خوف من الجواز

Cookies_68867 🇪🇬

منذ أسبوع واحد

شعور مرتبك

سلام عليكم ... انا عندي خوف مرضي من الإرتباط و الجواز يعني العلاقات بشكل عام .. دا حصل بسبب بابا و انه عمره ما اداني اى مشاعر حنية و لا آمان ، قهر و تعب بس ف اتعودت على كدا و معنديش اى علاقات سابقة بسبب كدا و اى علاقات عموما بخاف و عقلي بيتلغي و بعمل بلوك لاى شخص بيحاول يتواصل معايا بس الموضوع دا خا

Lemon_70080 🇪🇬 وهتخلي عقلك سابق لسانك وسابق قلبك وسابق افعالك اتمني اكون قدرت ابسطلك الفرق سريعا ببن الخوف علي نفسك والخوف من نفسك والخوف من الغير والفرق بين الخوف الايجابي والسلبي

عرض الكل 10 نصيحة

Mushroom_29289 🇪🇬

منذ أسبوع واحد

شعور مرتبك

عبّر عن شعورك بشكل مجهول

جماعة انا في سن أقل من سن الجواز شويه اللي هو دفعتي في كتير منها اتخطب والناس اللي مكنوش ثانويه عامة مخلفين كمان المهم أنا خايفة من فكرة الجواز جدا مع اني حابه فكرة اني اتخطب واحب حد وحد يحبني بس انا من وانا صغيرة فعلا مش بيكملي علاقة صداقة ابدا يعني بتعرف على واحده مثلا وبحبها جدا ويبقى مبهورة بشخصيتها وكل حاجة وفي نهاية السنه الاولى من صحبيتنا المثالية ببدا اشوف عيوبها لدرجة أن لحد دلوقتي مفيش اي علاقة صداقة بتستمر معايا اكتر من سنه ونص انا عارفة أن مفيش انسان كامل بس في كل مرة ببقى العيوب دي مش قادرة اتحملها لدرجة ان الصداقة المثالية دي بتتحول تلقائي لكره من طرفي للشخص التاني ومهما كانت الصداقة دي اكتر من واحده او واحده بس ديما بعد سنه واقل كمان ببقى مش قادرة اكمل 
المهم أنا خايفة اني اتخطب أو اتجوز ويحصل نفس الموضوع ونطلق وفعلا انا نهيت علاقات كتير في حياتي بكامل إرادتي عشان خلاص فعلا ببقى مش طايقة الطرف التاني خلاص 
حاجة تانيه اني مش بعرف اخد على الناس بسهولة انا اه بحكي حاجات بسهولة وممكن اول مرة اقابل فيها حد اعد احكيله حاجات مينفعش تتحكي الا في علاقة واضحه (انا بقول علاقة بس بيبقى قصدي صداقة بين بنتين او اكتر بس ) بس مع اني حكيت الحاجات دي ممكن نتقابل تاني مرة وانا هبقى مش مرتاحة وهحكي برده حاجات عشان مش بحب الصمت بين الطرفين  ومش هبقى مرتاحة الا لو الطرف التاني كان مصر أننا نتعرف ونتصاحب وهتعود عليه بعد فترة وانا متربية على اني مش بتعامل مع ولاد حتى صحاب اخويا عمري م اتعاملت معاهم وقرايبي الولاد كان في خلافات بنا (قصدي بين العائلات) ف برده متعاملتش معاهم يعني ابن عمي مثلا اللي في سني ومعايا في نفس الكلية ودلوقتي مبقاش في اي خلافات بس خلاص مش هعرف اتعامل معاه انا ممكن اعد اتكلم مع بنت في أول مرة نتقابل إنما ولد اول مرة نتقابل زي قرايبي بيبقى صعب جدا اتعامل وفي الغالب ببقى قاعده ساكته ف مش فاهمه حته أن شخص يكون جاي يتقدم عشان مثلا سال عني ودي بنت كويسة ومناسبة واتقدم او عاجباه مثلا كشكل وسأل وجه اي كان وبابا واخويا سالو وده شخص كويس وانا قعدت معاه وصليت استخارة وارتاحت اني تاني يوم بعد الخطوبه اني اكلمه عادي جدا كاني عارفاه بقالي كتير واحكي مثلا يومي طبيعة دراستي أو شغلي صحابي اخواتي هبقى فعلا مش عارفة اتكلم ولا حتى اتناقش في مواضيع عادية هدي موافقتي وخلاص في الموضوع حتى لو مش موافقة عشان محرجة انا بشوف الناس اللي اتخطبو بيبقو عادي جدا كأنهم عارفين بعض بقالهم كتير انا مش هعرف ابقى كده 
بمناسبة الاحراج بما اني متعاملتش مع أي ولد قبل كده ف الاحراج هيبقى بطريقة غريبة لدرجة اني أصحاب المحلات اللي كل علاقتي بيهم أنهم بيتعاملو كويس بس وانا بحتاجلهم عشان اشتري اي حاجة انا حتى في دي بتحرج اتعامل معاهم وفعلا مثلا سوبر ماركت روحته مرة وعادي مفيش اي حاجة بس انا مجروحة اروحه تاني مش عارفة ليه حتى وبلف كل المحلات لحد م خلاص ببقى مضطرة اروحله تاني محل مثلا زي محل موبايلات كل اللي شغالين فيه بيبقو رجالة بتحرج جدااااا ادخله الفكرة أن وانا صغيرة في الفترة اللي قبل م ادخل فيها الابتدائي والدي اتخانق مع اخواته واحنا اللي كان عندنا الحق بس كل اخواته مرة واحده قاطعونا وبعدها والد مامتي ميت من قبل م مامتي تتجوز بكتير جدا وكان عندها اخوات لسة معهومش بطايق حتى ف اتفقوا أن الورث مش هيتوزع الا م جدتي تموت ويبقو الاتنين مع بعض  ف بعد م هي اتجوزت جت في فترة كانو محتاجين  فلوس جدا ف ماما طلبت ورث والدها ف اتخانقت هي واخواتها ال 7 والموضوع كان كبير اوي وجابو ناس كبيرة تشوف الموضوع وتحله وفعلا ماما خدت جزء من ورثها اللي كانت محتاجاه بس قصاده اخواتها ال 7 قاطعونا برده بعيالهم بكل حاجة ف برده فترة الابتدائي لحد م كبرنا انا متعاملتش مع أي ولد + أن اخويا ما شاء الله هو صحابه ما شاء الله كتير حوالي عشرة كده بس كلهم محترمين ف لما بيتجمعو بيختارو واحد معندهوش اخوات بنات عشان ميضايقوش حد في بيته ولا يعملو فتنه بينهم وكده وانا موافقاه مش بلومه + تحذيرات ماما الشديده جدااااااا ليا لما كنت صغيرة عن الولاد ومينفعش لدرجة اني عندي 20 سنه مش بعرف اتعامل مع ولد خالص حتى لغرض وخلاص الموضوع يخلص حتى دفعتي عمري م اتعاملت مع ولد الا لأسباب شديده جدا أو حد يبقى فارض أني اتعامل معاه في موقف وخلاص 
في سبب كمان مهم جدا اني غير اني بتحرج اني بخجل لدرجة أن الجو حر ناار وفي البيت مش بلبس حتى بنص كم انا متعوده على كده وده كان لبسي وانا صغيرة ف كبرت على كده لازم البس بكم وواسع  ولو اضطريت البس بنص كم ببقى مش مرتاحة خالص ويتصرف واجيب هدوم بكم حتى لو من دولاب ماما 
في حاجة كمان أن ماما تعد تتكلم في الموضوع ده وتقول هتتجوزي ازاي والحاجات دي ديما تقولي لازم تبقي مثالية وخفيفة في كل حاجة في الطبيخ الترويق الحاجات بتاعت البيت عامة وكل ده ليه عشان اعجب الشخص اللي المفروض اتجوزه مش عشاني ولازم تعملي كذا عشان ميطلقكيش ولازم كذا عشان ميرجعكيش غضبانه وتطلقي والحوارات دي كلها وفعلا مفيش جملة تجيب فيها سيرة الجواز الا وتجيب سيرة الطلاق ملازماها مع أن مامتي نفسها مش عايشة الحاجات دي كلها يعني بابا شخص محترم وماما عمرها م غضبت عند اهلها بقالها حوالي 25 سنه متجوزه ومفيش خلاف بيعد اكتر من نص يوم الحمد لله وبابا عمره م ضربها ولا هانها ولا الحوارات اللي ماما بتهيقهالي دي وطبعا الكلام بتاع الهزار البايخ اللي هو انتي هتتجوزي وترجعي بعد نص ساعة والكحك بتاعك مش هيلحق يتوزع والكلام البايخ ده وتعد تقولي انتي مفكرة الحياة بعد الجواز ايه ساعات بتبقى من قلة الماية اللي بشربها يطلعي علامات تمدد مع اني مش تخينه ولا حتى بتخن بس علامات عادي ماما في مرة شافتها قعدت تقولي انتي هتتجوزي ازاي جوزك هيقرف منك والكلام ده ودايما بقى تقعد تقولي مفيش جوز بيساعد مراته انتي لازم تعملي كذا ولازم ولازم مليون لازم ومليون مسؤولية وانا بس اللي شيلاها وهو المفروض يجي من شغله يلاقيني جيت من شغلي (كليتي ليها تكليف) والبيت متروق والأكل جاهز وكمان بربي العيال انا طبعا مش زي البنات اللي تعد تقول لازم يساهم وهو بيشتغل وانا بشتغل والحوارات دي انا بس كل اللي بطلبه أن حد يكون بيراعي أني جايه من الشغل لسه بطبخ وانا بروق وبغسل الهدوم وبسكت في العيل ده وباكل ده كل اللي عاوزاه أنه مثلا يجي يسكت عيل أو يعمل اي حاجة في أوقات ببقى تعبانه وللاسف التعب ده كل شهر مش على فترات متباعدة عشان الرحم عندي معكوس(حاجة زي اللي بيكتب بايده اليمين واللي بيكتب بايده الشمال) ودي مش هتبقى مشكلة في الخلفة أو حاجة ده كل الموضوع أن الحمل هيبقى صعب وكمان البيريود لما بتجيلي بتوجع اوي لدرجة أن أول يومين ببقى طول اليوم نايمه تعب ووجع وباخد مليون مسكن الفكرة ان الدم بيمشي مسافة كبيرة وبطريق معكوس عشان كده الوجع التقيل ده وده كلام دكتورة حتى مش كلامي ماما بقى تعد تقولي والأكل والشغل والعيال والترويق وووو كتييييير انا فعلا ببقى مش بتدلع زي م بتقول انا حتى لو شربت بق ماية أو كلت أي حاجة برجع 
في حاجة كمان اني ديما بشوف اخويا ديما بتشرط على اي حاجة وبيرفع صوته وبيتخانق معانا بسهولة جدا ولما بنتخانق انا وهو فعلا بنعد حوالي شهرين تلاته مش بنتكلم ومتجنبين بعض ف خايفة برده الشخص اللي المفروض جوزي يبقى كده عمري م هعرف اننا نبقى متجوزين في نفس الوقت كده 
في حاجة كمان اني كل م تيجي سيرة الجواز في البيت اقول انا عاوزه خطوبه سنتين عشان اول سنه انا هبقى مبهورة بيه وشخصيته وكل حاجة زي اي واحده كانت صاحبتي وبعد فترة هبدا اشوف عيوبه ف انا بقول يبقى سنتين عشان اصلا هاخد فترة كبيرة على م اعرف اتعامل معاه وكمان على م اشوف عيوبه وأشوف ايه اللي هعرف اتعامل معاه وايه اللي خلاص ننهي الموضوع يرفضو رفض قاطع وبزعيق على احنا معندناش خطوبه اكتر من سنه ومينفعش والحوارات دي 
مش عارفة بصراحة أنا محتاجة نصيحة على ايه بالظبط بس انا خايفة عموما وزهقت من كتر م بفكر في الموضوع ده لوحدي واقدم اقتراحات لنفسي ف قولت اتكلم 
اسفة جدااا على الإطالة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_66883 🇪🇬

منذ أسبوعين

شعور مستنزف

عبّر عن شعورك بشكل مجهول

انا يعتبر المرتين الرسمي اللي كانو ف حياتي كل واحده فيهم عملولي فوبيا من حاجه او من حاجات ب أسبابها 
يعني اول رسمي كان فوبيا من جوز الاخت والاب 
اولا كده الاب ملوش رأي وكان بيجري علي جوز اخت مراته بحيث انو هو مجوز بناتو الاتنين وعامل فيها فاهم وعارف كل حاجه ومن اول اعده كان جايبلي فيها جوز اخت مراته انا قفشتو عشان كان بيتكلم ف اتفاقات علي مزاجه وأبوها ساكت
أما بقا جوز اختها كان عامل فيها شبيح العيله واللي مجاش منو اتنين
أما العلاقه الرسمي التانيه طلعلي خازوق وعملي فوبيا اسمو امها وكانت من النوع بتاع المظاهر والمناظر اللي علي الفاضي وطبعا (اقلب القدره علي فمها تطلع البت ل امها) حرفيا بقا ف البنت من امها ب ليفل اعلي وده كان سبب من اسباب الفشكله
فوبيا تاني كان ف العلاقه دي بردو ابوها كان مهمشين شخصيته اوووي كانو معملينو معامله البنت المتنقل 
وفوبيا تالته العيله كلها كان علي طول اعدين عندهم وسهر وخروجات ف اوقات غريبه لدرجه اننا مكناش بنتكلم اصلا كان آخرها روحت نزلت رجعت وشكرا
طبعا كل ده ف العلاقتين جزء من أجزاء المشكله
وده عملي فوبيا في حتت الخطوبه عمتا والحواز بقيت شبه عندي خوف وبشيل الحوار من دماغي الحمدلله على كل حال وكل حاجه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Marshmallow_37898 🇪🇬

منذ أسبوعين

شعور قلق

انا عندي 25سنه وبخاف من الشخص اللي ممكن اتجوزو بخاف من فكره الجواز بكل تفاصيلها ومش بحس اني ملهوفة لجواز زي كل الناس اللي ف سني ومش قادره اشوف حد مناسب ليا وبخاف من كل الشباب ومش قادره احس ان في حد يطمن لدرجه اني اتجوزه واسيب اهلي وبيتي واروح اعيش معاه ديما بتجيلي سيناروهات سيئه وبقعد افكر طول الوقت

Cherry_59421 🇪🇬

منذ 3 أسابيع

شعور مهتم

هو فعلا ممكن لما اتجوز اتطلق او جوزي يكرهني بسبب لون الأماكن الغامق؟ لاني سمعت وقريت قصص كتير عن كدا وخايفة اوي ومع اني فعلا بهتم كويس جدا بنضافتي الشخصية بس حاسة اني مستحقش اتحب بسبب الموضوع دا حرفيا وعشان كدا رافضة الجواز

Carrot_67634 🇪🇬 مفيش الكلام دا، القصص دي قصص ناس مش ناضجة هو متجوز عشان اسف في الكلمة الحنs بس؟ أكيد لأ. والاماكن دي الطبيعي بتكون أغمق من البشرة بدرجة أو 2 وليها كريمات تفتيح عادي بس بتفتح للون الطبيعي مش بتخليها بتلمع يعني بتفتح لو حصل غمقان بسبب احتكاك اللبس أو ليزر أو أي حاجة لما تختاري زوج ليكي شوفي اللي عنده أخلاق ودين و بيصلي وبيبر بأهله ... مش أي حد وخلاص ولو عايزة اقولك

عرض الكل 15 نصيحة

Popcorn_69069 🇪🇬

منذ 3 أسابيع

شعور مرتبك

عبّر عن شعورك بشكل مجهول

انا في حيره من امري الفتره الاخيره او تقريبا من بعد ما بقيت مستنيه نتيجه تخرجي وانا قاعده افكر هعمل ايه بعد ما تظهر هشتغل ايه ف مجالى ولا ابعد عن مجالى نهائي واشوف شغل ارتقي بيه وهل ممكن امشي فكلوا ولا هبقا بضحك على نفسي وما بين اني كشتغلش خالص واقعد ف البيت واستني يبقا عندي بيت واسره وحياه احبها وتحبني ومابين اني اصلا بوردرلاين فانا مش عاوزه اتجوز وخايفه من الجواز بس حاطه امل انه هيبقي حاجه حلوة اوي هحبها اوي لما اشوفه واتعامل معاه هتخليني ابقا شايفه انه هو ده شريك عمري اللى جاي فانا محتاره وامي واخواتي البنات واخويا الصغير مش عاوزني اسافر واشتغل واحقق نفسي وكل الحاجات اللى بحلم بيها واخويا الكبير شتيف انه لا محدش ينفعك وانه لازم تشتغلي على نفسك وتطوري ومتقفيش ومتسمعيش كلامهم فده واعملى اللى عاوزاه وارجعي اقعدي ف البيت بعدها كده كده هتجوزي بس يبقا معاكي حاجه لو احتجتي تشغلي نفسك تعملي ده انا زمان كنت دخلت كليتي ظي عشان عاوزه اشتغل يبقا معايا فلوس واجيب لنفسي كل حاجه بحبها ومفكرش فان ايه ده انا مينفعش اصرف ده واحس انه كتير عليا اصرف يبقا معايا فلوسي واحوش وغيرو بس انا مش عارفه ابدء وبفكر اتعلم انجليزي بس تعبي مخليني مش قادره اعمل حاجه وكمانبقيت احس نفسي مش عاوزه اتكلم او افضفض لاني ممكن مبقتش سهل عليا اسمع الناس رغم ان عندي استعداد وبحب اسمع اللى حواليا بس اتقالي مره اني انانيه عشان بتكلم عن اللى بحسه كتير رغم اني مكنتش كده غير مع الكل بس اتقالتي ومن وقتها بفكر هو انا فعلا انانيه ومينفعش اتكلم عن حياتي ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Watermelon_58589 🇪🇬

منذ 4 أسابيع

شعور منزعج

انا عندي 33 سنة وخائف اتجوز لاني مش عايز اجرح انثى الانثى بالنسبة لي زى الملائكة ، أكثر حاجة بتكسر نفسيتي موضوع العلاقة ، اخاف اوي على البنت اني اعمل معاها كده ، وبحس بيها قد ايه بتوجع سواء في العلاقة أو الولادة النصيحة يرحمكم الله

Cookies_67754 🇪🇬 نصيحتي ليك انك تنشف ، الستات مبتحبش الواد الطري. ومش قصدي اي إهانة معنديش حاجة شخصية ضدك.

عرض الكل 4 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Pineapple_65613 🇪🇬

منذ شهر واحد

شعور محبط

انا بنت اتخطبت قبل كده وخطيبي الاول كنت بحبه جدا ولكن محصلش نصيب وجربنا نرجع تاني وانحديت الدنيا كلها وأهلي وكل الناس عشانه واتنازلت كتتتتير اوي عشانه وفي آخر موقف معايا قبل منرجع رسمي قالي هسيبك بسبب موقف عبيط بعد كل البي عملتهوله سابني عادي للاسف مش عارفه اتخطاه رغم اللي عمله معايا ومش عارفه ابدا

Almond_63696 🇪🇬 انا مش هقدر احكم عليكي منغير معرفك لكن ازاي؟ ازاي ممكن تكوني لسه بتحبي حد عمل فيكي كدا ومش عارفه تتخطي؟ يعني بتحسي ب ايه مش فاهمه بتحسي انك عايزه الشخص ده؟ طب ولما بتفتكري ان هو ندل كدا وبياع ومشتراكيش بتبقي بردو عايزاه؟ احنا كبنات مفيش اهبل مننا والله

عرض الكل 22 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Donut_63791 🇪🇬

منذ شهر واحد

شعور محبط

عبّر عن شعورك بشكل مجهول

الموضوع غريب شويه بس بدون مبالغة بقيت بحس أن الأيام دي و الزمن ده مبقاش فيه رجاله يعتمد عليها و يقدروا يشيلوا المسؤلية كلهم عيال حتى لو المفروض انهم كبار و ناضجين و معديين سن المراهقه لدرجة اني بقيت متعقدة من فكرة الجواز من كتر المشاكل و التعقيدات اللي بشوفها ف العلاقات اللي حواليا بحس أن الولاد كلها بقت بتتسلى عندي خوف دايما اني ادخل اي علاقه بحس أن الرجاله كلهم كدابين و بيتغيروا بمرور الوقت ( بعيدا عن أن الارتباط بدون شئ رسمي حرام طبعا و الموضوع ده مرفوض بالنسبالي بس بتكلم أنه حتى لو الموضوع رسمي و الواحد جاي يخطبني هبقى خايفه بردو ) بحس أن الواحد حتى مع خطيبته ممكن يكون كداب أو حتى مراته يعني وصلت بيا احس أن الواحد ممكن يبقى بيتسلى حتى بعد ما يخطب أو يتجوز معرفش ازاي بس من اللي بشوفه والله يعني ايه يبقى واحد خاطب أو متجوز و يروح يكلم واحده تانيه أو يتجوز ع مراته مثلا حتى لو خطيبته أو مراته مش مقصره معاه ف حاجه يعني بيعمل كده كأنه إرضاء لغريزته مش اكتر و ملهاش مبرر غير أنه شخص مريض ، كل اللي بحس بيه ده مش من اللاشئ ده من اللي يشوفه و بيحصل قدامي مع اصحابي مثلا بعيدا عن اللي بشوفه ع السوشيال ميديا العلاقات تبقى ف الاول الكل شايفها مثالية اوي خصوصا وقت لما يكون الارتباط مش بشكل رسمي  و بمرور الوقت او بعد ما تحصل خطوبة تصرفات الراجل خصوصا بتبقى غريبة و غير مبررة ( اه احيانا ممكن التغير يبقى من البنت بردو بس انا بتكلم ع اللي بشوفه قدامي واللي وصلني ل كده ) و بعد كل ده طبعا الموضوع بينتهي بالأنفصال بجد بتصعب عليا اوي العلاقات اللي بتنتهي بالمنظر ده وأنهم ازاي هان عليهم يفرطوا ف كل ده بالسهوله دي و ايه سبب التغير الغريب ده اصلا و ازاي نبقى واخدين عنه فكره أنه راجل و ناضج و داخل جد و بالفعل يتقدم للبنت بس بعدها يتغير تغير جذري لدرجة أننا نحس ان الفكره اللي كنا واخدينها عنه ف الاول كان بيضحك علينا بيها أو عشان يقدر يقنعنا و نصدقه ف ليه بجد كل ده و ايه اللي يخلي راجل يتغير بالطريقه دي بلا مقدمات و فجأة كده ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_58489 🇪🇬

منذ شهرين

شعور قلق

Watermelon_58563 🇪🇬 ليه شاغلة نفسك بالموضوع اوي كده ده نصيب وهيجيلك فوقتة المناسب

عرض الكل 18 نصيحة

عبّر عن شعورك بشكل مجهول

انا مشكلتي انا خايفة ماتجوزش
خايفة مالاقييش الاستقرار ال نفسي فيه وخايفة العمر يجري بيا واضطر بعدين أقبل بحد مش عاجبني
انا عندي 25 سنة لسه
شغلي من البيت ومش بخرج الا لو في حاجة.. خروجة مع اصحابي. او زيارة لقرايبنا كل فين وفين او اشتري طلبات للبيت
أماكن محدودة جدا مع ناس معروفة بالنسبالي
كل الناس لفتت نظري للحتة دي ان انتي عايزة حد يشوفك ويعجب بيكي وانتي مش بتخرجي
كلامهم منطقي
بس  مش بيتقدم حد مناسب ولا في مجال ان حد يشوفني
طب اعمل ايه؟
معظم الناس ال حواليا برده عندهم مشكله ياما ب بيتجوزوا حد عارفينه من قبل الجواز او بيبقبلوا باشخاص هما مش مبسوطين معاهم ومش شبههم عريس والسلام يعني.. ياما فعلا قاعدين ومفيش حد

حتي زمان من كام سنة كان في ولاد بتعجب بيا وفعلا ارتبط بشخص واتخطبنا وانا ف الجامعة بس ماكملناش
دلوقتي مفيش حد بيعجب بيا ولا في شخص مناسب بيتقدم ومناسب دي اقصد بيها يعني يكون متعلم كويس او عنده عيشة كويسة مش بتشرط يعني

لدرجة ان جالي احساس ان اهلي مش بيقولولي علي الاشخاص الكويسة ال بتتقدم وبيقولولي بس علي ال مش مناسبين..ساعات بيحيلي الاحساس دا وساعات بحس لا دا اكيد وهم
لاني كنت مخطوبة سنتين وماجهزونيش خالص بأي حاجة ومره جه حد كويس قعدوا يقنعوني ان لا ماوافقش عشان اسلوب ابوه في المكالمة مكنش عاجبهم انه بيتكلم عن الفلوس زيادة (فهموها مغرور يعني او بيتمنظر بفلوسه)

والشخص ال اتخطبتله كان بطلوع الروح ولما لقوني موافقة اتقالي ب اللفظ طب شوفي مين بقي هيجهزك

عايزة احس اني زي البنات مرغوب فيا من شخص عاجبني.. وبدعي دايما ف الصلاة وبقرا قران قد مابقدر 
وبحاول طول الوقت ماعملش حاجة غلط واحافظ علي نفسي ومشاعري للانسان ال هيبقي زوجي بس شايفة في المحيط الي انا فيه بنات كتير فوق الي 30 من غير جواز وبنات كتير متحوزين جوازات مش شبههم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_57113 🇺🇸

منذ شهرين

شعور متعب

دلوقتي انا وهو بنحب بعض وكلو تمام وبيتعصب كتير بيقول الفاظ زباله ليا ويرجع يعتذر وبعدين اسامح ويرجع يعيد نفس اللي عملو بحجه انو متعصب ومضغوط لكن حاليا الأمر زاد سوء الالفاظ بقت تدخل ف كل كلامو ف الشات لو بيشرح شئ يشتم وبجد انا حاسه اني هكرهو بسبب كده اصلا ولما رديت عليه بنفس اسلوبو زعل واضايق وبدء ي

Lemon_59270 🇺🇸 نصيحة سيبيه فورا مع الوقت هيحولك لمريضة نفسيا والله ومش هتعرفى تتعافى اهربى دا ابتلاء مش حب

عرض الكل 19 نصيحة

Banana_65230 🇪🇬

التفاهه أجمل شيء في الكون.. مين يتفق معايا؟

الفترة دي من همي مقضيها ضحك وهزار وتريقه علي كل حاجه حواليا حتي اللي بيكلمني بجد بكلمه بهزار وكل حاجه بسمعها بعمل منها نكته مفيش مانع ابدا لا يعيب المرء في قليل من الاحيان ان يكون شخصاً تافهاً التفاهه اجمل شئ في الكون مين يتفق معي😂😂😂 انا في انتظار شخصاً تافهاً يشاركني تفاهتي لنجعل ايامنا بمشيئة الله كلها تافهه سوياً togather تو جزر 🥕😕😂😂😂🐬 ...عرض المزيد

0 الدعم

0 نصيحة

Orange_74821 🇪🇬

أنا مش عارف عايز إيه ولا عارف بعمل إيه.. عشوائي!

انا بشوف هنا وما وراء الأقنع شخصيت حقيقية مش بشفها في الواقع.. كل الي بيمر بمشكله بيحسس الواحد انها نهاية العلم! الكلام دا مش صح انها ضعف الشخصية ضعف الذات مش عارف انا عايز اي ولا عارف انا بعمل اي عشوائي.. من تصرفات تعاملات مقارنات خزي وتجرد من الإنسانية وكائننا خلقنا ملائكة لا بشر نخطاء ونصيب مش عيب ولا حرام اننا نغلط ولا عيب انن نبطل غلط لانن مش كملين بنحول نفهم الناس وبنسس نفهم نفسنا.. الخلاصه دور ع نفسك ذكيها وطورها وقوي من شخصيتك.. احنا ضعاف ادام ربنا بس مش دام انفسنا اقف انت وهي علي رجلك لو عملت ذنب اسغفر ارجع وانتي لو عملتي مصيبة انت بشر مش ملاك كلو بيغلط بس المصيبه القهر انن ندفن نفسن بس واحد ضعيف غلبان كل الي بيملكو لسان ثعان غايتو في الحياة ان يكسرك وانت اصلا مبتتكسر غير للخلقك.. #افهم نفسك😉 ...عرض المزيد

0 الدعم

0 نصيحة

Orange_51919 🇪🇬

كرهت شغل الكسيلز وحاسس إني لوحدي

نزلت اشتغل فى شغل كسيلز كرهت نفسى شغل مش احسن حاجه اول مرة اشتغل وكمان تعامل مديرة مش الذ حاجه وكذا مرة عملت خناقات كتير بقيت بحس مفيش اى مصداقية فى اى حاجه رغم اول ما روحت الشغل ده روحت علشان فى كذا حد من أصحاب رايح بقيت احسهم كلهم عصافير فى المكان وبقيت بحس لوحدى هما عاملين رحلة لمطروح يوم صد رد وكدا كل الشركة بالمعنى الحرفي هتروح الا انا بقيت بحس انى لوحدى مليش حد ومشكلة فى خناقات وحورات بين أهلى وانا فى البيت كل ده مخلينى مش احسن حاجه قلة ثقة فى نفسى والناس مع الشعور خلاص لامبالاة بجد لأى حاجه بتحصل ...عرض المزيد

1 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع