوايا وراضي رضا تام بقداء ربنا ليا

Tofu_19483 🇪🇬

منذ أسبوع واحد

شعور محبط

عبّر عن شعورك بشكل مجهول

طيب بما إن بوستي اتمسح ف ده هيكون آخر بوست ليا هنا إن شاء الله،مش هيهمني أطمن حد عليا أنا خفيت ولا لا 
كنت نزلت بوست بتكلم عن أختي وإني خايفه عليها كانت الردود كلها كسر بخاطر وكلام يكسرني لسنه قدام كلام مخليني من الصبح لحد دلوقتي بعيط،طلعتوني شيطانه وإبليس وحقوده وغيرانه ومريضه ومعقده وبطلع عقدي على أختي طلعتوني بكرهلها الخير وبخرب حياتها طلعتوني إبليس بمعنى الكلمه وأنا اللي مبستحملش فيها نسمة وجع حتى،أنا اللي علشان مش ضامنه عمري كان نفسي أتطمن إنها ف مكان آمن ومرتاحه فيه ،مش ضامنه هخف م الكانسر ولا هبقى ضحيه جديده من ضحايا الكانسر 
أنا اللي أول ما عرفت إني مريضة كانسر فضلت أحمد ربنا مليون مره إنها جت فيا ومجتش ف حد من اخواتي علشان مقدرش أستحمل أشوفهم موجوعين،لو انتوا أهاليكوا ربوكوا على إن عادي تحقدوا وتغلوا على اخواتكوا ف أنا أهلي مربوناش على كده وربونا نحب بعض أنا عمري ما أشيل غل ف قلبي لأختي زي ما طلعتوني غلاويه حقوده مريضه معقده على كلامكوا،واللي يقولولي متخربيش بيتها إن شاء الله تتجوزي أنتِ كمان بطلي غيره،أغير ايه وأتجوز ايه؟مش لما يبقى عندي أمل أعيش علشان أبقى زعلانه إني متجوزتش؟..مش لما أعيش الأول وأخف علشان أبقى أفكر ف الجواز وأغل وأحقد زي ما بتقولوا؟
ليه توجعوا قلبي وتخلوني أنهار أنا قلبي كان هيقف ولما نزلت بوست تاني بعتولي تقولوا متعيشيش دور الضحيه،طب يارب تعيشوا دور الضحيه اللي أنا عايشاه وتدوقوا من نفس الكأس علشان تبقوا تعرفوا أنا مكبره الموضوع زي ما بتقولوا ولا لا وحسبي الله ونعم الوكيل ف كل حد قالي كلمه تكسر بخاطري
لأني ضحيت بحاجات كتير علشان أختي اللي بتقولوا إني بحقد عليها ولو طولت أديها عيوني تشوف بيها هديها ده أنا بحمد ربنا إن المرض جه فيا أنا ؟هتمنالها الشر وهخرب حياتها وأغل وأحقد عليها وكمان أطلع عقدي عليها؟ايه عقدي دي؟انا معقده ف ايه أصلا ؟علشان بحكي إني خايفه عليها وإن اللي هياخدها هيعذبها وخايفه عليها و خايفه أموت وهي تكون ف مكان بتتعذب فيه!!خايفه عليها وبحبها طلعتوني إبليس !!ليه وجع القلب أنا انهرت م العياط انتوا معندكوش دم ولا إحساس أبدًا وربنا ينتقم منكم وبحق القهره اللي اتقهرتها بسببكم تتردلكم يارب والله ما مسامحه ليوم الدين اتهمتوني بحاجات مش فيا علشان كل يرى الناس بعين طبعه علشان كلكوا غل وحقد ومشوهين من جوه فاكرين إن مفيش اخوات بيحبوا بعض ويخافوا على بعض دي روحي دي اللي ف عز ما كنت بموت كنت بهون عليها ،تهون عليا أخرب فرحتها ليه بجد ؟
وأخيرًا حسبي الله ونعم الوكيل فيكم ومش هتشوفوا وشي تاني هنا إن شاء الله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

