محتارة أوي أعمل ايه في حياتي بعد التخرج

Strawberry_70616 🇪🇬

منذ 3 أيام

شعور متعب

انا محتاره اوي أعمل ايه في حياتي لسه متخرجه من كام شهر و من بعد ما اتخرجت وأنا تيهه لدرجه إني مستلمتش لسه الشهادة من كتر ما انا بهرب من الحقيقه معتش عرفه اعمل ايه اشتغل ولا اتجوز و ساعات بميل لأني اتجوز و استقر و اعمل بيت و ساعات إميل إني اشتغل بس مش عرفه اعمل ايه صحابي إلي قدي في منهم مخطوب و متجوز و استقر و في منهم بداء يشتغل بس لما باجي أشوف حياتهم برضو مش هو دا إلي ببقي عيزاه بيبقي شغلهم أصلا بره التخصص أو شغل مش حباه و إلي متجوز ببقي شايفه طبعا أن وضع جوزهم دا مش مناسبني بس علي الأقل بيبقو عملو حاجه عيزنها أو مختارنها انا مش بابص ولا يقارن حياتي با حياه حد نهائي بالعكس إلي هما فيه مش عجباني بس خايفه أوافق مثلا علي حد أو جوازه مش عجباني لمجرد أن مفيش رجاله كويسه في الزمن دا و كدا فا أرضي با أقل الخساير أو شغلانه مش حباها عشان أهو اسما بشتغل اعمل ايه بجد تعبت

أنا عيل ضعت مع صحاب السوء وعلاقتي بيا بابا انتهت

انا ولد عيد ميلادي لسه مش عدى عليه شهر انا تميت ال ١٣ سنه في شهر ٨ ٢٠٢٥ و كنت مريت من سنتين با اوسخ حجات حد في سني ممكن يعدي بيها ده با النسبه ليا يعني عرفت صحاب سوء و شربوني سجاير و علموني قله الادب و كل ده و انا عندي ١١ سنه اصلا يعني على الاقل كان يحصل لما اكبر حيه حلوين و ابويا مسك فوني ساعتها و عرف انهم شربوني سجاير و بقول اوسخ الكلام و عمل زي اي اب ممكن ممكن يعرف ان ابنه عمل كده طبعا علقه موت و كان عاوز يشغلني صبي ميكانيكي بس قرر انه يديني كمان فرصه و الفون اتسحب مني سنه مثلا و قطعت علاقتي با العيال الي كنت مصاحبهم دول و ابويا فضل السنه دي كلها مش طايق حته يبص في عيني و هو طبعا من حقه يديني العلقه الموت الي اجدتها و كل الي عمله ده بس انا كان نفسي يسالني انت عملت كده ليه مش اكتر و انا ساعتها كنت مجرد عيل صغير عايز يستكشف يعني ايه سجاير و عايز يشتم زي صحابه عشان لو مكنش عمل كده مكنتش هيبقى عندي صحاب و انا ساعتها مكنش عندي صحاب فا اول ما جت ليا فرثه اني يبقى عندي صحاب بس با شرط اني اعمل زيهم وافقت على طول و بعد سنه من الموضوع ده الفون رجع ليا و ابويا بدء يرضى عني و يسامحني بس هو مكنش يعرف اني طول السنه دي كنت برضو بشتم و بقل ادبي و بعمل كل ده بس في الشارع و هو عمل حاجز بيني و بينه اني مش اعرف احكيله تي حاجه بتحصل في يومي او مصاحب مين و مش اعرف اعمل اي حاجه بيعملها اي اب و ابنه طبعين و بعد ما اخدت التليفون بدات بقى في حاجه جديده الكلام ده و انا عندي ١٢ سنه بدات اني اكلم بنات على التيك توك و ارتبط و كل الحجات دي و ابقى قليل الادب برضو و لتاني مره ابويا يكون عايز يمسك تليفوني بس المره دي هو الي قالي هات تليفونك و انا اول ما سمعت الكلمه دي كان نفسي الارض تتشق و تبلعني جبت له التليفون هو كان خايف يفتحه لا يشوف حاجه يتصدم مني بيها و فعلا مش فتحه و انا قولتله اني ليه بشتم بس مش قولتله اني بكلم بنات و الحمد الله المره دي مكنش فيها ضرب و اخد التليفون تاني و قالي روح صلي الظهر فا سمعت كلامه و روحت صليت في اوضتي و انا قاعد بدعي انه مش يعملي حاجه و يسامحني و ان كل الي حصل من دقيقتين ده يعدي كانه مش حصل و انا بصلي دخل عليا الاوضه و هو متعصب و صوت نفسه كان عالي و جه وقف ورايه و انا حاسس با كل ده و انا راكع و قاعد بعيط و خايف لا يعملي حاجه و انا ساعتها مكنش فا حمل لاي حاجه ممكن تحصلي و خرج برا الاوضه من غير ما يعملي حاجه و نزلت عشان كان عندي درس و انا دايخ و مش مستوعب ايه الي بيحصل حواليه و عايز اليوم ده يعدي با اي طريقه ممكنه و علاقتي انا و ابويا بقت بارده اوي و هو بيقى بيسافر كل اسبوع شغله و يرجع و كام بوم و يسافر تاني و بقيت اتمنى ان مده سفره دي تطول و لما يجي بتمنى ان مدته تقل مش عشان مش بحبه ولا مش عاوزه يقعد انا كده كده بحبه مهما حصل بس انا مبقتش عايز وجع دماغ و محدش هيفهمني خالص في الكلمه دي و بعد كام شهر اخدت التليفون تاني و كلمت بنات تاني برضو زي الحمار مش بتعمل من غلطتي و في يوم كنت نايم لقيت امي حايه تصحيني با زعيق و بتوريني حساب بنت من الي بكلمهم و بتقولي تعرفها طبعا انا قولت لا و امي وريتني اسكرينات من شاتي انا و البنت دي با اوسخ الكلام برضو و انا برضو بقول اني مش اعرفها و للي بيسال امي عرفت منين البنت هي الي دخلت كلمتها و المره دي التليفون مش اتاخد و مسحت التيك توك و يقيت استعمل انستا و لما ابويا رجع امي قالتله و ابويا اتعامل معايا المره دي بكل هدوء و قالي نضف تليفونك و شيل من عليه الباسورد عشان انا همسكه كمان كام يوم و هنزلك عليه حاجه اعرف منها انت بتعمل ايه على التليفون و مش هاخدو منك فا انا قولتله لا جدو انا عايز اتخلص من اللعنه دي قالي ماشي هاخدو كمان كام يوم برضو و نضفه عشان كده كده همسكه قولتله ماشي و جه اليوم الي المفروض ياخد فيه الفون كان يوم جمعه فا نزلنا نصلي و سبت الفون في البيت و انا عامل كل الحجات الي قالي عليها نضفت الفون و شيلت الباسورد و الخطبه كانت عن الاطفال و استعمالهم للفون و كده يعني الشيخ لو قاصد مكنش عمل كده و بعد الصلاة انا و ابويا مروحين مع بعض فا و احنا ماشين قالي انه مش هياخد الفون و انه مش هينزل عليه الرنامج و قالي خلي في بالك ان ربنا شايفك و انت بتعمل ايه و طلعنا البيت و التليفون فضل معايا فعلا و انا برضو فضلت اعمل نفس الحجات و زياده كمان و بقيت اعمل العاده السريه من قريب و انا مش عارف اعمل ايه في حياتي و علاقتي با ربنا ضعيفه جدا ولا بصلي ولا بعمل اي حاجه و ضعيف جدا في الدراسه انا مش عايز حل انا بس كان هيحصلي حاجه لو مش حكيت . ...عرض المزيد

0 الدعم

5 نصيحة

أنا غبيه أوي ومش قادره أرجع لربنا

انا غبيه اوي انا ازاي بعيده عن ربنا كدا ومش عارفه ارجعله انا في يوم من الايام كنت بستنى الاذان بفارغ الصبر عشان اصلي وكنت بستناهم يناموا عشان أقيم الليل أنا ربنا مش حابب لقائي من ساعه ما بعدت عنه وكل حاجه باظت ومش مرتاحه في حاجه مش قادره اتبسط وانا مستاهلش كل ده وانا حتى الصلاة مش قادره اقوم اصليها اللي من صحابي قرب يختم وانا لسه حافظه اربع اجزاء بس شكلي عبيط اوي حتى تركيزي ودراستي ضعفت من كتر النوم ومسك التليفون وسمع الاغاني وبعدي عن ربنا انا بعيده عنه ومش قادره ارجع له وحرفيا مش طايقه نفسي كدا ...عرض المزيد

6 الدعم

8 نصيحة

حيرانه بين شغل مرهق والخدمة العامة - هاخد خطوة ولا لا؟

أنا لسه متخرجة، وفي فرصة شغل حلوة اني اشتغل كمعلمة في مدرسة مجتمعية لكنها مرهقة شوية (بركب حوالي 3 مواصلات وباخد ساعتين ) ، وفي احتمال أندم لو دخلتها ... (انا لسه ماخدش الخدمة العامة وعلي حسب الشغل احتمال كبيرا ملقيش وقت اخد الخدمة العامة ، وحتي لو اخدت الخدمه العامة من المدرسه اللي هشتغل فيها ممكن ميعجبنيش الوضع ومكملش ) خايقه من اني اشتغل وامضي العقد (مش هقدر الغي العقدر غير لما اكمل ترم دراسي 4 شهور ) وفي خطط تانية كنت حطاها قبل ما تجيلي فرصة الشغل ، التقديم ف الخدمه العامة يفتح شهر 9 كنت هقدم ف مكان واخد الخدمة العامة هناك، وكنت هكمل باقي كورسات اونلاين ولو لقيت شغل بدوام جزء هشتغل انا دلوقتي حيرانه امشي علي حططي ولا دي فرصة ممكن متتعوضش ؟ ...عرض المزيد

1 الدعم

8 نصيحة