French Fries_74826 🇪🇬

منذ أسبوعين

شعور مرهق

انا تعبت جدا و بقيت مرهق ان حاجات كتير باظت في وقت قصير اكتر بنت بحبها و كنا هنتجوز اختفت و بعدها بابا تعب ب كانسر علي القلب انا الحمد لله في شغل كويس بس فلوس العمليه اللى ف دماغي طول الوقت لاني مش عارف اجمعها حاولت اهرب و انتحر بس ربنا عاوزني اكمل

Tofu_19483 🇪🇬

منذ أسبوعين

شعور لا مبالٍ

سالوا يا حبايب قلبي.. نسيت أحتفل معاكوا إني خلصت جلسات العلاج الإشعاعي هو اه خلصت من يومين بس نسيت أحتفل معاكوا علشان الناس اللي بيقولولي إني سلبيه ومتشائمه علشان معظم بوستاتي حزينه وده غصب عني.. ف باركولي بقه وزغرطولي يا بناويت🥰 كده قدامي شهر إن شاء الله وأعمل مسح ذري تاني علشان أعرف العلاج جاب ن

Tofu_19483 🇪🇬

منذ أسبوعين

شعور لا مبالٍ

بقيت مؤمنه إن كل الناس الحلوه بتمشي بدري وأنا كمان حاسه إني همشي بدري خالتي الله يرحمها ماتت بالكانسر وكان سنها صغير بس هي أطيب قلب ف أخواتها وأغلبهم أنا كمان من زمان عندي إحساس غريب من وأنا ف إعدادي إن هيجيلي كانسر والله ما أعرف كنت حاسه ازاي بالشكل ده لدرجة إني كنت بعيط كتير وقتها وبقول لماما أنا

Tofu_71960 🇪🇬

منذ 4 أسابيع

شعور مكسور القلب

موضوع:

ما هو أكثر شيء تفتقده من طفولتك؟

جدي الله يرحمو كل الي احنا فيه ده من خيرو قبل م يموت بس عاش حياه صعبه عشان يوفر كل الحجات دي اتخذل من اقرب صاحب ليه سرقو وخد فلوسو كلها وهرب واستحمل واستحمل حجات عمر محد قدر يستحملها ومع ذلك كان حنين علينا كلنا وبيجبلنا كلنا كل الي نفسنا فيه بس للاسف مات بكانسر ادعولو بالرحمه..

French Fries_71810 🇪🇬

منذ 4 أسابيع

شعور متعب

كنت بحب واحده حب خمس سنين كانت جميله وطيبه اوي وبعد لما حددنا معاد للخطوبه جالها كانسر وتوفت بعدها ب5 شهور ومن وقتها وانا فاقد الشغف ف اي حاجه ولما بفتكر اي موقف كان بينا بحسها كانت لسه موجوده. كانت دايما حاسه ان عمرها قصير .. مكنتش اعرف انها هتمشي بسرعه كدا💔 الله يرحمها يارب🤲

Tofu_19483 🇪🇬

منذ 4 أسابيع

شعور محبط

عبّر عن شعورك بشكل مجهول

مساء أو صباح الخير يا إخواااااااااااااتيييييييييييي حسب ما تقرأوا كلامي ده..
عندي خوف مش طبيعي من الأيام..خوف من الثانيه اللي جايه من كل دقيقه بتعدي من كل يوم بيعدي..خايفه من الأيام ومن غدر الدنيا ومن الأحوال اللي بتتبدل فجأه..شهر 9 الجاي ده هكون كملت سنه وأنا مكتشفه إني عندي كانسر..زي النهارده من السنه اللي فاتت كنت بخير وفرحانه بصحتي مش شايله هم حاجه ولا هم علاج ولا هم بهدله ف مستشفيات وعيادات وأستنى دوري..كنت قاعده رايقه ف البلكونه..أنا قاعده ف نفس البلكونه دلوقتي بس وأنا تعبانه وشايله هم جلسة بكره إن شاء الله والحقنه بتاعت الأسبوع الجاي ف المستشفى..زي النهارده السنه اللي فاتت كنت قاعده ف البلكونه بقرأ كتب وبشرب قهوه بمزاج رايق لا شايله هم تعبي ولا بتوجع من حاجه..فجأه لقيتني ف دوارة مرض مش عارفه أخلص منها..كل حاجه اتغيرت فجأه بدون أي سابق إنذار...خايفه من تقلب الأحوال ومن اللي الدنيا شايلاهولي..معرفش ليه بقالي ٤ سنين كده كل سنه ف شهر ٨ أو ٩ لازم تحصلي مصيبه معرفش ايه مشكلتي مع الشهرين دول أو ليه كل المصائب مبتحصليش غير ف الشهرين دول..بقالي ٤ سنين مرتاحتش
٤ سنين وأنا بعاني نفسيًا وجسديًا
بداية من الحادثه اللي عملتها ف شهر ٩ لغاية سلسلة الأمراض اللي كل شويه بتعب بسببها لحد ما وصل بيا الحال لكانسر..غير الألم النفسي اللي اتعرضتله من أقرب الناس ليا لحد ما وصل بيا الحال لاضطراب نفسي من كتر اللي شوفته
لو بتقرأوا كلامي ادعولي الشهرين دول يعدوا على خير وباقي السنه والسنين كلها من حياتي يعدوا على خير مبقيتش حمل أي وجع أو ألم تاني تعبت كتير وأنا لسه المفروض كنت ف بداية حياتي لقيتني ف حياه أكبر مني ومشاكل أكبر مني
لسه عندي ٢١ سنه وبيحصل معايا كل ده 
مش معترضه على قضاء ربنا الحمد لله على كل حال 
لكن خايفه..أمانه تدعولي إن جيت على بالكوا
شهر ٩ الجاي إن شاء الله هعمل مسح ذري تاني علشان أشوف جسمي استجاب للعلاج ولا لا وهل فيه خلايا سرطانيه ولا كله اختفى 
بالله عليكوا لو افتكرتوني ف مره متنسوش تدعولي 
أنا حياتي بقت كلها خوف وقلق بشكل لا يطاق

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_19483 🇪🇬

منذ شهر واحد

شعور محبط

زعلانه من ماما جدًا بجد.. عندنا زيتون وبنعصره كل سنه ماما بتطلع زيت الزيتون كله حتى مش بتسييلنا خالص..لحد ما جالي كانسر والدكاتره وصوني آكل بزيت زيتون ف سابتلي قاروره ليا وتمام وبأكل بيه والدنيا حلوه جت خدته وأنا نايمه وادته لواحده غريبه عندها كانسر والدكتور موصيها تأكل بيه ،لما جيت أكلمها ف الحوار

Tofu_19483 🇪🇬

منذ شهر واحد

شعور محبط

عبّر عن شعورك بشكل مجهول

بيتهيأ لي إن مفيش أسوء من شعور إنك تتمنى يكون كل ده حلم بس طول شويه ومستني حد يصحيك من حلمك!.. إنك تتمنى إن كل اللي عايشه ميكونش حقيقي بجد!..مفيش أسوء من إن شبابك يضيع قدام عينيك ف التعب والمرض وأنت مش قادر تعمل حاجه وبتتفرج في صمت!.. إن يكون فايتك حاجات كتير أووي بسبب مرضك!..مفيش أسوء من شعور إن جسمك يهزمك!.. أوقات بهون على نفسي وأقول إن ربنا بيبتلي عباده اللي بيحبهم وأوقات كتير بزعل إني مش عارفه أعيش حاجات كتير أووي بسبب مرضي وإني يعتبر معظم الوقت بقضيه ف العيادات والمستشفيات والفحوصات والآشعات أكتر ما بقعد ف البيت بقعد ف أكتر الأماكن اللي من وأنا صغيره بكرهها وعندي تروما منها!بشوف الموت كل يوم قصادي يشوفه ف عيون الناس وبشوفه ف جسمهم!..بشوف الموت ف عيون قرايبهم بشوف الدمعه المحبوسه ف عيونهم وبشوف ابتسامات مزيفه علشان ميحسسوش مرضاهم بالزعل!!..بشوفه ف ابن خايف يتيتم،و ف أب خايف مراته تبقى أرمله من بعده ومتعرفش تصرف على عياله وتلبي احتياجاتهم النفسيه والماديه،بشوفه ف أم خايفه من قسوة الدنيا على عيالها وخايفه تسيبهم ميبقاش ليهم حضن دافي من بعدها!..يشوفه ف كلمة الدكاتره لأهل المرضى خلاص متخليهوش ييجي تاني مش باقيله غير أيام!..بشوف عيونهم والحزن ماليها!.. وبسمع أنينهم اللي بيقطع ف قلبي،وبصبر نفسي وأنا بشوف الموت قصادي كل يوم ألف مره ،حتى بشوفه ف نفسي!...يشوفه ف عيون أهلي اللي خايفين أسيبهم!!..يشوفه وبعمل نفسي مش شايفاه وبضحك وأهزر لكن أنا نفسي أقف ف مكان وأصرخ بأعلى صوت من كتر الوجع اللي جوايا!..الله يحرق الكانسر يارب الكانسر يموت،خسرنا خالتي بسببه وخسرنا ناس كتير بسببه وفرق حبايب كتير ويتم ناس كتير
بتمنى ف يوم من الأيام يبقى ليه علاج،علاج ميموتش علاج يعالج بجد مش يموت
وبرجع أصبر نفسي وأقول إنما هي أيامٌ ونمضي وربنا كاتب عنده من يوم ما اتولدت هموت امته وازاي 
عندي ٢١ سنه عيشت منهم ٢٠ سنه ف نعمة الصحه والعافيه ف الحمد لله على كل حال 
مش طالبه غير إنكوا تدعولي ربنا يهون عليا الوجع اللي ف قلبي ويصبرني ويشفيني ويشفي مرضى المسلمين يارب
ادعولي كتير!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_63964 🇪🇬

منذ شهر واحد

شعور مكسور القلب

موضوع:

اكتر ذكره مؤلمه حصلتلك وومقدرتش تتخطها؟

لما عرفت ان اخويا عنده كانسر (ممكن تدعوله بالشفاء)مش قادره انسي خوفي عليه و مش قادره انسي كل لحظه كانت بتعدي و هو في المستشفي و تعبه بعد خروجه من المستشفي و جرينا بيه علي المستشفيات و عينه لما وقفت و مكنش قادر يحركها ممكن اللي يقدر يتبرع لجمعيه مستشفي سرطان اطفال اسكندريه 3939

Peanut_63801 🇪🇬 ربنا يشفيه و يعافيه و هدعيله كتير ف قيام الليل ربنا يصبرك بإذن الله هيكون كويس ♥🤲🏽

عرض الكل 12 نصيحة

Tofu_19483 🇪🇬

منذ شهرين

شعور محبط

هلا يا جماعه..مش عارفه دي المره الكام اللي بصيحلكوا فيها.. بس جايه أقولكوا ادعولي علشان خايفه جدًا ،طبعًا كلكوا عارفين إني توفي مريضة الكانسر اللي قرفتكوا بصياحي السنه دي.. بقالي فتره فيه دم بيطلع من زوري .. روحت للدكتوره وطلبت مني آشعه مقطعيه بالصبغه علشان لو لقدر الله حصل انتشار للورم ف الرئه.. أن

Coffee_65855 🇪🇬

عايزه حد يسمعني ميكنش عارفني و ميحكمش عليا

حاسه اني وصلت ل مرحله وحشه اوي انا حتى مبقتش بعرف اعيط دماغي بتعمل سكيب للمشاكل بس الحقيقه انها بتفضل جوايا مليت من فكره اني بتكلم مع نفس الناس كل مره و كل مره محدش بيفهمني و برجع احاول كإن النتيجه هتختلف عايزه اتكلم مع حد ميكنش عارفني عايزه حد ميحكمش عليا عايزه حد يكون عنده استعداد يسمع حتى لو مش فاهم مش عايزه نصايح عايزه بس حد يسمعني و يحس بيا ...عرض المزيد

1 الدعم

23 نصيحة

Sugar_74919 🇪🇬

مش عارفه أي حاجة ونا تعبانة

مش عارفه.. بس أنا تعبانة، ومش عارفه أتبسط! أنا مش عارفه أي حاجة.. ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

28 نصيحة

Sugar_74427 🇪🇬

بحب علم النفس والتاريخ والقراية وأقابل ناس مش بتفكيري

مساء الخير ،، حد هنا مهتم بعلم النفس او التاريخ او القراية عموما والكتب والروايات وكدا انا بحب المجالات دي جدا جدا واكيد هحب اتعرف علي اشخاص تفكيرهم قريب منى ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ...عرض المزيد

5 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع